Devirahasya 66.1.11

66.1.11

iti hutvā, punarhṛdayakamale śrīdevīṃ dhyātvā, uttarāpośānādisarvopacārairārādhya, mūlaṃ yathāśakti japitvā, prāṇāyāmādinā japaṃ samarpya śrīguruṃ praṇamya svadehaṃ gandhādinā saṃbhūṣya manasā yathāśakti japahomādikaṃ ca kṛtvā, svaśarīraṃ kāmakalārūpaṃ dhyāyan svadehaṃ pūjāyogyaṃ kṛtvā sāmānyārghyaṃ kuryāt | tatra svadale trikoṇavṛttabimbaṃ cakraṃ vidhāya, tatra "ādhāraśaktyai namaḥ" iti saṃpūjya tadupari tripādikāṃ saṃsthāpya "raṃ vahnimaṇḍalāya daśakalātmane namaḥ" iti saṃpūjya, tatra astrāya phaḍiti tāmrapātraṃ śaṅkhādikaṃ vā saṃsthāpya, ("śraṃ sūryamaṇḍalāya dvādaśakalātmane namaḥ" iti saṃpūjya śuddhajalena tatpātramāpūrya "soṃ somamaṇḍalāya ṣoḍaśakalātmane namaḥ" iti saṃpūjya,) tatra "gaṅge ca yamune caiva" ityādinā tīrthānyāvāhya gandhādyatapuṣpāṇi niḥkṣipet| evaṃ sūryasomakalāḥ saṃpūjya dhenumudrāṃ pradarśayediti sāmānyārghyavidhiḥ
tataḥ svavāme ṣaṭkoṇāntargatatrikoṇadvayabinduṃ bāhyavṛttabimbaṃ maṇḍalaṃ viracayya, tatra "maṇḍukāya namaḥ" ityādipīṭhapūjākrameṇa pīṭhapūjāmārabhet | tato namaḥ ityādhāraṃ prakṣālya maṇḍalopari saṃsthāpya "raṃ vahnimaṇḍalāya daśakalātmane namaḥ" iti saṃpūjya, phaḍiti kalaśaṃ prakṣālya kāraṇena prapūrya raktavastramālyādinā saṃbhūṣya śrīdevībuddhyā saṃsthāpya "aṃ arkamaṇḍalāya dvādaśakalātmane namaḥ" iti kalaśaṃ saṃpūjya, "soṃ candramaṇḍalāya ṣoḍaśakalātmane namaḥ" iti dravyaṃ saṃpūjya, phaḍiti saṃrakṣya hūmityavaguṇṭhya mūlena saṃvīkṣya mūlena gandhamāghrāya, kumbhe puṣpaṃ dattvā śāpamocanaṃ kuryāt | yathā—