Pramāṇa · Search · About · API

Devirahasya 47

Devīrahasya 47

Language
Sanskrit

47.1

śrībhairava uvāca
devi vakṣyāmi te stotraṃ sarvasiddhipradāyakam
mūlamantraikasarvasvaṃ rakṣaṇīyaṃ prayatnataḥ

47.2

dīkṣākāle ca pūjāyāṃ japānte ca paṭhecchive
visarjane tathāhvāne sa dīkṣāphalamāpnuyāt

47.3

asya vai stotrarājasya ṛṣirbhairava īśvari
gāyatryaṃ chanda ityuktaṃ mahāmṛtyuñjayaḥ śive

47.4

devatā praṇavo bījaṃ śaktiḥ śaktiḥ smṛtā śive
hūjm̐ kīlakamityuktaṃ sūryo digbandhanaṃ tathā
bhogāpavargasiddhyarthe viniyogaḥ prakīrtitaḥ

47.5

candrārkāṃgnivilocanaṃ smitamukhaṃ padmadvayāntaḥsthitaṃ
mudrāpāśasudhāḍhyaratnavilasatpāṇiṃ himāṃśuprabham
koṭīrendugalatsudhāplutatanuṃ hārādibhūṣojjvalaṃ
kāntyā viśvavimohanaṃ paśupatiṃ mṛtyuñjayaṃ bhāvaye

47.6

pīyūṣāṃśusudhāmayiḥ karatale pīyūṣakumbhaṃ vahan
pīyūṣadyutisaṃpuṭāntaragataḥ pīyūṣadhārādharaḥ
māṃ pīyūṣamayūkhasundaravapuḥ pīyūṣalakṣmīsakhaḥ
pīyūṣadravavarṣaṇo'pyaharahaḥ śrīṇātu mṛtyuñjayaḥ

47.7

devaṃ dineśāgniśaśāṅkanetraṃ
pīyūṣapātraṃ kalaśaṃ dadhānam
dorbhyāṃ sudhāṃśudyutiminducūḍaṃ
namāmi mṛtyuñjayamādidevam

47.8

candramaṇḍalamadhyasthaṃ rudraṃ bālenduśekharam
(bhadrāsanaṃ smaredrātrau mṛtyuṃ prāpno'pi jīvati

47.9

candramaṇḍalamadhyasthaṃ rudraṃ bhāle'tivismṛte |)
tatrasthaṃ cintayet sādhyaṃ mṛtyuṃ prāpno'pi jīvati

47.10

mātrādyaṃ mātṛkāmaulivedakalpataroḥ phalam
yo japet sa bhavedviśvaivabhavāspadamīśvari

47.11

hūjm̐bījaṃ kulācāravicārakuśalaḥ śivaḥ
yo japet tasya vaktrābje narīnārttiṃ hi bhāratī

47.12

(savisargaṃ śaktibījaṃ yo japet sādhakaḥ śiva
sa bhavedacirādeva viśvaiśvaryasya bhājanam

47.13

)
deveśākāśabījaṃ te bindubimbendumaṇḍitam
cintayan yo bhaveccitte sa śivādvayatāṃ labhet

47.14

savisargaṃ bhṛguṃ bharga sargapralayakāraṇam
nisargato bhajedyo'ntarlīyate sa pare pade

47.15

lakṣmīśabdācaraṃ bindubhūṣaṇaṃ yo japet tava
kare lakṣmīrmukhe vāṇī tasya śambho raṇe jayaḥ

47.16

pālayeti yugaṃ deva yo japedvīrasannidhau
sa sārvabhaumasāmrājyaṃ bhajedante salokatām

47.17

śaradaṃ varadāṃ vīrasādhanīṃ savisargakām
japedyaḥ śaradambhodadhavalaṃ tadyaśo bhramet

47.18

ākāśabījaṃ sākāśaṃ japedyaḥ kuśasaṃstare
sa kaulikaśiroratna-rañjitāṅghriyugo bhavet

47.19

śaṅkābījaṃ sarephaṃ te śambho padmāsane japet
kaṅkālamālābharaṇo bhavitā bhairavopamaḥ

47.20

huñjabījaṃ jagadbījaṃ tejorūpaṃ ca yo japet
tasmai dāsyasi bhoḥ śambho nijaṃ dhāma sanātanam

47.21

oṃkāraṃ sākāraṃ giriśa tava mantrāśvalagataṃ
japed yo hṛtpadme nirupamaparānandamuditaḥ
sa sāmrājyaṃ bhūmau bhajati rajanīnāyakakalālasanmauliḥ prānte vrajati śivasāyujyapadavīm

47.22

bindubhūṣaṇarakoṇarasāra-sāraṇasphuradajāraṇavṛtte
bhūgṛhāḍhya iti cakramaṇḍale tvāṃ niṣaṇṇamuṣasi smarāmyaham

47.23

nānāvidhānārghyavibhūṣaṇāḍhyaṃ
niḥśeṣapīyūṣamayūkhabimbe
niṣaṇṇamīśānamaśeṣaśeṣavāṇītanuṃ mṛtyuharaṃ namāmi

47.24

iti stotraṃ divyaṃ sakalamanurājaikanikaṣaṃ
paṭhedyaḥ pūjānte śiva śivagṛhe vārcanavidhau
raṇe jitvā vairīn bhajati nṛpalakṣmīṃ svamahasā
bhavedante vīraḥ sakalasurasevyaḥ śivasamaḥ

47.25

itīdaṃ paramaṃ stotraṃ mahāmṛtyuñjayapriyam
paṭhedvā pāṭhayennityaṃ sarvasvaṃ devadurlabham

47.26

adeyaṃ paramaṃ tattvaṃ mahāpātakanāśanam
mahāmantramayaṃ divyaṃ sādhanairdhanasādhanam

47.27

trailokyasārabhūtaṃ ca trailokyābhayadāyakam
paṭhecciśīthe mantrī tu sadyaḥ siddhirbhavet kalau

47.28

catuṣpathe'rdharātre tu brāhmaye vāpi muhūrtake
paṭhitvā kauliko devi bhaved bhairavasannibhaḥ

47.29

itīdaṃ mama sarvasvaṃ rahasyaṃ paramādbhutam
yasya kasya na vaktavyamityājñā pārameśvarī

Linked texts (4)