Pramāṇa · Search · About · API

Devirahasya 79.2-44

Devīrahasya 79.2-44

Language
Sanskrit

79.2

caturbhujāṃ candrakalārdhaśekharāṃ
siṃhāsanasthāṃ bhujagopavītinīm
pāśāṅkuśāmbhoruhakhaḍgadhāriṇīṃ
rājñīṃ bhaje cetasi rājyadāyinīm

79.3

mānadā mantravidyā ca mahāvidyā ṣaḍcarī
ṣaṭkūṭā ca trikūṭā ca trayī vedatrayī śivā

79.4

śivākārā virūpākṣī śaśikhaṇḍāvataṃsinī
mahālakṣmīrmahoraskā mahaujaskā mahodayā

79.5

mātaṅgī modakāhārā madirāruṇalocanā
sādhvī śīlavatī śālā sudhākalaśadhāriṇī

79.6

khaḍginī padminī padmā padmakiñjalkarañjitā
hṛtpadmavāsinī hṛdyā pānapātradharā dharā

79.7

dharādharendratanayā dakṣiṇā dakṣajā dayā
dayāvatī mahāmedhā modinī bodhinī gadā

79.8

gadādharācitā godhā gaṅgā godhāvarī gayā
mahāprabhāvasahitā mahoragavibhūṣaṇā

79.9

mahāmunikṛtātithyā mādhvī mānavatī maghā
bālā sarasvatī lakṣmīrdurgā durgatināśinī

79.10

śārī śarīramadhyasthā vaikharī khecareśvarī
śivadā śivavakṣaḥsthā kālikā tripurāpurī

79.11

purārikukṣimadhyasthā murārihṛdayeśvarī
balārirājyadā caṇḍī cāmuṇḍā muṇḍadhāriṇī

79.12

muṇḍamālāśritā mudrā kṣobhaṇā karṣaṇakṣamā
brāhmī nārāyaṇīdevī kaumārī cāparājitā

79.13

rudrāṇī ca śacīndrāṇī vārāhī vīrasundarī
nārasiṃhī bhairaveśī bhairavākārabhīṣaṇā

79.14

nāgālaṅkāraśobhāḍhyā nāgayajñopavītinī
nāgakaṅkaṇakeyūrā (100) nāgahārā sureśvarī

79.15

surārighātinī pūtā pūtanā ḍākinīkriyā
kriyāvatī kurī kṛtyā ḍākinī lākinī layā

79.16

līlāvatī rasākīrṇā nāgakanyāmanoharā
hārakaṅkaṇaśobhāḍhyā sadānandā śubhaṅkarī

79.17

prahāsinī madhumatī sarasī smaramohinī
mahogravapuṣī vārtā vāmācārapriyā sirā

79.18

sudhāmayī veṇukarā vairighnīvīrasundarī
vārimadhyasthitā vāmā vāmanetrā śaśiprabhā

79.19

śarmadā śaṅkarī sītā ravīnduśikhilocanā
madirā vāruṇī vīrāgītijñā madirāvatī

79.20

vaṭasthā vāruṇīśakrirvaṭajā vaṭavāsinī
vaṭukī vīrasuvandyā stambhinī mohinī ca murvī

79.21

mudgarāṅkuśahastā ca varābhayakarā kuṭī
pāṭīradrumavallī ca vaṭikā vaṭukeśvarī

79.22

iṣṭadā kṛṣibhūḥ kīrī revatīramaṇapriyā
rohiṇī revatī ramyā ramaṇā romaharṣiṇī

79.23

rasollāsā rasāsārā sāriṇī tāriṇī taḍit
tarītaritrahastā ca totulā tarakhiprabhā

79.24

ratnākarapriyā rambhā ratnālaṅkāraśobhitā
rukmāṅgadā gadāhastā gadādharavarapradā

79.25

paḍrasā dvirasā mālā mālābharaṇabhūṣitā
mālatī mallikāmodā modakāhāravallabhā

79.26

vallabhī mathurā māyā kāśī kāśmī lalantikā
hasantikā hasantī ca bhramantī ca vasantikā

79.27

remā remakurī rāmā raumavastrā (200) cageśvarī
cagadā remadā sīrā sīrapāṇisamarcitā

79.28

krītā krītātapā krūrā kamanīyā kuleśvarī
kūrcabījā kuṭhārākhyā kūrmiṇī kūrmasundarī

79.29

kārueyā caiva kāśmīrī dūtī dvāravatī dhruvā
dhruvastutā dhruvagatiḥ pīṭheśī bagalāmukhī

79.30

sumukhī śobhanānītiḥ¹ ratnajvālāmukhī natiḥ
alakojayinī bhogyā bhaṅgī bhogāvatī balā

79.31

dharmarājapurī pūtā pūrṇasattvā'marāvatī
ayodhyā yodhanīyā ca yugamātā ca yajñiṇī

79.32

yajñeśvarī yogagamyā yogidhyeyā yaśasvinī
yaśovatī ca cārvaṅgī cāruhāsā calācalā

79.33

harīśvarī harermāyā māyinī vāyuveginī
ambālikā'mbā bhargeśī bhṛgukūṭā mahāmatiḥ

79.34

kośeśvarī ca kamalā kīrtidā kīrtivardhinī
kaṭhoravākkuhūmūrtiḥ candrabimbasamānanā

79.35

candrakuṅkumaliptāṅgī kanakācalavāsinī
malayācalasānusthā himādritanayātanuḥ

79.36

himādrikucideśasthā kuñjikā kosaleśvarī
kāraikanigaḍā gūḍhā gūḍhagulphātigopitā

79.37

tanujā tanurūpā ca bāṇacāpadharā nutiḥ
dhurīṇā dhūmravāsāhī dhūmrakeśā'ruṇānanā

79.38

aruṇeśī ratiḥ svātirgariṣṭhā ca garīyasī
mahānasī mahākārā surāsurabhayaṅkarī

79.39

aṇurūpā mahajjyotiraniruddhasarasvatī
śyāmā śyāmamukhī śāntā śrāntasantāpahāriṇī

79.40

gaurgeyā gomayī guhyā gomatī guruvāgayām̐
gītasantoṣasaṃsaktā ( 300 ) grāhiṇī grahiṇī grahā

79.41

gaṇapriyā gajagatirgāndhārī gandhamodinī
gandhamādanasānusthā sahyācalakṛtālayā

79.42

gajānanapriyā gavyā grāhikā grāhavāhanā
guhaprasūrguhāvāsā grahamālāvibhūṣaṇā

79.43

kauverī kuhakā bhrāntistarkavidyā priyaṅkarī
pītāmbarā paṭākārā patākā sṛṣṭijā sudhā

79.44

dākṣāyaṇī dakṣasutā dakṣayajñavināśinī
tārācakrasthitā tārā turī turyā tuṣṭistulā

Linked texts (3)