Devirahasya 92
Devīrahasya 92
- Language
- Sanskrit
92.1
atha mantroddhāraḥ, tatrādau vajrayoginīmantroddhāraḥ, uktaṃ ca svatantre—
(1) praṇavaṃ sakalā caiva bījau dvau phaladāyakau
madhye'pi vajrayoginyai hrūyante nīramudāhṛtam
92.17
asyā mantraṃ samuccārya yaḥ saṃgrāmaṃ praviśati
sa nirjitya ripūn sarvān kalyāṇī gṛhamāviśet
92.18
asyā bījadvayaṃ devi japate yadi mānavaḥ
dvādaśādivasaṃ tāvatsiddhirbhavati vāñchitā
92.19
asyā bījāvyupādiśya hekānte prajapennaraḥ
ṛtusnātāyā bhāryāyā maithunaṃ kurute naraḥ
92.20
śukreṇa saha deveśi saptabhirauṣadhairlikhet
likhitvā sa bhavedrājā asyā yantraṃ samantrakam
92.21
likhitvā dhārayenmūrdhni trailokyavijayī bhavet
asyāḥ saṃbhogakāle tu mantraṃ japet sureśvari
92.22
kāntāyā maithunaṃ kuryād bahuputrayuto bhavet
asyā yantraṃ samantraṃ ca bāhau yo dhārayennaraḥ
92.23
yāvajjanma bhavettasya tāvacchatrurna jīvati
asyā yantraṃ samantraṃ ca hṛdi yo dhārayennaraḥ
92.24
yāvajjanma bhavettasya tāvallakṣmīrbhaviṣyati
asyā yantraṃ samantraṃ ca kucau yo dhārayennaraḥ
92.25
anuvāde sa śatrūṇāṃ vākyastaḥ sahasā bhavet
tasyāstripurasundaryā mukhāmbhojānmayā śrutam
Linked texts (5)
- Devīrahasya — Sanskrit
- Uddhārakośa (Dakṣiṇāmūrti) — Dakṣiṇāmūrti, Sanskrit
- Pūrvārddhadevirahasya — Sanskrit
- Devīrahasyapurāṇa — Sanskrit
- Bījoddhārakośa — Dakṣiṇāmūrti, Sanskrit