Pramāṇa · Search · About · API

Devirahasya 42

Devīrahasya 42

Language
Sanskrit

42.1

śrībhairava uvāca
adyāhaṃ tattvasarvasvaṃ rahasyaṃ paramārthadam
mantrastotraṃ pravakṣyāmi lakṣmīnārāyaṇasya te

42.2

paścamāṅgaṃ mahādevi paramārthaprakāśakam
caturvedāgamastutyaṃ bhogamokṣaikakāraṇam

42.3

guhyaṃ guptataraṃ tattvaṃ mantrarājasya pārvati
kaulikānāṃ sadā saṃvidānandarasakāraṇam

42.4

pūrṇenduvadanaṃ pītavasanaṃ kamalāsanam
lakṣmyā śritaṃ caturbāhuṃ lakṣmīnārāyaṇaṃ bhaje

42.5

kirīṭinaṃ kuṇḍalahāramaṇḍitaṃ
padmāsanaṃ śyāmamukhaṃ caturbhujam
pītāmbaraṃ śaṃkhagadābjacakrapāṇiṃ purāṇaṃ puruṣaṃ bhaje vibhum

42.6

praṇavaṃ yadi mānavo japeddharipādāmbujasevanākulaḥ
danujāntakadhāma yāti nūnaṃ paramānandamayo gatasyaḥ

42.7

parābījaṃ nutyaṃ yadi japati janturjapaśruvi
smarākrāntaḥ smārtāgamakuṭilamārgojjhitabhayaḥ
bhavet kauleśānaḥ sakalaripudāvāgnijaladaḥ
surastrībhiḥ sārdhaṃ suraviṭapivāṭīṣu ramate

42.8

vibījaṃ yo mahāmantraṃ japedānandanirbharaḥ
ānandarūpo bhavitā lakṣmīnārāyaṇapriyaḥ

42.9

vibhūtibījaṃ manurājataccaṃ
japedratānte yadi kaulikendraḥ
sa yāti devāsurapūjitāṅghriḥ
paraṃ padaṃ sarvasurairalabhyam

42.10

māvījamantaḥ paramārthataccaṃ
saccaikarūpaṃ manasā japed yaḥ
sa kāminīkāmaraṇapravīṇo
bhavedarīṇāmurudarpahārī

42.11

ramābījaṃ nāmāccarapadmayaṃ mantramukuṭaṃ
japedyo yatrāgre haricaraṇapadmārpitamanāḥ
bhaved bhrūbhṛnmaulisphuritamaṇimālāṃśunivahaprabhābhāsvatpādaḥ sa dharaṇidharendro vijayavān

42.12

nārāyaṇāyeti japenmanuṃ yo
rātrau prabhāte paramārthabījam
sa vairidāvānalavārivāho
bhavet sa gīrbhirgurugarvahārī

42.13

viśvaṃ japedyo hṛdi viśvasāraṃ
viśvambharadhyānaparaḥ prabhāte
sāmrājyalakṣmīṃ sa ripūn vijitya
labhed bhuvi svargamataḥ parāsuḥ

42.14

caturaśravṛttaṣoḍaśāra-vasupatrāśritakāśrarāśrabindau
kamalāśritamīśvaraṃ niviṣṭaṃ paramānandamayaṃ bhajāmyanantam

42.15

iti mantramayaṃ paṭhet stavaṃ yo
hṛdi nārāyaṇavallabhaṃ prabhāte
kamalā vimalāśayasya tasya
śrutiśīlasya vaśībhavatyavaśyam

42.16

itīdaṃ stotramīśāni mūlamantramayaṃ param
tava bhaktyā mayākhyātaṃ nacākhyeyaṃ mumukṣubhiḥ

42.17

paścāṅgamidamādyantaṃ lakṣmīnārāyaṇasya te
varṇitaṃ gopyamarcāḍhyaṃ gopanīyaṃ svayonivat

42.18

śrīdevyuvāca
bhagavan sarvatattvajña sarvalokahiterata
krītāsmi bhavatānena kathanenāsya śaṅkara

42.19

lakṣmīnārāyaṇasyādya śrutā paścāṅgamuttamam
mayāptaḥ paramānando dāsyahaṃ te bravīmi kim

42.20

śrībhairava uvāca
etadrahasyamakhilaṃ sarvatantreṣu gopitam
vedānāloḍya tattvāṃśca devi te kathitaṃ mayā

42.21

devānāṃ durlabhaṃ tattvaṃ paścāṅgaṃ vaiṣṇavārcite
rahasyaṃ sarvalokānāṃ sarvasvaṃ mama pārvati

42.22

aprakāśyamavaktavyamadātavyaṃ durātmane
deyaṃ śiṣyāya śāntāya gurubhaktiparāya ca

42.23

dānaśīlāya bhaktāya kaulamārgaratāya ca
mahācīnapadasthāya vaiṣṇavāya mahātmane

42.24

dattvā muktiṃ labhed devi bhaktānāṃ sukhadāyinīm
itīdaṃ paramaṃ tattvaṃ tattvāttattvaṃ parātparam

Linked texts (4)