Devirahasya 67.1.9

67.1.9

tatrāgnau jale vā śrīcakraṃ vilikhya vibhāvya vā tatra svahṛdyāddevīmāvāhya mūlena sruksruvaghṛtacarusaṃskāraṃ vidhāya homaṃ kuryāt | yathā—prāṇāya svāhā, apānāya svāhā, samānāya svāhā, udānāya svāhā, vyānāya svāhā, iti pañcāhutīrhutvā, ṣaḍaṅgāhutīrjuhuyāt | oṃ hāṃśrāṃ
hṛdayāya namaḥ svāhā, evamaṅgāntaṃ ṣaḍaṅgāhutīrhutvā, āvaraṇadevatā
api hutvā devīṃ svahṛdyānīyāgni visarjayediti nityahomavidhiḥ
tata īśāne maṇḍalaṃ kṛtvā "vāṃ vaṭukāya namaḥ, oṃ hrīṃ śrīṃ ehyehi
devīputra vaṭukanātha kapilajaṭābhārabhāsvara trinetra jvālāmukha sarvavighnān
nāśaya 2 sarvopacārasahitāṃ pūjāṃ baliṃ gṛhṇa 2 svāhā" iti vāmāṅguṣṭhānāmikābhyāṃ baliṃ dadyāt| tata āgneye yāṃ yoginībhyo namaḥ,
"ūrdhve brahmāṇḍato vā divi gaganatale bhūtale nistale vā pātāle
vānale vā pavanasalilayoryatra kutra sthitā vā| kṣetre pīṭhopapīṭhādiṣu
ca kṛtapadā dhūpadīpālimāṃsaiḥ prītā devyaḥ sadā naḥ śubhabalividhinā
pāntu vīrendravandyāḥ" || yāṃ yoginībhyo namaḥ "sarvayogibhyo hūṃphaṭ
svāhā" iti vāmāṅguṣṭhamadhyamābhirvisṛjet| tato nairṛte "vāṃ kṣetrapālāya namaḥ, oṃ vāṃ vīṃ vūṃ vaiṃ vauṃ kṣetrapālālibalisahitaṃ baliṃ gṛhṇa 2
svāhā, "yo'smin kṣetre nivāsī ca kṣetrapālaḥ sakiṃkaraḥ| sa
prīto balidānena sarvarakṣāṃ karotu me ||" iti vāmāṅguṣṭhatarjanībhyāṃ
balimutsṛjediti| tato vāyavye "gāṃ gīṃ gūṃ gaṇapataye vara varada sarva
janaṃ me vaśamānaya baliṃ gṛhṇa 2 svāhā" iti vāmāṅguṣṭhamadhyamābhyāṃ