Pramāṇa · Search · About · API

Devirahasya 2-51

Devīrahasya 2-51

Language
Sanskrit

Contents (48)

2.1

atha
dvitīyaḥ paṭalaḥ
śrībhairava uvāca
adhunā kathayiṣyāmi mantrān sāṅgān maheśvari
devīnāṃ vaiṣṇavāñchāktāñchaivāṃstvaṃ śṛṇu pārvati

2.2

tripurā tryakṣarī bālā tathā tripurabhairavī
kālikā bhadrakālī ca mātaṅgī bhuvaneśvarī

2.3

ugratārā chinnaśīrṣā sumukhī ca sarasvatī
annapūrṇā mahālakṣmīḥ śārikā śāradā tataḥ

2.4

indrācī vagalā turyā rājñī jvālāmukhī tathā
bhīḍā ca kālarātriśca bhavānī vajrayoginī

2.5

vārāhī siddhalakṣmīśca kulavāgīśvarī tataḥ
(padmāvatī kubjikā ca gaurī śrīkhecarī tataḥ

2.6

)
nīlasarasvatī devi parāśaktiḥ tataḥ smṛtā
etāsāṃ devi sāṅgānāṃ śaktīnāṃ vacmyahaṃ manūn

2.7

śaivān mantrāṃstato vakṣye yathāvacchṛṇu pārvati
mṛtyuñjayo'mṛteśāno vaṭuko'pi maheśvaraḥ

2.8

śivaḥ sadāśivo rudro mahādevaḥ karālakaḥ
vikarālo nīlakaṇṭhaḥ śarvaḥ paśupatirmṛḍaḥ

2.9

pinākī giriśo bhīmo gaṇeśaḥ pramathādhipaḥ
kumāraḥ krodhanaśceśaḥ kapālī krūrabhairavaḥ

2.10

saṃhāra īśvaro bhargo ruruḥ kālāgnirudrayaḥ
aghoraśca mahākālaḥ kāmeśvara iti smṛtaḥ

2.11

vaiṣṇavānchṛṇu deveśi mantrāṃstantreṣu gopitān
yena śravaṇamātreṇa mantrī viṣṇupadaṃ vrajet

2.12

lakṣmīnārāyaṇo rādhākṛṣṇo viṣṇurnṛsiṃhakaḥ
varāho jāmadagnyaśca sītārāmo janārdanaḥ

2.13

viśvakseno vāsudeva ityevaṃ daśa vaiṣṇavāḥ
mantrā abhyuttamā devi japyāḥ sādhakasattamaiḥ

2.14

eteṣāṃ śāktaśaivānāṃ vaiṣṇavānāṃ maheśvari
uddhārān vacmi mantrāṇāṃ śrutvā gopaya yatnataḥ

2.15

(1) vāgbhavaṃ kāmarājasya śaktirmadhye'bhidhaṃ nyaset
namo'nte devi bālāyā mantro'yaṃ cāṣṭavarṇakaḥ

2.16

(2) vedhobījamadho'dhyardhamadho jiṣṇustamaḥ parā
haviḥ śaktiḥ śiraḥ kāntistamo māyā śarat śiraḥ

2.17

tamo māyāścale devyā mantraḥ pañcadaśācaraḥ
(3) lakṣmīḥ parā madanavāgbhavaśaktiyuktā
tāraṃ ca bhūtikamale kathitāpi vidyā
śaktyādikaṃ tu viparītatayā ca proktaḥ
śrīṣoḍaśācaravidhiḥ śivamastu pūrṇaḥ

2.18

spaṣṭam—"śrīṃ hrīṃ klīṃ aiṃ sauḥ oṃ hrīṃ śrīṃ kapahalahrīṃ hasakahalahrīṃ sakalahrīṃ sauḥ aiṃ klīṃ hrīṃ śrīṃ" iti
devi vakṣyāmyahaṃ guhyaṃ tripurāyā rahasyakam
nityāyāḥ śakrayaḥ pūjyā vāgbhavīkāmaśakrayaḥ

2.19

tāramāyāramābījairnāma madhye'ñcale'smarī
mantro'yaṃ sarvaśaktīnāṃ sarvasādhāraṇo mataḥ

2.20

tripurāpūjane devi pṛthag jāpye pṛthagmanuḥ
(4) kālītrayaṃ kūrcayugmaṃ lajjāyugmaṃ samuccaret

2.21

dakṣiṇe kālike ceti punarbījāni pūrvavat
ṭhadvayaṃ syānmanorante mantro'yaṃ bhuvaneśvaraḥ

2.22

dvāviṃśatyakṣarī vidyā vidyārājñī prakīrtitā
spaṣṭam—"krīṃ krīṃ krīṃ hūṃ hūṃ hrīṃ hrīṃ dakṣiṇe kālike krīṃ krīṃ krīṃ hūṃ hūṃ hrīṃ hrīṃ svāhā" iti kālī
kālyādyāḥ śakrayaḥ pūjyāḥ kālībījena kevalam
anyathā siddhihāniḥ syāt kālikāpūjane param

2.23

(5) kālītrayaṃ kūrcayugmaṃ lajjāyugmaṃ ca bhadrikām
bhadrakālipadaṃ brūyād bījāni pratilomataḥ

2.24

ṭhadvayena samāyukto bhadrakālī-mahāmanuḥ
prakāśam—"krīṃ krīṃ krīṃ hūṃ hūṃ hrīṃ hrīṃ maiṃ bhadrakāli maiṃ hrīṃ hrīṃ hūṃ hūṃ krīṃ krīṃ krīṃ svāhā" iti bhadrakālī
kālīkūrcaparābījaiḥ parivārādiśakrayaḥ
pūjanīyā mahādevi bhadrakālīsamarcane

2.25

(6) tāraṃ parāṃ samuddhṛtya rājamātaṅginīti ca
mama sarvārthasiddhiṃ ca dehi-yugmaṃ samuddharet

2.27

turagaṃ ṭhadvayaṃ cānte mantro'yaṃ rājavallabhaḥ
prakāśam—"oṃ hrīṃ rājamātaṅgini mama sarvārthasiddhiṃ dehi 2 phaṭ svāhā" iti mātaṅgī
tāreṇa pūjyā deveśi śaktayaḥ parivāragāḥ
(7) māyābījaṃ nāma madhye namo mantrāścale vadet
ekākṣarīyaṃ viditā bhuvane bhuvaneśvarī

2.28

māyābījena saṃpūjyāḥ pūjākāle'tra śaktayaḥ
(8) tāraṃ parāṃ vadhūṃ kūrcaṃ turagaṃ sakalāścale

2.29

sārdhapañcākṣarī tārā bhavasāgaratāriṇī
tārakāntātaṭaiḥ pūjyāḥ śaktayaścakramadhyagāḥ

2.30

(9) lakṣmīṃ lajjāṃ tathā māyāṃ mātrāṃ dvādaśikīmatha
vajravairocanīye dve māye phaṭsvāhayā yute

2.31

māyāyugmena saṃpūjyāḥ śaktayaḥ parivāragāḥ
(10) vāgbhavaṃ kāmarājaṃ ca tathocchiṣṭa-padaṃ vadet

2.32

caṇḍālinīti proccārya sumukhīdevi coddharet
mahāpiśācini ceti māyārṇaṃ pañcajatrayam

2.33

vahnijāyāścalo mantro gopanīyo maheśvari
vākkāmabījaiḥ saṃpūjyāḥ śaktayo'nyāḥ parasparam

2.34

(11) tāraṃ māyā ca vāgbījaṃ parā tāraṃ maheśvari
sarasvatyai jaganmantraḥ prasiddho'yaṃ śivācaraḥ

2.35

tāramāyādyaiḥ pūjyā devyo devīsamīpagāḥ
(12) tāraṃ parāpi kamalā kāmaṃ viśvaṃ tato vadet

2.36

bhagavati māheśvari cānnapūrṇe ca ṭhadvayam
ādibījadvayenaiva pūjyā devyāḥ samīpagāḥ

2.37

[ (13)tāraṃ parāṃ ramāṃ kāmaṃ vāgbhavaṃ śaktibījakam
mahālakṣmi prasīdeti yugmaṃ mā paṅkajatrayam

2.38

svāhānto'yaṃ mahāmantro mahālakṣmīpadapradaḥ
ādibījatrayeṇaiva pūjyāḥ paramaśaktayaḥ

2.39

]
(14) tāraṃ māyāṃ śriyaṃ kūrcaṃ sindhuraṃ śarma proddharet
nāmāśmarīṃ manorante mantro'yaṃ bhuvi durlabhaḥ

2.40

māyayā pūjayed devīḥ parivāragatāḥ śive
(15) tāraṃ māyā smaraḥ śaktiraśmarī nāma saṃvadet

2.41

bhagavatyai śāradāyai manorante parā vanam
tārakāmnaiḥ śive pūjyāḥ śaktayaḥ paramārthadāḥ

2.41-2

(16) praṇavaṃ kamalāṃ māyāṃ vāgbhavaṃ śaktimanmathau
indrāṇi vajrahaste ca haramante'gnivallabhā

2.43

ādibījatrayeṇaitāḥ pūjyāḥ śrīcakradevatāḥ
(17) tāraṃ mṛtsnāṃ ca deveśi bagalāmukhi sarvaṃ ca

2.44

duṣṭānāṃ vācaṃ mukhakaṃ padaṃ stambhaya-yugmakam
jihvāṃ kīlaya-yugmaṃ ca mṛttāraṃ ṭhadvayaṃ manuḥ

2.45

bījadvayena saṃpūjyāḥ parivāragatāḥ parāḥ
(18) praṇavastārakā jyotistārā madhye'bhidhaṃ nyaset

2.46

ante'śmarī mahādevi mantro'yaṃ śatrumudanaḥ
praṇavenārcayed devi parivārān yathākramam

2.47

(19) tāraṃ parā ramā baddhiḥ kāmaḥ śaktiḥ ṣaḍacaraḥ
bhagavatyai ca rājyai ca māyā ṭhadvayamaścale

2.48

tārāgnibhyāṃ śive devīparivārān samarcayet
(20) tāraṃ lajjāṃ śriyaṃ caiva jvālāmukhi mameti ca

2.49

sarvaśatrūn bhattaya dvirante kūrcaṃ haraṃ payaḥ
tāreṇa pūjayed devi parivāragatāḥ parāḥ

2.50

(21) tāraṃ parā ramā vedī candramanmathaśaktayaḥ
bhīḍābhagavatītyevaṃ haṃsarūpiṇi ṭhadvayam

2.51

parāramāryairdeveśi parivārān prapūjayet
(22) praṇavaṃ vāsanā māyā manmathaḥ kamalā tataḥ

2.52

madhye nāmāścale sarvaṃ vaśyaṃ kurudvayaṃ vadet
vīryaṃ dehi punarnāma gaṇeśvaryāśmarī smṛtā

2.53

tāracandreṇa saṃpūjyaṃ parivārāṃstato yajet
(23) tāraṃ ramā ramā tāraṃ tāraṃ māyā ramā ramā

2.54

hūṃphaḍnataḥ samākhyāto mantraḥ sarvārthasādhakaḥ
māyābījaḥ pūjayed devi parivāragatāḥ parāḥ

2.55

(24) parākhyaṃ vajrayoginyai ṭhadvayaṃ praṇavāditaḥ
mantro'yaṃ sarvasiddhīśaḥ sādhakānāṃ jayapradaḥ

2.56

māyābījena deveśi parivārān samarcayet
(25) candravāhlīkamohārthacandrā madhye'bhidhaṃ nyaset

2.57

candro maṭhaṃ padmayugmaṃ haraṃ nīramayaṃ manuḥ
vāsanāmohabījena pūjayet parivāragān

2.58

(26) tāraṃ ramāyugaṃ māyā haritaṃ candramanmathau
śaktirnāmāśmarīmantraḥ siddhalakṣmyā udāhṛtaḥ

2.59

ramayā pūjayedanyāḥ parivāragatāḥ śive
(27) tāraṃ kāmo ḍimbalakṣmīḥ kūrcaṃ kāṃcābhidhaṃ tataḥ

2.60

candraḥ padmaḥ spṛhā padmo veśyā padmo vanaṃ manuḥ
kāmena pūjayed devi parivārān yathākramam

2.61

(28) tāraṃ parā ramā kāmā vīcī padmāvatīti ca
mama varaṃ dehi-yugmaṃ haraṃ nīramayaṃ manuḥ

2.62

parayā pūjayed devīḥ parivāragatāḥ parāḥ
(29) tāraṃ ramā vāgurārṇaṃ nāma madhye tataḥ parā

2.63

padmo vanamayaṃ mantraḥ sarvasiddhiphalapradaḥ
vāgurārṇena deveśi pūjayet parivāragāḥ

2.64

(30) praṇavaṃ kamalā māyā vālhīkaṃ ca śivaṃ tataḥ
gauri śarvo vanaṃ devi mantraḥ sarvārthasiddhidaḥ

2.65

ramayā parivārāśca pūjayet sādhakottamaḥ
(31) bhekī tamaḥ parā śaktiḥ khecaryai cāśmarī tataḥ

2.66

mantro'yaṃ khecaro nāma khecaratvapradāyakaḥ
parayā pūjayed devīḥ parivāragatāḥ priye

2.67

(32) tāraṃ vyoṣaṃ vāgbhavaṃ ca kūrce nīlasarasvati
haraṃ nīraṃ manorante mantro'yaṃ vākpradāyakaḥ

2.68

vyoṣeṇa pūjayed devi parivārā yathāvidhi
(33) tāraṃ ramā parā kāmaḥ śaktirbinduṃ tato'bhidham

2.69

vāgbhavaṃ ṭhadvayaṃ devi mantrarājo'yamīritaḥ
mūlena pūjayedanyā devīstatparivāragāḥ

2.70

ityeṣa śāktamantrāḍhyaḥ paṭalo devadurlabhaḥ
adhunā te manūn śaivān vakṣyāmi śṛṇu pārvati

2.71

idaṃ rahasyaṃ paramaṃ tava bhaktyā prakāśitam
guhyātiguhyaguptaṃ ca gopanīyaṃ svayonivat

2.71.p1

iti śrīrudrayāmale tantre śrīdevīrahasye śāktamantroddhāranirūpaṇaṃ dvitīyaḥ paṭalaḥ || 2

3.1

atha
tṛtīyaḥ paṭalaḥ
śrībhairava uvāca
yo devadevo deveśi mahāmṛtyuñjayaḥ smṛtaḥ
mantroddhāraṃ pravakṣyāmi tasyāhaṃ śṛṇu pārvati

3.2

(1) jyacaṃ hṛjjaṃ śaktiśobhe'pi śaṅkā
māṃ tasmādvai pālaya dvistathaiva
tasmācchaktiḥ khaṃ śarad hṛjjatāraṃ
mantroddhāro devi mṛtyuñjayasya

3.3

amṛteśasya vakṣyāmi mantroddhāraṃ maheśvari
yena vijñātamātreṇa dīkṣāphalamavāpnuyāt

3.4

(2) tāraṃ hṛjjaṃ śaratnāma madhye viśvaṃ tathāñcale
mantro'yaṃ sarvasiddhīśaḥ sumukhīśivavallabhaḥ

3.5

(3) praṇavaṃ bhūtibījaṃ ca vaṭṭakāya samuddharet
āpaduddhāraṇāyeti kuruyugmaṃ samuccaret

3.6

vaṭṭakāya parābījaṃ mantro'yaṃ devadurlabhaḥ
(4) tāraṃ hroṣaṃ mahādevi tato maheśvarāya ca

3.7

viśvamante manordyānmantro'yaṃ sarvasiddhidaḥ
(5) tāraṃ viśvaṃ śivāyeti mantro'yaṃ bhogamokṣadaḥ

3.8

(6) tāraṃ hroṣaṃ śivāyeti namo'nte'styaparo manuḥ
iti śivasya mantrāḥ
(7) tāraṃ vāṇī śarat kāmaḥ sadāśivāya proddharet
viśvamante smṛto mantro mantramaulimaṇiḥ paraḥ

3.9

iti sadāśivasya
(8) tāraṃ hroṣaṃ śivo rudra prasīdeti yugaṃ vadet
ante ṭhadvayamīśāni mantro'yaṃ devadurlabhaḥ

3.10

iti rudrasya
(9) tāraṃ parā śivo devi mahādevāya ṭhadvayam
mantraḥ śivaprado devi śaivānāṃ paramārthadaḥ

3.11

(10) tāraṃ kālī śivo nāma turīrūpaṃ ca ṭhadvayam
mantro bhairavavikhyātaḥ kalau bhogāpavargadaḥ

3.12

iti karālasya
(11) tāraṃ vāgbhavamāyā vikarālāya vinyaset
ante ṭhadvayamuccārya mantrarājo'yamīritaḥ

3.13

iti vikarālasya
(12) praṇavaṃ haritaṃ ḍimbaṃ nīlakaṇṭhāya cāśmarī
durgeśanīlakaṇṭhasya mantroddhāro daśākṣaraḥ

3.14

(13) tāraṃ parā ramā-bījaṃ śarvāyeti padaṃ vadet
ante'śmarī manordevi mantro'yaṃ bhogadaḥ smṛtaḥ

3.15

(14) praṇavo vāgbhavo māraḥ śaktiḥ paśupatervanam
mantro'yaṃ devadevasya vallabho muktisādhanam

3.16

(15) tāraṃ parā mṛḍāyeti viśvamante manuḥ smṛtaḥ
(16) tāraṃ hṛdaṃ parā lakṣmīrmadhye brūyātpinākine

3.17

ante'smarī manordevi mantro'yaṃ vairisūdanaḥ
(17) tāraṃ śivo maṭhaṃ devi giriśāyāśmarī manuḥ

3.18

(18) tāraṃ parā bhadrikā ca bhīmāyānte'smarī manuḥ
(19) māyā śivācaraṃ māyā mahāgaṇapamuddharet

3.19

taye'smarī manorante mantro'yaṃ vighnahārakaḥ
(20) tāraṃ parā ca vāhvīkaṃ pramathādhipamuddharet

3.20

prasīda-dvayamāpo'nte mantro'yaṃ devadurlabhaḥ
(21) chaviḥ kumārāya manorante viśvaṃ manuḥ paraḥ

3.21

sarvadevendrapadado bhogado mokṣadaḥ smṛtaḥ
(22) tāraṃ kālī śivo devi krodhaneśāya cāśmarī

3.22

mantro'yaṃ sarvasiddhīśo vairivarganivarhaṇaḥ
(23) tāraṃ parā ramā lakṣmīrīśāyeti vanaṃ manuḥ

3.23

(24) tāraṃ śivaḥ kāmarājaḥ kapālīśāya saṃvadet
ante ṭhadvayamuddhṛtya mantro'yaṃ syād daśācaraḥ

3.24

(25) tāraṃ kālīyugaṃ māyā krūrabhairava proddharet
prasīda-dvayamāpo'nte mantro'yaṃ sarvasiddhidaḥ

3.25

(26) tāraṃ vāṇī śarat kāmaḥ saṃhārāyāścale vanam
mantro'yaṃ devadevasya varṇitaste daśācaraḥ

3.26

(27) tāraṃ mā bhūtirmā lakṣmīrīśvarāyāśmarī manuḥ
(28) tāraṃ ca bhāsvatī māyā bhargāyānte'śmarī manuḥ

3.27

(29) tāraṃ cābdhiḥ parā bījaṃ rurutte cāśmarī manuḥ
(30) praṇavaṃ kamalā māyā kālāgnaye-padaṃ tataḥ

3.28

viśvamante manordevi mantrarājo'yamīritaḥ
(31) tāraṃ vyoṣaṃ śivo devi sadyojātāya cāśmarī

3.26-2

ugratārāśivasyāyamavyayasya manuḥ smṛtaḥ
(32) mātrādiḥ ṣaḍabhijñavahnikuliśāstatsādvilaṃ mārajidvahnī vajrakagautamāgniyugalaṃ rājyagnivajrāṅkitam
śaṅkau vauṃ ca tamī śubhau vakayutau śaktyau[ikki]rvaṃvajrāśmakā
rājyandhīndujāsindumatsyakuliśā mantro'yamāghorikaḥ

3.30

(33) kūrcadvandvaṃ mahākāla prasīdeti padvayam
māyādvayaṃ vahnijāyā rājarājeśvaro manuḥ

3.31

(34) vāgbhavaṃ madanaśaktitārakā mā parā sakalavidyayāśvitā
tārayuktaviparītabījakaḥ ṣoḍaśācaravidhiḥ śivaḥ smṛtaḥ

3.32

itīdaṃ mantrasarvasvaṃ rahasyaṃ paramaṃ param
tava bhaktyā mayākhyātaṃ nacākhyeyaṃ durātmane

4.1

atha
caturthaḥ paṭalaḥ
śrībhairava uvāca
adhunā kathayiṣyāmi vaiṣṇavāṃstatrato manūn
yeṣāṃ smaraṇamātreṇa dīkṣito dīkṣito bhavet

4.2

mantroddhāraṃ pravakṣyāmi lakṣmīnārāyaṇasya te
aṣṭasiddhipradaṃ sadyaḥ sādhakānāṃ sudurlabham

4.3

(1) tāraṃ parā ca haritaṃ parā lakṣmīstato'bhidham
lakṣmīnārāyaṇāyeti viśvamante manuḥ smṛtaḥ

4.4

(2) tāraṃ ramā vāgbhavakāmaśaktimāyāgnirādheti padaṃ vadecca
kṛṣṇāya kūrcaṃ haraṭhadvayaṃ syācchrīkṛṣṇamantro manurājamauliḥ

4.5

(3) tāraṃ parāyugaṃ tāraṃ viṣṇave viśvamaścale
devadevasya mantro'yaṃ viṣṇostava samīritaḥ

4.6

(4) tāraṃ ramā bhṛtijavāksvarāśca
śaktirnṛcījaṃ narasiṃhadevam
turyāṅkitaṃ vāk taṭaphaḍnaṃ te
prokto hi lakṣmīnarasiṃhamantraḥ

4.7

(5) tāraṃ ramārṇaṃ sakalā smaraśca
lakṣmīvarāhāya-padaṃ vadet tu
ante'śmarī vaiṣṇavadhāmadāyī
lakṣmīvarāhasya manuḥ smṛtaste

4.8

(6) tāraṃ parā bhūti ramā kucārṇaṃ
śrījāmadagnyāya sarojayugmam
āpastathānte gadito'yamīḍyo
yatheṣṭado bhārgavarāmamantraḥ

4.6-2

(7) tāraṃ parā ramā lakṣmīsītārāmeti saṃvadet
prasīda-yugamāpo'nte mantro'yaṃ muktikāraṇam

4.10

(8) tāraṃ mā bhūtimā mārlyāṃ vadejjanārdanāya ca
viśvamante manordevi mantro'yaṃ ripusūdanaḥ

4.11

(9) tāraṃ parāyugaṃ lakṣmīviśvaksenāya saṃvadet
kūrcaṃ padmatrayaṃ nīraṃ vaiṣṇavānāṃ sudurlabhaḥ

4.12

(10) tāraṃ parā ramā vāṇī kāmo lakṣmīpadaṃ vadet
vāsudevāya viśvaṃ syānmantro'yaṃ bhogamokṣadaḥ

4.13

idaṃ tattvatamaṃ guhyaṃ rahasyaṃ paramādbhutam
vaiṣṇavānāṃ ca sarvasvaṃ gopanīyaṃ svayonivat

5.1

śrībhairava uvāca
atha vakṣye mahattvaṃ mantrāṇāṃ paramārthadam
yena vijñātamātreṇa vidyā sidhyati sattvaram

5.2

utkīlanavidhiṃ vakṣye sarvamantrarahasyakam
adātavyamabhaktebhyo nākhyeyaṃ yasya kasyacit

5.3

śāktānāṃ devi mantrāṇāṃ śaivānāṃ ca viśeṣataḥ
vaiṣṇavānāṃ manūnāṃ tu vakṣyāmyutkīlanaṃ param

5.4

prathamaṃ devi bālāyā stryacaryāyāḥ śṛṇu pārvati
vāṇīmante triruccārya bhavedutkīlanaṃ manoḥ

5.5

antyakūṭaṃ vadedādau dvirdevi japasiddhaye
bhavet tripurabhairavyā manorutkīlanaṃ param

5.6

kūṭatrayāṇāṃ prathamaṃ varṇaṃ varṇaṃ samuddharet
japecchrīṣoḍaśācaryā bhavedutkīlanaṃ manoḥ

5.7

atha vakṣye rahasyaṃ te kālikāyā maheśvari
niṣkīlitā svādidyeyaṃ dvātriṃśatyacarī parā

5.8

bhadrikāṃ prathamaṃ dadyādante kālītrayaṃ vadet
bhadrakālīmanordevi bhavedutkīlanaṃ tathā

5.6-2

ṭhadvayānte parāṃ dadyāt japet sādhakasattamaḥ
bhavedutkīlanaṃ devi rājamātaṅginīmanoḥ

5.10

viśvānte sakalāṃ dadyājjapet pārvati jāpakaḥ
manoḥ śrībhuvaneśvaryāḥ syādutkīlanamuttamam

5.11

vadhūmādau paṭhedante tāraṃ japtvā ca pārvati
ayamutkīlano mantrastārāyāḥ samudāhṛtaḥ

5.12

mātrāṃ dvādaśikīmādau japenmantrasya pārvati
chinnaśīrṣāmanoreṣa syādutkīlanakaḥ paraḥ

5.13

māyāmādau vanānte ca vāgbhavaṃ sādhako japet
mumukhyā mantrarājasya bhavedutkīlanaṃ tathā

5.14

vāgbhavaṃ prathamaṃ dadyādiśvānte praṇavaṃ japet
sarasvatīmanordevi mantro'styutkīlanābhidhaḥ

5.15

viśvamādau japed devi vanānte madanaṃ paṭhet
annapūrṇāmanoreṣa syādutkīlanako manuḥ

5.16

ramāmādau manordadyāt pañcatrayamathāścale
mahālakṣmīmanordevi mantro'styutkīlanābhidhaḥ

5.17

sinduraṃ saṅgapedādau māyāmante maheśvari
śārikāmantrarājasya syādutkīlanako manuḥ

5.18

vanamādau ca nāmāgre tāraṃ dattvā japecchive
śāradāmantrarājasya mantro'styutkīlanābhidhaḥ

5.19

śaktibījaṃ paṭhedādau ṭhadvayānte ca manmatham
indrākṣīmantrarājasya syādutkīlanako manuḥ

5.20

mṛdvījaṃ ca manorādau vanānte praṇavaṃ japet
mantro'yaṃ bagalāmukhyā mantrotkīlanasiddhidaḥ

5.21

triḥ paṭhedaśmarīprānte praṇavaṃ sādhakottamaḥ
turīmantrasya mantro'yamutkīlanaphalapradaḥ

5.22

vahnimādau tathā cānte tāraṃ dattvā maheśvari
japenmantraṃ mahārājñīmanrutkīlanasiddhaye

5.23

ramāmādau japed devi mantrānte sakalāṃ japet
jvālāmukhīmanoreṣa mantro'styutkīlanacamaḥ

5.24

vedībījaṃ paṭhedādau nāmānte praṇavaṃ japet
bhīḍāmantrasya mantro'yamutkīlanaphalapradaḥ

5.25

viśvānte vāgbhavaṃ dadyāt kāmamādau japet priye
kālarātrimanordevi syādutkīlanako manuḥ

5.26

tāratrayaṃ paṭhedante mā-trayaṃ prathamaṃ japet
bhatrānīmantrarājasya mantro'yaṃ kīladoṣanut

5.27

parāmante japed devi vajrayogeśvarīmanoḥ
utkīlanākhyo mantro'yaṃ mantrasiddhiphalapradaḥ

5.28

ṣaṣṭhamādau japed devi ṭhadyayānte haraṃ tathā
vārāhīmantrarājasya mantro'styutkīlanābhidhaḥ

5.29

haritaṃ prathamaṃ devi viśvānte vāgbhavaṃ japet
siddhalakṣmīrmanordevi mantro'styutkīlanābhidhaḥ

5.30

veśyāmādau vanānte ca ḍimbabījaṃ japecchutre
utkīlanākhyo mantro'yaṃ kulavāgīśvarīmanoḥ

5.31

vīcivījaṃ japedādau ṭhadyayānte ca tārakam
padmāvatīmanordevi mantro'styutkīlanābhidhaḥ

5.32

vāgurāṃ sañjapedādau vanānte sakalāṃ japet
kubjikāmantrarājasya mantro'yaṃ kīladoṣahṛt

5.33

ṣaṣṭhamādau manordevi praṇavaṃ ṭhadyāñcale
mantraṃ japedayaṃ mantro gaurīmantrasya kīlahṛt

5.34

śaktimante japedviśvaṃ prathamaṃ parameśvari
khecarīmantrarājasya syādutkīlanako manuḥ

5.35

kūrcamādau manorante vyoṣaṃ dattvā japecchive
manornīlasarasvatyāḥ syādutkīlanako manuḥ

5.36

śaktimādau manordevi vāsanāmaścale japet
parāśaktermanordevi kīladoṣāpaho manuḥ

5.37

śrībhairava uvāca
adhunā śaivamantrāṇāṃ kecid devi manūttamāḥ
niṣkīlitā mayā khyātāḥ kecit pārvati kīlitāḥ

5.38

maheśvaraḥ śivo rudro mahādevaḥ karāḷakaḥ
vikarālaḥ śivo śarvo mṛḍaḥ paśupatistathā

5.39

pinākī giriśo bhīmaḥ kumāraḥ pramathādhipaḥ
krodheśa īśa īśāni kapālī krūrabhairavaḥ

5.40

saṃhāra īśvaraḥ bhargo ruruḥ kālāgnibhairavaḥ
ete mantrā mahādevi kīladoṣavivarjitāḥ

5.41

puraścaraṇamātreṇa phalaṃ dāsyanti satvaram
athavā devadeveśi vacye tattvaṃ parāt param

5.42

eteṣāṃ śaivamantrāṇāṃ śrutvā gopyatamaṃ kuru
mantrādibījaṃ deveśi pratimantraṃ japet sudhīḥ

5.43

trivāraṃ sādhako yena bhavedutkīlanaṃ manoḥ
mṛtyuñjayo'mṛteśāno vaṭuko nīlakaṇṭhakaḥ

5.44

sadyojāto gaṇeśaśca deveśo'ghorabhairavaḥ
mahākālo mahādevi kāmeśvara iti priye

5.45

ete mantrā mayā devi kīlitā mantrasiddhye
eteṣāṃ śṛṇu mantrāṇāṃ deveśayutkīlanaṃ param

5.46

yenoccāraṇamātreṇa mantrasiddhiḥ prajāyate
hujabījaṃ japedādau ante śaktiṃ japet priye

5.47

śrīmṛtyuñjayamantrasya mantro'syutkīlanābhidhaḥ
tāramante japedādau śaktiṃ mantrasya pārvati

5.48

amṛteśvaramantrasya syādayaṃ kīladoṣahṛt
(parāmādau japedante praṇavaṃ sādhakottamaḥ

5.49

mantro vaṭukamantrasya syādayaṃ kīlanāśakaḥ |)
haritaṃ prathamaṃ dattvā mantrānte ca śivaṃ japet

5.50

durgāśivasya mantro'yaṃ nīlakaṇṭhasya kīlanut
śivamādau japedante tāraṃ pārvati sādhakaḥ

5.51

ugratārāśivasyāyaṃ mantro mantrasya kīlahṛt
māyāmante japed devi śivamādau ca sādhakaḥ

5.52

mahāgaṇapatermantro manorutkīlanābhidhaḥ
viśvamādau manordevi mātrādi cāśvale japet

5.53

aghorabhairavasyāyaṃ manorutkīlano manuḥ
eṣāmapi mahākālo niṣkīlita iti smṛtaḥ

5.54

asya mantraprasādena sarve niṣkīlitāḥ śive
kāmeśakūṭatrayataḥ prathamārṇatrayaṃ japet

5.55

śrīvidyāśivamantrasya svādutkīlanako manuḥ
athāhaṃ vaiṣṇavānāṃ te mantrāṇāṃ vacmi pārvati

5.56

utkīlanamanūn yeṣāṃ japamātrācchivaṃ bhajet
haritaṃ prathamaṃ dadyādante praṇavamīśvari

5.57

lakṣmīnārāyaṇasyāyaṃ svādutkīlanako manuḥ
śaktimādau manorante vāgbhavaṃ sādhako japet

5.58

śrīrādhākṛṣṇamantrasya mantro'yaṃ kīladoṣahṛt
parāyugaṃ japedante viśvamādau japenmanoḥ

5.59

viṣṇumantrasya mantro'yaṃ syādutkīlanakābhidhaḥ
smaramādau japedante nṛvījaṃ sādhakottamaḥ

5.60

lakṣmīnṛsiṃhamantrasya mantro'yaṃ kīladoṣahṛt
tāramante ramāmādau japet sādhakasattamaḥ

5.61

lakṣmīvarāhamantrasya bhavedutkīlanaṃ param
kucabījaṃ japedādau mantrānte padmayugmakam

5.62

manorbhārgavarāmasya bhavedutkīlanaṃ śive
parāmante ramāmādau japet pārvati siddhaye

5.63

śrīsītārāmabhadrasya manormantro'sti kīlahṛt
māmante prathamaṃ māṃ ca japet pārvati sādhakaḥ

5.64

janārdanamanormantraḥ syādutkīlanakābhidhaḥ
lakṣmīmādau parāmante sakṛduccārayet sudhīḥ

5.65

viśvaksenamanordevi syādutkīlanako manuḥ
kāmamādau ca mantrānte tāraṃ devi japet sudhīḥ

5.66

vāsudevamanormantraḥ syādutkīlanakābhidhaḥ
iti tattvaṃ mahādevi mantrāṇāṃ paramārthadam
tava snehena kathitaṃ nāṟyeyaṃ brahmavādibhiḥ

5.66.p1

iti śrīrudrayāmale tantre śrīdevīrahasye mantrotkīlanavidhinirūpaṇe pañcamaḥ paṭalaḥ || 5

6.1

atha
ṣaṣṭhaḥ paṭalaḥ
śrībhairava uvāca
atha te varṇayiṣyāmi sañjīvanamanūn priye
eṣāmuccāramātreṇa mantraḥ siddhiprado bhavet

6.2

bālāyā devi tryaccaryāḥ śaktimādau paṭhet sudhīḥ
sañjīvanākhyo mantro'yaṃ divyo mantrasya siddhaye

6.3

parātrayaṃ paṭhedādau jīvanaṃ bhairavīmanoḥ
kūṭatrayāṇāṃ deveśi trikūṭāyā japet sudhīḥ

6.4

dvitīyārṇatrayaṃ devi bhavet sañjīvanaṃ manoḥ
siddhavidyā mahāśyāmā sarvadoṣavivarjitā

6.5

japyā sidhyai sadā sajjihvāvijihvairmukhaistubhiḥ
bhadrikāyugalaṃ devi dadyādante manoḥ śive

6.6

bhadrakālīmanoreṣa syāt sañjīvanako manuḥ
tāraṃ parāṃ paṭhedante japādau sādhakeśvari

6.7

rājamātaṅginīdevyā bhavet sañjīvanaṃ manoḥ
vāratrayaṃ paṭhedādau mūlamantrasya vai parām

6.8

mantrasya bhuvaneśvaryā bhavet sañjīvanaṃ param
kālīṃ tāraṃ paṭhedante mantrasyāsya maheśvari

6.6-2

ugratārāmanoreṣa syāt sañjīvanako manuḥ
vāsanāṃ mūlamantrasya japedante maheśvari

6.10

chinnamastāmanoreṣa syāt sañjīvanako manuḥ
parāmādau japed devi kāmamante tathaiva ca

6.11

sumukhīmantrarājasya bhavet sañjīvanaṃ priye
tāradvayaṃ japenmantrī mantrānte māntrikeśvari

6.12

sarasvatīmanoreṣa syāt sañjīvanako manuḥ
viśvamante japedādau ṭhadvayaṃ kālikeśvari

6.13

annapūrṇāmanoryena bhavet sañjīvanaṃ param
vāṇīmante japedādau kāmarājaṃ ca sādhakaḥ

6.14

mahālakṣmīmanordevi bhavet sañjīvanaṃ param
kūrcamādau parāmante japet sādhakasattamaḥ

6.15

śārikāmūlamantrasya bhavet sañjīvanaṃ priye
kāmarājaṃ japedādau māyābījaṃ tathāścale

6.16

śāradāmantrarājasya sañjīvanamanuḥ smṛtaḥ
manmathaṃ śaktibījaṃ ca japedādau ca sādhakaḥ

6.17

indrākṣīmūlamantrasya sañjīvanamanuḥ paraḥ
mṛtsvābījaṃ japed devi praṇavaṃ ca vanāścale

First 200 of 2,819 passages. Read on

Other recensions (1)

Linked texts (3)