Devirahasya 67.1.3

67.1.3

māmṛtāt || iti mīnaśodhanam | "oṃ tadviṣṇoḥ paramaṃ padaṃ" ityādinā mudrāśodhanam | oṃ viṣṇuryoniṃ kalpayatu tvaṣṭā rūpāṇi piṃśatu
āsiñcatu prajāpatirdhātā garbhaṃ dadhātu te || garbhaṃ dhehi sinīvāli
garbhaṃ dhehi sarasvati | garbhaṃ te śvinau devāvādhattāṃ puṣkarasrajā
iti pañcamaṃ śodhayet | tataḥ pātropari hūmityavaguṇṭhya vamityamṛtīkṛtya tālatrayeṇa diśaḥ saṃvaddhya, tadupari mūlaṃ saptadhā prajapya yonimudrāṃ pradarśayet | tataḥ śrīpātropari kurukullinyāḥ prayogeṇa rājadantavartmanā niḥsṛtāmṛtadhārāṃ yonimudrollāsitena kareṇānīya, mūlaṃ um̐
brahmāṇḍakhaṇḍasaṃbhūtamaśevarasasaṃbhṛtam | āpūritaṃ mahāpātraṃ pīyūṣarasamāvaha || pam̐ amṛte amṛtodbhave amṛteśvari amṛtavarṣiṇi amṛtaṃ srāvaya 2
um̐juṃsaḥ svāhā ityabhimantrya, sauḥ tadrūpaikarasayaṃ ca dattvārghyaṃ tatsvarūpiṇi | bhūtvā parāmṛtākāraṃ mayi citsphuraṇaṃ kuru || ityabhimantrya,
hsauṃ namaḥ iti saṃpūjya, śaṅkhamudrāṃ pradarśya ṣaḍaṅgena sakalīkṛtya matsyamudrayā pātramācchādya mūlaṃ daśadhā saṃjapya pātraṃ devīrūpaṃ bhāvayediti
śrīpātrasthāpanavidhiḥ
tato devyā ājñāmādāya ghaṭasamīpe gurupātraṃ tataḥ śaktipātra-bhogapātra-svapātra-yoginīpātra-vīrapātra-balipātra-pādyapātrārghyapātrācamanīyapātra-madhuparkapātramityetāni pātrāṇi saṃsthāpya, tataścarvaṇayutakāreṇa
tattvamudrayā śrīpātrāmṛtavindūn samuddhṛtya, hsaradyamalavayaūṃ surādevyai
vauṣaṭ ānandeśvarabhairavaṃ tarpayāmi namaḥ surādevīṃ tarpayāmi namaḥ iti