Devirahasya 4

Devīrahasya 4

śrībhairava uvāca
adhunā kathayiṣyāmi vaiṣṇavāṃstaccato manūn
yeṣāṃ smaraṇamātreṇa dīkṣito dīkṣito bhavet

mantroddhāraṃ pravakṣyāmi lakṣmīnārāyaṇasya te
aṣṭasiddhipradaṃ sadyaḥ sādhakānāṃ sudurlabham

(1) tāraṃ parā ca haritaṃ parā lakṣmīstato'bhidham
lakṣmīnārāyaṇāyeti viśvamante manuḥ smṛtaḥ

(2) tāraṃ ramā vāgbhavakāmaśaktirmāyāgnirādheti padaṃ vadecca
kṛṣṇāya kūrcaṃ haraṭhadvayaṃ syācchrīkṛṣṇamantro manurājamauliḥ

(3) tāraṃ parāyugaṃ tāraṃ viṣṇave viśvamaścale
devadevasya mantro'yaṃ viṣṇostava samīritaḥ

(4) tāraṃ ramā bhūtijavāksvarāśca
śaktirnṛbījaṃ narasiṃhadevam
turyāṅkitaṃ vāk taṭaphaḍvanaṃ te
prokto hi lakṣmīnarasiṃhamantraḥ

(5) tāraṃ ramārṇaṃ sakalā smaraśca
lakṣmīvarāhāya-padaṃ vadet tu
ante'śmarī vaiṣṇavadhāmadāyī
lakṣmīvarāhasya manuḥ smṛtaste

(6) tāraṃ parā bhūti ramā kucārṇaṃ
śrījāmadagnyāya sarojayugmam
āpastathānte gadito'yamīḍyo
yatheṣṭado bhārgavarāmamantraḥ

(7) tāraṃ parā ramā lakṣmīsītārāmeti saṃvadet
prasīda-yugamāpo'nte mantro'yaṃ muktikāraṇam

(8) tāraṃ mā bhūtimā mākhyāṃ vadejjanārdanāya ca
viśvamante manordevi mantro'yaṃ ripusūdanaḥ

(6) tāraṃ parāyugaṃ lakṣmīviśvakasenāya saṃvadet
kūrcaṃ padmatrayaṃ nīraṃ vaiṣṇavānāṃ sudurlabhaḥ

(10) tāraṃ parā ramā vāṇī kāmo lakṣmīpadaṃ vadet
vāsudevāya viśvaṃ syānmantro'yaṃ bhogamokṣadaḥ

idaṃ tattvatamaṃ guhyaṃ rahasyaṃ paramādbhutam
vaiṣṇavānāṃ ca sarvasvaṃ gopanīyaṃ svayonivat

Linked texts (4)