[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Later Śākta tantras of eastern India](https://indike.org/pramana/in.sampradaya.general.sakta) › [Kulavritti](https://indike.org/pramana/in.sampradaya.general.sakta.kulavrtti) › 1.18 # Kulavritti 1.18 Kulavṛtti 1.18 - **Language:** Sanskrit ### [1.18](https://indike.org/pramana/in.sampradaya.general.sakta.kulavrtti.1.18) tathā brahmā sa śivaḥ seṃdraḥ sokṣaraḥ paramaḥ surāṭ sa eva viṣṇuḥ sa prāṇaḥ sa kālogniḥ sa caṃdramāḥ | sa evaṃ sarvaṃ yadbhūtaṃ yacca bhāvyaṃ sanātanaṃ | jñātvā taṃ mṛtyumatyeti nānyaḥ paṃthā vimuktaye | tathā mayyeva sakalaṃ yātaṃ mayi sarvaṃ pratiṣṭhitaṃ mayi sarvaṃ layaṃ yāti tadbrahmādvayamasmyahaṃ | anoraṇīyānahameva tadvanmahānahaṃ viśvanahaṃ vicitraṃ purātanohaṃ puruṣo'hamīśo hiraṇmayo'haṃ śivarūpamasmi | apāṇipādohamaciṃtya śaktiḥ paśyame cakṣuḥ sa śṛṇomyakarṇaḥ | ahaṃ vijānāmi viviktarūpo na cāsti vettā mama citsadāhaṃmiti | evaṃ svarūpasya brahmaṇo aṃsarūpā anādyavidyopahatā jīvānanme śarīramāsthāya sukhaduḥkhabhogaṃ kurvaṃti | - [Previous: 1.17](https://indike.org/pramana/in.sampradaya.general.sakta.kulavrtti.1.17) - [Next: 1.19](https://indike.org/pramana/in.sampradaya.general.sakta.kulavrtti.1.19) - [Up: 1](https://indike.org/pramana/in.sampradaya.general.sakta.kulavrtti.1) --- Source: [https://indike.org/pramana/in.sampradaya.general.sakta.kulavrtti.1.18](https://indike.org/pramana/in.sampradaya.general.sakta.kulavrtti.1.18) · Pramāṇa