Devirahasya 49.3.1

49.3.1

akhaṇḍamaṇḍalākāraṃ vyāptaṃ yena carācaram
tatpadaṃ darśitaṃ yena tasmai śrīgurave namaḥ
ajñānatimirāndhasya jñānāñjanaśalākayā
cakṣurunmīlitaṃ yena tasmai śrīgurave namaḥ
gururbrahmā gururviṣṇurguruḥ sākṣānmaheśvaraḥ
gurureva jagat sarvaṃ tasmai śrīgurave namaḥ
iti natvā tadājñāṃ gṛhītvā bahirāgatya malamūtrādi saṃtyajya ,
varṇāṅkaṃ śaucaṃ vidhāya nadyādau gatvā sukūrcaṃ dvādaśāṅgulaṃ dantadhāvanaṃ
kuryāt | " oṃ klīṃ kāmadevāya sarvajanapriyāya namaḥ " iti dantān
viśodhya, cākrikabījena gaḍūṣaṣaṭkaṃ vidhāya, praṇavena mukhaṃ triḥ prokṣya
" oṃ hrīṃ maṇidhari vājriṇi śikhāparisare rakta rakta huṃ phaṭ svāhā " iti
śikhāṃ baddhvā tattvatrayeṇācamya mūlena prāṇāyāmaṃ vidhāya, malāpakarṣaṇaṃ
snānaṃ kṛtvā mantrasnānaṃ caret | tato mūlena mṛdamānīya jalaṃ prokṣayet
mantramṛdā sūryamaṇḍalaṃ vicintya, " gaṅge ca yamune ceti " tīrthānyāvāhya
jale yantraṃ vibhāvya sanīlakaṇṭhāṃ durgāmāvāhayet | tatra ṣaḍaṅgaṃ vidhāya
devīṃ saśivāṃ dhyātvā, mūlaṃ yathāśaktyā japtvā trirnimajjyonmajjet
tatra kumbhamudrāṃ baddhvā svamūrdhni devadevyau jalena snapayitvā " oṃ hrāṃhrīṃsaḥ