Pramāṇa · Search · About · API

Devirahasya 58

Devīrahasya 58

Language
Sanskrit

Contents

58.1

atha
ṣaṭpañcāśattamaḥ paṭalaḥ
śrībhairava uvāca
adhunā devi vakṣye'haṃ paścaratneśvarīvidhim
yena śravaṇamātreṇa vidyā siddhyati satvaram

58.2

vinā paścaratneśvarīmantrajāpyaṃ
na siddhirbhavet sādhakasyottamasya
tataḥ pūjayed dīkṣitaḥ śrīguruṃ svaṃ
samastāṣṭasiddhīśvaraṃ devadevi

58.3

durgāyāḥ paramaṃ tattvaṃ paścaratneśvarīmayam
śṛṇuṣvāvahito bhūtvā yena muktirbhavet kalau

58.4

śrīdurgā śāradā śārī sumukhī bhagalāmukhī
pañcaratneśvarī vidyā durgāyāḥ kathitā mayā

58.5

sudine devi durgāyāḥ pañcaratneśvarīṃ japet
varṇalakṣapuraścaryāphalamāpnoti sādhakaḥ

58.6

sādhakeṣu caturghvevaṃ śrīdurgāsādhakaḥ śive
śrīguruṃ vandanaiḥ stutvā toṣayitvā dhanairapi

58.7

dīkṣāmanyeṣu śiṣyeṣu dāpayeta sādhakottamaḥ
yena mantro hi durgāyāḥ sadyaḥ sphurati bhāratī

58.8

pañcasvapi mahādevi sādhakeṣu kalau yuge
pañcaratneśvarīṃ dattvā puraścaryāphalaṃ labhet

58.9

śrīdurgopāsakaścaikaḥ śāradopāsakaḥ paraḥ
śārikopāsakastvanyo mātaṅgāstvaparaḥ śive

58.10

pañcamo vagalāmukhyāścaikatra militāśca te
pūjayeyurguruṃ devi pañcaratneśvarīṃ japet

58.11

anyonyaṃ sādhakāḥ pañca śrīguroḥ purataḥ śive
puraścaryāphalaṃ siddhiṃ prārthayeyurgurostataḥ

58.12

evaṃ siddhamanuloke sarvasiddhiṃ prayacchati
(1) tāraṃ māyā cākrikaṃ cakridurvāvāyavyārthaṃ viśvamante bhavāni
durgāyāste varṇito mūlavidyāmantroddhāro gopito'ṣṭācaro'yam

58.13

(2) tāraṃ māyā kāmarājaśca śaktiḥ
stambhaṃ tasmādbhagavatyai ca nāma
bhūtistasmādaśvale ṭhadvayaṃ syāt
proktaṃ muktyai śāradā-mantra eṣaḥ

58.14

(3) tāraṃ parā mātaṭasindhurārṇāḥ
khaṃ śarma tanmadhyagataṃ ca nāma
ante'śmarī pārvati śārikāyāstrayodaśārṇo manurasti gopyaḥ

58.15

(4) vāk kāmamucchiṣṭapadaṃ vibhāvya
caṇḍālinī vai sumukhī ca devi
mahāpiśācī sakalātrayābjaṃ
vanaṃ manuḥ syād sumukhīpriyo'yam

58.16

(5) tāraṃ maṭhaṃ bagalāmukhi sarvaduṣṭānāṃ vācaṃ mukhaṃ stambhaya dviḥ
padaṃ jihvāṃ kīlaya dvirmaṭhaṃ vā
tāraṃ nīraṃ brahmaṇo'styastravidyā

58.17

ityeṣā guptavidyeyaṃ prabhāvasahitā kalau
paścaratneśvarī grāhyā puraścaraṇasiddhaye

58.18

itīdaṃ tattvamīśāni puraścaryārahasyakam
anantaphaladaṃ guhyaṃ gopanīyaṃ mumukṣubhiḥ

58.18.p1

iti śrīrudrayāmale tantre śrīdevīrahasye paścaratneśvarīvidyānirūpaṇaṃ ṣaṭpañcāśattamaḥ paṭalaḥ || 56

Linked texts (5)