Pramāṇa · Search · About · API

Devirahasya 57

Devīrahasya 57

Language
Sanskrit

Contents

57.1

atha
pañcapañcāśattamaḥ paṭalaḥ
śrībhairava uvāca
adhunā mantrarājasya puraścaraṇamuttamam
vakṣye siddhiprado yena mantraḥ kalpadrumo bhavet

57.2

ekadā sudine devi sunakṣatre suparviṇi
puraścaraṇakarmādau ārabhet sādhakottamaḥ

57.3

varṇalakṣaṃ japenmantraṃ tadardhaṃ vā maheśvari
ekalakṣāvadhi kuryānnāto nyūnaṃ kadācana

57.4

lakṣasaṃkhyā prakartavyā sādhakaiścenna śakyate
ekalakṣaṃ prajaptavyaṃ nāto nyūnaṃ kadācana

57.5

śrīdevyuvāca
lakṣajapto manurdeva yadi kalpadrumo bhavet
tadā kiṃ sādhako loke laccatattvaṃ vadasva me

57.6

kasya hastena mantrasya puraścaraṇakriyām
kārayet sādhakaścaitat saṃśayaṃ chindhi bhūrjaṭe

57.7

śrībhairava uvāca
sādhu pṛṣṭaṃ tvayā devi śṛṇu vacyāmi pārvati
na kadācit svayaṃ kuryādādau mantrapuraskriyām

57.8

guruhastena deveśi sādhakasya kareṇa vā
kuryānmantravarasyāsya puraścaraṇakriyām

57.9

jīvahīno yathā deho sarvakarmasu na ccamaḥ
puraścaraṇahīno'pi na mantraḥ phaladāyakaḥ

57.10

japād daśāṃśato homastaddaśāṃśena tarpaṇam
mārjanaṃ taddaśāṃśena taddaśāṃśena bhojanam

57.11

mantrasyādau pramādāccet svayaṃ kuryāt puraskriyām
tadā jāpyaṃ bhaved vyarthaṃ cetreṣviva ghṛtaṃ yathā

57.12

tasmācca guruhastena sādhakasya kareṇa vā
puraścaryāṃ svamantrasya kārayet sādhakottamaḥ

57.13

puraścaraṇasaṅkalpaṃ dattvādau gurave śive
japaṃ yathāvidhi kuryād guruḥ kulamanoḥ priye

57.14

guroḥ pādaprasādena puraścaryāphalaṃ śive
gṛhṇīyāt sādhako devi guruṃ santopayet tataḥ

57.15

yena mantraḥ kalau śīghramiṣṭasiddhiprado bhavet
dakṣiṇābhiḥ śubhairvastrairyathāvibhavamātmanaḥ

57.16

tataḥ svayaṃ puraścaryāṃ bahvīḥ kuryāt tu sādhakaḥ
parvatāgre nadītīre devatāyatane tathā

57.17

ekānte ca śucau deśe japenniyatamānasaḥ
brahmacaryadharo vīro mitāhāro jitendriyaḥ

57.18

anṛtaṃ matsaraṃ dambhaṃ tyajet pratigrahaṃ tathā
puraścaraṇakāle tu tadghomāvasare tathā

57.19

mūlaṃ japitvaikalakṣaṃ tu kṛtvā homaṃ daśāṃśataḥ
sādhakaiḥ kṣatriyeṇāpi daśāṃśaṃ homamācaret

57.20

tarpayet suhito devīṃ bhojayet sādhakāṃstataḥ
puraścaryāvidhiścaiṣa varṇitaḥ kulasundari

57.21

athavānyaprakāreṇa puraścaraṇamiṣyate
aṣṭamyāṃ vā caturdaśyāṃ pañcayorubhayorapi

57.22

sūryodayāt samārabhya yāvat sūryodayo bhavet
tāvajaptvā nirātaṅko mantraḥ kalpadrumo bhavet

57.23

candrasūryagrahe vāpi grāsāvadhi vimuktitaḥ
yāvatsaṃkhyāmanurjaptastāvadghomādikaṃ caret

57.24

sarvasiddhīśvaro mantro bhavet sādhakavandite
śaratkāle ravau devi japenmantraṃ yathāvidhi

57.25

niśīthe racayedghomaṃ catrenyastāhutiṃ śive
tatkṣaṇāt sādhako devi kṣatriyo'pi śubhaṃ labhet

57.26

athavānyaprakāreṇa puraścaraṇamiṣyate
gurumānīya saṃsthāpya devatāpūjanaṃ caret

57.27

vastrālaṅkārahemādyaiḥ santoṣya gurumeva ca
tatsutaṃ tatsutāṃ caiva tasya patnīṃ tathaiva ca

57.28

pūjayitvā manuṃ japtvā sarvasiddhīśvaro bhavet
athavānyaprakāreṇa puraścaraṇamiṣyate

57.29

sahasrāre guroḥ pādapadmaṃ dhyātvā prapūjya ca
kevalaṃ devabhāvena sarvasiddhīśvaro bhavet

57.30

gurave dakṣiṇāṃ dadyād yathāvibhavamātmanaḥ
guroranujñāmātreṇa duṣṭamantro'pi sidhyati

57.31

ityeṣa paṭalo guhyo mantrasāramayo dhruvaḥ
aprakāśyo na dātavyo nākhyeyo brahmavādibhiḥ

57.31.p1

iti śrīrudrayāmale tantre śrīdevīrahasye puraścaryāvidhinirūpaṇaṃ pañcapañcāśattamaḥ paṭalaḥ || 55

Linked texts (7)