Devirahasya 66.1.1

66.1.1

tataḥ prathamaṃ vaidikīṃ saṃdhyāṃ kṛtvā tāntrikīmārabheta | yathā—pūrvavadācamya prāṇāyāmaṣaḍyādikaraṣaḍaṅganyāsān vidhāya svapuratastīrthajalaṃ
dhenumudrayāmṛtīkṛtya mūlenāṣṭadhābhimantrya tena jalena "oṃ namaḥ"
ityādi "haṃ namaḥ" ityantaṃ mātṛkayā svaśiraḥ prokṣya, mūlena ca
triḥ saṃprokṣya vāmahaste jalamādāya dakṣahastenācchādya, laṃvaraṃyaṃhaṃ iti
pāñcabhautikairmantraiḥ saptadhābhimantrya, mūlena ca trirabhimantrya tajjalavindubhistattvamudrayā mūlena ca svaśirastriḥ prokṣyāvaśiṣṭajalaṃ dakṣahaste
nidhāya, tejorūpaṃ tajjalamiḍayākṛṣya svadehāntaḥsthitaṃ sakalakaluṣaṃ
prakṣālya, tajjalaṃ kṛṣṇavarṇaṃ piṅgalayā bahirnirgataṃ matvā, punarvāmahaste
kṛtvā svavāmabhāge jvaladvajraśilāṃ dhyātvā "oṃśrīṃpaśupuṃ phaṭ"
iti pāśupatāstramantreṇa tasyāṃ śilāyāmāsphālayet | mūlena jalamādāya pravahnājyā sahasradalaparamāmṛtenaikībhūtaṃ vibhāvya nirgamayya,
tena jalena "oṃ amṛtamālinyai svāhā" iti kuśaiḥ svaśirastriḥ prokṣya,
ātmatattvaṃ śodhayāmi svāhā, evaṃ vidyātattvaṃ0, śivatattvaṃ0, śivatattvaṃ0, vidyātattvaṃ0, ātmatattvaṃ0, mūlaṃ sarvatattvaṃ śodhayāmi0 iti
ca trirācamya, evaṃ navadhācamya jalamañjalinādāyotthāya "oṃ hāṃhāṃ
haṃsaḥ śrīmārtaṇḍabhairavāya prakāśaśaktisahitāya idamarghyaṃ parikalpayāmi
svāhā" iti kulasūryāya trirarghyaṃ dattvā, tato hṛtpadmāt sūryamaṇḍale
mūladevīṃ nītvā tatra vidhivad dhyātvā mānasopacāraiḥ saṃpūjya, oṃ
jvālārūpiṇyai vidmahe jagaddhātriṇyai dhīmahi tanno jvālaḥ pracodayāt
anayā mūlagāyatryā catasṛṣu sandhyāsu śrīdevyai arghyatrayaṃ dattvā