Pramāṇa · Search · About · API

Devirahasya 52

Devīrahasya 52

Language
Sanskrit

Contents

52.1

śrībhairava uvāca
adhunā devi vakṣyāmi durgāstotraṃ manoharam
mūlamantramayaṃ divyaṃ sarvasārasvatapradam

52.2

duḥkhārtiśamanaṃ puṇyaṃ sādhakānāṃ jayapradam
durgāyā aṅgabhūtaṃ tu stotrarājaṃ parātparam

52.3

śrīdurgāstotrarājasya ṛṣirdevo maheśvaraḥ
chando'nuṣṭup devatā ca śrīdurgāṣṭākṣarā śive

52.4

duṃ bījaṃ ca parā śaktirviśvaṃ kīlakamadrije
dharmārthakāmamokṣārthe viniyogaḥ prakīrtitaḥ

52.5

santarjanīṃ ca dadhatīṃ mahipāsanasthāṃ
durgāṃ navārakulapīṭhagatāṃ bhaje'ham

52.6

tāraṃ hāraṃ mantramālāsu bījaṃ dhyāyedantaryo'mba lambālakāntaḥ
tasya sāraṃ sāramadvidvayīṃ drāg rambhāyāti svargatā kāmavaśyā

52.7

māyāṃ japedyastava mantramadhye durge sadā durgatikhedakhinnaḥ
bhavet sa bhūmau nṛpamaulimālāmāṇikyanirghṛṣṭapadāravindaḥ

52.8

cākrikaṃ yadi japettvāmbike cakramadhyagata īśvareśvari
sādhako bhavati cakravartināṃ nāyako nayavilāsakovidaḥ

52.9

cakribījamaparaṃ smarecchive yo'rivargavihitāhitavyathaḥ
ājimaṇḍalagato jayedripūn vājivāraṇarathāśrito naraḥ

52.10

dūrvābījaṃ yo japet pretabhūmau sāyaṃ māyābhasmanā liptakāyaḥ
gīrvāṇānāṃ nāyako devi mantrī bhūtvā rājyaṃ prājyamāḍhyaṃ karoti

52.11

vāyavyabījaṃ yadi sādhako japet priyākucadvandvavimardanakṣamaḥ
samastakāntājananetravāgurāvilāsahaṃso bhavitā sa pārvati

52.12

viśvaṃ viśveśvari yadi japet kāmakelīkalānte
rātrau mātrācaravilasitanyāsa īśānivāsaḥ
tasya smerānanasarasijā bhrājamānāṅgalakṣmīrvaśyāvaśyaṃ surapuravadhūmaulimālorvaśī sā

52.13

bhūgehāśritavahnivṛttavilasannāgāravṛttāśritatryaśranyārohlasitātrikoṇavilasacchrībindupīṭhasthitām
dhyāyeccetasi śarvapatni bhavatīṃ mādhvīrasāghūrṇitāṃ
yo mantrī sa bhaviṣyati smarasamaḥ strīṇāṃ dharaṇyāṃ divi

52.14

durgāstavaṃ manumayaṃ manurājamaulimāṇikyamuttamaśivāṅkarahasyabhūtam
prātaḥ paṭhedyadi japāvasare'rcanāyāṃ
bhūmau bhavet sa nṛpatirdivi devanāthaḥ

52.15

iti stotraṃ mahāpuṇyaṃ paścāṅgaikaśiromaṇim
yaḥ paṭhedardharātre tu tasya vaśyaṃ jagattrayam

52.16

idaṃ paścāṅgamakhilaṃ śrīdurgāyā rahasyakam
sarvasiddhipradaṃ guhyaṃ sarvāśāparipūrakam

52.17

guhyaṃ mantrarahasyaṃ tu tava bhaktyā prakāśitam
abhaktāyāpradātavyamityājñā pārameśvarī

52.18

śrīdevyuvāca
bhagavan bhavatānena kathanena maheśvara
śrīpaścāṅgasya durgāyā hyadya krītāsmyahaṃ param

52.19

śrībhairava uvāca
idaṃ rahasyaṃ paramaṃ durgāsarvasvamuttamam
paścāṅgaṃ varṇitaṃ gopyaṃ gopanīyaṃ svayonivat

52.19.p1

iti śrīrudrayāmale tantre śrīdevīrahasye durgāstotranirūpaṇaṃ pañcāśattamaḥ paṭalaḥ || 50

Linked texts (5)