Devirahasya 51: athaikapañcāśattamaḥ paṭalaḥ
Devīrahasya 51
- Language
- Sanskrit
athaikapañcāśattamaḥ paṭalaḥ
51.1
samāptaṃ śrīdurgāpañcāṅgam
śrīśailarājaśikhare nānādrumasamākule
vasantalakṣmīnilaye samāsīnamumāpatim
51.2
ekadā devamīśānaṃ śaśiśekharamīśvaram
umāśritārdhavapuṣaṃ devadānavasevitam
51.3
dhyānāsaktāttritayaṃ jaṭājūṭalatāruṇam
bhasmāṅgarāgadhavalaṃ nārāyaṇanamaskṛtam
51.4
brahmādidevapraṇataṃ gāndharvajanavanditam
yacarākṣasanāgendra-nagendrakulapūjitam
51.5
bhairavaṃ bhairavākāraṃ girīśaṃ parameśvaram
utthāya vinatā bhūtvā paryapṛcchata pārvatī
51.6
bhagavan sarvalokeśa sarvalokanamaskṛta
guṇātīta guṇādhyacca bhūteśvara maheśvara
51.7
sṛjatyavati nityānte saṃharatyamitaṃ jagat
carācaraṃ bhavāneva kiṃ punarjepasi prabho
51.8
kiṃ dhyāyasi mahādeva satataṃ bhaktavatsala
vada śīghraṃ dayāmbhodhe yadyahaṃ preyasī tava
51.6-2
śrībhairava uvāca
devi kiṃ te pravakṣyāmi rahasyamidamadbhutam
sarveṣāṃ sārabhūtaṃ me sarveṣāṃ tattvamuttamam
51.10
lakṣacaturasahasrāṇi vāritāsi punaḥ punaḥ
strīsvabhāvānmahādevi punastvaṃ paripṛcchasi
51.11
adya bhaktyā tava snehādvakṣyāmi paramādbhutam
devīrahasyatantrākhyaṃ tantrarājaṃ maheśvari
51.12
sarvāgamaikamukuṭaṃ sarvasāramayaṃ dhruvam
sarvamantramayaṃ divyaṃ paṭalairdeśabhiyutam
51.13
anukramaṇikāṃ divyāṃ śṛṇu tattvasya pārvati
yasyāḥ śravaṇamātreṇa koṭipūjāphalaṃ labhet
51.14
śrīvidyānirṇayo devi mantrasādhanako'paraḥ
śivamantraprakāśākhyo dīkṣāvidhiranuttamaḥ
51.15
puraścaryāvidhirdevi pañcaratneśvarīkramaḥ
homasādhanakaścaiva cakrapūjāvidhiḥ paraḥ
51.16
ācāranirṇayo devi daśamo daśamīvidhiḥ
tatrādau devi vakṣye'haṃ durgābhuvanamadbhutam
51.17
jayaṃ nāma mahādivyaṃ bahuvistāravistṛtam
nānāratnasamākīrṇaṃ sūryakoṭisamaprabham
51.18
indragopakavarṇaṃ ca candrakoṭimanoharam
aprameyamasaṃkhyeyamagamyaṃ sarvavādinām
51.19
idaṃ divyaṃ jayaṃ nāma bhuvanaṃ parameśvari
tatraiva vasate durgā navarūpātmikā parā
51.20
yā devadevī varadā sarvalokaikasundarī
yā durgeti smṛtā loke brahmāṇḍodaravartinī
51.21
viṣṇunā tapasā pūrvamārādhya parameśvarīm
mahiṣasyāsurendrasya vadhārthāyāvatāritā
51.22
yogamāyā mahāmāyā sarvadā parameśvarī
tāmevāharniśaṃ dhyāye śrīvidyāṃ paramāṃ jape
51.23
tāmadyāhaṃ pravakṣyāmi vidyācaraṇadāyinīm
yāṃ śrutvā sa śivo jātaḥ pañcanādātmakaḥ śivaḥ
51.24
yadābhūdvarihīnā sā durgā niṣkalarūpiṇī
sācādbhuvanarūpāpi mahājyotiḥsvarūpiṇī
51.25
tadā śahakaṃkāle tu jyotīrūpo maheśvari
śivaḥ prabhāmaṇḍalato nirgato'cetano vibhuḥ
51.26
aśrṛṇonnādamādhāraṃ jagatāṃ bījamuttamam
api saṃsmara māyāṃ laṃ sṛṣṭo'pramanunāyakaḥ
51.27
iti śrutvā parānādaṃ tāramityabhidhīyate
śivo jajāpa sahasā bījaṃ trijagatāṃ śive
51.28
tena māyetiśabdaṃ sa śuśrāva gaganāttataḥ
durgamaṃ bhaja maheśāna sadānandālayaṃ param
51.29
cindunādamayo devaḥ śivo'bhūt parameśvaraḥ
tato nādaṃ sa śuśrāva duṣṭavarṇavivarjitam
51.30
durgām̐ bhajeti sa śivaḥ pañcanādātmako'bhavat
tato japtvā parāṃ vidyāmasṛjajjagadambike
51.31
ādau vāyuṃ śivaḥ sṛṣṭvā tataḥ sṛṣṭiryathecchayā
icchāmātraṃ śive viśvaṃ viśveśvari carācaram
51.32
sasarja lavamātraṃ sa śitikaṇṭhaḥ śivaḥ śive
itīmāṃ guhyavidyāṃ tu labdhvā gurupadārcanāt
51.33
kiṃkiṃ na sādhayelloke sādhako mantrasādhakaḥ
vaśyaṃ vahniṃ ca kāmaṃ ca dhanaṃ vṛttaṃ ca sādhakaḥ
51.34
vaśīkuryādyathābuddhyā yena turyākulaṃ bhavet
śrīcakramidamādhāraṃ devyā vibhavakāraṇam
51.35
guhyaṃ sarvasvamambāyāḥ pūjyaṃ sādhakasattamaiḥ
cakraṃ likhenmahādevi pūjyamantrārkayordalaiḥ
51.36
yena devī mahāmāyā śrīdurgāsu prasīdati
cakre saṃpūjayedyastu nīlābhāṃ dāhanīṃ dyutim
51.37
vahnīndusūryāmbarajaṃ maṇḍalākāramarcayet
lasanmukuṭarociṣṇuḥ sa bhavet sādhakottamaḥ
51.38
tasya śaṅkhanibhā kīrtirbhramate bhuvanatraye
sasurāsuragandharvaṃ vaśaṃ yāti maheśvari
51.39
śarāsavarasānandamayo bhūtvā japenmanum
kheṭakāstasya tuṣyanti sādhakasyāṅgapūjanāt
51.40
tasya rogā vinaśyanti sarve śūlādayo'cirāt
tarjanīṃ tasya vīrtryāpi ripavo yānti vidrutāḥ
51.41
tasya gehe dhanaṃ gāvo mahiṣyā triṣṭaraṃ gajāḥ
durgā ratnavatī bhūmistasya pīṭhaṃ manoharam
51.42
sādhakasya bhavedevaṃ saṃpattirbahudhārcanāt
evaṃ dhyāyenmahādevīṃ durgāṃ durgatināśinīm
51.43
dhyānena yena devendro bhaviṣyati hi sādhakaḥ
itīdaṃ devi tattvaṃ te kathitaṃ paramādbhutam
avaktavyamadātavyaṃ gopanīyaṃ svayonivat
Other recensions (1)
- Kak1941 — Sanskrit