Devirahasya 49.3-18

Devīrahasya 49.3-18

vinānena na mantrasya siddhirdevi kalau bhavet
dhāraṇādasya deveśi śivastrailokyanāyakaḥ

bhairavo bhairaveśāno viṣṇurnārāyaṇo balī
brahmā pārvati lokeśo vinnadhvaṃsī gajānanaḥ

senānīśca mahāseno jiṣṇurlokarṣabhaḥ priye
sūryastamopahaścaiva candro'mṛtanidhistathā

bahunoktena kiṃ devi durgākavacadhāraṇāt
martyo'pyamaratāṃ yāti sādhako mantrasādhakaḥ

kavacasyāsya deveśi ṛṣiḥ prokto maheśvaraḥ
chando'nuṣṭup priye durgā devatāṣṭācarā smṛtā

cakribījaṃ ca bījaṃ syānmāyā śaktiritīritā
tāraṃ kīlakamīśāni digbandho vargito'śmarī
dharmārthakāmamokṣārthe viniyoga iti smṛtaḥ

maṭhaṃ gaṇḍau ca me pātu deveśī raktakuṇḍalā
vāyurnāsāṃ sadā pātu raktabījanisūdinī

lavaryaṃ pātu me coṣṭhau cāmuṇḍā caṇḍaghātinī
bhekībījaṃ sadā pātu dantān me raktadantikā

oṃhrīśrīṃ pātu me kaṇṭhaṃ nīlakaṇṭhāṅkavāsinī
oṃaiklīṃ pātu me skandhau skandamātā maheśvarī

oṃsauḥ klīṃ me pātu bāhū deveśī bagalāmukhī
aiṃśrīṃhrīṃ pātu me hastau śivāśataninādinī

sauḥaiṃhrīṃ pātu me vaco devatā vindhyavāsinī
oṃhrīṃśrīṃklīṃ pātu kuci mama mātaṅginī parā

śrīṃhrīṃaiṃ pātu me pārśvau himācalanivāsinī
oṃklīṃhūṃaiṃ pātu pṛṣṭhaṃ mama durgatihāriṇī

oṃklīṃhūṃ pātu me nābhiṃ devī nārāyaṇī sadā
oṃaiklīṃsauḥ sadā pātu kaṭiṃ kātyāyanī mama

oṃhrīṃśrīṃhrīṃ pātu śiśnaṃ devī śrībhagamālinī
aisauḥ klīṃsauḥ pātu guhyaṃ guhyakeśvarapūjitā

oṃaiṃhrīṃśrīṃhsauḥ pāyādūrū mama manonmanā
oṃjuṃsaḥsauḥ pātu jānū jagadīśvarapūjitā

Linked texts (4)