Devirahasya 44.2-2.1

44.2-2.1

brāhmye muhūrte utthāya baddhapadmāsanaḥ svaśiraḥsthasahastrārādhomukhakamalakarṇikāntargataṃ nijaguruṃ dhyāyet | "śrīguruṃ paramānandaṃ vande
svānandavigraham | yasya sannidhimātreṇa cidānandāyate vapuḥ ||" iti natvā,
śrīguruṃ dvibhujaṃ śāntaṃ varābhayakarāmbujam
pūrṇenduvadanāmbhojaṃ hasantaṃ śaktisaṃyutam
śvetavastraparīdhānaṃ nānālaṅkārabhūṣitam
ānandamuditaṃ devaṃ dhyāyet paṅkajaviṣṭaram
iti dhyātvā daṇḍavat praṇamya, haṃsaḥ iti ṣaṭśatādhikamekaviṃśatisāhasramajapājapaṃ mūlaṃ ca yathāśaktyā japtvā, japaṃ gurave samarpya
tadājñāmādāya, bahirāgatya malādi santyajya varṇoṃkaṃ śaucamādāya nadyādau
gatvā "ūm̐krīṃkāmadevāya sarvajanamanoharāya namaḥ" iti dantān saṃśodhya, "gaṃglauṃdantaśodhanaśaktyai namaḥ" iti gaṇḍūṣatrayaṃ vidhāya, mṛdmānīya tribhāgaṃ kṛtvā, "śroṃprīṃ mṛttikāyai namaḥ" ityabhiṣicya, mūlenābhimantya malāpakarṣaṇaṃ snānaṃ kṛtvā, uṃgāṃgīṃ "gaṅge ca yamune caiva
godāvari sarasvati | narmade sindhukāveri jale'smin sannidhiṃ kuru ||"
iti sūryamaṇḍalādaṅkuśamudrayā tīrthānyāvāhya, mṛdaṃ jale kṣiptvā, punaḥ
"deveśa bhaktisulabha paricchada bhairava | yāvat tvāṃ tarpayiṣyāmi tāvaddeva ihāvaha" || iti jale trikoṇaṃ vibhāvya, tatra mṛdā devamāvāhya mudrāḥ pradarśya, mūlena prāṇāyāmapūrvaṃ pādādiśiraḥparyantaṃ trirunmajjet | tataḥ sūryāyārghyatrayaṃ dadyāt | "ūm̐hrāṃhrīṃsaḥ śrīsūryāya prakāśāśaktisahitāya eṣa te'rgho namaḥ" iti arghyatrayaṃ dattvā, tato'nyadvāsaḥ
paridhāpya karāṅganyāsapūrvaṃ prāṇāyāmatrayaṃ caret | yathā—