Pramāṇa · Search · About · API

Devirahasya 46

Devīrahasya 46

Language
Sanskrit

Contents

46.1

atha
catuścatvāriṃśaḥ paṭalaḥ
śrībhairava uvāca
adhunā śṛṇu deveśi sahasrākhyastavottamam
mahāmṛtyuñjayasyāsya sārāt sārottamottamam

46.1-2

udyaccandrasamānadīptimamṛtānandaikahetuṃ śivaṃ
oṃjuṃsaḥ bhuvanaikasṛṣṭipralayodbhūtyekaracākaram
śrīmattāradaśārṇamaṇḍitatanuṃ tryakṣaṃ dvibāhuṃ paraṃ
śrīmṛtyuñjayamīḍyavikramaguṇaiḥ pūrṇaṃ hṛdabje bhaje
oṃjuṃsaḥ hauṃ mahādevo mantrajño mānadāyakaḥ
mānī manoramāṅgaśca manasvī mānavardhanaḥ

46.2

māyākartā mallarūpo mallo mārāntako muniḥ
maheśvaro mahāmānyo matrī mantrijanapriyaḥ

46.3

māruto marutāṃ śreṣṭho māsikaḥ pañciko'mṛtaḥ
mātaṅgako mattacitto mattacinmattabhāvanaḥ

46.4

mānaveṣṭaprado meṣo menakāpativallabhaḥ
mānakāyo māṃnasteyī mārayukko jitendriyaḥ

46.5

jayo vijayado jetā jayeśo jayavallabhaḥ
ḍāmareśo virūpākṣo viśvabhoktā vibhāvasuḥ

46.6

viśveśo viśvanāthaśca viśvasurviśvanāyakaḥ
vinetā vinayī vādī vāntado vāgbhavo vaṭuḥ

46.7

sthūlaḥ sūkṣmo'calo lolo lolajihvaḥ karālakaḥ
trirādheyo virāgīno vilāsī lāsyalālasaḥ

46.8

lolākṣo loladhīrdharmī dhanado dhanadārcitaḥ
dhanī dhyeyo'pyadhyeyaśca dharmyo dharmamayo dayaḥ

46.6-2

dayāvān devajanako devasevyo dayāpatiḥ
ḍulicaturdarīvāso dambhī devamayātmakaḥ

46.10

kurūpaḥ kīrtidaḥ kāntaḥ krīvo'krīvātmakaḥ kujaḥ
budho vidyāmayaḥ kāmī kāmakālāndhakāntakaḥ

46.11

jīvo jīvapradaḥ śukraḥ śuddhaḥ śarmaprado'naghaḥ
śanaiścaro vegagatir(100)rvācālo rāhuravyayaḥ

46.12

ketuḥ kārāpatiḥ kālaḥ sūryo'mitaparākramaḥ
candro bhadraprado bhāsvān bhāgyado bhargarūpabhṛt

46.13

krūro dhūto viyogī ca saṅgī gaṅgādharo gajaḥ
gajānanapriyo gīto gānī snānārcanapriyaḥ

46.14

paramaḥ pīvarāṅgaśca pārvatīvallabho mahān
parātmako virāḍvāso vānaro'mitakarmakṛt

46.15

cidānandī cārurūpo gāruḍo garuḍapriyaḥ
nandīśvaro nayo nāgo nāgālaṅkāramaṇḍitaḥ

46.16

nāgahāro mahānāgo godharo gopatistapaḥ
trilocanastrilokeśastrimūrtistripurāntakaḥ

46.17

tridhāmayo lokamayo lokaikavyasanāpahaḥ
vyasanī toṣitaḥ śambhustridhārūpastrivargabhāk

46.18

trijyotistripurīnāthastridhāśāntastridhāgatiḥ
tridhāguṇī viśvakartā viśvabhartā'dhipūruṣaḥ

46.19

umeśo vāsukirvīro vainateyo vicārakṛt
vivekāḍhyo viśālāḍhyo'vidhirviṃdhiranuttamaḥ

46.20

vidyānidhiḥ sarojākṣo niḥsmaraḥ smaranāśanaḥ
smṛtimān smṛtidaḥ smārto brahmā brahmavidāṃ varaḥ

46.21

brāhmavratī brahmacārī caturaścaturānanaḥ
calācalo'calagatirvegī vīrādhipo varaḥ

46.22

sarvaṃvāsaḥ¹ sarvagatiḥ sarvamānyaḥ sanātanaḥ
sarvavyāpī sarvarūpaḥ sāgaraśca sameśvaraḥ (200)

46.23

samanetraḥ samadyutiḥ samakāyaḥ sarovaraḥ
sarasvān satyavāk satyaḥ satyarūpaḥ sudhīḥ sukhī

46.24

surāṭ satyaḥ satyamatī rudro raudravapurvasuḥ
vasumān vasudhānātho vasurūpo vasupradaḥ

46.25

īśānaḥ sarvadevānāmīśānaḥ sarvabodhinām
īśo'vaśeṣo'vyayī śeṣaśāyī śriyaḥ patiḥ

46.26

indraścandrāvataṃsī ca carācarajagatsthitiḥ
sthiraḥ sthāṇuraṇuḥ pīnaḥ pīnavakṣāḥ parātparaḥ

46.27

pīnarūpo jaṭādhārī jaṭājūṭasamākulaḥ
paśurūpaḥ paśupatiḥ paśujñānī payonidhiḥ

46.28

vedyo vaidyo vedamayo vidhijño vidhimān mṛḍaḥ
śūlī śubhaṅkaraḥ śobhyaḥ śubhakartā śacīpatiḥ

46.29

śaśāṅkadhavalaḥ svāmī vajrī śaṅkhī gadādharaḥ
caturbhujaścāṣṭabhujaḥ sahasrabhujamaṇḍitaḥ

46.30

sruvahasto dīrghakeśo dīrgho dambhavivarjitaḥ
devo mahodadhirdivyo divyakīrtirdivākaraḥ

46.31

ugrarūpa ugrapatirugravaktrāstapomayaḥ
tapasvī jaṭilastāpī tāpahā tāpavarjitaḥ

46.32

havirharo hayapatirhayado harimaṇḍitaḥ
harivāhī mahaujasko nityo nityātmako'nalaḥ

46.33

saṃmānī saṃsthatirhorī sargī saṃnidhiranvayaḥ
vidyādharo vimānī ca vaimānikavarapradaḥ

46.34

vācaspatir(300)rvasāsāro vāmācārī balandharaḥ
vāgbhavo vāsavo vāyurvāsanābījamaṇḍitaḥ

46.35

vāsī kolaśrutirdigdho dattayajñavināśanaḥ
dātā daurbhāgyahā daityamardano bhogavardhanaḥ

46.36

bhogī rogaharo heyo hārī harivibhūṣaṇaḥ
bahurūpo bahumatirbahuvitto vicakṣaṇaḥ

46.37

nṛttakṛcittasaṃtoṣo nṛttagītaviśāradaḥ
śaraddharṇavibhūṣāḍhyo galadgadho'ghanāśanaḥ

46.38

nāgī nāgamayo'nanto'nantarūpaḥ pinākabhṛt
naṭano hāṭakeśāno varīyāṃśca vivarṇabhṛt

46.39

khāṅgārī ṭaṅkahastaśca pāśī śārṅgī śaśiprabhaḥ
sahasrarūpo samaguḥ sādhūnāmabhayapradaḥ

46.40

sādhusevyaḥ sādhugatiḥ sevāphalaprado viśuḥ
sumahā madyapo matto mattamūrtiḥ sumantakaḥ

46.41

kīlī līlākaro lūto bhavabandhaikamocanaḥ
rociṣṇurviṣṇuracyutaścūtano nūtano navaḥ

46.42

nyagrodharūpo bhayado bhayahā'bhītidhāraṇaḥ
dharaṇīdharasevyaśca dharādharasutāpatiḥ

46.43

dharādharo'ndhakaripurvijñānī mohavarjitaḥ
sthāṇukeśo jaṭī grāmyo grāmārāmo ramāpriyaḥ

46.44

priyakṛt priyarūpaśca viprayogī pratāpanaḥ
prabhākaraḥ prabhādīpto manyumān mānaveṣṭadaḥ

46.45

tīkṣṇabāhustīkṣṇakarastīkṣṇāṃśustīkṣṇalocanaḥ
tīkṣṇacittatrayīrūpatrayīmūrtistrayītanuḥ

46.46

havirbhug haviṣāṃ jyotirhālāhalo (400) halīpatiḥ
haviṣmallocano hālāmayo haritarūpabhṛt

46.47

pradimā''pramayo vṛtto hutāśo hutabhug guṇī
guṇajño garuḍo gānatatparo vikramī kramī

46.48

krameśvaraḥ kramaparaiḥ kramikṛt krāntamānasaḥ
mahātejā mahāmāro mohito mohavallabhaḥ

46.49

mahasvī tridaśo bālo bālāpatiraghāpahaḥ
bālyo ripuharo hāhī gorvirgavimato'guṇaḥ

46.50

saguṇo cittarāḍ vīryo virocano vibhāvasuḥ
mālāmayo mādhavaśca vikartano vikatthanaḥ

46.51

mānakṛnmuktido'tulyo muruyaḥ śatrubhayaṅkaraḥ
hiraṇyaretāḥ subhagaḥ satīnāthaḥ śirāpatiḥ

46.52

meṃdrī mainākabhaginīpatiruttamarūpabhṛt
ādityo ditijeśāno ditiputrakṣayaṅkaraḥ

46.53

vasudevo mahābhāgyo viśvāvasurvesupriyaḥ
samudro'mitatejāśca khagendro viśikhī śikhī

46.54

garutmān vajrahastaśca paulomīnātha īśvaraḥ
yajñapeyo vājapeyaḥ śatakratuḥ śatānanaḥ

46.55

pratiṣṭhastīvravisrambhī gambhīro bhāvavardhanaḥ
gāyiṣṭho madhurālāpo madhumattaśca mādhavaḥ

46.56

māyātmā bhogināṃ trātā nākināmiṣṭadāyakaḥ
nākīndro janako janyaḥ stambhano rambhanāśanaḥ

46.57

śaṅkara īśvara īśaḥ śarvarīpatiśekharaḥ
liṅgādhyakṣaḥ surādhyakṣo vedādhyakṣo vicārakaḥ

46.58

bhargo(500)'narghyo nareśāno naravāhanasevitaḥ
caturo bhavitā bhāvī bhāvado bhavabhītihā

46.59

bhūteśo mahito³ rāmo virāmo rātrivallabhaḥ
maṅgalo dharaṇīputro dhanyo buddhivivardhanaḥ

46.60

jayī jīveśvaro jāro jāṭharo jahnutāpanaḥ
jahnukanyādharaḥ kalpo vatsaro māsarūpadhṛt

46.61

ṛturṛkṣabhūsutādhyakṣo vihārī vihagādhipaḥ
śuklāmbaro nīlakaṇṭhaḥ śukro bhṛgusuto bhagaḥ

46.62

śāntaḥ śivaprado'bhedyo'bhedakṛcchāntakṛt patiḥ
nātho dānto bhikṣurūpī dātṛśreṣṭho viśāṃpatiḥ

46.63

kumāraḥ krodhanaḥ krodhī virodhī vigrahī rasaḥ
nīrasaḥ sarasaḥ siddho vṛṣarṇī vṛṣaghātanaḥ

46.64

paścāsyaḥ ṣaṇmukhaścaiva vimukhaḥ sumukhīpriyaḥ
durmukho durjayo duḥkhī sukhī sukhavilāsadaḥ

46.65

pātrī pautrī pavitraśca bhūtātmā pūtanāntakaḥ
akṣaraṃ paramaṃ tattvaṃ balavān balaghātanaḥ

46.66

bhallī bhaulirbhavābhāvo bhāvābhāvavimocanaḥ
nārāyaṇo muktakeśo digdevo dharmanāyakaḥ

46.67

kārāmokṣaprado'jeyo mahāṅgaḥ sāmagāyanaḥ
tatsaṅgamo nāmakārī cārī smaranisūdanaḥ

46.68

kṛṣṇāḥ kṛṣṇāmbaraḥ stutyastārāvarṇastrapākulaḥ
trapāvān durgatitrātā durgamo durgaghātanaḥ (600)

46.69

mahāpādo vipādaśca vipadāṃ nāśako naraḥ
mahābāhurmahorasko mahānandapradāyakaḥ

46.70

mahānetro mahādātā nānāśāstravicakṣaṇaḥ
mahāmūrdhā mahādanto mahākarṇo mahoragaḥ

46.71

mahācañcurmahānāso mahāgrīvo digālayaḥ
digvāsā ditijeśāno muṇḍī muṇḍāccasūtrabhṛt

46.72

śmaśānanilayo'rāgī mahākaṭiranūtanaḥ
purāṇapuruṣo'pāraḥ paramātmā mahākaraḥ

46.73

mahālasyo mahākeśo mahoṣṭho mohano virāṭ
mahāmukho mahājaṅgho maṇḍalī kuṇḍalī naṭaḥ

46.74

asapatnaḥ patrakaraḥ pātrahastaśca pāṭavaḥ
lālasaḥ sālasaḥ sālaḥ kalpavṛkṣaśca kampitaḥ

46.75

kampahā kalpanāhārī mahāketuḥ kaṭhorakaḥ
analaḥ pavanaḥ pāṭhaḥ pīṭhasthaḥ pīṭharūpakaḥ

46.76

pāṭhīnaḥ kuliśī pīno merudhāmā mahāguṇī
mahātūṇīrasaṃyukto devadānavadarpahā

46.77

atharvaśīrṣaḥ somyāsyaḥ ṛksahasrāmitekṣaṇaḥ
yajuḥsāmamukho guhyo yajurvedavicakṣaṇaḥ

46.78

yājñiko yajñarūpaśca yajñajño dharaṇīpatiḥ
jaṅgamī bhaṅgado bhāṣādyo'bhigamadarśanaḥ

46.79

agamyaḥ sugamaḥ kharvaḥ kheṭī kheṭānano¹ nayaḥ
abhoghārthaḥ sindhupatiḥ saindhavaḥ sānumadhyagaḥ

46.80

pratāpī prajayī prātarmadhyāhnasāyamadhvaraḥ
trikālajñaḥ sugandhakaḥ puṣkarasthaḥ paropakṛt

46.81

upakartāpahartā ca ghṛṇī raṇajayapradaḥ (700)
dharmī carmāmbaraścārurūpaścāruvibhūṣaṇaḥ

46.82

nakṣatreśvaraḥ kālavaśī vaśī vaśivaro'vaśaḥ
vaśyo vaśyakaro bhasmāśāyī bhasmavilepanaḥ

46.83

bhasmāṅgī malināṅgaśca mālāmaṇḍitamūrdhajaḥ
gaṇakāryaḥ kulācāraḥ sarvācāraḥ sakhā samaḥ

46.84

sākāro³ gotrabhid goptā bhīmarūpo bhayānakaḥ
aruṇaścaikacintyaśca triśaṅkuḥ śaṅkudhāraṇaḥ

46.85

āśramī brāhmaṇo vajrī kṣatriyaḥ kāryahetukaḥ
vaiśyaḥ śūdraḥ kapotasthaḥ sraṣṭā tuṣṭo ruṣākulaḥ

46.86

rogī rogāpahaḥ śūraḥ kapilaḥ kapināyakaḥ
pinākī cāṣṭamūrtiśca tritimān dhṛtimāṃstathā

46.87

jalamūrtirvāyumūrtirhutāśaḥ somamūrtimān
sūryadevo yajamāna ākāśaḥ parameśvaraḥ

46.88

bhavahā bhavamūrtiśca bhūtātmā bhūtabhāvanaḥ
bhavaḥ sarvastathā rudraḥ paśunāthaśca śaṅkaraḥ

46.86-2

girijo girijānātho girīndraśca maheśvaraḥ
girīśaḥ khaṭvāṅgahastaśca mahānugro gaṇeśvaraḥ

46.80-2

bhīmaḥ kapardī bhītijñaḥ khaṭvāṅgaścaṭvikramaḥ
khaṭvābhṛt khaṭvāparaśuḥ kṛttivāsā viṣāpahaḥ

46.61-2

kaṅkālaḥ kalanākāraḥ śrīkaṇṭho nīlalohitaḥ
gaṇeśvaro guṇī nandī dharmarājo durantakaḥ

46.62-2

bhṛṅgirīṭī rasāsāro dayālū rūpamaṇḍitaḥ
amṛtaḥ kālarudraśca kālāgniḥ śaśiśekharaḥ (800)

46.63-2

(sadyojātaḥ suvarṇamuñjamekhalī durnimittahṛt
duḥsvapnahṛt prasahano guṇinādapratiṣṭhitaḥ

46.64-2

śuklatriśuklaḥ saṃpannaḥ śucirbhūtaniṣevitaḥ
yajñarūpo yajñamukho yajamāneṣṭadaḥ śuciḥ

46.65-2

dhṛtimān matimān dakṣo dakṣayajñavighātakaḥ
nāgahārī bhasmadhārī bhūtibhūṣitavigrahaḥ

46.66-2

kapālī kuṇḍalī bhargaḥ bhaktārtibhañjano vibhuḥ
vṛṣadhvajo vṛṣārūḍho dharmavṛṣavivardhakaḥ

46.67-2

mahābalaḥ sarvatīrthaḥ sarvalacanalacitaḥ
sahasrabāhuḥ sarvāṅgaḥ śaraṇyaḥ sarvalokakṛt

46.68-2

pavitrastrikakunmantraḥ kaniṣṭhaḥ kṛṣṇapiṅgalaḥ
brahmadaṇḍavinirmātā śataghnīpāśaśaktimān

46.69-2

padmagarbho mahāgarbho brahmagarbho jalodbhavaḥ
devāsuravinirmātā devāsuraparāyaṇaḥ

46.100

devāsuragururdevo devāsuranamaskṛtaḥ
guhapriyo gaṇasevyaḥ pavitraḥ sarvapāvanaḥ

46.101

lalāṭākṣo viśvadevo damanaḥ śvetapiṅgalaḥ
vimuktirmuktitejasko bhaktānāṃ paramā gatiḥ

46.102

devātidevo devarṣirdevāsuravarapradaḥ
kailāsagirivāsī ca himavadgirisaṃsthayaḥ

46.103

nāthapūjyaḥ siddhanutyo navanāthasamarcitaḥ
kapardī kalpakṛd rudraḥ sumanā dharmavatsalaḥ

46.104

vṛṣākapiḥ kalpakartā niyatātmā nirākulaḥ
nīlakaṇṭho dhanādhyakṣo nāthaḥ pramathanāyakaḥ

46.105

anādirantarahito bhūtido bhūtivigrahaḥ
senākalpo mahākalpo yogo yugakaro hariḥ

46.106

yugarūpo mahārūpo mahāgīto mahāguṇaḥ
visargo liṅgarūpaśca pavitraḥ pāpanāśanaḥ (600)

46.107

īḍyo maheśvaraḥ śambhurdevasiṃho nararṣabhaḥ
vibudho'gravaraḥ śreṣṭhaḥ sarvadevastapomayaḥ

46.108

suyuktaḥ śobhano vatrī devānāṃ prabhavo'vyayaḥ
guhaḥ kānto nijasargaḥ pavitraḥ sarvapāvanaḥ

46.109

śrṛṅgī śrṛṅgapriyo vabhrū rājarājo nirāmayaḥ
devāsuragaṇādhyakṣo niyamendriyavardhanaḥ

46.110

)
tripurāntakaḥ śrīkaṇṭhastrinetraḥ paścavaktrakaḥ
kālahṛt kevalātmā ca ṛgyajuḥsāmavedavān

46.111

īśānaḥ sarvabhūtānāmīśvaraḥ sarvavedasām
brahmādhipatirbrahmapatirbrahmaṇo'dhipatistathā

46.112

brahmā śivaḥ sadānandī sadānantaḥ sadāśivaḥ
me-asturūpaścārvaṅgo gāyatrīrūpadhāraṇaḥ

46.113

aghorebhyo'thaghorebhyo ghoraghoratarebhyaśca
sarvataḥ śarvasarvebhyo namaste rudrarūpebhyaḥ

46.114

vāmadevastathā jyeṣṭhaḥ śreṣṭhaḥ kālaḥ karālakaḥ
mahākālo bhairaveśo veśī kalavikaraṇaḥ

46.115

balavikaraṇo bālo balapramathanastathā
sarvabhūtādidamano devadevo manonmanaḥ

46.116

sadyojātaṃ prapadyāmi sadyojātāya vai namaḥ
bhave bhave nātibhave bhajasva māṃ bhavodbhavaḥ

46.117

bhāvano bhavano bhāvyo balakārī paraṃ padam
paraḥ śivaḥ paro dhyeyaḥ paraṃ jñānaṃ parātparaḥ

46.118

pārāvāraḥ palāśī ca māṃsāśī vaiṣṇavottamaḥ
oṃaiṃhrīṃśrīṃhsauḥ devo oṃśrīṃhīṃ bhairavottamaḥ

46.119

oṃhrāṃ namaḥ śivāyeti mantro vaṭurvarāyudhaḥ
oṃhrīṃ sadāśivaḥ oṃhrīṃ āpaduddhāraṇo manuḥ

46.120

oṃhrīṃ mahākarālāsyaḥ oṃhrīṃ vaṭukabhairavaḥ
bhagavāṃstryambaka oṃhrīṃ oṃhrīṃ candrārdhaśekharaḥ

46.121

oṃhrauṃ sajaṭilo dhūmro oṃhrīṃ tripuraghātanaḥ
hrāṃhrīṃhuṃ harivāmāṅga oṃhrīṃhūṃhrīṃ trilocanaḥ

46.122

oṃ vedarūpo vedajña ṛgyajuḥsāmamūrtimān
rudro ghoraravo'ghoro oṃ tryambakaṃ aghorabhairavaḥ

46.123

oṃjuṃsaḥ pīyūṣasakto'mṛtādhyakṣo'mṛtālasaḥ
oṃ tryambakaṃ yajāmahe sugandhiṃ puṣṭivardhanam

46.124

urvārukamiva bandhanānmṛtyormukṣīya māmṛtāt
oṃhrauṃjuṃsaḥ oṃbhūrbhuvaḥ svaḥ oṃjuṃsaḥ mṛtyuñjayaḥ (1000 )

46.125

idaṃ nāmnāṃ sahasraṃ tu rahasyaṃ paramādbhutam
sarvasvaṃ nākināṃ devi jantūnāṃ bhuvi kā kathā

46.126

tava bhaktyā mayākhyātaṃ triṣu lokeṣu durlabham
gopyaṃ sahasranāmedaṃ sākṣādamṛtarūpakam

46.127

yaḥ paṭhet pāṭhayedvāpi śrāvayecchṛṇuyāt tathā
mṛtyuñjayasya devasya phalaṃ tasya śive śṛṇu

46.128

labdhyā kṛṣṇo dhiyā jīvo pratāpena divākaraḥ
tejasā vahnidevastu kavitve caiva bhārgavaḥ

46.129

śauryeṇa harisaṅkāśo nītyā bṛhiṇasannibhaḥ
īśvaratvena deveśi matsamaḥ kimataḥ param

46.130

yaḥ paṭheddharātre ca sādhako dhairyasaṃyutaḥ
paṭhet sahasranāmedaṃ siddhimāpnoti sādhakaḥ

46.131

catuṣpathe caikaliṅge marudeśe vane'jane
śmaśāne prāntare durge pāṭhāt siddhirna saṃśayaḥ

46.132

naukāyāṃ caurasaṅke ca saṅkaṭe prāṇasaṃtyaye
yatra yatra bhaye prāpte viṣavahnibhayādiṣu

46.133

paṭhet sahasranāmāśru mucyate nātra saṃśayaḥ
bhaumāvasyāṃ niśīthe ca gatvā pretālayaṃ sudhīḥ

46.134

paṭhitvā sa bhaved devi sākṣādindro'rcitaḥ suraiḥ
śanau darśadine devi niśāyāṃ saritastaṭe

46.135

paṭhennāmasahasraṃ vai japedaṣṭottaraṃ śatam
sudarśano bhavedāśu mṛtyuñjayaprasādataḥ

46.136

digambaro muktakeśaḥ sādhako daśadhā paṭhet
iha loke bhavedrājā pare muktirbhaviṣyati

46.137

idaṃ rahasyaṃ paramaṃ bhaktyā tava mayoditam
mantragarbhaṃ manumayaṃ na cākhyeyaṃ durātmane

46.138

no dadyāt paraśiṣyebhyaḥ putrebhyo'pi viśeṣataḥ
rahasyaṃ mama sarvasvaṃ gopyaṃ guptataraṃ kalau

46.136-2

ṣaṇmukhasyāpi no vācyaṃ gopanīyaṃ tathātmanaḥ
durjanād rakṣaṇīyaṃ ca paṭhanīyamaharniśam

46.136-2.p1

śrotavyaṃ sādhakamukhādrakṣaṇīyaṃ svaputravat

46.136-2.p2

iti śrīrudrayāmale tantre śrīdevīrahasye mṛtyuñjayasahasranāmanirūpaṇaṃ catuścatvāriṃśaḥ paṭalaḥ || 44

Linked texts (5)