Devirahasya 66.1.5

66.1.5

mūlādhārāt haṃsa iti mantreṇa pṛthivyā saha kuṇḍalinīṃ svādhiṣṭhāne samānīya tatra jale pṛthivīṃ līnāṃ vibhāvya, tasmājjalena saha maṇipūre samānīya tatra vahnau jalaṃ līnaṃ vibhāvya, tasmādvahninā sahānāhate samānīya tatra vāyau vahniṃ līnaṃ vibhāvya, tasmādvāyunā saha viśuddhau samānīya tatrākāśe vāyuṃ līnaṃ vibhāvya, tasmādākāśena sahājñācakre samānīya tatsthamanasyākāśaṃ līnaṃ sañcintya, mano nāde līnaṃ sañcintya, dhvanau dhvaniṃ līnaṃ sañcintya, sahasradalakamalakarṇikāstha-candramaṇḍalamadhyagatatejomayabindurūpaparamaśive tāṃ samarpya tatra kevalaśarīre
vāmakukṣisthitaṃ pāpapuruṣaṃ kajjalaprabham
brahmahatyāśiraskaṃ ca svarṇasteyabhujadvayam
surāpānahṛdā yuktaṃ gurutalpakaṭidvayam
tatsaṃsargipadadvandvamaṅgapratyaṅgapātakam
upapātakaromāṇaṃ rūkṣamaśruvilocanam
khaḍgacarmadharaṃ kruddhaṃ pāpaṃ kucau vicintayet
iti pāpapuruṣaṃ dhyātvā, prāṇāyāmavidhinā yamiti vāyubījaṃ dhūmravarṇaṃ ṣoḍaśavāraṃ japaṃstaṃ pāpapuruṣaṃ saṃśoṣya, tato ramiti vahnibījaṃ raktavarṇaṃ catuṣṣaṣṭivāraṃ japaṃstameva saṃdahya, vamityamṛtabījaṃ sahasrāre vicintya
dvātriṃśadvāraṃ japaṃstadudbhavāmṛtadhārayā niṣpāpaṃ śarīramutpādya , lalāṭastha-lamiti pṛthvībījena pītavarṇena sudṛḍhīkṛtya , hīṃmiti mūlasthabījena saiśvarye sohamiti mantreṇa kuṇḍalinīmamṛtalolībhūtāṃ pañcabhūtāni
jīvātmānaṃ ca brahmapathe svasvasthāne saṃyojayet | iti bhūtaśuddhiḥ
tato devīrūpamātmānaṃ vicintya hṛdi hastaṃ nidhāya prāṇapratiṣṭhāṃ