Devirahasya 75

Devīrahasya 75

Language: Sanskrit

75.2 — 9 parts

75.2.1

pūrakam 64 kumbhakam 32 recakam ityekaḥ ,
viparyayeṇa dvitīyaḥ, prathamavat tṛtīyaḥ, | iti prāṇāyāmatrayeṇa nirastasakalakilbaṣaṃ svadehaṃ devatārādhanayogyaṃ vibhāvya nyāsaṃ kuryāt | asya
śrīśārikābhagavatīmantrasya, mahādeva ṛṣiḥ, triṣṭup chandaḥ, śrīśārikādevī devatā, śāṃ bījaṃ śrīṃ śaktiḥ phrāṃ kīlakaṃ dharmārthakāmamokṣārthe
pūjane viniyogaḥ, iti kṛtāñjalirvadet | mahādevaṛṣaye namaḥ śirasi,
triṣṭupchandase namo mukhe, śrīśārikādevatāyai namo hṛdi, śāṃ bījāya
namo guhya, śrīṃ śaktye namaḥ pādayo, phrāṃ kīlakāya namo nābhau, pūjane
viniyogāya namaḥ sarvāṅgeṣu | iti ṛṣyādinyāsaḥ | oṃ hrāṃśrāṃ aṅguṣṭhābhyāṃ namaḥ, oṃ hrīśrīṃ tarjanībhyāṃ namaḥ, oṃ hrūṃśrūṃ madhyamābhyāṃ namaḥ, oṃ
haiṃśraiṃ anāmikābhyāṃ namaḥ, oṃ hrauṃśrauṃ kaniṣṭhābhyāṃ namaḥ, oṃ hraḥ śraḥ karatalapṛṣṭhābhyāṃ namaḥ, | iti karanyāsaḥ | vaṃ ṣaḍaṅgeṣvapi nyaset | iti
nyāsairdehaṃ sattvaya,
"mūlādhāre mūlavidyāṃ vidyutkoṭisamaprabhām | sūryakoṭipratīkāśāṃ
candrakoṭiprabhāṃ priye || bisatantusvarūpāṃ tāṃ bindutrivalayāṃ priye
ūrdhvaśaktinipātena sahajena varānane || mūlaśaktidṛḍhatvena madhyaśaktiprabodhataḥ | paramānandasandohasānandāṃ cintayet parām ||" ityantaryajanaṃ
kṛtvā, mūlādhāre ātmāntarātmaparamātmajñānātmetyātmacatuṣyaṃ sacaturaśraṃ
kuraṇḍalyagnisamujjvalaṃ kuṇḍaṃ dhyātvā, tanmukhe mūlānte "ahantāṃ
juhomi svāhā" ityahantāṃ samarghya, asatyaṃ paiśunyaṃ kāmaṃ krodhaṃ lobhaṃ madaṃ

75.2.2

mātsaryaṃ juhomi suṣumnāsaktamanaḥsruveṇa pratyekaṃ hutvā, athavā " dharmādharmahavirdīpte svātmāgnau manasā srucā | suṣumnāvartmanā nityamadgavṛttīrjuhomyaham || iti hutvā punaḥ hṛtkamale yathoktarūpāṃ devīṃ dhyātvā mānasopacārairārādhya yathāśakti japahomādikaṃ ca manasaiva kṛtvā, kāmakalārūpaṃ svātmānaṃ vicintya svadehaṃ gandhādinā saṃpūjya kalaśasthāpanaṃ
kuryāt
tatra svadatte trikoṇaṃ vṛttamaṇḍalaṃ vidhāya "ādhāraśaktye namaḥ"
ityabhyarcya, tatrādhāraṃ nidhāya tadupari astrāya phaḍiti śodhitaṃ, namaḥ
iti pūritaṃ, pātraṃ śaṅkhaṃ vā saṃsthāpya, tatra gaṅge ca yamune caivetyādinā tīrthānyāvāhya, oṃmiti gandhādi niḥkṣipya "vahnisūryasomakalābhyo
namaḥ" iti saṃpūjya dhenumudrāṃ pradarśya svamantreṇa saṃpūjayediti sāmānyārghyaṃ vidhāya | tataḥ svavāme ṣaṭkoṇāntargatatrikoṇabindubāhyavṛttacaturasraṃ vidhāya sāmānyārghyodakena taṃ maṇḍalamabhyukṣya, tatra "ādhāraśaktibhyo namaḥ" iti saṃpūjya ādhāraṃ saṃsthāpya "raṃ vahnimaṇḍalāya
daśakalātmane namaḥ" iti prapūjya, phaḍiti kalaśaṃ prakṣālya kāraṇena
prapūrya, raktavastramālyādinā saṃbhūṣya devībuddhyā saṃsthāpya, "aṃ
arkamaṇḍalāya dvādaśakalātmane namaḥ" iti kalaśaṃ saṃpūjya, "sauṃ
somamaṇḍalāya ṣoḍaśakalātmane namaḥ" iti dravyaṃ saṃpūjya phaḍiti
saṃrakṣya, hūmityavaguṇṭhya, mūlena saṃvīkṣya, nama ityabhyukṣya mūlena gandhamāghrāya, kumbhe puṣpaṃ dattvā śāpamocanaṃ kuryāt
ekameva paraṃ brahma sthūlasūkṣmamayaṃ dhruvam | kacodbhavāṃ brahmahatyāṃ tena
te nāśayāmyaham || sūryamaṇḍalasaṃbhūte varuṇālayasaṃbhave | amābījamayi

75.2.3

devi śukraśāpādvimucyatām || vedānāṃ praṇavo bījaṃ brahmānandamayo yadi
tena satyena deveśi brahmahatyāṃ vyapohatu || iti triḥ paṭhitvā, tato
"vāṃ vīṃ vūṃ vaiṃ vauṃ vaḥ brahmaśāpamocitāya surādevyai namaḥ" ityapi triruccārya, haṃsaḥ śuciṣadityādi adrijā ṛtamityantaṃ triḥ paṭhitvā,
ānandabhairavamaṣṭādaśabhujaṃ trinayanaṃ paścamukhaṃ surādevīsahitaṃ dhyātvā,
"ham̐ ānandabhairavāya vauṣaṭ sahasramalavarayaūṃ surādevyai vauṣaṭ" iti
triḥ saṃpūjya, dravyamadhye dakṣiṇāvartena tripaṃktyā aṃ 16 kaṃ 16 thaṃ 16
iti vilikhya, tanmadhye haṃsaḥ iti, tatsamāveśād dravyamadhye'mṛtaṃ vicintya, dhenumudrayāmṛtīkṛtya vamiti sudhābījaṃ mūlamapi cāṣṭadhā
paṭhet | tayormadhye trikoṇaṣaṭkoṇavṛttacaturaśraṃ vilikhya caturaśre 'pūrṇagiripīṭhāya namaḥ , uḍḍīyānapīṭhāya namaḥ , kāmarūpapīṭhāya namaḥ,
jālandharapīṭhāya namaḥ , iti saṃpūjya , ṣaṭkoṇe ṣaḍaṅgaṃ saṃpūjya , trikhaṇḍena
trikoṇāgradattottaraṃ saṃpūjya , madhye "ādhāraśaktyai namaḥ" iti saṃpūjya ,
trikoṇagarbhe yantrikāṃ saṃsthāpya, nama iti sāmānyārghyajalenābhyudya
madhye "raṃ vahnimaṇḍalāya daśakalātmane namaḥ" iti saṃpūjya, phaḍiti
pātraṃ prakṣālya yantrikopari saṃsthāpya, tatra "aṃ arkamaṇḍalāya dvādaśakalātmane namaḥ" iti saṃpūjya, trikoṇavṛttaṣaṭkoṇaṃ pātre vilikhya
samastavyastamantreṇa saṃpūjya vaṃ mūlaṃ vilomamātṛkāṃ ca paṭhannamṛtena trikoṇaṃ prapūrya tatra gandhādi niḥkṣipya "sauṃ somamaṇḍalāya ṣoḍaśakalātmane
namaḥ" iti saṃpūjya pūrvavadyantraṃ dravye vilikhya, trikoṇatrirekhāyāṃ aṃ

75.2.4

16 kaṃ 16 thaṃ 16 iti vilikhya mūlena trikoṇaṃ triḥ saṃpūjya, ṣaḍaṅgena
ṣaṭkoṇaṃ saṃpūjya, gaṅgeca yamune ceveti tīrthamāvāhya, ānandabhairavabhairavyau
svasvamantreṇa saṃpūjya, pūrvāditaḥ glūṃ gaganaratnebhyo namaḥ pūrve| glūṃ svargaratnebhyo namaḥ dakṣiṇe| glūṃ martyaratnebhyo namaḥ paścime| glūṃ pātālaratnebhyo namaḥ uttare| glūṃ nāgaratnebhyo namaḥ madhye| iti saṃpūjya māṃsādi
saṃśodhayet| māṃsapātramānīya phaḍastrāya phaḍiti sāmānyārghyedakenābhyudya
humityavaguṇṭhya vamityamṛtamudrayāmṛtīkṛtya mūlaṃ saptadhoccārya "pra tadviṣṇuḥ stavate" ityṛcā saṃśodhayet| "tryambakaṃ yajāmahe" ityṛcā mīnaṃ
śodhayet| "ūm̐ viṣṇuryoniṃ kalpayatu tvaṣṭā rūpāṇi piṃśatu| āsiñcatu
prajāpatirdhātā garbhaṃ dadhātu te| garbhaṃ dhehi sinīvāli garbhaṃ dhehi sarasvati
garbhaṃ te aśvinau devā ādhattāṃ puṣkarasrajam||" oṃ hsaḥ bhrauṃ juṃsaḥ amṛte
amṛtodbhave amṛtavarṣiṇi amṛtaṃ srāvaya 2 svāhā, iti kurukullādikaṃ saṃśodhyāvaguṇṭhyāmṛtīkṛtya tadupari saptadhā mūlaṃ sañjapya tatra
devīmāvāhya, tālatrayeṇa digbandhanaṃ vidhāya yonimudrāṃ pradarśya hasauṃ namaḥ
iti saṃpūjya śaṃkhamudrāṃ pradarśya, ṣaḍaṅgena sakalīkṛtya matsyamudrayā pātramācchādya mūlamuccaran pātraṃ devīrūpaṃ vibhāvayet| tato ghaṭasamīpe guruśaktibhogasvapātrayoginīvīrabalipādyārghyācamanīyamadhuparkapātrāṇi krameṇa

75.2.5

saṃsthāpayet | tataścarcaṇaghṛtakāreṇa tattvamudrayā śrīpātrād bindūnsamuddhṛtya "ānandabhairavaṃ tarpayāmi namaḥ" iti triḥ santarpya, tataḥ "śrīmacchrīśramukānandanāthaśrīgurupādukāṃ tarpayāmi namaḥ" iti triḥ, evaṃ paramaguruparamācāryādīn santarpya, śrīpātrāmṛtena mūlena śrīdevīṃ sāyudhāṃ savāhanāṃ saparivārāṃ tarpayāmi namaḥ, iti santarpayediti kalaśasthāpanam
tataḥ pīṭhapūjāṃ kuryāt |
oṃ maṇḍūkāya namaḥ, kālāgnirudrāya0, mūlaprakṛtyai, ādhāraśaktyai, kamaṭhāya, anantāya, pṛthivyai, sudhārṇavāya ratnadvīpāya, kalpavanāya, nandanodyānāya, maṇimaṇḍapāya, maṇivedikāyai, ratnasiṃhāsanāya, sūryasomavahnimaṇḍalebhyo, hsauḥ sadāśivamahāpretāsanāya namaḥ, iti pīṭhaṃ saṃpūjya, vāyubījena vāmanāsāpuṭena svahṛdayād devīṃ kusumāñjalau saṃyojya, "deveśi bhaktisulabhe parivārasamanvite |
yāvat tvāṃ pūjayiṣyāmi tāvad devi ihāvaha ||" iti paṭhitvā, mūlaṃ śrīvāmadevasahite śrīśārikābhagavati ihāgaccha 2 iha saṃtiṣṭha 2 iha saṃnidhehi 2 saṃniruddhā bhava 2 mama sarvopacārasahitāṃ pūjāṃ gṛhṇa 2 ityāvāhanādimudrāḥ pradarśya, prāṇapratiṣṭhāṃ lelihānamudrayā vidhāya, daśadigbandhanaṃ kṛtvā avaguṇṭhya ca dhenuyonī pradarśya varāsicakrābhayamudrāśca pradarśya, śrīpātrāmṛtena sāyudhāṃ savāhanāṃ saparivārāṃ sāvaraṇāṃ śrīśārikābhagavatīśrīpādukāṃ tarpayāmi namaḥ iti triḥ santarpya, mūlaṃ śrīvāmadevasahitaśārikābhagavatyai pādyaṃ namaḥ, evamarghyaṃ svāhā, ācamanīyaṃ sudhā, madhuparkaṃ sudhā mukhe, snānīyaṃ namaḥ, "pāduke paridhāyātha śārike ratnanirmite |

75.2.6

snānamaṇḍapamāyāhi snānārthaṃ śakrādiggatam ||" mūlena snātvā, punaḥ "śārike paridhāyātha pāduke ratnanirmite |
āgaccha nirmitaṃ ramyamalaṅkārasya maṇḍapam ||" iti susnāpya śuddhadukūlenāṅgaṃ proñchya, vicitrapaṭavastrakuṅkumakastūrīcandanasindūramukuṭakuṇḍalahārādi-nānālaṅkārān dattvā, mūlena madhyamānāmāṅguṣṭhāgrairgandho namaḥ, evamaṅguṣṭhatarjanībhyāṃ puṣpāṇi vauṣaṭ, "oṃ jagaddhvanimantramātaḥ svāhā" iti ghaṇṭāṃ saṃpūjya vāmena pāṇinā tāṃ vādayan mūlena dhūpaṃ dadyāt |
evaṃ dīpacāmaracchatradhvajādarśanaivedyādīn nivedayet |
tatastattvamudrayā devīṃ triḥ santarpya kṛtāñjaliḥ "śrīśārikābhagavati āvaraṇaṃ te pūjayāmi namaḥ" ityājñāṃ gṛhītvāvaraṇapūjāmārabheta
tatrādau caturdvārapūjā | oṃ hrīṃ śrīṃ gaṃ gaṇapatiśrīpādukāṃ pūjayāmi namastarpayāmi namaḥ | oṃ dhaṃ dharmaśrīṃ | oṃ vaṃ varuṇaśrīṃ | oṃ kuṃ kuberaśrīṃ | puṣpāñjaliṃ dattvā yonimudrayā praṇamediti caturdvāraprathamarekhāyāṃ pūrvādikrameṇa pūjanam
atha dvitīyarekhāyāṃ | oṃ hrīṃ śrīṃ indraśrīpādukāṃpūṃ | oṃ agniśrīṃ | oṃ yamaśrīṃ | oṃ nirṛtiśrīṃ | oṃ varuṇaśrīṃ | oṃ vāyuśrīṃ | oṃ kuberaśrīṃ | oṃ īśānaśrīṃ | oṃ brahmaśrīṃ | oṃ viṣṇuśrīṃ | puṣpāñjaliṃ dattvā yonimudrayā praṇamediti
tatastṛtīyarekhāyāmeteṣāmāyudhāni pūjayet | yathā oṃ vajraśrīṃ | oṃ śaktiśrīṃ | oṃ daṇḍaśrīṃ | oṃ khaḍgaśrīṃ | oṃ pāśaśrīṃ | oṃ dhvajaśrīṃ | oṃ gadāśrīṃ | oṃ triśūlaśrīṃ | oṃ padmaśrīṃ | oṃ cakraśrīṃ | puṣpāñjaliṃ dattvā yonimudrayā praṇamediti prathamāvaraṇam

75.2.7

75.2.8

puṣpāñjaliṃ gṛhītvā mūlaṃ saptadhoccārya śrīmacchrīvāmadevasahita śrīśārikābhagavatīśrīpādukāṃ pūjayāmi namastarpayāmi namaḥ, iti saṃpūjya
santarpya pūrvavad gandhakusumadhūpadīpacchatrādibhiḥ saṃpūjayet | (tatraiva
varābhayau khaḍgacakre yathoktavidhinā pūjyau |) tataḥ kavacasahasranāmastotrāṇi paṭhet, nityahomaṃ ca kuryāt | tato yathāśakti mūlaṃ japtvā
"guhyātiguhyagoptrī tvaṃ" ityādinā tarpaṇaṃ kuryāt
sarvamaṅgalyamāṅgalye śive sarvārthasādhike
śaraṇye tryambake gauri nārāyaṇi namo'stu te
iti saptavāraṃ pradakṣiṇīkṛtya, sāmayikaiḥ saha mūlena pātravandanaṃ
kṛtvā, pātramuddhṛtya mastakāgraṃ nītvā devyā prasādīkṛtaṃ vibhāvya,
mūlaṃ ātmatattvaṃ śodhayāmi svāhā, mū0 vidyātattvaṃ śodhayāmi svāhā,
mūlaṃ śivatattvaṃ śodhayāmi svāhā, mūlaṃ sarvatattvaṃ śodhayāmi svāhā,
iti culakacatuṣṭayaṃ pītvā śeṣaṃ mūlamantraṃ paṭhan pibet | carvaṇaṃ ca svīkṛtya,
nandantu sādhakāḥ sarve vinaśyantu vidviṣakāḥ
avasthā śāmbhavī me'stu prasanno'stu guruḥ sadā
ityādi śāntistotraṃ paṭhitvā, īśāne maṇḍalaṃ vidhāya tatra nirmālyena
"nirmālyavāsinyai namaḥ" iti saṃpūjya santarpya, sāmānyārghyodakaṃ gṛhītvā
"itaḥ pūrvaṃ prāṇabuddhidehadharmādhikārato jāgratsvapnasuṣuptyavasthāsu manasā
vācā karmaṇā padbhyāmudareṇa śiśnā yatkṛtaṃ tatsarvaṃ madīyaṃ śrīśārikābhagavatīcaraṇārpaṇamastu svāhā" iti santarpya, sāmānyārghyapātraṃ gṛhītvā
sādhu vāsādhu yatkarma yadyadācaritaṃ mayā
tatsarvaṃ kṛpayā devi gṛhāṇa mama siddhaye
ityapaścakopari triḥ paribhrāmya devīhaste jalaṃ nidhāya śeṣajalaṃ

75.2.9

svavāmahaste saṃsthāpya mūlaṃ paṭhan saptadhā svātmānaṃ prokṣayet | tataḥ
"gaccha gaccha paraṃ sthānaṃ svasthānaṃ parameśvari
yatra brahmādayo devāḥ na viduḥ paramaṃ padam ||"
iti puṣpāñjalinā devīṃ tvamāpāyya, saṃhāramudrayā cakrāt puṣpaṃ gṛhītvāghrāya
"tiṣṭha tiṣṭha pare sthāne svasthāne parameśvari
yatra brahmādayaḥ sarve surāstiṣṭhanti me hṛdi ||"
iti svahṛdaye devīmānīya sukhaṃ viharediti
ityeṣā nityapūjāyāḥ paddhatirgopanīyarūpiṇī
śārikāsarvasvarūpā na deyā tattvavādibhiḥ
śārikāpaddhatirguhyā nityārcanakramāṅkitā
adīkṣitānyaśiṣyebhyo gopanīyā tu deśikaiḥ
iti śrīrudrayāmale tantre daśavidyārahasye
śrīśārikāyāḥ paddhatiḥ

Linked texts (3)

Devīrahasya — Sanskrit
Pūrvārddhadevirahasya — Sanskrit
Devīrahasyapurāṇa — Sanskrit

Devirahasya 75

Contents

Linked texts (3)