Pramāṇa · Search · About · API

Devirahasyatantra 4

Devīrahasyatantra 4

Language
Sanskrit

4.12

iti karālasya
vikarālamantroddhāraḥ
tāraṃ vāgbhavamāyāyā vikarālāya vinyaset
ante ṭhadvayamuccārya mantrarājo'yamīritaḥ

4.13

iti vikarālasya
nīlakaṇṭhamantroddhāraḥ
praṇavaṃ haritaṃ ḍimbaṃ nīlakaṇṭhāya cāśmarī
durgeśanīlakaṇṭhasya mantroddhāro daśākṣaraḥ

4.14

śarvamantroddhāraḥ:
tāraṃ parā ramā-bījaṃ śarvayeti padaṃ vadet
ante'śmarī manordevi mantro'yaṃ bhogadaḥ smṛtaḥ

4.15

paśupatimantroddhāraḥ:
praṇavo vāgbhavo māraḥ śaktiḥ paśupatervanam
mantro'yaṃ devadevasya vallabho muktisādhanam

4.16

mṛḍamantroddhāraḥ:
tāraṃ parā mṛḍāyeti viśvamante manuḥ smṛtaḥ
pinākīmantroddhāraḥ:
tāraṃ hujjaṃ parā lakṣmīrmadhye brūyātpinākine

4.17

ante'śmarī manordevi mantro'yaṃ vairisūdanaḥ
girīśamantroddhāraḥ:
tāraṃ śivo maṭhaṃ devi giriśāyāśmarī manuḥ

4.18

tāraṃ parā bhadrikā ca bhīmāyānte'śmarī manuḥ
māyā śivākṣaraṃ māyā mahāgaṇapamuddharet

4.19

taye'śmarī manorante mantro'yaṃ vighnahārakaḥ
māraṃ parā ca vāhvīkaṃ pramathādhipamuddharet

4.20

prasīda-dvayamāpo'nte mantro'yaṃ devadurlabhaḥ
chaviḥ kumārāya manorante viśvaṃ manuḥ paraḥ

4.21

sarvadevendrapadado bhogado mokṣadaḥ smṛtaḥ
tāraṃ kālī śivo devi krodhaneśāya cāśmarī

4.22

mantro'yaṃ sarvasiddhīśo vairivarganivarhaṇaḥ
tāraṃ parā ramā lakṣmīrīśāyeti vanaṃ manuḥ

4.23

tāraṃ śivaḥ kāmarājaḥ kapālīśāya saṃvadet
ante ṭhadvayamuddhṛtya mantro'yaṃ syād daśākṣaraḥ

4.24

tāraṃ kālīyugaṃ māyā krūrabhairava proddharet
prasīda-dvayamāpo'nte mantro'yaṃ sarvasiddhidaḥ

4.25

tāraṃ vāṇī śarat kāma: saṃhārāyāñcale vanam
mantro'yaṃ devadevasya varṇitaste daśākṣaraḥ

4.26

tāraṃ mā bhūtirmā lakṣmīrīśvarāyāśmarī manuḥ
bhargamantroddhāraḥ
tāraṃ ca bhāsvatī māyā bhargāyante'śmarī manuḥ

4.27

rurubhairavamantroddhāraḥ
tāraṃ cābdhiḥ parā bījaṃ rurave cāśmarī manuḥ
kālāgnibhairavamantroddhāraḥ
praṇavaṃ kamalā māyā kālāgnaye padaṃ tataḥ

4.28

viśvamante manordevi mantrarājo'yamīritaḥ
sadyojātamantroddhāraḥ
tāraṃ vyoṣaṃ śivo devi sadyojātāya cāśmarī

4.29

ugratārāśivasyāyamavyayasya manuḥ smṛtaḥ
aghoramantroddhāraḥ
mātrādiḥ ṣaḍabhijñavahnikuliśāstasmādvilaṃ mārajidvahnī vajrakagautamāgniyugalaṃ santyagnivajrāṅkitam
śaṅkhau vauṃ ca tamī śubhau bakayutau śaktyorvavajrāśmakā
rātryabdhīndujasindumatyakuliśā mantro'yamāghorikaḥ

4.30

kūrcadvandvaṃ mahākāla prasīdeti padvayam
māyādvayaṃ vahnijāyā rājarājeśvaro manuḥ

4.31

vāgbhavaṃ madanaśaktitārakā mā parā sakalavidyāṅkitā
tārayuktaviparītabījakaḥ ṣoḍaśākṣaravidhiḥ śivaḥ smṛtaḥ

4.32

itīdaṃ mantrasarvasvaṃ rahasyaṃ paramaṃ param
tava bhaktyā mayākhyātaṃ na cākhyeyaṃ durātmane

Linked texts (6)