Devirahasya 79.1-2

79.1-2

sudhāpātraśrīṃ | iti gandhapuṣpādyaiḥ pūjayediti ṣaṣṭhāvaraṇam
bhairavacakre mūlaṃ bhūteśvarabhūteśvarībhyāṃ gandhādyatapuṣpadhūpadīpācamanīyanaivedyatāmbūlacchatracāmarārātrikādīn nivedya , naivedyaṃ ca " amṛtopastaraṇamasi svāhā " iti | balimutsṛjet , oṃ hrīṃ devīputrabaṭukanātha kapilajaṭābhārabhāsvara trinetra jvālāmukha imaṃ baliṃ pūjāṃ gṛha 2 mama vāñchitāṃ siddhiṃ dehi 2, iti dākṣiṇe | oṃ yāṃyīṃ yoginīgaṇebhyo namaḥ
svāhā ityuttare | oṃ hrīṃ kṣāṃ kṣīṃ oṃ hrīṃ śrīkṣetrapālāya rāmeśvarāya vauṣaṭ
iti paścime | oṃgāṃgagaṇapataye namaḥ iti pūrve | oṃ saḥ sarvavighnakṛdbhyo
bhūtebhyaḥ svāhā , iti balimutsṛjya nirṛtidiśi saṃsthāpya , pūrvavanmantrasaṃkalpaṃ vidhāya mūlaṣaḍaṅgaṃ kṛtvā devīṃ dhyātvā mālāmabhyarcya dakṣiṇahaste dhṛtvā yathāśaktyā mūlavidyāṃ japet | tato " guhyātiguhyagoptrī tvaṃ " ityādinā japaṃ devyā haste samarpya tejorūpaṃ japaphalaṃ
gṛhītvā , devedevyoragrataḥ kavaca - sahasranāma - stavapāṭhaṃ vidhāya tadapi
samarpya , prātaḥprabhṛtisāyāntaṃ sāyādiprātarantataḥ | yatkaromi jaganmātastadastu tava pūjanam || iti puṣpāñjaliṃ dattvā yonimudrayā praṇamya , saṃhāramudrayā devadevyau puṣpeṇa nāsāgramānīya hṛtkamalakarṇikāyāṃ
prāpayitvā , devīrūpo'haṃ so'hamiti vicintya svaśaktyā saha sukhaṃ
viharet | pātrārpaṇaṃ kṛtvā ca rājñīkṛtavigraho bhūtvānandakṛtaṃ svātmānaṃ vibhāvayediti nityapūjāvidhiḥ
ityeṣā nityapūjāyā padbhatirgeyarūpiṇī
rājñīsarvasvarūpā hi na deyā tattvavādibhiḥ
śrīrājñyāḥ paddhatirguhyā nityārcanakramāṅkitā
śrībhairava uvāca
śrṛṇu devi pravakṣyāmi rājñīkavacamuttamam
trailokyavijayaṃ nāma divyaṃ bhogāpavargadam