Pramāṇa · Search · About · API

Devirahasya 96

Devīrahasya 96

Language
Sanskrit

Contents

96.1

athādau pañcagrahamantroddhāraḥ | tatrādāvādityasya mantroddhāraḥ, viśvanāthasāroddhāre—
(1) praṇavaṃ cāmbaraṃ lakṣmīryoṣavījaṃ tathaiva ca
bījaṃ turyaśiro jñeyaṃ tataḥ pallavamuddharet

96.2

grahādhirājāya tata ādityāya tathaiva ca
ante payastu vijñeyaṃ manudvarcaṣṭākṣaraḥ smṛtaḥ

96.1-2

tatrāmbarabījanāmāni, bhairavatantre—
ambaraṃ vastrabījaṃ ca śūnyaṃ śaktiriti dvayam
haritaṃ hariṇībījaṃ haridrābījameva ca

96.1-3

hsauḥ-bījāni saptaiva kṛtrimāṇyaparāṇi ca
ambarabījau dvau hsauḥ aṃ ca | prakāśam — oṃ hsauḥ śrīṃ āṃ grahādhirājāya ādityāya svāhā | atha budhasya mantroddhāraḥ, svatantre—
[2] praṇavaṃ ca tathā skandaṃ rasajñā ca ṣaḍānanaḥ
madhye'pi grahanāthāya budhāyānte ca ṭhadvayam

96.1-4

budhasya grahanāthasya manuścaturdaśākṣaraḥ
tatra ṣaḍānanabījanāmāni, kuñjikāsarvasve—
ṣaḍānanaḥ śarajanmā skandaḥ kumārabījakam
śāmbhavaḥ śālinībījaṃ tathā ṣaṇmukhabījakam

96.1-5

ṭaṃ-bījāni ca saptaivamanṛtānyaparāṇi ca
prakāśam — oṃ hāṃ krīṃ ṭaṃ grahanāthāya budhāya svāhā || atha śukrasya
mantroddhāraḥ, āgamaśiromaṇau—
[3] praṇavamūrdhvabījaṃ ca stanabījasamanvitam
śivabījaṃ tato madhye graheśvarāya vai punaḥ

96.1-6

śukrāyānte'śmarī caiva bālaścaturdaśākṣaraḥ
[4] yadvaṃ māyāpi saubhāgyā surāsuranamaskṛte
taraṅgaveśaye saṃyojya cārvaṅgī hiṅgubījakam

96.2-2

ūrdhvaṃ ca ṣaḍśirobījaṃ tataḥ pallavamuddharet
tato grahādhipataye bṛhaspataya eva ca

96.3

punarvārivahaṃ caiva padmaṃ lakṣmīstu nīrajam
vāsanā paṅkajaṃ caivamante proktaṃ vanaṃ śive

96.1-7

praṇavaṃ ca parā lakṣmīrvīciveśye'pi yojayet
candro maṭhaṃ tataḥ paścād grahādhipataye namaḥ

96.1-8

tato bṛhaspataye'pi tato jīmūtabījakam
padmaṃ lakṣmīrnīrajaṃ ca vāsanā paṅkajaṃ tathā
ante nīraṃ samākhyātaṃ pañcaviṃśākṣaro manuḥ
[5] yadvaṃ ca hariṇākṣī ca kuntībījasamanvitam
haretiśabdaṃ saṃyojya śūnyānusvārasaṃyutam

96.1-9

nāñcabījaṃ tato madhye candrāyānte'śmarī smṛtā
nāṭyabījaṃ ca naṭanaṃ tāṇḍavaṃ nṛttabījakam
caṃ-bījāni ca catvāri kṛtrimāāaiyaparāṇi ca

96.1-10

ete vai pañcabāṇānāṃ grahāḥ pañca prakīrtitāḥ
[6] cāraṇaṃ hariṇībījaṃ rukmiṇī śarvarīpatiḥ
vedhobījaṃ tato madhye grahādhipataye tataḥ

96.1-11

bhaumāyānte paryaḥ prokto manuḥ pañcadaśākṣaraḥ
vedhobījaṃ vidhirbrahmā svayambhūbījameva ca
kaṃ-bījānyapi catvāri kṛtrimāāaiyaparāṇi ca

96.1-12

[7] tāraṃ lajjāṃ śriyaṃ caiva bījaṃ triśire ūrdhvagaḥ
grahacakravartine'pi śanaiśvarāya vai tataḥ

96.2-3

madanaṃ vāsanā śaktirante nīramudāhṛtam
śanaiścarasya devasya manurviṃśācaraḥ smṛtaḥ

96.1-13

[8] praṇavaṃ rasanāyugmaṃ taṭayugmaṃ ca garjitam
tataṣṭaṅkadhāriṇe ca rāhave havyavāhanaḥ

96.2-4

lajjā lakṣmīstathā bhīmā hyante vanamudāhṛtam
rāhorviṃśācaro bālo yathābhīṣṭaphalapradaḥ

96.1-14

garjitaṃ khanabījaṃ ca stanitaṃ rasitaṃ tathā
ṭaṃ-bījāni ca catvāri kṛtrimāṇyaparāṇi ca

96.1-15

śambhornetratrayāṇāṃ ca devatā bhāṣitā mayā
sudine sādhako mantrān grahāṇāṃ sādhayecchive

96.1-16

[6] praṇavaṃ sakalā vṛṣṭistato'pi krūrarūpiṇe
ketave'pi tataḥ paścāccandraḥ śaṅkā payastathā

96.1-17

ketorayaṃ manuḥ prokto devi pañcadaśākṣaraḥ
vṛṣṭibījaṃ ca karakaṃ varṣopalastu vārṣikaiḥ
krūṃ-bījāni ca catvāri kṛtrimāṇyaparāṇi tu

96.1-18

eteṣāṃ navagrahāṇāṃ manavo bhāṣitā mayā
athāhaṃ tava deveśi varṇānāṃ vakṣyi vai manūn

96.2-5

kośaṃ lokopakārārthaṃ gopyādgopyatamaṃ kuru
yena vijñānamātreṇa māntrikaḥ sādhako bhavet

96.2-5.p1

iti śrīdakṣiṇāmūrtimuniviracite uddhārakośe sarvāgamasāre navagrahamantroddhārakośākhyānaṃ caturthaḥ kalpaḥ || 4

Linked texts (6)