Devirahasya 80

Devīrahasya 80

Language: Sanskrit

80.1

bhogāpavargasiddhyarthe viniyoga iti smṛtaḥ
udyaddivākarasahasraruciṃ trinetrāṃ
siṃhāsanoparigatāmuragopavītām
khaḍgāmbujāḍhyakalaśāmṛtapātrahastāṃ
rājñīṃ bhajāmi vikasadvadanāravindām

80.2

caturbhujāṃ candrakalārdhaśekharāṃ
siṃhāsanasthāṃ bhujagopavītinīm
pāśāṅkuśāmbhoruhakhaḍgadhārirṇīṃ
rājñīṃ bhaje cetasi rājyadāyinīm

80.6

oṃ lakṣmīrme śiraḥ pātu hrīṃ lalāṭaṃ sarasvatī
śrīṃ bālā pātu māṃ netre dhyaśraṃ pātu śrutī mama

80.10

rāṃ durgā pātu me nāsāṃ krīṃ mukhaṃ pātu śārikā
sauḥ kaeṭhaṃ vaikharī pātu bhaṃ bhujau pātu me śivā

80.11

gaṃ hastau pātu me kālī vaṃ vakṣastripurāvatu
ṣaḍaśraṃ pātu me medhyaṃ vṛttaṃ pārśvau mamāvatu

80.12

tryaiṃ pṛṣṭhaṃ pātu me brāhmī rāṃ nābhiṃ pātu vaiṣṇavī
iyaiṃ gudaṃ pātu rudrāṇī hrīṃ kaṭiṃ meḍhaparājitā

80.13

svāṃ kaumārī pātu jānū hāṃ jaṅghe'vatu caṇḍikā
svāhā gulphau ca vārāhī oṃ pādau nārasiṃhikā

80.14

vismāritaṃ ca yat sthānaṃ yat sthānaṃ nāmavarjitam
tat sarvaṃ pātu me rājñī mūlavidyāmayī parā

80.15

vāsukiḥ pūrvataḥ pātu nīlanāgo'nale'vatāt
takṣako dakṣiṇe pātu nairṛte padmanāgakaḥ

80.16

kārkoṭakaḥ paścime'vyācchaṅkhapālastu vāyuge |¹
kulikaścottare pātu śeṣa īśānamaṇḍale

80.17

brāhmī brāhmamuhūrte'vyād dinādau vaiṣṇavī mama
rudrāṇī pātu madhyāhne sāyaṃ pātvaparājitā

80.18

niśādau pātu kaumārī niśīthe caṇḍikāvatu
niśānte pātu vārāhī sarvadā nārasiṃhikā

80.19

asitāṅgaḥ cite: pātu payaso rurubhairavaḥ |²
caṇḍo māṃ pavanāt pātu krodheśaḥ pātu mānalāt

80.20

unmattaḥ somataḥ pātu bhīṣaṇaḥ sūryato'vatu |³
yājakāca kapālīśo vyomnaḥ saṃhārako'vatāt

80.21

sadā samantataḥ pātu vapurvasudalaṃ mama
guravaḥ pāntu sarvatra digīśāḥ pāntu sarvataḥ

80.22

vṛttatrayaṃ pātu nityaṃ dharāgehaṃ sadāvatu
śrīcakraṃ pātu bhītibhyo yoginyaḥ pāntu sarvadā

80.23

ūrdhvaṃ cādhaḥ sadā pātu devo rāmeśvaraḥ śivaḥ
sarvatra sarvadā satyaṃ vapurbhūteśvaro'vatāt

80.24

pādādimūrdhaparyantaṃ vapuḥ sarvatra me'stu
śirasaḥ pādaparyantaṃ rājñī pañcadaśākṣarī

80.25

itīdaṃ kavacaṃ rājñiyā mantragarbhaṃ jayāvaham
trailokyavijayaṃ nāma dāridryabhayanāśanam

80.26

sarvarogaharaṃ sākṣāt siddhidaṃ pāpanāśanam
mahābhayaharaṃ devi mūlavidyāmayaṃ param

80.27

paramārthapradaṃ nityaṃ bhogamokṣaikakāraṇam
yaḥ paṭhet kavacaṃ devi raṇe rājabhaye kṣaṇāt

80.28

saṃgrāmeṣu ripūnjitvā vijayī gṛhameṣyati
paṭhanāt kavacasyāsya rājakopaḥ praśāmyati

80.29

dyūte dhanaṃ labhed dyūtī śmaśāne siddhimāpnuyāt
trivāraṃ yaḥ paṭhedrātrau retaḥsrāve maheśvari

80.30

tasya rājñī mahāvidyā svapne'bhīṣṭapradā bhavet
svayambhūkusumaiḥ śuddhaiḥ retasā comayāṅkitaiḥ

80.31

rasairbhūrje likheddharma ravau prātarmaheśvari
cīnatantubhiravyaktaṃ lākṣayā veṣṭitaṃ tathā

80.32

suvarṇaguṭikāntaḥsthaṃ pūjayedyatnarājavat
guṭikaiṣā mahāvidyā rājñī mūrtirivāparā

80.33

mūlavidyāmayī devi sarvābhīṣṭaphalapradā
śiraḥsthā dhanadā devi kaṇṭhasthā vākpradāyinī

80.34

vakṣaḥsthā putradā devi kaṭisthā bhogadāyinī
pṛṣṭhasthā baladā nityaṃ kucisthā roganāśinī

80.35

sarvārthasādhinī loke yathābhīṣṭaphalapradā
guṭikeyaṃ śubhā rājñiyā na deyā yasya kasyacit

80.36

idaṃ kavacamīśāni mūlavidyāmayaṃ dhruvam
sārasvatapradaṃ lakṣmīputrapautravivardhanam

80.37

āyuṣkaraṃ puṣṭikaraṃ śrīkaraṃ ca yaśaskaram
catuṣṣaṣṭayāditantrāṇāṃ sāramādāya varṇitam

80.38

śmaśāne yaḥ paṭhet sāyaṃ mahācīnakrameśvaraḥ³
sa sādhako mahādevi rājñīputro bhaviṣyati

80.36-2

itīdaṃ mama sarvasvaṃ trailokyavijayābhidham
kavacaṃ mantragarbhaṃ tu gopanīyaṃ svayonivat

Linked texts (3)

Devīrahasya — Sanskrit
Pūrvārddhadevirahasya — Sanskrit
Devīrahasyapurāṇa — Sanskrit