Devirahasya 91

Devīrahasya 91

atha
tṛtīyaḥ kalpaḥ
īśvara uvāca
atho devi pravakṣyāmi devīnāṃ mantramuttamam
śṛṇuṣvaikāgramanasā bravīmi tvatkutūhalāt

dakṣiṇāmūrtinā tasmin kāle'ntevāsine tathā
bhāṣitā ṣoḍaśīvidyā nanandācobhyako muniḥ

tasmin kāle munestasya cāśramaṃ munisevitam
āyayurmunayaḥ sarve sotsukā mantrakāṅkṣiṇaḥ

lohitoddālakau śaṅkhamātaṅgau puṇḍarīkajau
śāṇḍilyagālavau caivamete tasyāśramaṃ yayuḥ

sarve militvā munipuṅgavaṃ te
śrīdakṣiṇāmūrtimidaṃ tamūcuḥ
parasparaṃ vai svakuleṣṭadevīmantrāṃśca vandyān śubhadān papracchuḥ

śrīdakṣiṇāmūrtiruvāca
śṛṇudhvaṃ munayaḥ sarve vakṣyāmyāścaryamuttamam
carācare'smiñjagati devī tripurasundarī

naiva tādṛk kvacidāsti devīsīmantaśekharā
tasyāśca vadanāmbhojāt sapta devyaḥ śrutā mayā

yatheṣṭaphaladāyinyaḥ sarvarogabhayāpahāḥ
acireṇaiva kālena phaladāstanmukhācchutāḥ

ṛṣaya ūcuḥ
kā devyaḥ kāni nāmāni kīdṛśāni mantrūni hi
prasādaṃ kuru viprarṣe cedasmāsu dayā tava

muniruvāca
devīnāṃ parayā prītyā mantrān śṛṇudhvamagrataḥ
yena śravaṇamātreṇa hayamedhaphalaṃ labhet

īśvara uvāca
munīśvarān punardevo dakṣiṇāmūrtirabravīt
sapta vidyāḥ purā proktā vajrayoginyādidevatāḥ

tāsāṃ vakṣyāmi nāmāni parvateśvaranandini
dakṣiṇāmūrtinā teṣāṃ prakāśitāni tattvataḥ

śrīvajrayoginī-devī vārāhī śāradā tathā
kāmeśvarī tathā gaurī vyannapūrṇā tathaiva ca

kulavāgīśvarī hyetāḥ sapta devyaḥ śrutā mayā
dakṣiṇāmūrtinā teṣāṃ sapta vidyāḥ prakīrtitāḥ

etāsāṃ balamāśritya devī tripurasundarī
saṣṭaje jagadetacca pālyate ca sureśvari

harate'pi tathā viśvaṃ carācarasamanvitam
ṛṣiruvāca
etadvākyāmṛtaṃ tasyā mukhāmbhojācchutaṃ mayā
tāsāṃ vakṣyāmi mantrāṇi śṛṇudhvaṃ munipuṅgavāḥ

Linked texts (5)