Devirahasya 79.2-2.1

79.2-2.1

tatra śrīmānsādhako brāhme muhūrte śayanatalāt utthāya karacaraṇādi prakṣālya nijāsane baddhapadmāsanaḥ samupaviśya, svaśiraḥsthasahasrārāādhomukhakamalakarṇikāntargataṃ nijaguruṃ svaśaktyā sahitaṃ dhyātvā mānasairupacāraiḥ saṃpūjya daṇḍavannatvā, tatra saśivāṃ devīṃ dhyātvā mūlaṃ yathāśaktyā japtvā japaṃ gurave samarpya tadājñāṃ gṛhītvā bahirāgatya
malādiśodhanaṃ vidhāya nadyādau gatvā varṇoktaṃ śaucaṃ kṛtvā, "oṃklīṃ
kāmadevāya sarvajanapriyāya namaḥ" iti dantābniśodhya malāpakarṣaṇaṃ snānaṃ
kṛtvā, mṛttrayaṃ mūlena saṃśodhya jale śrīcakraṃ yonicakraṃ vā vibhāvya,
tatra "gāṃgīṃ gaṅge ca yamune caiva" ityādināṅkuśamudrayā tīrthānyāvāhya, tatra
"bālārkakoṭisadṛśa bhūteśvarasamanvite| mahāpadmadarśāvidye jale'smim̐stvamihāvaha ||" ityāvāhanādimudrāḥ pradarśya, mṛdamaṅga vilipya mūlamuccārya
kumbhamudrayā jale trivāraṃ punarmajjet| tato "oṃhāṃhīṃsaḥ sūryāya eṣa
tejaghoṃ namaḥ ||" ityarghyatrayaṃ dattvā, mūlaṃ yathāśaktyā japtvā vāsasī
paridhāpya, vaidikīṃ saṃdhyāṃ nirvartya tāntrikīṃ kuryāt| tatra mūlaṣaḍaṅgaṃ
vidhāya vāmahaste jalaṃ nidhāya pañcabhūtamantreṇa yaṃraṃvaṃlaṃhaṃ saptadhābhimantrya,
tattvamudyācchādya mūlamuccaraṃstadgalitodakavindubhiḥ saptavāraṃ śiraḥ prokṣya,
dakṣiṇahaste dhṛtvā iḍayā dehāntarnītvā pāpaṃ prakṣālya, tajjalaṃ piṅgalayā
viricya vāmahaste tajjalaṃ sakaluṣaṃ vāmabhāgasthaśilāyāṃ phaḍiti niḥkṣipet| ityaghamarṣaṇaṃ kṛtvā, praṇavamāyābhyāṃ prāṇāyāmatrayaṃ kṛtvā,
oṃhrīṃ ātmatattvaṃ śodhayāmi svāhā| oṃhrīṃ vidyātattvaṃ śodhayāmi