<!-- Pramāṇa, a library of Indian primary sources · https://indike.org/pramana/in.sampradaya.general.sakta.tantra.mula.devirahasya.55 -->

[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Later Śākta tantras of eastern India](https://indike.org/pramana/in.sampradaya.general.sakta) › [Later Śākta tantras and āmnāya scriptures](https://indike.org/pramana/in.sampradaya.general.sakta.tantra) › [Major Later Śākta Tantras and Compendia](https://indike.org/pramana/in.sampradaya.general.sakta.tantra.mula) › [Devirahasya](https://indike.org/pramana/in.sampradaya.general.sakta.tantra.mula.devirahasya) › 55

# Devirahasya 55

Devīrahasya 55

- **Language:** Sanskrit

## Contents

- [55.31](https://indike.org/pramana/in.sampradaya.general.sakta.tantra.mula.devirahasya.55.31) — 1 part

### [55.1](https://indike.org/pramana/in.sampradaya.general.sakta.tantra.mula.devirahasya.55.1)

śrībhairava uvāca  
adhunā mantrarājasya puraścaraṇamuttamam  
vakṣye siddhiprado yena mantraḥ kalpadrumo bhavet

### [55.2](https://indike.org/pramana/in.sampradaya.general.sakta.tantra.mula.devirahasya.55.2)

ekadā sudine devi sunakṣatre suparvaṇi  
puraścaraṇakarmādau ārabhet sādhakottamaḥ

### [55.3](https://indike.org/pramana/in.sampradaya.general.sakta.tantra.mula.devirahasya.55.3)

varṇalakṣaṃ japenmantraṃ taddhaṃ vā maheśvari  
ekalakṣāvadhi kuryānnāto nyūnaṃ kadācana

### [55.4](https://indike.org/pramana/in.sampradaya.general.sakta.tantra.mula.devirahasya.55.4)

lakṣasaṃkhyā prakartavyā sādhakaiścena śakyate  
ekalakṣaṃ prajaptavyaṃ nāto nyūnaṃ kadācana

### [55.5](https://indike.org/pramana/in.sampradaya.general.sakta.tantra.mula.devirahasya.55.5)

śrīdevyuvāca  
lakṣajapo manurdeva yadi kalpadrumo bhavet  
tadā kiṃ sādhako loke laghutattvaṃ vadasva me

### [55.6](https://indike.org/pramana/in.sampradaya.general.sakta.tantra.mula.devirahasya.55.6)

kasya hastena mantrasya puraścaraṇakriyām  
kārayet sādhakaścaitat saṃśayaṃ chindhi dhūrjaṭe

### [55.7](https://indike.org/pramana/in.sampradaya.general.sakta.tantra.mula.devirahasya.55.7)

śrībhairava uvāca  
sādhu pṛṣṭaṃ tvayā devi śṛṇu vakṣyāmi pārvati  
na kadācit svayaṃ kuryādādau mantrapuraskriyām

### [55.8](https://indike.org/pramana/in.sampradaya.general.sakta.tantra.mula.devirahasya.55.8)

guruhastena deveśi sādhakasya kareṇa vā  
kuryānmantravarasyāsya puraścaraṇakriyām

### [55.9](https://indike.org/pramana/in.sampradaya.general.sakta.tantra.mula.devirahasya.55.9)

jīvahīno yathā deho sarvakarmasu na kṣamaḥ  
puraścaraṇahīno'pi na mantraḥ phaladāyakaḥ

### [55.10](https://indike.org/pramana/in.sampradaya.general.sakta.tantra.mula.devirahasya.55.10)

japād daśāṃśato homastaddaśāṃśena tarpaṇam  
mārjanaṃ taddaśāṃśena taddaśāṃśena bhojanam

### [55.11](https://indike.org/pramana/in.sampradaya.general.sakta.tantra.mula.devirahasya.55.11)

mantrasyādau pramādāccet svayaṃ kuryāt puraskriyām  
tadā jāpyaṃ bhaved vyarthaṃ kṣetreṣviva ghṛtaṃ yathā

### [55.12](https://indike.org/pramana/in.sampradaya.general.sakta.tantra.mula.devirahasya.55.12)

tasmācca guruhastena sādhakasya kareṇa vā  
puraścaryāṃ svamantrasya kārayet sādhakottamaḥ

### [55.13](https://indike.org/pramana/in.sampradaya.general.sakta.tantra.mula.devirahasya.55.13)

puraścaraṇasaṅkalpaṃ dattvādau gurave śive  
japaṃ yathāvidhi kuryād guruḥ kulamanoḥ priye

### [55.14](https://indike.org/pramana/in.sampradaya.general.sakta.tantra.mula.devirahasya.55.14)

guroḥ pādaprasādena puraścaryāphalaṃ śive  
gṛhṇīyāt sādhako devi guruṃ santoṣayet tataḥ

### [55.15](https://indike.org/pramana/in.sampradaya.general.sakta.tantra.mula.devirahasya.55.15)

yena mantraḥ kalau śīghramiṣṭasiddhiprado bhavet  
dakṣiṇābhiḥ śubhairvastrairyathāvibhavamātmanaḥ

### [55.16](https://indike.org/pramana/in.sampradaya.general.sakta.tantra.mula.devirahasya.55.16)

tataḥ svayaṃ puraścaryāṃ vahnīḥ kuryāt tu sādhakaḥ  
parvatāgre nadītīre devatāyatane tathā

### [55.17](https://indike.org/pramana/in.sampradaya.general.sakta.tantra.mula.devirahasya.55.17)

ekānte ca śucau deśe japenniyatamānasaḥ  
brahmacaryadharo vīro mitāhāro jitendriyaḥ

### [55.18](https://indike.org/pramana/in.sampradaya.general.sakta.tantra.mula.devirahasya.55.18)

anṛtaṃ matsaraṃ dambhaṃ tyajet pratigrahaṃ tathā  
puraścaraṇakāle tu tadghomāvasare tathā

### [55.19](https://indike.org/pramana/in.sampradaya.general.sakta.tantra.mula.devirahasya.55.19)

mūlaṃ japaikalakṣaṃ tu kṛtvā homaṃ daśāṃśataḥ  
sādhakaiḥ kṣatriyeṇāpi daśāṃśaṃ homamācaret

### [55.20](https://indike.org/pramana/in.sampradaya.general.sakta.tantra.mula.devirahasya.55.20)

tarpayet suhito devīṃ bhojayet sādhakāṃstataḥ  
puraścaryāvidhiścaiṣa varṇitaḥ kulasundari

### [55.21](https://indike.org/pramana/in.sampradaya.general.sakta.tantra.mula.devirahasya.55.21)

athavānyaprakāreṇa puraścaraṇamiṣyate  
aṣṭamyāṃ vā caturdaśyāṃ pañcayorubhayorapi

### [55.22](https://indike.org/pramana/in.sampradaya.general.sakta.tantra.mula.devirahasya.55.22)

sūryodayāt samārabhya yāvat sūryodayo bhavet  
tāvajjaptvā nirātaṅko mantraḥ kalpadrumo bhavet

### [55.23](https://indike.org/pramana/in.sampradaya.general.sakta.tantra.mula.devirahasya.55.23)

candrasūryagrahe vāpi grāsāvadhi vimuktitaḥ  
yāvatsaṃkhyāmanurjaptastāvadghomādikaṃ caret

### [55.24](https://indike.org/pramana/in.sampradaya.general.sakta.tantra.mula.devirahasya.55.24)

sarvasiddhīśvaro mantro bhavet sādhakavandite  
śaratkāle ravau devi japenmantraṃ yathāvidhi

### [55.25](https://indike.org/pramana/in.sampradaya.general.sakta.tantra.mula.devirahasya.55.25)

niśīthe racayedghomaṃ catrainyastāhutiṃ śive  
tatkṣaṇāt sādhako devi kṣatriyo'pi śubhaṃ labhet

### [55.26](https://indike.org/pramana/in.sampradaya.general.sakta.tantra.mula.devirahasya.55.26)

athavānyaprakāreṇa puraścaraṇamiṣyate  
gurumānīya saṃsthāpya devatāpūjanaṃ caret

### [55.27](https://indike.org/pramana/in.sampradaya.general.sakta.tantra.mula.devirahasya.55.27)

vastrālaṅkārahemādyaiḥ santoṣya gurumeva ca  
tatsutaṃ tatsutāṃ caiva tasya patnīṃ tathaiva ca

### [55.28](https://indike.org/pramana/in.sampradaya.general.sakta.tantra.mula.devirahasya.55.28)

pūjayitvā manuṃ japtvā sarvasiddhīśvaro bhavet  
athavānyaprakāreṇa puraścaraṇamiṣyate

### [55.29](https://indike.org/pramana/in.sampradaya.general.sakta.tantra.mula.devirahasya.55.29)

sahasrāre guroḥ pādapadmaṃ dhyātvā prapūjya ca  
kevalaṃ devabhāvena sarvasiddhīśvaro bhavet

### [55.30](https://indike.org/pramana/in.sampradaya.general.sakta.tantra.mula.devirahasya.55.30)

gurave dakṣiṇāṃ dadyād yathāvibhavamātmanaḥ  
guroranujñāmātreṇa duṣṭamantro'pi sidhyati

### [55.31](https://indike.org/pramana/in.sampradaya.general.sakta.tantra.mula.devirahasya.55.31)

ityeṣa paṭalo guhyo mantrasāramayo dhruvaḥ  
aprakāśyo na dātavyo nākhyeyo brahmavādibhiḥ

### [55.31.p1](https://indike.org/pramana/in.sampradaya.general.sakta.tantra.mula.devirahasya.55.31.p1)

iti śrīrudrayāmale tantre śrīdevīrahasye puraścaryāvidhinirūpaṇaṃ pañcapañcāśattamaḥ paṭalaḥ || 55

## Other recensions (1)

- [Kak1941](https://indike.org/pramana/in.sampradaya.general.sakta.tantra.mula.devirahasya*kak1941.55.1) — Sanskrit

---
Source: [https://indike.org/pramana/in.sampradaya.general.sakta.tantra.mula.devirahasya.55](https://indike.org/pramana/in.sampradaya.general.sakta.tantra.mula.devirahasya.55) · Pramāṇa
