Devirahasya 63.2
Devīrahasyatantra 63.2
- Language
- Sanskrit
Contents
- 63.2.p1 — 5 parts
63.2
jvālāparvatasaṃsthitāṃ trinayanāṃ pīṭhatrayādhiṣṭhitāṃ
jvālāḍambarabhūṣitāṃ suvadanāṃ nityamadṛśyāṃ janaiḥ
ṣaṭcakrāmbujamadhyagāṃ varaśarāmbhojābhayān bibhratīṃ
cidrūpāṃ sakalārthadīpanakarīṃ jvālāmukhīṃ naumyaham
63.2.p1.1
iti dhyātvā mānasopacārairārādhya, oṃmiti setuṃ hṛdi daśadhā vinyasya, śrīmiti mahāsetuṃ viśuddhau sahasrāre ca daśadhā vinyasya, oṃ śrīmūlaṃ aiṃ hrīṃ śrīmityādi yaḥ ityantam | oṃmiti maṇipūrake nirvāṇaṃ daśadhā japet | tato mantrasaṃskāraṃ kuryāt | yathā "śrīṃ oṃ jvālāmukhi mama sarvaśatrūn bhakṣaya 2 huṃ phaṭ svāhā hīṃ" iti trirjapet, ityutkīlanam | hūṃ oṃ hīṃ śrīṃ jvālāmukhi mama sarvaśatrūn bhakṣaya 2 svāhā, iti triḥsañjīvanam | caṃcuṃjaṃ mūlaṃ bhraṃ iti trirjapet, iti tauṭilyam | oṃ hīṃ śrīṃ jvālāmukhi bhairavaśāpaṃ mocaya 2 huṃ phaṭ svāhā, iti śāpaharīṃ daśadhā japet | oṃ hīṃ śrīṃ kurukullāyai svāhā, iti kurukullāṃ daśadhā japet | oṃ hīṃ śrīṃ namo jvālāmukhyastrāya dahadaha duritaṃ hūṃ phaṭ hana 2 kīlān svāhā jvālāmukhīṃ hīṃ svāhā, ityastramantraṃ trirjapet | oṃ mūlaṃ oṃ ityaśaucadvayanivāraṇārthaṃ saptadhā japet | oṃjvālāmukhyai vidmahe hīṃ jagaddhātryai dhīmahi śrīṃ tanno jvāleḥ pracodayāt, iti mūlagāyatrīṃ daśadhā japtvā, mālāmādāya oṃ māṃ māle mahāmāle sarvaśaktisvarūpiṇi | caturvargastvayi nyastastasmānme siddhiṃ bhava || oṃ hīṃ siddhyai namaḥ, iti manasā gandhādinā tāṃ saṃpūjya, oṃ avighnaṃ kuru māle tvaṃ sarvabhāveṣu sarvadā | iti manasā pūjitāṃ dakṣakareṇa mālāmādāya śirasi śrīguruṃ śuklavarṇaṃ kareṭha svarṇavarṇāṃ mūlavidyāṃ hṛdi śrīparadevīṃ yathoktarūpāṃ dhyāyan yathāśakti japaṃ kṛtvā, japānte
tvaṃ māle sarvadevānāṃ prītidā śubhadā bhava
śubhaṃ kuruṣva me bhadre yaśo vīryaṃ ca sarvadā
63.2.p1.2
iti pāṭhitvā mālāṃ śirasi saṃsthāpya, oṃ hīṃ hīṃ mahādevāya namaḥ iti bhairavamantraṃ yathoktavidhinā saṃjapya, mūlaṃ sasaṃpuṭaṃ trirjaptvā punaḥ
rapi prāṇāyāmādinyāsān vidhāya ,
guhyātiguhyagoptrī tvaṃ gṛhāṇāsmatkṛtaṃ japam
siddhirbhavatu me devi tvatprasādānmaheśvari
ityenena tejomayaṃ japaṃ śrīdevīvāmahaste samarpya yonimudrayā praṇamet
prātaḥ prabhṛti sāyāntaṃ sāyādi prātarantataḥ
yatkaromi jagadyone tadastu tava pūjanam
iti nijakṛtyaṃ samarpya , svakāryānuṣṭhānāya ,
trailokyacaitanyamayi sureśi śrījvālike tvaccaraṇājñayaiva
prātaḥ samutthāya tava priyārthaṃ saṃsārayātrāmanuvartayiṣye
saṃsārayātrāmanuvartamānaṃ jvālāmukhi tvaccaraṇājñayālam
spardhātiraskārakalipramādabhayāni māṃ mābhibhavantu mātaḥ
jānāmyadharmaṃ naca me nivṛttirjānāmi dharmaṃ naca me pravṛttiḥ
tvayā hṛṣīkeśi hṛdisthayāhaṃ yathā niyukto'smi tathā karomi
dalakamalakarṇikāmadhyavartinyai śrīgurupādukāyai ajapājapānāṃ sahasraṃ samarpayāmi namaḥ | ityajapājapaṃ samarghya, ajapāmantreṇa prāṇāyāmaṃ kṛtvā saṃkalpaṃ kuryāt | yathā—
63.2.p1.3
oṃ asya śrīajapāgāyatrīmantrasya, haṃsa ṛṣiḥ, avyaktagāyatrīcchandaḥ, śrīparamātmā paramahaṃso devatā, haṃ bījaṃ, saḥ śaktiḥ, so'haṃ kīlakaṃ, oṃkāratattvaṃ, udāttaḥ svaraḥ, namaḥ sthānaṃ, haimo varṇaḥ, mama muktisādhanārthe ajapājape viniyogaḥ | oṃ haṃsaṛṣaye namaḥ śirasi | oṃ avyaktagāyatrīcchandase namo mukhe | oṃ śrīparamahaṃsadevatāyai namo hṛdi | oṃ haṃ bījāya namo guhye | oṃ saḥ śaktye namaḥ pādayoḥ | oṃ so'haṃ kīlakāya namo nābhau | oṃ oṃkāratattvāya namo hṛdaye | oṃ udāttasvarāya namaḥ kaṇṭhe | oṃ namase sthānāya namo mūrdhni | oṃ haimāya varṇāya namaḥ sarvāṅgeṣu, iti vinyasya mama mokṣārthe'japājape viniyogaḥ, iti kṛtāñjaliḥ paṭhet | iti ṛṣyādinyāsaḥ
oṃ haṃsāṃ sūryātmane svāhā aṅguṣṭhābhyāṃ namaḥ | oṃ haṃsīṃ somātmane svāhā tarjanībhyāṃ svāhā | oṃ haṃsūṃ nirañjanātmane svāhā madhyamābhyāṃ vaṣaṭ | oṃ haṃsaiṃ nirābhāsātmane svāhā anāmikābhyāṃ huṃ | oṃ haṃsauṃ anantatanuḥ sūkṣmādevī pracodayāt svāhā kaniṣṭhikābhyāṃ vauṣaṭ | oṃ haṃsaḥ avyaktabodhātmane svāhā karatalakarapṛṣṭhābhyāṃ phaṭ | evaṃ hṛdayādinyāsaḥ
tato dhyānam—
dhyāṃ mūrdhānaṃ yasya viprā vadanti khaṃ vai nābhiṃ candrasūryau ca netre
digbhiḥ śrotre yasya pādau citiśca dhyātavyo'sau sarvabhūtāntarātmā
iti virāṭsvarūpaṃ svātmānaṃ dhyātvā tadanusandhāyinaṃ prāṇavāyornirgamapraveśātmakamajapāmantraṃ pañcaviṃśativāraṃ japtvā samarghya, śrīgurupadiṣṭamārgeṇa nādānusandhānapūrvakaṃ nirastasamastopādhinā kenāpi cidvilāsena pravartamāno'smīti vibhāvya, svakāryānuṣṭhānāya
samudramekhale devi parvatastanamaṇḍale
63.2.p1.4
viṣṇupatni namastubhyaṃ pādasparśaṃ kṣamasva me
iti bhūmiṃ prārthya , śvāsānusāreṇa tasyāṃ pādaṃ nidhāya , " nandantu sādhakāḥ sarve " ityādi paṭhan bahirnirgatya malamūtrotsargaśaucācamanaṃ vidhāya , krauṃ kāmadevāya sarvajanamanoharāya namaḥ , iti dantadhāvanaṃ kuryāt | tato nadyādau gatvā vaidikasnānaṃ nirvartya tāntrikasnānamārabhet | yathā—tatrādau mūlena karacaraṇamukhāni prakṣālya , oṃmaṇidhari vajriṇi mahāpratisare rakṣa 2 haṃ phaṭ svāhā , iti śikhāṃ baddhvā , mūlavidyayā trirācamya , mūlaṃ oṃ hrīṃ iti gaṇaḍaṣaṭkaṃ kṛtvā , hrīṃ vaiśvānararṣaye namaḥ puṣpādyarghyadhūpadīpādinā tuṣṭo bhava snānakāle vighnānnivāraya 2 svāhā , iti daśadhābhyukṣya mūlena taṭānmṛdaṃ gṛhītvā svāheti śilāṃ prakṣālya , tatra mṛdaṃ saṃsthāpya snānaṃ kuryāt | tatrādau mūlaṃ ātmatattvaṃ śodhayāmi svāhā , mū0 vidyātattvaṃ śodhayāmi svāhā , mū0 śivatattvaṃ śodhayāmi svāhā , ityācamya ṛṣyādikaraṣaḍaṅganyāsaṃ ca kṛtvā , oṃ hrīṃ śrīṃ jvālāmukhi hrīṃ phaṭ svāhā , iti mṛdo bhāgatrayaṃ kṛtvā oṃmityekāṃ mṛdaṃ śodhayet | tata ekāṃ mṛdaṃ gṛhītvā arghyādi snānasaṅkalpaṃ kuryāt | tato nadyāṃ nābhimātre jale sthitvā svapurato jale hastamātraṃ caturasraṃ tīrthaṃ parikalpya ,
oṃ brahmāṇḍodaratīrthāni karaiḥ spṛṣṭāni te rave
tena satyena deveśa tīrthān dehi divākara
iti sūryāttīrthaṃ prārthya , komiti aṅkuśamudrayā sūryamaṇḍalaṃ bhittvā ,
uṃgāṃ gaṅge ca yamune caiva godāvari sarasvati
narmade sindhukāveri jale'smin sannidhiṃ kuru
63.2.p1.5
iti sūryamaṇḍalāttīrthānyāvāhya puraḥ kalpitatīrthe niyojya , punaḥ sūryamaṇḍalādeva hrāṃ hrīṃ hrūṃ hraiṃ hrauṃ hraḥ sarvānandamayi tīrthaśakte padyehi svāhā , iti tīrthaśaktimāvāhya tāṃsastīrthamaṇḍale tāṃ dhyāyet | yathā—
sarvānandamayīmaśeṣaduritadhvaṃsāṃ mṛgāṅkaprabhāṃ
dhyātvāṃ cordhvaikaradvayena dadhatīṃ pāśaṃ sṛṇiṃ ca kramāt
dorbhyāṃ cāmṛtapūrṇahemakalaśaṃ śuklāttamālāmbarāṃ
gaṅgāsindhusariddyādisahitāṃ śrītīrthaśaktiṃ bhaje
iti dhyātvā yonimudrayā mūlena tajjalamaṣṭadhābhimantrya hrīṃmityālokya,
vamiti dhenumudrayāmṛtīkṛtya, oṃ ātmatattvāya namaḥ, oṃ vidyātattvāya
namaḥ oṃ śivatattvāya namaḥ, iti tattvatrayaṃ jale vinyasya tena nijaśirāṃsi prokṣya, ekāṃ mudrāṃ jale kṣiptvā dvitīyamudrājñāni saṃśodhya
tṛtīyāṃ gṛhītvā devatāvāhanaṃ kuryāt | yathā—
jvālāmukhi śivārūḍhe oṃhrīṃśrīṃvījatrayānvite
parivārayute devi jale'smin sannidhiṃ kuru
iti tṛtīyayā mudrā devatāmāvāhya tatra jale yantraṃ vibhāvya, oṃhrīṃśrīṃ
jvālāmukhi mama śatrūntatsāraya 2, iti jvālāmukhīṃ trirabhiṣicya,
mūlena svātmānaṃ pūrvavat trirācamya mūlaṃ smaran śravaṇādisaptacchidrāṇi nirudhya trirnimajjyonmajjet | tataḥ 'hrāṃhrīṃsaḥ sūryāya eṣa
te jalāñjaliḥ' iti sūryāya jalāñjaliṃ dattvā trirācamya svaśiro
mūlena saptadhābhyudaya daśadhā mūlaṃ sañjapya, jalāttīramāruhya dhaute
vāsasī paridhāpya mūlena tripurāḍramūrdhvapurāḍraṃ vā tilakaṃ kuryāt
63.2.p2
iti snānavidhiḥ
Other recensions (1)
- Kak1941 — Sanskrit