Devirahasya 44.3-6.2

44.3-6.2

iti śivaśāsanam || oṃ mūlādhāre | juṃ bhrūmadhye | saḥ karandhre | imaṃ nyāsaṃ yathāśaktyā vidhāya divyadehaṃ dhyātvā, hṛdaye oṃjuṃsaḥ amṛteśvarapīṭhāya namaḥ | hṛdi gandhākṣatapuṣpaiḥ saṃpūjya, "oṃjuṃsaḥ haṃsaḥ śrīkālāgnirudramūlaprakṛtikūrmānantavarāhapṛthivīsudhārṇavaratnadvīparatnamaṇḍaparatnasiṃhāsanasthāgnimaṇḍalārkamaṇḍalāmṛtamarīcimaṇḍalāntargatasahasradalakamalakarṇikākesarakaṇāmṛtadhārāmayāya yogapīṭhāya namaḥ" | iti svahṛdaye saṃpūjya, amṛtīkaraṇamudrāṃ baddhvā padmamudrāntargataṃ puṣpaṃ sannidhāya, mūlādhārāt kuṇḍalinīṃ taḍitkoṭipradyotanīṃ sūryakoṭiprakāśāṃ vahnikoṭidurādharṣāṃ candrakoṭisuśītalāṃ pradīpakalikākārāmutthāpya suṣumnāmārgeṇa brahmapathāntarasthāmṛteśvareṇa saha saṃyojya, somamaṇḍalapracyutāmṛtadhārayā saṃtarpya, punaḥ svahṛdi samānīya svasthānaṃ prāpayitvāmṛtaśarīrībhūya śivo'hamiti bhāvayan devaṃ bhāvayet pīyūṣāṃśuśiromaṇiḥ karatale pīyūṣakumbhaṃ vahan pīyūṣadyutisampuṭāntaragataḥ pīyūṣadhārādharaḥ māṃ pīyūṣamayūkhasundaravapuḥ pīyūṣalattamīsakhaḥ pīyūṣadravavarṣaṇo'pyaharahaḥ prīṇātu mṛtyuñjayaḥ evaṃ devaṃ dhyātvā mānasairupacāraiḥ saṃpūjya kalaśasthāpanaṃ kuryāt