Devirahasya 67.1.6

67.1.6

saṃsthāpya pūrvavat prokṣaṇapūjane kṛtvā vāmamadhyamayā dīpapātraṃ saṃspṛśan dīpaṃ nivedayāmīti nivedya, pūrvavad ghaṇṭāṃ vādayan madhyamānāmāmadhye dīpapātramaṅguṣṭhena dhṛtvā darśayan gāyatrīṃ ca paṭhan "oṃ suprakāśo mahādīpaḥ sarvatastamanāśakaḥ | prasīda mama deveśi dīpo'yaṃ
pratigṛhyatām ||" iti dīpayet | tataḥ svarṇādipātre kuṅkumena vasupatraṃ candrarūpaṃ caruṃ kṛtvā madhye dīpamekamaṣṭapatreṣu dīpāṣṭakaṃ saṃsthāpya,
thīṃ sauḥ glūṃ slūṃ mlūṃ plūṃ nlūṃ sauḥ śrī śrīratteśvaryai namaḥ ityabhyarcaya
mūlena cābhyarcya sthālakamāmastakamuddhṛtya navavāraṃ mūlaṃ "samastacakracakreśīyute devi navātmike | ārātrikamidaṃ devi gṛhāṇa mama
siddhaye ||" iti cakramudrayā nīrājayediti nīrājanavidhiḥ
tato nānānaivedyaṃ svarṇapātre niḥkṣipya hūmityavaguṇṭhya vamityamṛtīkṛtya, mūlaṃ saptadhā sañjapya vāmāṅguṣṭhena naivedyapātraṃ spṛśan mūlānte
"hemapātragataṃ divyaṃ paramānnaṃ susaṃskṛtam | pañcadhā ṣaḍrasopetaṃ gṛhāṇa
parameśvari" naivedyaṃ nivedayāmīti dattānāmāṅguṣṭhābhyāṃ nivedayet | tato
mūlaṃ amṛtopastaraṇamasi svāhā ityapośānaṃ dattvā, pañca prāṇādimudrāḥ
pradarśya sutṛptāṃ devīṃ bhāvayitvā, punarācamanīyaṃ dattvā mūlānte karpūrādiyuktaṃ tāmbūlaṃ nivedayāmīti tāmbūlaṃ dadyāt | oṃ aiṃ namaḥ ucchiṣṭacāṇḍāli mātaṅgini sarvavraśaṅkari svāhā śrīśeṣikāpādukāṃ pū0
idamucchiṣṭabhojanaṃ kalpayitvā devī-īśāne trikoṇe kṣipet | tataḥ
sarveṣāmarghyapātrajalenotsargaḥ kāryaḥ | tatastattvamudrayā śrīpātrāmṛtena
devīṃ triḥ santarpya, hṛdi kṣobhiṇīṃ, mukhe drāviṇīṃ, bhrūmadhye ākarṣiṇīṃ,