Devirahasya 76

Devīrahasya 76

atha
śrīśārikāsahasranāmakam
śrībhairava uvāca
yā sā devī purākhyātā śārikārūpadhāriṇī
jālandhararājasaṃjñī pradyumnaśikhare sthitā

tasyā nāmasahasraṃ te mantragarbhaṃ jayāvaham
kathayāmi parāṃ vidyāṃ sahasrākhyābhidhāṃ śive

śilāyāḥ śārikākhyāyāḥ parasarvasvarūpiṇīm
vinā nityakriyāṃ devi vinā nyāsaṃ vinārcanam

vinā puraskriyāṃ jāpyaṃ vinā homaṃ ca tarpaṇam
vinā śmaśānagamanaṃ vinā samayapūjanam

yayor labhet phalaṃ sarvaṃ tāṃ vidyāṃ śṛṇu pārvati
yā devī cetanā loke śilārūpāsti śārikā

sṛjatyavati viśvaṃ tu saṃhariṣyati tāmasī
saiva saṃsāriṇāṃ devi paramaiśvaryadāyinī

parapadapradāpyante mahāvidyātmikā śilā
tasyā nāmasahasraṃ te varṇayāmi rahasyakam

rahasyaṃ mama sarvasvaṃ sakalācāravallabham
yo japet paramāṃ vidyāṃ paṭhedākhyāsahasrakam

dhārayet kavacaṃ divyaṃ paṭhet stotreśvaraṃ param
ki tasya durlabhaṃ loke nāpnuyād yadyadīśvari

asya nāmnāṃ sahasrasya mahādeva ṛṣiḥ smṛtaḥ
chando'nuṣṭub devatā ca śārikā parikīrtitā

śarme bījaṃ ramā śaktiḥ sinduraḥ kīlakaṃ smṛtam
dharmārthakāmamokṣārthe viniyogaḥ prakīrtitaḥ

Linked texts (4)