Devirahasya 65
Devīrahasya 65
- Language
- Sanskrit
Contents
65.1.1
iti śrīguruṃ praṇamya, suprasannaṃ vibhāvya manasā tadājñāṃ gṛhītvā ,
mūlādhāre svarṇavarṇaṃcaturdalakamalakarṇiṃkāntargatatrikoṇacakrāntargataśrṛṅgāṭakopari parāṃ śaktiṃ kueḍalinīmudyaddinakarasahasrabhāsvarāṃ vidyutkoṭisatribhāṃ sakalamantramātaraṃ pañcāśadvarṇavigrahāmaṣṭātriṃśatkalārūpiṇīṃ sarvaprāṇijīvāṃ tridhāmadhāmānaṃ sarpākārāmūrdhvamurkhīṃ sārdhatrivalayāṃ visatantutanīyasīṃ sukṣmāṃ vibhāvya gurūpādiṣṭanijasahajanādena sacaitanyāṃ
vidhāya, tatra caturdeleṣu vaṃ namaḥ, śaṃ namaḥ, ṣaṃ namaḥ, saṃ namaḥ
iti patreṣu prādakṣieyena madhye mūlena ca saṃpūjya, haṃsaḥ iti mantreṇa
sarvatrotthāpya, tato vidrumavarṇe svādhiṣṭhāne liṅgamūle ṣaḍdalakamale
tāṃ nītvā, tatra baṃ namaḥ, bhaṃ namaḥ, maṃ namaḥ, yaṃ namaḥ, raṃ namaḥ,
laṃ namaḥ, iti patreṣu madhye mūlena ca saṃpūjya, tato maṇipūrake nābhau
nīlavarṇe daśadalakamale tāṃ nītvā tatra ḍaṃ namaḥ, ḍhaṃ namaḥ, ṇaṃ namaḥ,
taṃ namaḥ, thaṃ namaḥ, daṃ namaḥ, dhaṃ namaḥ, naṃ namaḥ, paṃ namaḥ, phaṃ namaḥ,
iti patreṣu madhye mūlena ca saṃpūjya, tato vakṣasthanāhṛte piṅgalavarṇe dvādaśadalakamale tāṃ nītvā tatra kaṃ namaḥ, khaṃ namaḥ, gaṃ namaḥ,
ghaṃ namaḥ, ṅaṃ namaḥ, caṃ namaḥ, chaṃ namaḥ, jaṃ namaḥ, jhaṃ namaḥ, ñaṃ namaḥ,
ṭaṃ namaḥ, ṭhaṃ namaḥ, iti patreṣu madhye mūlena ca saṃpūjya, tato viśuddhau
kaṇṭhe dhūmravarṇe ṣoḍaśadalakamale tāṃ nītvā tatra śraṃ namaḥ, śrāṃ namaḥ,
iṃ namaḥ, īṃ namaḥ, uṃ namaḥ, ūṃ namaḥ, ṛṃ namaḥ, ṝṃ namaḥ, lṛṃ
namaḥ, lṝṃ namaḥ, eṃ namaḥ, aiṃ namaḥ, oṃ namaḥ, auṃ namaḥ, aṃ
65.1.2
namaḥ, aḥ namaḥ, iti patreṣu madhye mūlena ca saṃpūjya, tata ājñācakre bhrūmadhye vidyudvarṇe dvidalakamale tāṃ nītvā tatra haṃ namaḥ, kṣaṃ
namaḥ, iti patrayormadhye mūlena ca saṃpūjya, tato brahmarandhragatadvādaśāntacakraṃ prāpayya tatra sahasradalakamalakarṇikāntavartibindurūpatejomayaparamaśivena sahaikatāṃ nītvā, tataḥ sravatā paramāmṛtena tāṃ santarpya
tatra nādaśravaṇatatparo muhūrtaṃ layaṃ vibhāvya, tato'varohe sarvatra so'hamiti mantreṇa kamalātkamale'varohyamāṇāmājñācakrādikrameṇa teṣu teṣu
kamaleṣu taistairarcāraiḥ saṃpūjyamānāṃ tattadādhāra-tattaddhātu-tattadvarṇa-tattaddhidevatāḥ santarpayantīṃ mūlādhāraṃ prāpayya tatraiva svasthāne saṃsthāpayet | ityārohāvarohakrameṇa parāṃ śaktiṃ kuraḍalinīṃ dhyātvā
prakāśamānāṃ prathame prayāge pratiprayāge'pyamṛtāyamānām
antaḥpadvyāmanusañcarantīmānandarūpāmavalāṃ prapadye
iti stutvā ,
nāhamasmi na cānyo'sti dhyeyaṃ cātra na vidyate
ānandapadasaṃlīnaṃ manaḥ samarasīgatam
ahaṃ devī na cānyo'sti brahmaivāhaṃ na śokabhāk
saccidānandarūpo'haṃ svātmānamiti cintayet
iti saṃsmṛtya , gurūpadeśapūrvaṃ sūkṣmadhyānenaivānena sveṣṭadevatāsthūladhyānaṃ
kuryāt | tattejasā dhyānaṃ svadehaṃ vicintya tattejasaiva pariṇatāṃ svahṛdyakamale svābhedena śrīparadevatāṃ dhyātvā prāṇāyāmatrayaṃ kuryāt
tadvidhiryathā-tatra vihitapadmāsano mūlādhārārpitacittavṛttirmūlaṃ praṇavaṃ
vā ṣoḍaśavāramuccaran dakṣāṅguṣṭhena dakṣanāsāpuṭaṃ nirudhya vāmena puṭena
pavanaṃ pūrayet | tatastameva catuḥṣaṣṭivāramuccaran dakṣānāmākaniṣṭhābhyāṃ
65.1.3
vāmaṃ puṭaṃ ca dṛḍhaṃ nirudhya dvābhyāṃ pavanaṃ kumbhayet | tatastameva
dvātriṃśadvāramuccaran vāmaṃ puṭaṃ tathaiva nirudhya dakṣiṇena puṭena pavanaṃ
śanaiḥ śanai recayedityekaḥ prāṇāyāmaḥ | eṣa eva viparyayeṇa kriyamāṇo
dvitīyaḥ | prathamavat tṛtīyaḥ | itthaṃ prāṇāyāmatrayeṇa nirastasakalakaluṣaṃ svadehaṃ devatārādhanayogyaṃ vibhāvya svamūlavidyāyā ṛṣyādismaraṇaṃ
vidadhīta | yathā-asya śrījvālāmukhīmantrarājasya śrīvaiśvānara ṛṣiḥ ,
anuṣṭup chandaḥ , śrījvālāmukhī devatā , hrīṃ bījaṃ , śrīṃ śaktiḥ , hūṃ
kīlakaṃ caturvargasādhanārthe jape viniyogaḥ iti smṛtvā nyaset
śrīvaiśvānaraṛṣaye namaḥ śirasi , anuṣṭupchandase namo mukhe , śrījvālāmukhīdevatāyai namo hṛdi , hrīṃ bījāya namo guhye , śrīṃ śaktye namaḥ
pādayoḥ , hūṃ kīlakāya namo nābhau , jape viniyogāya namaḥ sarvāṅgeṣu | iti ṛṣyādinyāsaḥ | ūm̐hrāṃśrāṃ aṅguṣṭhābhyāṃ namaḥ , ūm̐hrīṃśrīṃ
tarjanībhyāṃ svāhā , ūm̐hrūṃśrūṃ madhyamābhyāṃ vaṣaṭ , ūm̐hraiṃśraiṃ anāmikābhyāṃ
huṃ , ūm̐hrauṃśrauṃ kaniṣṭhikābhyāṃ vauṣaṭ , ūm̐hraḥ śraḥ karatalakarapṛṣṭhābhyāṃ
phaṭ | evaṃ hṛdayādinyāsaḥ | iti karaṣaḍaṅganyāsaṃ vidhāya svahṛdyakamale svābhedena śrībhairavabhairavyau dhyāyet | yathā
trinetramindrardhakirīṭaratnaṃ kalpāntasūryaprabhaminduhāsam
vṛṣāsanaṃ śūlakapālahastaṃ vande mahādevamahaṃ cidīśam
65.2
jvālāparvatasaṃsthitāṃ trinayanāṃ pīṭhatrayādhiṣṭhitāṃ
jvālāḍambarabhūṣitāṃ suvadanāṃ nityamadṛśyāṃ janaiḥ
ṣaṭcakrāmbujamadhyagāṃ varaśarāmbhojābhayān bibhratīṃ
cidrūpāṃ sakalārthadīpanakarīṃ jvālāmukhīṃ naumyaham
65.4
iti dhyātvā mānasopacārairāgadhya, oṃmiti setuṃ hṛdi daśadhā vinyasya,
śrīmiti mahāsetuṃ viśuddhau sahasrāre ca daśadhā vinyasya, oṃśraṃmūlaṃ
aiṃśraṃśrāmityādi naḥ ityantam | oṃmiti maṇipūrake nirvāṇaṃ daśadhā
japet | tato mantrasaṃskāraṃ kuryāt | yathā "śrīṃ oṃ jvālāmukhi mama
sarvaśatrūn bhakṣaya 2 haṃ phaṭ svāhā hīṃ" iti trirjapet, ityutkīlanam | hūṃoṃhīṃśrīṃ jvālāmukhi mama sarvaśatrūn bhakṣaya 2 svāhā, iti
triḥ sañjīvanam | caṃcaṃjaṃ mūlaṃ bhaṃjaṃ iti trirjapet, iti tauṭilyam
oṃhīṃśrīṃ jvālāmukhi bhairavaśāpaṃ mocaya 2 haṃ phaṭ svāhā, iti śāpaharīṃ daśadhā japet | oṃhīṃśrīṃ kurukullāyai svāhā, iti kurukullāṃ
daśadhā japet | oṃhīṃśrīṃ namo jvālāmukhyastrāya dahadaha duritaṃ haṃ
phaṭ hana 2 kīlān svāhā jvālāmukhīṃ hīṃ svāhā, ityastramantraṃ triḥrjapet | oṃ mūlaṃ oṃ ityaśaucadvayanivāraṇārthaṃ saptadhā japet | oṃjvālāmukhyai vidmahe hīṃ jagaddhātriyai dhīmahi śrīṃ tanno jvāle pracodayāt, iti mūlagāyatrīṃ daśadhā japtvā, mālāmādāya oṃ māṃ māle
mahāmāle sarvaśaktisvarūpiṇi | caturvargastvayi nyastastasmānme siddhidā
bhava || oṃhīṃ siddhyai namaḥ, iti manasā gandhādinā tāṃ saṃpūjya, oṃgaṃ
śravighnaṃ kuru māle tvaṃ sarvabhāveṣu sarvadā | iti manasā pūjitāṃ dakṣakareṇa mālāmādāya śirasi śrīguruṃ śuklavarṇaṃ kareṭha svarṇavarṇāṃ mūlavidyāṃ
hṛdi śrīparadevīṃ yathoktarūpāṃ dhyāyan yathāśakti japaṃ kṛtvā, japānte
oṃ mālesarvadevānāṃ prītidā śubhadā bhava
śubhaṃ kuruṣva me bhadre yaśo vīryaṃ ca sarvadā
iti paṭhitvā mālāṃ śirasi saṃsthāpya, oṃhīṃhīṃ mahādevāya namaḥ
iti bhairavamantraṃ yathoktavidhinā saṃjapya, mūlaṃ sasaṃpuṭaṃ trirjaptvā puna:
rapi prāṇāyāmādinyāsān vidhāya ,
guhyātiguhyagoptrī tvaṃ gṛhāṇāsmatkṛtaṃ japam
siddhirbhavatu me devi tvatprasādānmaheśvari
ityanena tejomayaṃ japaṃ śrīdevīvāmahaste samarpya yonimudrayā praṇamet
prātaḥ prabhṛti sāyāntaṃ sāyādi prātarantataḥ
yatkaromi jagadyone tadastu tava pūjanam
iti nijakṛtyaṃ samarpya , svakāryānuṣṭhānāya ,
trailokyacaitanyamayi sureśi śrījvālike tvaccaraṇājñayaiva
prātaḥ samutthāya tava priyārthaṃ saṃsārayātrāmanuvartayiṣye
saṃsārayātrāmanuvartamānaṃ jvālāmukhi tvaccaraṇājñayālam
spardhātiraskārakalipramādabhayāni māṃ mābhibhavantu mātaḥ
jānāmyadharmaṃ na ca me nivṛttirjānāmi dharmaṃ na ca me pravṛttiḥ
tvayā hṛṣīkeśi hṛdisthayāhaṃ yathā niyukto'smi tathā karomi
iti śrīdevyājñāṃ prārthya , mūlādhārādidvādaśāntacakraparyantasthitābhyo
mahāgaṇapatiprabhṛtidevatābhyaḥ śrīgurūpadeśajñātaṃ sahajasiddhamajapājapaṃ saṅkalpya samarpayet | yathā adya pūrvedyurahorātrācaritamucchvāsaniḥśvāsātmakaṃ
ṣaṭśatādhikamekarviṃśatisahasrasaṃkhyākamajapājapaṃ mūlādhāra-svādhiṣṭhāna-maṇipūrānāhata-viśuddhājñā-brahmarandhreṣu caturdala-ṣaḍdala-daśadala-dvādaśadala-ṣoḍaśadala-dvidala-sahasradaleṣu svarṇavidrumanīlapiṅgaladhūmravidyutkarburavarṇeṣu sthitābhyo gaṇapatibrahmāviṣṇurudra-jīvātmaparamātmaśrīgurupādukābhyo yathā bhāgaśaḥ samarpayāmi , iti smṛtvā kṛtāñjalirnyaset | yathā-oṃ aiṃ hrīṃ śrīṃ mūlādhāracakrasthāya śrīgaṇapataye śrajapājapānāṃ ṣaṭśatāni samarpayāmi namaḥ
65.4-2
svādhiṣṭhānacakrasthāya brahmaṇe'japājapānāṃ ṣaṭsahasrāṇi samarpayāmi
65.4-3
maṇipūracakrasthāya viṣṇave'japājapānāṃ ṣaṭsahasrāṇi samarpayāmi
65.4-4
anāhatacakrasthāya rudrāyājapājapānāṃ ṣaṭsahasrāṇi samarpayāmi
65.4-5
viśuddhacakrasthāya jīvātmane'japājapānāṃ sahasraṃ samarpayāmi
65.4-6
ājñācakrasthāya paramātmane'japājapānāṃ sahasraṃ samarpayāmi
65.4-6.p1.1
sahasradalakamalakarṇikāmadhyavartinyai śrīgurupādukāyai ajapājapānāṃ sahasraṃ samarpayāmi namaḥ | ityajapājapaṃ samarpya, ajapāmantreṇa prāṇāyāmaṃ kṛtvā saṃkalpaṃ kuryāt | yathā—
oṃ asya śrīajapāgāyatrīmantrasya, haṃsa ṛṣiḥ, avyaktagāyatrīcchandaḥ, śrīparamātmā paramahaṃso devatā, haṃ bījaṃ, saḥ śaktiḥ, so'haṃ kīlakaṃ, oṃkārastattvaṃ, udāttaḥ svaraḥ, nabhaḥ sthānaṃ, haimo varṇaḥ, mama muktisādhanārthe ajapājape viniyogaḥ
oṃ haṃsaṛṣaye namaḥ śirasi
oṃ avyaktagāyatrīcchandase namo mukhe
oṃ śrīparamahaṃsadevatāyai namo hṛdi
oṃ haṃ bījāya namo guhye
oṃ saḥ śaktaye namaḥ pādayoḥ
oṃ so'haṃ kīlakāya namo nābhau
oṃ oṃkāratattvāya namo hṛdaye
oṃ udāttasvarāya namaḥ kaṇṭhe
oṃ nabhase sthānāya namo mūrdhni
oṃ haimāya varṇāya namaḥ sarvāṅgeṣu, iti nyasya mama mokṣārthe'japājape viniyogaḥ | iti kṛtāñjaliḥ paṭhet | iti ṛṣyādinyāsaḥ
oṃ haṃsāṃ sūryātmane svāhā aṅguṣṭhābhyāṃ namaḥ
oṃ haṃsīṃ somātmane svāhā tarjanībhyāṃ svāhā
oṃ haṃsūṃ nirañjanātmane svāhā madhyamābhyāṃ vaṣaṭ
oṃ haṃsaiṃ nirābhāsātmane svāhā anāmikābhyāṃ huṃ
oṃ haṃsauṃ anantatanuḥ sūkṣmādevī pracodayāt svāhā kaniṣṭhikābhyāṃ vauṣaṭ
oṃ haṃsaḥ adhyakbodhātmane svāhā karatalakarapṛṣṭhābhyāṃ phaṭ
evaṃ hṛdayādinyāsaḥ
tato dhyānam—
dyāṃ mūrdhānaṃ yasya viprā vadanti khaṃ vai nābhiṃ candrasūryau ca netre
digbhiḥ śrotre yasya pādau kṣitiśca dhyātavyo'sau sarvabhūtāntarātmā
65.4-6.p1.2
iti virāṭsvarūpaṃ svātmānaṃ dhyātvā tadanusandhāyinaṃ prāṇavāyornirgamapraveśātmakamajapāmantraṃ pañcāviṃśativāraṃ japtvā samarpya, śrīgurūpadiṣṭamārgeṇa nādānusandhānapūrvakaṃ nirastasamastopādhinā kenāpi cidvilāsena pravartamāno'smīti vibhāvya, svakāryānuṣṭhānāya
samudramekhale devi parvatastanamaṇḍale
viṣṇupatni namastubhyaṃ pādasparśaṃ kṣamasva me
iti bhūmiṃ prārthya , śvāsānusāreṇa tasyāṃ pādaṃ nidhāya , " nandantu
sādhakāḥ sarve " ityādi paṭhan bahirnirgatya malamūtrotsargaśaucācamanaṃ
vidhāya , klīṃ kāmadevāya sarvajanamanoharāya namaḥ , iti dantadhāvanaṃ
kuryāt | tato nadyādau gatvā vaidikasnānaṃ nirvartya tāntrikasnānamārabhet | yathā—tatrādau mūlena karacaraṇamukhāni prakṣālya , oṃmaṇidhari
vajriṇi mahāpratisare rakṣa 2 haṃ phaṭ svāhā , iti śikhāṃ baddhvā ,
mūlavidyayā trirācamya , mūlaṃ hrāṃhīṃ iti gaṇaḍṣaṣaṭkaṃ kṛtvā , hīṃ
vaiśvānaramṛṣaye namaḥ puṣpārghyadhūpadīpādinā tuṣṭo bhava snānakāle
vighnāśvivāraya 2 svāhā , iti daśadhābhyukṣya mūlena taṭānmṛdaṃ gṛhītvā
svāheti śilāṃ prakṣālya , tatra mṛdaṃ saṃsthāpya snānaṃ kuryāt | tatrādau
mūlaṃ ātmatattvaṃ śodhayāmi svāhā , mū0 vidyātattvaṃ śodhayāmi svāhā ,
mū0 śivatattvaṃ śodhayāmi svāhā , ityācamya ṛṣyādikaraṣaḍaṅganyāsaṃ
ca kṛtvā , oṃhrīṃśrīṃ jvālāmukhi hīṃ phaṭ svāhā , iti mṛdo bhāgatrayaṃ kṛtvā oṃmityekāṃ mṛdaṃ śodhayet | tata ekāṃ mṛdaṃ gṛhītvā adyetyādi snānasaṅkalpaṃ kuryāt | tato nadyāṃ nābhimātre jale sthitvā
svapurato jale hastamātraṃ caturasraṃ tīrthaṃ parikalpya ,
65.4-6.p1.3
oṃ brahmāeḍodaratīrthāni karaiḥ spṛṣṭāni te rave
tena satyena deveśa tīrthān dehi divākara
iti sūryāttīrthaṃ prārthya , kromiti aṅkuśamudrayā sūryamaṇḍalaṃ bhittvā ,
oṃgāṃ gaṅge ca yamune caiva godāvari sarasvati
narmade sindhukāveri jale'smin sannidhiṃ kuru
iti sūryamaṇḍalāttīrthānyāvāhya puraḥ kalpitatīrthe niyojya , punaḥ sūryamaṇḍalādeva hrāṃhrīṃhrūṃhraiṃhrauṃhraḥ sarvānandamayi tīrthaśakte pahyehi svāhā ,
iti tīrthaśaktimāvāhya tasmiṃstīrthamaṇḍale tāṃ dhyāyet | yathā—
sarvānandamayīmaśeṣaduritadhvaṃsāṃ mṛgāṅkaprabhāṃ
jvalāṃ cordhvakaradvayena dadhatīṃ pāśaṃ sraṇiṃ ca kramāt
dorbhyāṃ cāmṛtapūrṇahemakalaśaṃ śuklāmbaramālāmbarāṃ
gaṅgāsindhusariddvayādisahitāṃ śrītīrthaśaktiṃ bhaje
iti dhyātvā yonimudrayā mūlena tajjalamaṣṭadhābhimantrya hīṃmityāloḍya,
vamiti dhenumudrayāmṛtīkṛtya, oṃātmatattvāya namaḥ, oṃvidyātattvāya
namaḥ oṃśivatattvāya namaḥ, iti tattvatrayaṃ jale vinyasya tena nijaśirāstriḥ prokṣya, ekāṃ mṛdaṃ jale kṣiptvā dvitīyamṛdāṅgāni saṃśodhya
tṛtīyāṃ gṛhītvā devatāvāhanaṃ kuryāt | yathā—
jvālāmukhi śivārūḍhe oṃhrīṃśrīṃbījatrayānvite
parivārayute devi jale'smin sannidhiṃ kuru
iti tṛtīyayā mṛdā devatāmāvāhya tatra jale yantraṃ vibhāvya, oṃhrīṃśrīṃ
jvālāmukhi mama śatrūnutsāraya 2, iti jvālāmukhīṃ trirabhiṣicya,
mūlena svātmānaṃ pūrvavat trācamya mūlaṃ smaran śravaṇādisaptacchidrāṇi nirudhya trirnimajjyonmajjet | tataḥ 'hrāṃhrīsaḥ sūryāya eṣa
te jalāñjaliḥ ' iti sūryāya jalāñjaliṃ dattvā trirācamya svaśiro
65.4-6.p1.4
mūlena saptadhābhyudaya daśadhā mūlaṃ sañjapya, jalāttīramāruhya dhaute
vāsasī paridhāpya mūlena tripuṇḍramūrdhvapuṇḍraṃ vā tilakaṃ kuryāt
65.4-6.p2
iti snānavidhiḥ
Linked texts (6)
- Devīrahasya — Sanskrit
- Saubhāgyaratnākara — Vidyānandanātha, Sanskrit
- Ānandeśvarapaddhati — Sanskrit
- Ānandeśvarapaddhati — Sanskrit
- Pūrvārddhadevirahasya — Sanskrit
- Devīrahasyapurāṇa — Sanskrit