Devirahasya 94
Devīrahasya 94
- Language
- Sanskrit
Contents
- 94.31 — 1 part
94.1
herambaśarajanmānau mahāmṛtyuñjayastathā
kārtavīryārjunaścaiva hanumadbhairavau tathā
94.1-2
svayaṃ mayā ca tatroktā bhāṣitāḥ ṣaṭ kumārakāḥ
gaṇeśo vaṭukaścaiva skando mṛtyuñjayastathā
kārtavīryārjuno'pyevaṃ sugrīvo hanumāṃstathā
94.1-3
yāmale rudraśabdādyau bhāṣitāḥ sapta bālakāḥ
[1] praṇavaṃ kamalāṃ lajjāṃ kandarpaṃ maṭhabījakam
śaṅkaraṃ ṣaṭ-śiromantraṃ tataḥ pallavamuddharet
94.2
gaṇapataye namaḥ paścād vara-varada eva ca
sarvajanaṃ tataḥ paścānme vaśamānayeti ca
94.1-4
ante'pi ṭhadvayaṃ jñeyamaṣṭāviṃśākṣaro manuḥ
[2] praṇavaṃ chavibījaṃ ca mantraṃ tu dviśiraḥ smṛtam
madhye kumārāya namo hyante nīramudāhṛtam
94.1-5
chavibījaṃ kāntibījaṃ śobhā'pi suṣamā tathā
hrāṃ-bījāni ca catvāri kṛtrimāṇyaparāṇi ca
94.1-6
[3] praṇavaṃ vāyupūjyāpi cārukaṃ manmathastathā
śukrabījaṃ tathā śūnyaṃ kamalā rasanā tathā
94.2-2
candraṃ ḍimbaṃ ca kūrcaṃ ca turagaṃ ca sureśvari
madhye tannāma vijñeyaṃ kārtavīryārjunāya ca
94.1-7
ante payo manuḥ prokta ekaviṃśākṣaraḥ śive
śukrabījaṃ tathā kāvyo bhārgavaḥ kavibījakam
daityamānyo maheśāni surāsuranamaskṛte
94.1-8
[4] praṇavamūrdhvabījaṃ ca vibhūtistadanantaram
hanumate tataḥ paścādrāmadūtāya vai punaḥ
94.2-3
laṅkāvidhvaṃsanāyaivamañjanīgarbhasaṃ tataḥ
bhūtāya śākinī caiva ḍākinī tadanantaram
94.3
vidhvaṃsanāya kili-dvau bubukāreṇa vai punaḥ
vibhīṣaṇāya hanumaddevāya tadanantaram
94.4
tryakṣaṃ māyā hariṇācī vyoṣaṃ skandaṃ tathaiva ca
haramāpastathānte'pi saptaṣaṣṭyakṣaro manuḥ
94.1-9
[5] praṇavaṃ manmathaṃ caivamabhrabījasamanvitam
adhvibījaṃ kalpabījaṃ śataghnībījasaṃyutam
94.2-4
mayā madhye'pi vaṭuka-bhairavāyāśmarī tathā
ante'po bhairavasyāyaṃ manuraṣṭādaśākṣaraḥ
94.1-10
abhrabījaṃ ca jīmūtamambudaṃ jaladaṃ ghanam
vīṃ-bījāni ca pañcaivamanṛtāni parāṇi ca
94.1-11
abdhibījaṃ tathā sindhuḥ sāṃvaraṃ sāgarastathā
ruṃ-bījāni ca catvāri (kṛtrimāeyaparāṇi ca)
94.1-12
kalpabījaṃ ca saṃvartaṃ pralayaṃ cayabījakam
cāmikaṃ curakaṃ caudraṃ tathā kalpāntabījakam
94.1-13
dhuṃ-bījānyevamaṣṭau ca kṛtrimāeyaparāṇi ca
śataghnī śyālikā śyāmā śādvalā śuṣkalā tathā
ghīṃ-bījāni tu pañcaivamasatyānyaparāṇi ca
94.1-14
[6] oṃ jyattaṃ hujjaṃ śaktiśobhe'pi śaṅkā
māṃ tasmādvai pālaya-dvau tathaiva
tasmācchaktiḥ khaṃ śarad hujjatārau
mantroddhāro devi mṛtyuñjayasya
94.1-15
[7] tāraṃ māyā vāgbhavaṃ manmathaṃ ca
śaktirmadhye nāma tryā tathānte
94.1-16
kālīpadmau kūrcapadmau samastāpadmau nīrameṣa sugrīvamantraḥ
94.31
mayākhyātā maheśāni hyete vai sapta bālakāḥ
dakṣiṇāmūrtiruvāca
śṛṇudhvamṛṣayaḥ kiṃcidyuṣmākamasti yadgadi
bravīmi bhavatāṃ prītyā ājñāpayitumarhatha
94.31.p1
iti śrīdakṣiṇāmūrtimuniviracite uddhārakośe sarvāgamasāre saptadevī saptakumārakośākhyānaṃ tṛtīyaḥ kalpaḥ || 3
Linked texts (5)
- Devīrahasya — Sanskrit
- Uddhārakośa (Dakṣiṇāmūrti) — Dakṣiṇāmūrti, Sanskrit
- Pūrvārddhadevirahasya — Sanskrit
- Bījoddhārakośa — Dakṣiṇāmūrti, Sanskrit
- Devīrahasyapurāṇa — Sanskrit