Devirahasya 67.1.12

67.1.12

devatāṃ kāṃcit saṃvitsukhamayīṃ śraye || iti natvā kṣamāpayet
bhūmau skhalitapādānāṃ bhūmirevāvalambanam
tvayi jātāparādhānāṃ tvameva śaraṇaṃ śive
aparādho bhavatyeva sevakasya pade pade
ko'paraḥ sahate loke kevalaṃ svāminaṃ vinā
aparādhasahasrāṇi kriyante'harniśaṃ mayā
samattaṃ savidhaṃ sarvamiti mātaḥ kṣamasva me
yad dattaṃ bhaktimātreṇa puṣpaṃ patraṃ phalaṃ jalam
niveditaṃ ca naivedyaṃ tad gṛhāṇānukampayā
āvāhanaṃ na jānāmi na jānāmi visarjanam
pūjābhāgaṃ na jānāmi tvaṃ gatiḥ parameśvari
karmaṇā manasā vācā nāsti vānyā gatirmama
antaścāreṇa bhūtānāṃ tvaṃ parameśvari
mātaryonisahasreṣu yeṣu yeṣu vrajāmyaham
teṣu teṣvacyutā bhaktiracyute'stu sadā tvayi
devī dātrī ca bhoktrī ca devī sarvamidaṃ jagat
devī jayati sarvatra yā devī so'hameva hi
yadvarapadabhraṣṭaṃ mātrāhīnaṃ ca yadgatam
kṣantumarhasi deveśi kasya na skhalitaṃ manaḥ
kṣamasva devadeveśi jvālāmukhi maheśvari
tava pādāmbuje nityaṃ niścalā bhaktirastu me
sādhu vāsādhu vā karma yadyadācaritaṃ mayā
tat sarvaṃ kṛpayā devi gṛhāṇārādhanaṃ mama
napi sāmayikān tena prodya, puṣpāñjalimādāya
gaccha gaccha paraṃ sthānaṃ svasthānaṃ parameśvari
yatra brahmādayo devā na viduḥ paramaṃ padam
iti visṛjya saṃhāramudrayā śrīcakrāt puṣpamādāya tattejaḥ samuddhṛtyāghrāya
pūrakayogena hṛdayakamalaṃ prāpayya, tatra yathoktarūpāṃ dhyāyan,
tiṣṭha tiṣṭha pare sthāne svasthāne parameśvari
yatra brahmādayaḥ sarve surāstiṣṭhanti me hṛdi
iti hṛdayakamale saṃsthāpya, 'caraḍeśvarāya namaḥ' iti nirmālyaṃ saṃpūjya