Devirahasya 77

Devīrahasya 77

Language: Sanskrit

77.1

dhyānamasyāḥ pravakṣyāmi śṛṇu parvatanandini
bālārkaṃkoṭisadṛśīminducūḍāṃ karāmbujaiḥ
varacakrābhayārsīṃśca dhārayantīṃ hasanmukhīm

77.2

siṃhārūḍhāṃ raktavastrāṃ raktābharaṇabhūṣitām
vāmadevāṅkanilayāṃ hṛtpadme śārikāṃ bhaje

77.3

bālārkakoṭidyutiminducūḍāṃ
varāsicakrābhayabāhumādyām
siṃhādhirūḍhāṃ śivavāmadehalīnāṃ bhaje cetasi śārikeśīm

77.1-2

oṃ hrīṃ śrīṃ hrūṃ phrāṃ āṃ śāṃ śrī śārikā śyāmasundarī
śilā śārī śukī śāntā śāntamānasagocarā

77.2-2

śāntisthā śāntidā śāntiḥ śyāmā śyāmapayodharā
devī śaśāṅkavimbābhā śaśāṅkakṛtaśekharā

77.3-2

śaśāṅkaśobhilāvaṇyā śaśāṅkamadhyavāsinī
śārdūlavāhā deveśī śārdūlasthitiruttamā

77.4

śārdūlacarmavasanā śaktiḥ śārdūlavāhanā
gaurī padmāvatī pīnā pīnavacojakuṭmalā

77.5

pītāmbarā raktadantā dāḍimīkusumopamā
sphuradratnāṃśukhacitā ratnamaṇḍalavigrahā

77.6

raktāmbaradharā devī ratnamālāvibhūṣaṇā
ratnasaṃmūrchitābhā ca dīptā dīptaśikhā dayā

77.7

dayāvatī kalpalatā kalpāntadahanopamā
bhairavī bhīmanādā ca bhayānakamukhī bhagā

77.8

kārā kāruṇyarūpā ca bhagamālāvibhūṣaṇā
bhageśvarī bhagasthā ca kurukullā kṛśodarī

77.9

kādambarī paṭotkṛṣṭā paramā parameśvarī
satī sarasvatī satyā satyāsatyasvarūpiṇī

77.10

paramparā paṭākārā pāṭalā pāṭalaprabhā
padminī padmavadanā padmā padmakarā śivā

77.11

śivāśrayā śaracchāntā śacī rambhā vibhāvarī
dyumaṇistaraṇā pāṭhā pīṭheśī pīvarākṛtiḥ

77.12

acintyā musalādhārā mātaṅgī madhurasvanā
vīṇāgītapriyā gāthā gāruḍī garuḍadhvajā

77.13

atīvasundarākārā sundarī sundarālakā
alakā nākamadhyasthā nākinī nākipūjitā

77.14

pātāleśvarapūjyā ca pātālatalacāriṇī
anantānantarūpā cahyajñātā (100) jñānavardhinī

77.15

ameyā hyaprameyā ca hyanantādityarūpiṇī
dvādaśādityasaṃpūjyā śamī śyāmākabījinī

77.16

vibhāsā bhāsuravarṇā samastāsuraghātinī
sudhāmayī sudhāmūrtiḥ sudhā sarvapriyaṅkarī

77.17

sukhadā ca sureśānī kṛśānuvallabhā haviḥ
svāhā svāheśanetrā ca hyagnivaktrāgnivarpitā

77.18

somasūryāgninetrā ca bhūrbhuvaḥsvaḥsvarūpiṇī
bhūmirbhūdevapūjyā ca svayambhūḥ svātmapūjakā

77.19

svayambhūpuṣpamālāḍhyā svayambhūpuṣpavallabhā
ānandakandalī kandā skandamātā śilālayā

77.20

cetanā cidravākārā bhavapatnī bhayāpahā
vighneśvarī gaṇeśānī vighnavidhvaṃsinī niśā

77.21

vaśyā vaśijanastutyā stutiḥ śrutidharā śrutiḥ
śāstravidhānavijñā ca vedaśastrārthakovidā

77.22

vedyā vedamayī vidyā vidhātṛvaradā vadhūḥ
vadhūrūpā vadhūpūjyā vadhūpānapratarpitā

77.23

vadhūpūjanasantuṣṭā vadhūmālāvibhūṣaṇā
vāmā vāmeśvarī vāmyā kulākulavicāriṇī

77.24

vitarkatarkanilayā pralayānalasannibhā
yajñeśvarī yajñamukhā yājakā yajñapātrakā

77.25

yajñeśvarī yajñadhātrī pārvatī parvatāśrayā
pilimpilā padasthānā paddā narakāntakā

77.26

nārī narmapriyā śrīdā śrīdaśrīdā (200) śarāyudhā
kāmeśvarī ratirhūtirāhutirhavyavāhanā

77.27

hareśvarī harivadhūrhāṭakāṅgadamaṇḍitā
hapuṣā svargatirvaidyā sumukhā ca mahauṣadhiḥ

77.28

sarvarogaharā mādhvī madhupānaparāyaṇā
madhusthitā madhumayī madhudānaviśāradā

77.29

madhutsā madhurūpā madhukukusumaprabhā
mādhavī mādhavīvallī madhumattā madālasā

77.30

mārapriyā mārapūjyā māradevapriyaṅkarī
māreśī ca mṛtyuharā harikāntā manonmanā

77.31

mahāvaidyapriyā vaidyā vaidyācārā surācitā
sāmantā pīnavapuṣī guṭī gurvī garīyasī

77.32

kālāntakā kālamukhī kam̐ṭhorā karuṇāmayī
nīlā nābhī ca vāgīśī dūrvā nīlasarasvatī

77.33

apārā pāragā gamyā gatiḥ prītiḥ payodharā
payodasadṛśacchāyā pāradākṛtilālasā

77.34

sarojanilayā nītiḥ kīrtiḥ kīrtikarī karthā
kāśī kāṃmyā kapardāṃśā kāśapuṣpopamā ramā

77.35

rāmā rāmapriyā rāmabhadradevasamarcitā
rāmasaṃpūjitā rāmasiddhidā rāmarājyadā

77.36

rāmabhadrārcitā revā devakī devavatsalā
devapūjyā devavandyā devadāvanacarcitā

77.37

dūtī drutagatirdambhā dāminī vijayā jayā
aśeṣasurasaṃpūjyā niḥśeṣāsurasūdinī

77.38

vaṭinī vaṭamūlasthā lāsyahāsyaikavallabhā
arūpā nirguṇā satyā sadāsantoṣavardhinī

77.39

saumyā yajurvehā yāmyā ( 300 ) yamunā yāminī yamī
dātrī dayā ca varadā dālbhyasevyā purandarī

77.40

paurandarī pulomeśī paulomī pulakāṅkurā
purasthā vanabhūrvanyā vānarī vanacāriṇī

77.41

samastavarṇanilayā samastavarṇapūjitā
samastavarṇavarṇāḍhyā samastaguruvallabhā

77.42

samastamuṇḍamālāḍhyā mālinī madhupasvanā
kośapradā kośavāsā camatkṛtiralambusā

77.43

hāsadā sadasadrūpā sarvavarṇamayī smṛtiḥ
sarvācāramayī vidyā mūlavidyeśvarīśvarī

77.44

akārā ṣoḍaśākārā kārāvandhavimocinī
kakāravyañjanākrāntā sarvamantrācarālayā

77.45

aṇurūpāpyamalā ca traiguṇyāpyaparājitā
ambikāmbālikā cāmbā anantaguṇamekhalā

77.46

aparṇā parṇaśālā ca sāṭṭahāsā hasantikā
adrikanyāpyaṭṭahāsāpyajarāsyāpi़rundhatī

77.47

abjāḍhī cābjinī devī hrambujāsanapūjitā
abjahastā hrabjapādā cābjapūjanatoṣitā

77.48

akāramātṛkādevī sarvānandakarī kalā
ānandasundarī ādyā āghūrṇāruṇalocanā

77.49

ādidevāntakā'kūrā ādityakulabhūṣaṇā
āṃbījamaeḍanā devī cākāramātṛkāvaliḥ

77.50

industutendubimbāsyā inakoṭisamaprabhā
indirā mandurāśālā cetihāsā kathā smṛtiḥ

77.51

ilā ceccurasāsvādā ikārāccarabhūṣitā
indrastutā cendrapūjyā inabhadrā ineśvarī

77.52

ibhagatiribhagītirikārāccaramātṛkā
īśvarī vaibhavaprakhyā ceśānīśvaravallabhā

77.53

īśā kāmakalādevī īkārāśritamātṛkā [400]
ugraprabhogracittā ca ugravāmāṅkavāsinī

77.54

uṣā vaiṣṇavapūjyā ca ugratārolmukānanā
umeśvarīśvarī śreṣṭhā udakasthā hrudeśvarī

77.55

udakācchodakadā ca ukārodbhāsamātṛkā
ūṣmā payūṣā ūṣaṇā ca tathocitavarapradā

77.56

ṛṇahartrī ṛkāreśī ṛlṛvarṇā lṛvarṇabhāk
lṛkārabhrukuṭirbālā bālādityasamaprabhā

77.57

eṇāṅkamukuṭā caihā ekārāccarabījitā
eṇapriyā eṇamadhyavāsinī eṇavatmalā

77.58

eṇāṅkamadhyasaṃsthā ca aikāroddhāsakūṭinī
oṃkāraśekharā devī traucityapadamaṇḍitā

77.59

ambhojanilayesthānā aḥsvarūpā ca svargatiḥ
ṣoḍaśasvararūpā ca ṣoḍaśasvaragāyinī

77.60

ṣoḍaśī ṣoḍaśākārā kamalā kamalodbhavā
kāmeśvarā kalābhijñā kumārī kuṭilālakā

77.61

kuṭilā kuṭilākārā kuṭumbasaṃyutā śivā
kulākulapadeśānī kuleśī kubjikā kalā

77.62

kāmā kāmapriyā kīrā kamanīyā kapardinī
kālikā bhadrakālī ca kālakāmāntakāriṇī

77.63

kapālinī kapāleśī karpūracayacarcitā
kādambarī komalāṅgī kāśmīrī kuṅkumadyutiḥ

77.64

kuntā kūrcāgrabījāḍhyā kamanīyā kulākulā
karālāsyā karāḷācī vikarālasvarūpiṇī

77.65

kāmyālakā kāmadughā kāminī kāmapālinī
kanthādharā kṛpākartrī kakārācaramātṛkā

77.66

khaḍgahastā kharpareśī khecarī khagagāminī
khecarīmudrayā yuktā khecaratvapradāyinī

77.67

khagāsanā khalolācī kheṭeśī khalanāśinī
kheṭakāyudhahastā [ 580 ] ca kharāṃśudyutisannibhā

77.68

khāntā khabījanilayā khakārollāsamātṛkā
khaikharī bījanilayā khasthā khecaravallabhā

77.66-2

gueyā gajāsyajananī gaṇeśavaradā gayā
godāvarī gadāhastā gaṅgādharavarapradā

77.70

gordhā govāhaneśānī garalāśanavallabhā
gāmbhīryabhūṣaṇā gaṅgā gakārārṇavibhūṣaṇā

77.71

ghūrṇā ghoṇākarastutyā ghurghurā ghoranādinī
ghaṭasthā ghaṭajasevyā ghanarūpā ghuṇeśvarī

77.72

ghanavāhanasevyā ca ghakārākṣaramātṛkā
ṅāntā ṅavarganilayā ṅāṇurūpā ṅakhālayā

77.73

ṅeśā ṅentā ṅanājāpyā ṅavarṇākṣarabhūṣaṇā
cāmīkaruciścāndrī candrikā candrārāgiṇī

77.74

calā calaścalā celā candrā candrakarā calī
cañcurīkasvanālāpā camatkārasvarūpiṇī

77.75

caṭulī cāṭukī cārvī campā campakasannibhā
cīnāṃśukadharā cāṭṭī cakārārṇavibhūṣaṇā

77.76

chatrī chatradharā cchinnā cchinnamastā chaṭacchaviḥ
chāyāsutapriyā cchāyā chavarṇāmalamātṛkā

77.77

jagadambā jagajjyotirjyotīrūpā jaṭādharā
jayadā jayakartrī ca jayasthā jayahāsinī

77.78

jagatpriyā jagatpūjyā jagatkartrī jarāturā
jvaraghnī jambhadamanī jagatprāṇā jayāvahā

77.76-2

jambhārivaradā jaitrī jīvanā jīvatvākpradā
jāgratī ca jagannidrā jagadyonirjalandharā

77.80

jālandharadharā jāyā jakārākṣaramātṛkā
jhampā jhiṃjheśvarī jhāntā jhakārākṣaramātṛkā

77.81

ñāṇurūpā ñiṇāvāsā (600) ñakāreśī ñaṇāyudhā
ñavargabījabhūṣāḍhyā ñakārākṣaramātṛkā

77.82

ṭaṅkāyudhā ṭakārāntyā ṭoṭākṣī ṭasuṃkuntalā
ṭaṅkāyudhā ṭalīṃrūpā ṭakārākṣaramātṛkā

77.83

ṭhakkurā ṭhakkureśānī ṭhakāratritayeśvarī
ṭhaḥsvarūpā ṭhavarṇāḍhyā ṭhakārākṣaramātṛkā

77.84

ḍakkā ḍakeśvarī ḍimbhā ḍavarṇākṣaramātṛkā
ḍhiṇī ḍhehā ḍhillahastā ḍhakārākṣaramātṛkā

77.85

ṇeśā ṇāntā ṇavargāntā ṇakārākṣarabhūṣaṇā
turī turyā tulārūpā tripurā tāmasapriyā

77.86

totulā tāriṇī tārā saptaviṃśatirūpiṇī
tripurā triguṇā dhyeyā tryambakeśī trilokadhṛt

77.87

trivargeśī trayī tryakṣī tripadā vedarūpiṇī
trilokajananī trātā tripureśvarapūjitā

77.88

trikoṇasthā trikoṇeśī koṇatrayanivāsinī
trikoṇapūjanatuṣṭā trikoṇapūjanaśritā

77.86-2

trikoṇadānasaṃlagnā sarvakoṇaśubhārthadā
vasukoṇasthitādevī vasukoṇārthavādinī

77.60-2

vasukoṇapūjitā ca ṣaṭcakrakramavāsinī
nāgapatrasthitā śārī trivṛttapūjanārthadā

77.61-2

caturdvārāgragā cakrabāhyāntaranivāsinī
tāmasī tomaraprakhyā tumburusvananādinī

77.62-2

tulākoṭisvanā tāpī tapasāṃ phalavardhinī
taralākṣī tamohantrī tārakāsuraghātinī

77.63-2

tarī tarirūpā ca takārākṣaramātṛkā
sthalī sthavirarūpā ca sthūlā sthālī sthalāṅginī

77.64-2

sthāvareśā sthūlamukhī thakārākṣaramātṛkā
dūtikā śivadūtī ca daṇḍāyudhadharā dyutiḥ

77.65-2

dayā dīnānukampā ca dambholidharavallabhā
deśānucāriṇī drekā drāviḍeśī dvīyasī

77.66-3

dākṣāyaṇī drumalatā (700) devamātādhidevatā
dadhijā durlabhā devī devatā paramākṣarā

77.67-2

dāmodarasupūjyā ca dāmodaravarapradā
danuputrī vināśā ca danuputrakulārcitā

77.68-2

daṇḍahastā dakṣiṇapūjyā damadā ca damasthitā
daśadhenusurūpā ca dakārākṣaramātṛkā

77.69

dharmyā dharmapraburdhanyā dhanadā dhanavardhinī
dhṛtirdhūrtā dhanyavadhūrdhakārākṣaramātṛkā

77.100

nalinīnālikā nāpyā nārācāyudhadhāriṇī
nīpopavanamadhyasthā nāgareśī narottamā

77.101

nareśvarī nṛpārādhyā nṛpapūjyā nṛpārthadā
nṛpasevyā nṛpavandyā naranārāyaṇaprasūḥ

77.102

nartakī nīrajākṣī ca navarṇākṣarabhūṣaṇā
padmeśvarī padmamukhī patrayānā parāparā

77.103

pārābārasutā pāṭhā paravargavimardinī
pūḥ purārivadhūḥ pampā patnī patrīśavāhanā

77.104

pīvarāṃsā patiprāṇā pītalākṣī pativratā
pīṭhā pīṭhasthitāpīṭhā pītālaṅkārabhūṣaṇā

77.105

purūravastutā pātrī putrikā putradā prajā
puṣpottaṃsā puṣpavatī puṣpamālāvibhūṣaṇā

77.106

puṣpamālātiśobhāḍhyā pakārākṣaramātṛkā
phaladā sphītavastrā ca pheravārāvabhīṣaṇā

77.107

phalgunī phalgutīrthasthā phavarṇākṛtamaṇḍalā
baladā bālakhilyā ca bālā balaripupriyā

77.108

bālyāvasthā varbareśī bakārākṛtimātṛkā
bhadrikā bhīmapatnī ca bhīmā bhargaśikhā'bhayā

77.109

bhayaghnī bhīmanādā ca bhayānakamukhekṣaṇā
bhillīśvarī bhītiharā bhadradā bhadrakāriṇī

77.110

bhadreśvarī bhadradharā bhadrākhyā bhāgyavardhinī (800)
bhagamālā bhagāvāsā bhavānī bhavatāriṇī

77.111

bhagayonirbhagākārā bhagasthā bhagarūpiṇī
bhagaliṅgāmṛtaprītā bhakārākṣaramātṛkā

77.112

mānyā mānapradā mīnā mīnaketanalālasā
madoddhatā manonmānyā menā mainākavatsalā

77.113

madhumattā madhupūjyā madhudā madhumādhavī
māṃsāhārā māṃsapītā māṃsabhaktyā ca māṃsadā

77.114

mārārtā matsyarūpā ca matsyaghātā mahattarā
meruśṛṅgāgratuṅgāsthā modakāhārapūjitā

77.115

mātaṅginī madhumattā madamattā madeśvarī
majjā mugdhānanā mugdhā makārākṣarabhūṣaṇā

77.116

yaśasvinī yatīśānī yannakartrī yajuḥpriyā
yajñadhātrī yajñaphalā yajurvedaṛcāṃphalā

77.117

yaśodā yatisevyā ca yātrā yātrikavatsalā
yogeśvarī yogagamyā yogendrajanavatsalā

77.118

yaduputrī yamaghnī ca yakārākṣaramātṛkā
ratneśvarī ramānāthasevyā rathyā rajasvalā

77.119

rājyadā rājarājeśī rogahartrī rajovatī
ratnākarasutā ramyā rātrī rātripatiprabhā

77.120

racoghnī rākṣaseśānī raconāthasamarcitā
ratipriyā ratimukhā rakārākṛtiśekharā

77.121

lambodarī lalajihvā lāsyatatparamānasā
lūtātantuvitānāsthā lakṣmīrlajjā layālinī

77.122

lokeśvarī lokadhātrī lāṭasthā lakṣaṇākṛtiḥ
lambā lambakacollāsā lakārākāravardhinī

77.123

liṅgeśvarī liṅgaliṅgā liṅgamālā lasaddyutiḥ
lakṣmīrūpā rasollāsā rāmā revā rajaskhalā

77.124

layadā lakṣaṇā (600) lolā lakārākṣaramātṛkā
vārāhī varadātrī ca vīrastvīradāyinī

77.125

vīreśvarī vīrajanyā vīracarvaṇacarcitā
varāyudhā varākā ca vāmanā vāmanākṛtiḥ

77.126

vadhūtā vadhakāvadhyā vadhyabhūrvākhijapriyā
vasantalakṣmīrviṭukī vaṭukā vaṭukeśvarī

77.127

vaṭupriyā vāmanetrā vāmācāraikalālasā
vārtā vāmyā varārohā vedamātā vasundharā

77.128

vayoyānā vayasyā ca vakārākṣaramātṛkā
śambhupriyā śaracarcā śādvalā śaśivatsalā

77.126-2

śītadyutiḥ śītarasā śoṇoṣṭhī śīkarapradā
śrīvatsalāñchanā śarvā śarvavāmāṅgavāsinī

77.130

śaśāṅkāmalacandramīśca śārdūlatanuradrijā
śoṣahartrī śamīmūlā śakārākrataśekharā

77.131

ṣoḍaśī ṣoḍaśīrūpā ṣaḍhā ṣoḍhā ṣaḍānanā
ṣaṭkūṭā ṣaḍrasāsvādā ṣaḍaśītimukhāmbujā

77.132

ṣaḍāsyajananī ṣaeṭhā ṣavarṇāccaramātṛkā
sārasvatapradbaḥ sarvā sarvagā sarvatomukhā

77.133

samā sītā satīmātā sāgarābhayadāyinī
samastaśāpaśamanī sālabhañjī sudacciṇā

77.134

suṣuptiḥ surasā sādhvī sāmagā sāmavedajā
satyapriyā somamukhī sūtrasthā sūtavallabhā

77.135

sanakeśī sunandā ca svavargasthā sanātanī
setubhūtā samastāśā sakārāccaravallabhā

77.136

hālāhalapriyā helā hāhārāvavibhūṣaṇā
hāhāhūhūsvarūpā ca haladhātrī halipriyā

77.137

harinetrā ghorarūpā haviṣyāhutivallabhā
haṃcaṃḷaṃccaḥsvarūpā ca sarvamātṛkapūjitā

77.138

oṃaiṃsauḥ hrīṃmahāvidyā śrāṃśāṃphrāṃhūṃsvarūpiṇī (1000)
iti śrīśārikādevyā mantranāmasahasrakam

77.139

pueyaṃ pueyajanastutyaṃ nutyaṃ vaiṣṇavapūjitam
idaṃ yaḥ paṭhate devi śrāvayedyaḥ śṛṇoti ca

77.140

sa eva bhagavān devaḥ satyaṃ satyaṃ sureśvari
ekakālaṃ dvikālaṃ vā trikālaṃ paṭhate naraḥ

77.141

vāmācāraparo devi tasya puṇyaphalaṃ śṛṇu
mūkatvaṃ badhiratvaṃ ca kuṣṭhaṃ hanyācca śvitrikām

77.142

vātapittakaphān gulmān raktasrāvaṃ visūcikām
sadyaḥ śamayate devi śraddhayā yaḥ paṭhenniśi

77.143

apasmāraṃ karṇapīḍāṃ śūlaṃ raudraṃ bhagandaram
māsamātraṃ paṭhedyastu sa rogairmucyate dhruvam

77.144

bhaume śanidine vāpi cakramadhye paṭhedyadi
sadyastasya maheśāni śārikā varadā bhavet

77.145

catuṣpathe paṭhedyastu trirātraṃ rātrijyattyeye
dattvā baliṃ surāṃ mudrāṃ matsyaṃ māṃsaṃ sabhakṣakam

77.146

vabbolatvagrasākīrṇe śārī prādurbhaviṣyati
yaḥ paṭhed devi lolāyāṃ citāyāṃ śavasannidhau

77.147

pāyaṃpāyaṃ trivāraṃ tu tasya puṇyaphalaṃ śṛṇu
brahmahatyāṃ gurorhatyāṃ madyapānaṃ ca govadham

77.148

mahāpātakasaṅghātaṃ gurutalpagatodbhavam
steyaṃ vā bhrūṇahatyāṃ vā nāśayennātra saṃśayaḥ

77.149

sa eva hi ramāputro yaśasvī lokapūjitaḥ
varadānakṣamo devi vīreśo bhūtavallabhaḥ

77.150

cakrārcane paṭhedyastu sādhakaḥ śaktisannidhau
trivāraṃ śraddhayā yuktaḥ sa bhavedbhairaveśvaraḥ

77.151

kiṃkiṃ na labhate devi sādhako vīrasādhakaḥ
putravān dhanavāṃścaiva satyācāraparaḥ śive

77.152

śaktiṃ saṃpūjya deveśi paṭhet stotraṃ parāmayam
iha loke sukhaṃ bhuktvā paratra tridivaṃ vrajet

77.153

iti nāmasahasraṃ tu śārikāyā manoramam
guhyaṃ guhyatamaṃ loke gopanīyaṃ svayonivat

77.4-2

iti śrīrudrayāmale tantre daśavidyārahasye
śrīśārikāyāḥ sahasranāmastotrakam

77.1-3

śrībhairava uvāca
śṛṇu devi pravakṣyāmi stotraṃ mantrātmakaṃ param
paścāṅgabhūtaṃ sarvasvaṃ mantrakoṭiphalapradam

asya śrīśārikābhagavatīstavarājasya, śrīmahādeva ṛṣiḥ, triṣṭupchandaḥ, śrīśārikābhagavatī devatā, śāṃbījaṃ, śrīśaktiḥ, phrāṃkīlakaṃ śrīvidyāsiddhyarthe stavarājapāṭhe viniyogaḥ | nyāsaṃ vidhāya dhyāyet
bālārkakoṭidyutiminducūḍāṃ
varāsicakrābhayavāhumādyām
siṃhādhirūḍhāṃ śivavāmadehalīnāṃ bhaje cetasi śārikeśīm
dhyacaṃ dhyace tava manuśiromaulimāṇikyabhūtaṃ
dhyāyecitte śaśidharakalābindubimbāvataṃsam
yo mantrīśo japati manasā mānanīyo mahaddrirdhanyaḥ puṇyaiḥ sa bhavati marudvījyamāno marutvān

Linked texts (8)

Devīrahasya — Sanskrit
Śivajīvadaśaka — Sāhiba Kaula, Sanskrit
Agnikāryapaddhati — Sanskrit
Agnikāryapaddhati — Sanskrit
Śāktapramoda — Sanskrit
Pūrvārddhadevirahasya — Sanskrit
Devīrahasyapurāṇa — Sanskrit
Śārikāsahasranāmastotra — Sanskrit