Pramāṇa · Search · About · API

Devirahasya 97

Devīrahasya 97

Language
Sanskrit

97.1

atha
pañcamaḥ kalpaḥ
ṛṣaya ūcuḥ
brahmarṣe brahmaputrastvamāgamārthavapāraga
prasanno'si mahābhāgintvāsu kṛpayā prabho

97.2

nānāśāstrāṇi cāsmābhiḥ śrutāni tvanmukhāmbujāt
varṇānāṃ śrotumicchāmo mantrakośāni ca vayam

97.3

śrīdakṣiṇāmūrtiḥ
śṛṇu devi pravakṣyāmi matto yūyaṃ yathāvidhi
varṇānāṃ mantrakośaṃ ca niḥsṛtaṃ tripurāmukhāt

97.4

śṛṇudhvamṛṣayaḥ sarve mantrakośaṃ suvistaram
munīnāṃ sūcitaṃ yacca dakṣiṇāmūrtinā purā

97.5

tripurātilake—
(a) ātmabījamakāraṃ ca svāntaṃ hṛdbījameva ca
mānasaṃ ca manobījaṃ paitāmahamiti smṛtam

97.6

aparamanṛtaṃ jñeyamakārasya sureśvari
(ā) śūnyaṃ khamambaraṃ vyoma vaiṣṇavaṃ ceti bhāṣitam

97.7

ākārasyānṛtamanyaduktaṃ bhairavatantrake
(i) indrabījaṃ tathā jiṣṇurmarutvān maghamā hariḥ

97.8

śaivamikāravarṇasya kṛtrimamaparaṃ vadet
mayā proktaṃ sureśāni granthe bhairavatantrake

97.9

(ī) buddhibījaṃ tathā medhā dhībījaṃ ca matistathā
aindraṃ tathaiva vijñeyamīkārasyānṛtaṃ param

97.10

mayā proktaṃ sureśāni tripurātilake śive
indrabījau dvau iṃ īṃ ca
(u) ratibījaṃ tathā nandā vāmanaṃ vītuṃbījakam

97.11

sauryamukārabījāni kṛtrimāṇyaparāṇi ca
mayākhyātāni sarvasve kubjikāyāḥ sureśvari

97.12

(ū) kacabījaṃ tathā keśaṃ śiroruhaṃ ca mūrdhajam
aindvamanṛtamanyadūkārasya sureśvari

97.13

śiromaṇau mayā proktāḥ sundaryāḥ parameśvari
(ṛ) pāpmabījaṃ tathā pāpaṃ kilviṣaṃ kalmaṣaṃ tathā

97.14

kiṅkarībījamevaṃ ca maṅgalamanṛtaṃ param
ṛkārasya rahasye'smin kālyāḥ proktaṃ mayā śive

97.15

(ṝ) kṛpābījaṃ dayābījaṃ karuṇā kārṣikaṃ tathā
ṝkārasyānṛtamanyad bhāṣitaṃ viṣṇuyāmale

97.16

(ḷ) viśvabījadvayaṃ jñeyaṃ ḹkāraṃ ca nama iti
vyaktabījaṃ jagadbījaṃ gaurvaṃ proktaṃ mayā śive

97.17

ḹkārasyānṛtamanyaduktaṃ ca rudrayāmale
(ḹ) gaṅgābījaṃ sunandī ca nākavāpī ca svardhunī

97.18

śākramanyadanṛtaṃ ca ḹkārasya mayā smṛtam
granthe ca svakṛtau devi mantrasāgaratantrake

97.16-2

(e) ekādaśī mātrikā ca latātrījaṃ tathaiva ca
vallībījaṃ ca vārākī cānyadanṛtamāvadet

97.20

aparaṃ ca mayākhyātamekārasya sureśvari
kulacūḍāmaṇau granthe racite mātrikottamaiḥ

97.21

(ai) vāgbhavamūrdhvabījaṃ ca cāraṇaṃ caṇḍikeśvaraḥ
caṇḍo'pi carma vasanaṃ vāsanā ca tathaiva ca

97.22

cārvaṅgyapi ca carmāṇaṃ mātrāṃ dvādaśikāmatha
rāhu khyātaṃ mayā devi aikārasyānṛtaṃ param

97.23

tripurāsārasarvasve dakṣiṇāmūrtinā kṛte
(o) praṇavaṃ ca tatastāraṃ jyattaṃ tomāpi tryambakaḥ

97.24

trāsastāraṃkaṃ deveśi kaitavaṃ ca mayā smṛtam
chinnāśiromaṇau granthe racite vai mayā svayam

97.25

(au) mokṣabījaṃ tathā muktirjñānaṃ nirvāṇabījakam
āgastyaṃ ca mayā khyātaṃ granthe bhairavatantrake

97.26

(a) aṃbījaṃ vṛttabījaṃ ca pādapaṃ dharaṇīruham
bhūruhaṃ ca mayākhyātamanṛtamaparaṃ vadet

97.27

siddhasārasvate granthe brahmaṇaiva prakāśitam
(aḥ) nāgabījaṃ bhūdharaṃ ca bhārgyabījaṃ ca bhānavam

97.28

dhrauvaṃ khyātaṃ mayā devi aḥśabdasyānṛtaṃ param
granthe tripurasundaryāḥ sarvasve viśvadurlabhe

97.29

(ka) kakāraṃ ca śirobījaṃ mūrdhabījaṃ ca cāruṇam
vedhobījaṃ vidhirbrahmā svayambhūbījameva ca

97.30

kakārasya mayā khyātamanṛtamaparaṃ vadet
granthe chinnārahasye'smin parvateśvaranandini

97.31

(kha) nabhobījaṃ puṣkaraṃ ca dyaubījaṃ cakravālakam
vaiṣṭaraśravabījaṃ ca proktaṃ tripurayā svayam

97.32

āgamāmṛtamañjaryāṃ durlabhāyāṃ mayāpi ca
(ga) śivabījaṃ ca śambhuśca śarvaḥ śaṅkara eva ca

97.33

gakārasyānṛtamanyad bhāṣitaṃ ca mayā śive
kulacūḍāmaṇau granthe durlabhe tridive priye

97.34

(gha) jinabījaṃ ṣaḍabhijñaṃ mārajidbījameva ca
māyātmajo'rkabandhuśca gautamamanṛtaṃ param

97.35

ghakārasya mayākhyātaṃ granthe vai rudrayāmale
(ṅa) ṣaḍānanaḥ śarajanmā skandaḥ kumārabījakam

97.36

śāmbhavaḥ śālinībījamanṛtamaparaṃ smṛtam
kuñjikāsarvasve khyātaṃ mayā trailokyapūjite

97.37

(ca) nāṭyabījaṃ ca naṭanaṃ tāṇḍavaṃ nṛttabījakam
cakārasya mayā khyātaṃ granthe bhairavatantrake

97.38

(cha) śanibījamarkajaṃ ca paṅgubījaṃ tathaiva ca
kālaṃ ca saurabījaṃ ca smṛtiḥ sundarabījakam

97.39

chakārasya mayā proktaṃ granthe kāmeśvare śive
śanibījau dvau chaṃ jaṃ ca
(ja) stanabījaṃ kucaṃ caivamurojo hṛjjameva ca

97.40

jakārasya mayākhyātamanyadanṛtamāvadet
āgamālaṅkāraje ca granthe bhairavanirmite

97.41

(jha) icchābījaṃ spṛhā kāṅkṣā lipsābījaṃ catuṣṭayam
jhakārasya mayā khyātamasatyamaparaṃ smṛtam

97.42

trailokyaprathite granthe devi vai vāmakeśvare
(ña) yamabījaṃ kālabījaṃ kṛtāntasamavartinau

97.43

kīnāśaṃ mṛtyubījaṃ ca kakārasya mayā smṛtam
tripurāsarvasve granthe trijagaddurlabhe priye

97.44

kālabījau dvau aṃ kuṃ ca
(ṭa) garjitaṃ svanabījaṃ ca stanitaṃ rāsitaṃ tathā
ṭakārasya mayā khyātaṃ svatantre devavandite

97.45

(ṭha) padmaṃ paṅkajapayojau nīrajamambujaṃ tathā
paśca ṭhakārabījāni kṛtrimāeyaparāṇi ca

97.46

mayā khyātāni deveśi tantre vai vāmakeśvare
(ḍa) siṃhikā sarasībījaṃ reṇukābījameva ca

97.47

añjanībījakaṃ khyātamanṛtamaparaṃ smṛtam
ḍakārasya mayā devi granthe vai rudrayāmale

97.48

(ḍha) vāyubījaṃ cānilaṃ ca samīraṇaṃ maruttathā
samīraṃ cāśugaṃ jñeyaṃ vātaṃ śvasanabījakam

97.49

ḍhakārasya mayā khyātamanyadanṛtamāvadet
vāyubījau dvau ḍhaṃ yaṃ ca
(ṇa) vāghabījaṃ mārgeṇaṃ ca patriṇamāśugaṃ tathā

97.50

ṇakārasyānṛtamanyad granthe bhairavatantrake
āśugabījau dvau ḍhaṃ ṇaṃ ca
(ta) rātribījaṃ tamībījaṃ tāmasībījameva ca

97.51

rātrā ca niśā dābījamanyadanṛtamāvadet
kubjikāsarvasve granthe taṃbījaṃ ca mayā smṛtam

97.52

(tha) bilabījaṃ ca vivaraṃ suṣiraṃ ca nāgalokakam
thakārasya mayā khyātaṃ tantre vai kulikārṇave

97.53

(da) cakribījaṃ vyālabījaṃ sarpaḥ kākodaroragau
bhogibījaṃ bhujaṅgaṃ ca bhujaṅgamiti smṛtam

97.54

dakārasya mayā khyātamanṛtamaparaṃ smṛtam
svatantre devadeveśi dakṣiṇāmūrtinā kṛte

97.55

(dha) puṣpabījaṃ prasūnaṃ ca padmapratiḥ suprajāstathā
dhakārasyānṛtamanyat tripurātilake smṛtam

97.56

(na) cārabījaṃ ca lavaṇaṃ saindhavaṃ sūkaraṃ vṛkam
vārāhamanṛtamanyanmayā khyātaṃ sureśvari

97.57

trailokyaprathite granthe tripurāyā: śiromaṇau
(pa) kūrmamīnapadvyāsau bījāṇaṃ sadṛśaṃ priye

97.58

phakārasya pakārasya bhedo nāsti parasparam
bhāṣaṇodvāraviṣaye likhane prakṛtiḥ pṛthak

97.59

matsyaṃ ca mīnabījaṃ ca śapharībījameva ca
bhaṣabījaṃ mayākhyātaṃ granthe chinnāśiromaṇau

97.60

(pha) kūrmabījaṃ ca kamaṭhaṃ karkaṭo'pi kulīrakam
kacchapamanṛtamanyanmayākhyātaṃ ca bhāmini

97.61

śāradāpaṭale granthe trailokyaprathite śive
(ba) ūrmirbīcistathā caivaṃ taraṅgastritayaṃ smṛtam

97.62

asatyamaparaṃ jñeyaṃ mayākhyātaṃ sureśvari
kālikākulasarvasve brahmavaiva prakāśite

97.63

(bha) bhadrikā bhāsvatī bhīmā bhakārasyānṛtaṃ param
tantre vai muṇḍamālāyāṃ mayākhyātaṃ sureśvari

97.64

(ma) ḍulibījaṃ śilībījaṃ maṇḍūkaṃ durduraṃ tathā
bhekībījaṃ mayākhyātamasatyamaparaṃ smṛtam

97.65

āgamāmṛtamañjaryāṃ parvateśvaranandini
(ya) vāyubījaṃ tathā vāgmi vācālaṃ vaśyabījakam

97.66

vīrāśārṇa tathā vāpī mayākhyātaṃ svatantrake
(ra) aggī rephaśca vahniśca hutabhug havyavāhanaḥ

97.67

rakārasya mayākhyātaṃ śyāmātantre sureśvari
(la) tamobījaṃ tathā dhvāntaṃ mohaṃ timirameva ca

97.68

lakārasya mayākhyātaṃ svatantre munivandite
bhūbījaṃ dharaṇībījaṃ lakāraṃ bhāṣitaṃ mayā

97.69

(va) abhraṃ meghaṃ ca jīmūtamambubhṛdambudaṃ ghanam
vakārasya mayākhyātaṃ tantre vai vāmakeśvare

97.70

(śa) kalyāṇaṃ caiva śarmāpi śaṃ śubhaṃ ca catuṣṭayam
śakārasya mayākhyātaṃ granthe bhairavatantrake

97.71

(ṣa) śampābījaṃ taḍidbījaṃ vidyucchatahdā tathā
hādinībījakaṃ caivamasatyamaparaṃ smṛtam

97.72

mayākhyātaṃ sureśāni granthe vai rudrayāmale
(sa) śaktiḥ śarmāpi vijñeye śaracchaṅke tathaiva ca

97.73

sakārasya mayākhyātaṃ granthe chinnāśiromaṇau
(ha) chavibījaṃ kāntibījaṃ śobhā bhā suṣamā tathā

97.74

ākāśaṃ ca hakārasyānṛtamanyanmayoditam
siddhasārasvate granthe nityaṃ mātrikapūjite

97.75

(kṣa) devabījaṃ nirjaraṃ ca tridaśaṃ tridiveśakam
surabījaṃ ca gīrvāṇaṃ lekhamamarabījakam

97.76

kṣakārasya mayā proktaṃ kulacūḍāmaṇau priye
varṇānāṃ devadeveśi kośaṃ proktaṃ mayā śive
nānāmantrayutaṃ devi sarvāgamaviniścitam

Linked texts (6)