Devirahasya 59
Devīrahasya 59
- Language
- Sanskrit
Contents
- 59.32 — 1 part
59.1
śrībhairava uvāca
atha homavidhiṃ vakṣye sarvatantreṣu gopitam
durgārahasyakaṃ sāraṃ mantrarājasya pārvati
59.2
dhyātvā devīṃ parāṃ durgāṃ guruṃ dhyātvā saśaktikam
japecchrīcakrapurato niśīthe mantramīśvari
59.3
ayutaṃ lakṣamekaṃ vā daśāṃśaṃ homamācaret
koṭilakṣaprajaptasya mantrasya surasundari
59.4
vinā daśāṃśahomena na tatphalamavāpnuyāt
vinā śmaśānagamanaṃ nityahomajapādayaḥ
59.5
na siddhyanti varārohe kalau bhairavaśāpataḥ
ghṛtapāyasamudvīkā-guḍapuṣpasitāśaraiḥ
59.6
homo daśāṃśataḥ kāryo japasya suravandite
paścāmṛtena deveśi taddaśāṃśena tarpayet
59.7
tarpayitvā daśāṃśena paścāmṛtamukhaṃ sudhīḥ
taddaśāṃśena deveśi hyaṣṭagandhena mārjayet
59.8
bhojayitvā daśāṃśena dīcitāṃśca dvijottamān
tato devi puraścaryāphalamāpnoti sādhakaḥ
59.8-2
anyathā siddhihāniḥ syājjapasyāpi manoḥ sadā
śrīdevyuvāca
yasya no bhavati śaktirhomaṃ kartuṃ daśāṃśataḥ
sa kathaṃ kriyate homaṃ taddasva maheśvara
59.10
śrībhairava uvāca
yasya homaṃ śive kartuṃ śaktirnāsti daśāṃśataḥ
tasya yuktiṃ pravakṣyāmi kaulikānāṃ hitāya ca
59.11
śubhe'hni sāyaṃ deveśi gavopavanamaṇḍalam
śmaśānaṃ saṃmukhaṃ dhṛtvā pṛṣṭhe vā parameśvari
59.12
śmaśānaṃ prathamedvatyā sādhakaḥ sādhakaiḥ samam
jvālākarālavadane kalpāntadahanapriye
59.13
prāgviprāṇālayodbhūte cite ya'nugrahaṃ kuru
iti natvā mahādevi jñātvā digbhūtabhairavān
59.14
nivaset tatra rātrau tu kuryādomaṃ kuleśvari
aiśānyāṃ diśi deveśi śrīcakraṃ tu vibhāvayet
59.15
saṃpūjya vidhivanmantrairdikpālāṃstatra pārvati
gaṇeśaṃ pūjayettatra pūjayet kulayoginīḥ
59.16
tatpūrvataḥ khanet kuṇḍaṃ hunedājyaṃ ca vidyayā
trikoṇaṃ kuṇḍamīśāni hastādhogādhamadrije
59.17
hastaikavistṛtaṃ viśvak takṣiścakraṃ vibhāvayet
binduṃ trikoṇaṃ ṣaṭkoṇaṃ vasupatraṃ trivartulam
59.18
bhūgṛhāṅgaṃ mayākhyātaṃ vahnicakraṃ kulārcite
gaṇeśārdharmavaruṇāḥ kuberasahitāstataḥ
59.19
pūjanīyā viśeṣeṇa gandhākṣatapuṣpadhūpakaiḥ
brāhmyādimātaraḥ pūjyā asitādyāśca bhairavāḥ
59.20
vasupatreṣu saṃpūjyā vahnicakre maheśvari
māyā ca mohinī caiva tṛtīyā ca manonmanā
59.21
muktakeśī ca mātaṅgī madirākṣī ṣaḍaśrake
trikoṇe yamunā gaṅgā saṃpūjyā ca sarasvatī
59.22
bindau durgā ca saṃpūjyā gandhapuṣpākṣataiḥ śive
bindāvaraṇimāmantrya mūlamantreṇa māntrikaḥ
59.23
vahnimāvāhya mūlena tadāvāhanamudrayā
oṃ rūṃ rāmagnaye svāhā mantreṇeti sureśvari
59.24
vahniṃ mūlena saṃskṛtya kṛtvājyaṃ ghṛtasīśvari
daśāṃśahomasaṅkalpaṃ kuryānmantrasya sādhakaḥ
59.25
mālayā dahane dadyādāhutīnāṃ śatatrayam
āhutīḥ kṣatriyanyastāstatra vahnau hunet priye
59.26
puṣpaiḥ phalairājyamiśraistato dadyād baliṃ priye
makāraiḥ pañcabhirdevi punarjahyā ca pūrvavat
59.27
āhutīnāṃ śataṃ dadyādaṣṭottaramadhomukhaḥ
tataḥ sādhakacakrasya kṣatriyasya ca pārvati
59.28
pūjāṃ vidhāya cakre'smiṃstopayennutibhirgurum
āśīrbhirvardhayet kṣatraṃ yenāśu yogipo bhavet
59.29
kṣatriyo'pi vadet tatra puraścaryāphalaṃ manoḥ
labhasva sādhakaśreṣṭha tataḥ pūrṇāhutiṃ hunet
59.30
tato varma paṭhed devi yena devīmayo bhavet
tato devīṃ ca saśivāṃ mantrī saṃhāramudrayā
59.31
sādhakāṃstarpayitvādau bhakṣyapānādibhiḥ priye
visṛjya sādhakān devīṃ saśivāṃ saparicchadām
59.32
puraścaryāphalaṃ prāpya sādhako muktibhāg bhavet
ityeṣa paṭalo divyo mantrapūjāmayo dhruvaḥ
sarvatattvaikanilayo gopanīyo mumukṣubhiḥ
59.32.p1
iti śrīrudrayāmale tantre śrīdevīrahasye homavidhinirūpaṇaṃ saptapañcāśattamaḥ paṭalaḥ || 57
Linked texts (6)
- Devīrahasya — Sanskrit
- Devīrahasyatantra — Sanskrit
- Pūrvārddhadevirahasya — Sanskrit
- Devīrahasyapurāṇa — Sanskrit
- Durgāpañcāṅga — Sanskrit
- Bhuvaneśvarīrahasya — Kṛṣṇacandra, Sanskrit