Pramāṇa · Search · About · API

Devirahasyatantra 1

Devīrahasyatantra 1

Language
Sanskrit

Contents

1.1

śrībhairava uvāca
adhunā devi vakṣyāmi rahasyaṃ paramādbhutam
yatra sarveṣu tantreṣu yāmalādiṣu bhāṣitam

1.2

parādevīrahasyākhyaṃ tantraṃ mantroccavigraham
tattvaṃ śrīṣoḍaśākṣaryāḥ sarvasvaṃ mama pārvati

1.3

aprakāśyamadātavyaṃ paramoccaphalapradam
bhogāpavargadaṃ loke sādhakānāṃ sukhāvaham

1.4

śrīdevyuvāca
bhagavan sarvatantrajña kaulikeśvara śaṅkara
tvatprasādānmayā jñātaṃ tattvaṃ devyāḥ sudurlabham

1.5

tantraṃ mantrātmakaṃ guhyaṃ sūcitaṃ bhavatā svayam
parādevīrahasyākhyaṃ dīkṣāpūrvaṃ vadasva me

1.6

guru-śiṣyanirṇayaḥ
śrībhairava uvāca
devīrahasyamīśāni śrṛṇu tvaṃ bhaktipūrvakam
yena śravaṇamātreṇa koṭipūjāphalaṃ labhet

1.7

athāhaṃ nirṇayaṃ vakṣye paramaṃ guruśiṣyayoḥ
vicārya vidhivaddhīmān dīkṣākarma samācaret

1.8

dīkṣāgrahaṇasyāvaśyakatvam
brahmādikīṭaparyantaṃ jagat sthāvarajaṅgamam
parādevyā paśutvena mohitaṃ vigataspṛham

1.9

tathāpi tatprasādena sevayā tatpadābjayoḥ
kaulikaḥ paśubhāvena mukto jñānaṃ bhajettataḥ

1.10

dīkṣāṃ tasyāḥ śive mantrī labdhvā gurupadārcanāt
dīkṣitaḥ sa bhavejjñānī dīkṣāhīno bhavet paśuḥ

1.11

yasya dīkṣā śive nāsti jīvanaṃ tasya niṣphalam
sa jātu nottared devi nirayāmbunidheḥ kvacit

1.12

dīkṣāhīnasya deveśi paśoḥ kutsitajanmanaḥ
pāpaugho'ntikamāyāti puṇyaṃ dūraṃ palāyate

1.13

tasmād yatnena dīkṣaiṣā grāhyā kṛtibhiruttamā
bālye vā yauvane vāpi vārdhakye'pi sureśvari

1.14

anyathā nirayī pāpī pitṝn śvān nirayaṃ nayet
ataḥ paśurmanuṣyaḥ san paśuyoniṃ vrajecchive

1.15

guruparīkṣaṇam
pūrvajanmārjitāṃ prāpya vāsanāṃ paramārthadām
gurumanveṣayed devi kaulikācāradīkṣitam

1.16

guruṃ kulīnaṃ tantrajñaṃ sarvāṅgaiḥ sumanoharam
nirāmayaṃ ca nirlobhaṃ niḥśeṣāgamapāragam

1.17

labdhvā bhaktyā praṇamyādau toṣayitvā viśeṣataḥ
siddhasādhyārinirṇītāṃ dīkṣāṃ devyā yathāvidhi

1.18

śiṣyaparīkṣaṇam
gṛhṇīyāt parayā bhaktyā sādhako yena jāyate
guruśca śiṣyaṃ ramyāṅgaṃ kulīnaṃ garbhadīkṣitam

1.19

gurubhaktirataṃ bālaṃ yuvānaṃ dhiṣaṇāyutam
devībhaktirataṃ bhaktaṃ pāpabhītaṃ kṛtātmakam

1.20

dṛṣṭvā dīkṣāṃ parāṃ dadyāt kṛtabhāgī bhavettaḥ
gurvabhāve guruviṣayakapraśnaḥ
śrīdevyuvāca
bhagavan karuṇāmbhodhe saṃśayo'yaṃ mahān mama
yasya citte parā bhaktirgururnāsti tathāvidhaḥ

1.21

kulīnaḥ sarvatantrajño mantrasādhanakakṣamaḥ
bhaktyā paramayā yuktaḥ sa kiṃ deva kariṣyati

1.22

gurorabhāve pustakasya gurutvam
śrībhairava uvāca
adīkṣita upādhyāyavihīnaḥ śaktibhaktimān
gurorabhāve deveśi! pustakaṃ gurumācaret

1.23

gurusadbhāve pustakagururdoṣāya
yadi kaścid bhaved devi gurustantravicakṣaṇaḥ
dīkṣitaḥ śivamantreṇa vaiṣṇavaḥ śubhalakṣaṇaḥ

1.24

taṃ parityajya yo devi parābhakto'pi bhaktimān
pustakaṃ tu guruṃ kuryāt sa bhavecchivaghātakaḥ

1.25

guruṃ kulīnaṃ tantrajñaṃ bhajenmantrasya siddhaye
mūrkhaṃ lobhātmakaṃ devi kulīnaṃ ca parityajet

1.26

pitrādīnāṃ dīkṣā'grāhyā
piturdīkṣāṃ na gṛhṇīyāt tathā mātāmahasya ca
sodarasya kaniṣṭhasya mātulasya viśeṣataḥ

1.27

dambhaṃ vittecchayā laulyaṃ na kuryānmanasāpi vā
paralokecchayā kuryāt paralokabhayāya vā

1.28

dīkṣāgrahaṇasamayaviṣayakapraśnaḥ
śrīdevyuvāca
bhagavan parameśāna sādhakānāṃ hitecchayā
kadā dīkṣā parā grāhyā sādhakaistadvadasva me

1.29

dīkṣāgrahaṇasamayaḥ sthānajña
śrībhairava uvāca
sudine śubhanakṣatre saṃkrāntāvayanadvaye
navarātridine pitroḥ śrāddhe svajanivāsare

1.30

navavarṣadine devi candrasūryoparāgake
tithye svajanmanakṣatre dīkṣāṃ dadyādvicakṣaṇaḥ

1.31

tatrādau śubhanakṣatre snātvā sampūjya bhairavam
gatvā nadītaṭaṃ divyaṃ latākusumasundaram

1.32

dvīpaṃ vā paramaṃ puṇyaṃ devānāmapi durlabham
devatāyatanaṃ vāpi prāpyāśu praṇamettataḥ

1.33

śrīcakravibhāvanā
vilipya vidhivad devi guruḥ kuryāt kṛtāhnikaḥ
vedīmīśānadigbhāge catuṣkoṇaṃ manoharām

1.34

tatra devi parādevyāḥ śrīcakraṃ tu vibhāvayet
sindūreṇa śive yantraṃ mūlamantraṃ samuccaran

1.35

trikoṇaṃ bindusaṃyuktaṃ ṣaṭkoṇaṃ vṛttamaṇḍalam
vasupatraṃ trivṛttāṅgaṃ bhūgṛheṇopaśobhitam

1.36

dīkṣāyantramidaṃ devi dīkṣākāle prapūjayet
dīkṣāyantre pūjya devatāḥ teṣāṃ pūjākramaśca
gaṇeśadharmavaruṇāḥ kuberasahitāḥ śive

1.37

vidikṣu vidigīśānāḥ pūjanīyā yathākramam
tāramāyāramābījairdhūpadīpaprasūnakaiḥ

1.38

māyāṃ ca mohinīṃ menāṃ maṅgalāṃ sarvamaṅgalām
mahāvidyāṃ ca devaśi ṣaṭkoṇeṣu prapūjayet

1.39

tāramāyāramābījairgandhākṣataprasūnakaiḥ
gaṅgāṃ ca yamunāṃ devi tadagre'pi sarasvatīm

1.40

trikoṇe pūjayed dhīmānīśānāgneyapūrvakam
dīkṣāyantra
nāmamantra meṃ oṃ hrīṃ śrīṃ lagākara pūjana kare; jaise gaṇeśa kā pūjana—
oṃ hrīṃ śrīṃ gaṇeśāya namaḥ, gandhākṣataṃ puṣpaṃ dhūpaṃ dīpaṃ samarpayāmi
oṃ hrīṃ śrīṃ yamāya namaḥ, gandhākṣataṃ puṣpaṃ dhūpaṃ dīpaṃ samarpayāmi
oṃ hrīṃ śrīṃ varuṇāya namaḥ, gandhākṣataṃ puṣpaṃ dhūpaṃ dīpaṃ samarpayāmi
oṃ hrīṃ śrīṃ kuberāya namaḥ, gandhākṣataṃ puṣpaṃ dhūpaṃ dīpaṃ samarpayāmi
oṃ hrīṃ śrīṃ kuberāya namaḥ, gandhākṣataṃ puṣpaṃ dhūpaṃ dīpaṃ samarpayāmi
oṃ hrīṃ śrīṃ agnaye namaḥ, gandhākṣataṃ puṣpaṃ dhūpaṃ dīpaṃ samarpayāmi
oṃ hrīṃ śrīṃ nirṛtaye namaḥ, gandhākṣataṃ puṣpaṃ dhūpaṃ dīpaṃ samarpayāmi
oṃ hrīṃ śrīṃ vāyave namaḥ, gandhākṣataṃ puṣpaṃ dhūpaṃ dīpaṃ samarpayāmi
oṃ hrīṃ śrīṃ īśānāya namaḥ gandhākṣataṃ puṣpaṃ dhūpaṃ dīpaṃ samarpayāmi
kā pūjana gandha-akṣata-puṣpa se nimnavat kare—
oṃ hrīṃ śrīṃ māyāyai namaḥ gandhākṣataṃ puṣpaṃ dhūpaṃ samarpayāmi
oṃ hrīṃ śrīṃ mohinyai namaḥ gandhākṣataṃ puṣpaṃ dhūpaṃ samarpayāmi
oṃ hrīṃ śrīṃ menāyai namaḥ gandhākṣataṃ puṣpaṃ dhūpaṃ samarpayāmi
oṃ hrīṃ śrīṃ maṃgalāyai namaḥ gandhākṣataṃ puṣpaṃ dhūpaṃ samarpayāmi
oṃ hrīṃ śrīṃ sarvamaṃgalāyai namaḥ gandhākṣataṃ puṣpaṃ dhūpaṃ samarpayāmi
oṃ hrīṃ śrīṃ mahāvidyāyai namaḥ gandhākṣataṃ puṣpaṃ dhūpaṃ samarpayāmi
anta meṃ—sarvebhyo devībhyo namaḥ dhūpaṃ dīpaṃ naivedyaṃ samarpayāmi
oṃ hrīṃ śrīṃ gaṃgāyai namaḥ gandhākṣataṃ puṣpaṃ samarpayāmi
oṃ hrīṃ śrīṃ yamunāyai namaḥ gandhākṣataṃ puṣpaṃ samarpayāmi
oṃ hrīṃ śrīṃ sarasvatyai namaḥ gandhākṣataṃ puṣpaṃ samarpayāmi||36-39
bindau śrīmūlamantreṇa parādevīṃ prapūjayet

1.41

sadāśivaṃ mahāraudraṃ kāmeśaṃ kāmaneśvaram
gandhākṣataprasūnādyairdhūpadīpāditarpaṇaiḥ

1.42

naivedyācamanīyādyaistāmbūlaiśca suvāsitaiḥ
aṣṭapatreṣu deveśi sampūjyā aṣṭa mātaraḥ

1.43

brāhmyādyā devi mantreṇa aṣṭabhairavapūrvakam
brāhmī nārāyaṇī caiva kaumārī cāparājitā

1.44

māheśvarī ca cāmuṇḍā vārāhī nārasiṃhikā
vāmāvartakrameṇaivaṃ pūjanīyā viśeṣataḥ

1.45

tatraiva pūjayeddaṣṭa bhairavān bhairaveśvari
mahākālaṃ ca kālāgniṃ karālaṃ vikarālakam

1.46

saṃhāraṃ rurumīśāni suptamunmattabhairavam
sampūjya vidhivattatra gandhākṣataprasūnakaiḥ

1.47

yantramabhyarcya deveśi guruṃ sampūjayettataḥ
3. oṃ hīṃ śrīṃ karālāya namaḥ
4. oṃ hīṃ śrī vikarālāya namaḥ
5. oṃ hīṃ śrī saṃhārabhairavāya namaḥ
6. oṃ hīṃ śrīṃ rurubhairavāya namaḥ
7. oṃ hīṃ śrī īśānabhairavāya namaḥ
8. oṃ hīṃ śrī unmattabhairavāya namaḥ
pūjāṅgahomanirūpaṇam
pūrve tataḥ khanet kuṇḍaṃ yonirūpaṃ trikoṇakam

1.48

tatrāraṇiṃ prapūjyādau vahnimāvāhayecchive
tāraṃ vahnitrayaṃ cāgre vaiśvānarapadaṃ vadet

1.49

prajvaleti yugaṃ procyedihāgaccheti saṃvadet
iha sannidhimādhatsva varaṃ me dehi-yugmakam

1.50

phaḍvahnijāyāṃ proccārya gandhenābhyarcayettataḥ
parādevyāstu mantreṇa ghṛtamājyaṃ carecchive

1.51

mūlenāgnau śive dadyādāhutīnāṃ śataṃ param
ghṛtakhaṇḍādimṛdvīkākarjūrāmbujapāyasaiḥ

1.52

śiṣyasaṃskārakramaḥ
tatra devīṃ samāvāhya parāṃ dhyātvā viśeṣataḥ
prāṅmukho gururāsīna uttarābhimukhaṃ śiśum

1.53

saṃsthāpya vidhivad devi kṛtvā viśuraśodhanam
bhūtaśuddhikramopetaṃ prāṇārpaṇāvidhiṃ caret

1.54

prāṇāyāmatrayaṃ kṛtvā vidhāyācamanatrayam
tatra mūlena deveśi diśo baddhvā parāṃ smaret

1.55

guruḥ śiṣyāya śāntāya parāprītyai maheśvari
vahneḥ samakṣaṃ yantrāgre dīkṣāṃ paramadurlabhām

1.56

karṇamūle mahāvidyāṃ śrīvidyāṃ sādhakeśvaraḥ
ānandāsaktahṛdayaḥ śanaistristriḥ samarpayet

1.57

prathamaṃ tu gaṇeśasya mantraṃ sāṅgaṃ samarpayet
tato devyāśca gāyatrīṃ tato mūlaṃ maheśvari

1.58

evaṃ samarpya deveśi kṛtvā homaṃ yathāvidhi
śiṣyo dīkṣāṃ tu samprāpya gurumabhyarcya śaktitaḥ

1.59

toṣayitvā praṇāmaiśca dakṣiṇābhiḥ śubhāmbaraiḥ
tadājñāṃ sahasādāya japāya parameśvari

1.60

yantraṃ mantraṃ ca mālāṃ ca tantraṃ vaikāṅgamīśvari
punarjātu śive śiṣyo gurave'pi na darśayet

1.61

tato homaṃ ca sampādya baṭukaṃ yoginīgaṇam
bhūtān santarpya balinā devīṃ devaṃ visarjayet

1.62

mantrasiddhyarthaṃ sampradāyānugatavidyāgrahaṇaviṣayakapraśnaḥ
śrīdevyuvāca
bhagavan devadeveśa bhaktānugrahakāraka
gaṇeśaṃ caiva gāyatrīṃ mūlavidyāṃ japet param

1.63

śaivaṃ mantraṃ japanno vā vaiṣṇavaṃ sādhakeśvaraḥ
kāṃ kāṃ vidyāṃ sa gṛhṇīyācchinthyetat saṃśayaṃ mama

1.64

vidyāviśeṣagrahaṇanirṇayaḥ
śrībhairava uvāca
prathame'hani deveśi sādhako gurubhaktitaḥ
gaṇeśaṃ devi gāyatrīṃ mūlavidyāṃ japet param

1.65

muhūrte śubhade devi śaivaṃ mantraṃ japettataḥ
guroḥ pādaprasādena labdhvā katipayairdinaiḥ

1.66

tato guruṃ śive bhaktyā vandanaiḥ pūjanaiḥ sadā
prārthanābhiśca santoṣya śrīvidyāṃ prārthayettataḥ

1.67

vinā śrīvidyayā devi sādhako'dīkṣitaḥ smṛtaḥ
adīkṣitaḥ paśuḥ proktaḥ paśutvānnirayī bhavet

1.68

svajanmani śive tasmād gurumabhyarcya bhaktitaḥ
śrīvidyāṃ prārthayitvādau gṛhṇīyāt sarvasiddhaye

1.69

mahātripurasundaryāḥ śrīvidyāṃ prāpya durlabhām
saśivāṃ giraje sāṅgāṃ prārthayed dakṣiṇāṃ tataḥ

1.70

vinā śyāmāṃ na siddhiḥ syānmamāpi parameśvari
dvāviṃśatyakṣarīṃ vidyāṃ prajapet sādhakottamaḥ

1.71

śyāmāvidyājapenāśu śrīvidyā siddhimeṣyati
tāmasī kālikā proktā rājasī ṣoḍaśākṣarī

1.72

sāttvikī ca parādevī mahāśrīṣoḍaśākṣarī
rājyaṃ deyaṃ śiro deyaṃ deyā santatirarthini

1.73

vasupūrṇaṃ gṛhaṃ deyaṃ na deyā ṣoḍaśākṣarī
vidyāṃ tripurasundaryā labdhvā guruprasādataḥ

1.74

manasāpīti no brūyācchrīvidyopāsako'smyaham
śyāmāṃ bhajet parāṃ vidyāṃ śrīvidyābhedarūpiṇīm

1.75

tena siddhirbhavedāśu devānāmapi durlabhā
yatra dṛṣṭvāpi vai brūyādgurustatra samācaret

1.76

gurureva parā devī gurureva parā gatiḥ
gurumullaṅghya yaḥ kuryātkiñcit nirayaṃ vrajet

1.77

evaṃ devi parābhakto dīkṣito gurupūjakaḥ
gurūpadeśataḥ kuryājjapaṃ pūjāmaharniśam

1.78

śaktidīkṣānirūpaṇam
svayaṃ dīkṣāṃ gurorlabdhvā dīkṣitaḥ puṇyabhājanam
gurumabhyarcya samprārthya śaktidīkṣārthamīśvari

1.79

dīkṣitā yasya to śaktistasya dīkṣā tu niṣphalā
janmakoṭiṣu japtāpi tasya vidyā na sidhyati

1.80

tataḥ śive guruḥ śiṣyaṃ sampūjya paramārthavit
śiṣyastriyaṃ parārūpāṃ devīrūpāṃ vicintayet

1.81

abhyarcya paramāṃ śaktiṃ parāvad vandanaiḥ stavaiḥ
āditya mātṛvad devi kanyāvad dīkṣayet tadā

1.82

parāvat pūjayitvādau tato dīkṣāṃ samarpayet
upaviśya gurustatra paścimābhimukhaḥ śive

1.83

dīkṣāyai prāṅmukhīṃ kṛtvā pūjayed yantrarājavat
tataḥ sampūjya deveśi yantrāgre devatāgṛhe

1.84

śivo bhūtvā parāvidyāṃ karṇamūle samarpayet
samprāpya saśivāṃ vidyāṃ guruṃ pitṛvadarcayet

1.85

gandhākṣataprasūnādyairdakṣiṇāmbarapūrvakaiḥ
tadājñāṃ śirasādāya japaṃ kuryāttu sarvadā

1.86

śaktiśca dīkṣitā bhūtvā dīkṣito'pi svayaṃ śive
martyo'pi sicchive janturamaratvamavāpnuyāt

1.87

guroḥ pādaprasādena śrīvidyā yadi labhyate
sa śyāmā sa śivā devi vaśyaṃ tasya jagattrayam

1.88

paṭalopasaṃhāraḥ
idaṃ rahasyaṃ paramaṃ tava bhaktyā mayeritam
dīkṣāvidhermahādevi gopanīyaṃ prayatnataḥ

1.88.p1

iti śrīrudrayāmale tantre śrīdevīrahasye dīkṣāvidhinirūpaṇaṃ nāma prathamaḥ paṭalaḥ||1

Linked texts (4)