Devirahasya 50
Devīrahasya 50
- Language
- Sanskrit
50.1
atha
aṣṭācatvāriṃśaḥ paṭalaḥ
śrībhairava uvāca
adhunā devi vakṣyāmi kavacaṃ mantragarbhakam
durgāyāḥ sārasarvasvaṃ kavaceśvarasaṃjñakam
50.2
paramārthapradaṃ divyaṃ mahāpātakanāśanam
yogipriyaṃ yogagamyaṃ devānāmapi durlabham
50.3
vinānena na mantrasya siddhirdevi kalau bhavet
dhāraṇādasya deveśi śivastrailokyanāyakaḥ
50.4
bhairavo bhairaveśāno viṣṇurnārāyaṇo balī
brahmā pārvati lokeśo vighnadhvaṃsī gajānanaḥ
50.5
senānīśca mahāseno jiṣṇurlokarṣabhaḥ priye
sūryastamopahaścaiva candro'mṛtanidhistathā
50.6
bahunoktena kiṃ devi durgākavacadhāraṇāt
martyo'pyamaratāṃ yāti sādhako mantrasādhakaḥ
50.7
kavacasyāsya deveśi ṛṣiḥ prokto maheśvaraḥ
chando'nuṣṭup priye durgā devatāṣṭācarā smṛtā
50.8
cakribījaṃ ca bījaṃ syānmāyā śaktiritīritā
tāraṃ kīlakamīśāni digbandho varṇito'śmarī
dharmārthakāmamokṣārthe viniyoga iti smṛtaḥ
50.6-2
asya śrīdurgākavacasya maheśvara ṛṣiḥ, anuṣṭup chandaḥ, śrīdurgā
devatā, duṃ bījaṃ, hrīṃ śaktiḥ, oṃ kīlakaṃ caturvargasiddhaye pāṭhe viniyogaḥ | nama iti digbandhaḥ | dhyānam—
durvānibhāṃ trinayanāṃ vilasatkirīṭāṃ
śaṅkhābjakhaḍgaśarakheṭakaśūlacāpān
saṃtarjanīṃ ca dadhatīṃ mahiṣāsanasthāṃ
durgāṃ navārakulapīṭhagatāṃ bhaje'ham
oṃ me pātu śiro durgā hrīṃ me pātu lalāṭakam
duṃ netre'ṣṭācarā pātu cakrī pātu śrutī mama
50.10
maṭhaṃ gaṇḍau ca me pātu deveśī raktakuṇḍalā
vāyurnāsāṃ sadā pātu raktabījanisūdinī
50.11
lavarṇaṃ pātu me coṣṭhau cāmuṇḍā caṇḍaghātinī
bhekībījaṃ sadā pātu dantān me raktadantikā
50.12
oṃhrīṃ śrīṃ pātu me kaṇṭhaṃ nīlakaṇṭhāṅkavāsinī
oṃaiṃ klīṃ pātu me skandhau skandamātā maheśvarī
50.13
oṃ sauḥ klīṃ me pātu bāhū deveśī bagalāmukhī
aiṃ śrīṃ hrīṃ pātu me hastau śivāśataninādinī
50.14
sauḥ aiṃ hrīṃ pātu me vaco devatā vindhyavāsinī
oṃ hrīṃ śrīṃ klīṃ pātu kuciṃ mama mātaṅginī parā
50.15
śrīṃ hrīṃ aiṃ pātu me pārśvau himācalanivāsinī
oṃ strīṃ hūṃ aiṃ pātu pṛṣṭhaṃ mama durgatihāriṇī
50.16
oṃ klīṃ hūṃ pātu me nābhiṃ devī nārāyaṇī sadā
oṃ aiṃ klīṃ sauḥ sadā pātu kaṭiṃ kātyāyanī mama
50.17
oṃ hrīṃ śrīṃ hrīṃ pātu śiśnaṃ devī śrībhagamālinī
aiṃ sauḥ klīṃ sauḥ pātu guhyaṃ guhyakeśvarapūjitā
50.18
oṃ aiṃ hrīṃ śrīṃ ḍsauḥ pāyādūrū mama manonmanā
oṃjuṃsaḥ sauḥ pātu jānū jagadīśvarapūjitā
50.19
oṃ aiṃ klīṃ me pātu jaṅghe meruparvatavāsinī
oṃ hrīṃ śrīṃ gīṃ sadā pātu gulphau mama gaṇeśvarī
50.20
oṃ hrīṃ duṃ pātu me pādau pārvatī ṣoḍaśākṣarī
pūrve māṃ pātu brāhmāṇī vahnau māṃ vaiṣṇavī tathā
50.21
dakṣiṇe caṇḍikā pātu nairṛtye nārasiṃhikā
paścime pātu vārāhī vāyavye mā'parājitā
50.22
uttare pātu kaumārī aiśānyāṃ śāmbhavī tathā
ūrdhvaṃ durgā sadā pātu pādadhastācchivā sadā
50.23
prabhāte tripurā pātu madhyāhne māṃ maheśvarī
sāyaṃ sarasvatī pātu niśīthe cchinnamastakā
50.24
niśānte bhairavī pātu sarvadā bhadrakālikā
agnirambā ca māṃ pātu jalānmāṃ jagadambikā
50.25
vāyormāṃ pātu vāgdevī vanād vanajalocanā
siṃhāt siṃhāsanā pātu sarpāt sarpāntakāsanā
50.26
rogānmāṃ rājamātaṅgī bhūtād bhūteśavallabhā
yantrebhyo yantriṇī pātu rakṣobhyo rākṣasāntakā
50.27
bhūtapretapiśācebhyaḥ sumukhī pātu māṃ sadā
sarvatra sarvadā pātu oṃ hrīṃ durgā navākṣarā
50.28
itīdaṃ kavacaṃ guhyaṃ durgāsarvasvamuttamam
mantragarbhaṃ maheśāni kavaceśvarasaṃjñakam
50.29
cittadaṃ puṇyadaṃ puṇyaṃ varma siddhipradaṃ kalau
aṣṭasiddhipradaṃ gopyaṃ parāpararahasyakam
50.30
śreyaskaraṃ manumayaṃ roganāśakaraṃ param
mahāpātakakoṭighnaṃ mānadaṃ ca yaśaskaram
50.31
aśvamedhasahasrasya phaladaṃ paramārthadam
atyantagopyaṃ deveśi kavacaṃ mantrasiddhidam
50.32
paṭhanāt siddhidaṃ loke dhāraṇānmuktidaṃ śive
ravau bhūrje likhed dhīmān kṛtvā karmādvikaṃ priye
50.33
śrīcakrāgraэṣṭagandhena sādhako mantrasiddhaye
likhitvā dhārayed bāhau guṭikāṃ puṇyavardhinīm
50.34
kiṃ kiṃ na sādhayelloke guṭikā varmaṇo'cirāt
guṭikāṃ dhārayenmūrdhni rājānaṃ vaśamānayet
50.35
dhanārthī¹ dhārayet kaṇṭhe putrārthī² kṛttvimaṇḍale
tāmevaṃ dhārayed devi likhitvā bhūrjapatrake
50.36
śvetasūtreṇa saṃveṣṭya lākṣayā pariveṣṭayet
suvarṇenātha saṃveṣṭya dhārayed raktarajjunā
50.37
guṭikā kāmadā devi devānāmapi durlabhā
kavacasyāsya³ guṭikā dhṛtā muktipradāyinī
50.38
kavacasyāsya deveśi varṇituṃ naiva śakyate
mahimā ca mahādevi jihvākoṭiśatairapi
50.39
adātavyamidaṃ varma mantragarbhaṃ rahasyakam
avaktavyaṃ mahāpuṇyaṃ sarvasārasvatapradam
50.40
adīkṣitāya no dadyāt kucailāya durātmane
anyaśiṣyāya duṣṭāya nindakāya kulārthinām
50.41
dīkṣitāya kulīnāya gurubhaktiratāya ca
śāntāya kulasaktāya śāktāya kulakāmine
50.42
idaṃ varma śive dattvā kulabhāgī bhavennaraḥ
idaṃ rahasyaṃ paramaṃ durgākavacamuttamam
guhyaṃ gopyatamaṃ gopyaṃ gopanīyaṃ svayonivat
Linked texts (5)
- Devīrahasya — Sanskrit
- Pūrvārddhadevirahasya — Sanskrit
- Devīrahasyapurāṇa — Sanskrit
- Devīrahasyatantra — Sanskrit
- Durgāpañcāṅga — Sanskrit