[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Later Śākta tantras of eastern India](https://indike.org/pramana/in.sampradaya.general.sakta) › [Kulavritti](https://indike.org/pramana/in.sampradaya.general.sakta.kulavrtti) › 2.21 # Kulavritti 2.21 Kulavṛtti 2.21 - **Language:** Sanskrit ### [2.21](https://indike.org/pramana/in.sampradaya.general.sakta.kulavrtti.2.21) tathāpi śyāmapadaṃ na dagdhaṃ patra raja ucyate | pītaṃ haridrā cūrṇaṃ syādityādeḥ | śakti grāhakatvāt | tena paṃcabhirvarṇairharidrācūrṇādi paṃcadravyairityarthaḥ | pīṭhagatāmityādi vahiḥ paṃktyāṃtargata padmakṣetrasya koṅsthānānītyarthaḥ | pādā iti koṇe trīṇi padāni marjayitvā sthānaṃ kṛtaṃtānītyarthaḥ | gātrāṇītyādi pīṭhasya gātrāṇi pādudvaya madhyavṛttisthānānītyarthaḥ | sādhāraṇaṃ | sarvadaivatyamityarthaḥ | urddhva vidyāyāṃ punadīkṣāmaṃḍala prāgevīktaṃ | atha kṣudra sarvato bhadra vivaraṇaṃ | taduktaṃ śāradāyāṃ | caturasrāṃ bhuvaṃ kṛtvā digbhyo dvādaśadhā sudhīḥ pātayet tatra sūtrāṇi koṣṭhānāṃ dṛśyate śataṃ | catuścatvāriṃśadādyaṃ paścāt ṣaṭtriṃśaṃtāṃvujaṃ | asyārthaḥ | caturasraṃ bhuvaṃ pūrvapaścima dakṣiṇottarebhyaḥ dvādaśadhā vibhajet | caturasra madhye pūrvapaścimagātrakā rekhā dakṣottara gātrakā daśarekhā tata ubhayataḥ | dvādaśa koṣṭhāni labhyaṃte | dvādaśāṃkena dvādaśāṃke pūrite sati catu catuścatvāriṃśaduttara śatakoṣṭhāni labhyaṃte | - [Previous: 2.20](https://indike.org/pramana/in.sampradaya.general.sakta.kulavrtti.2.20) - [Next: 2.22](https://indike.org/pramana/in.sampradaya.general.sakta.kulavrtti.2.22) - [Up: 2](https://indike.org/pramana/in.sampradaya.general.sakta.kulavrtti.2) ## Linked texts (3) - [Saradatilaka (ed. Arthur Avalon)](https://indike.org/pramana/in.sampradaya.saiva.agama.trika.saradatilaka*avalon1933.3.128) — Sanskrit - [Āgamatattvavilāsa](https://indike.org/pramana/in.sampradaya.general.sakta.agamatattvavilasa.18.27) — Raghunātha Tarkavāgīśa 1662, Sanskrit - [Śāradātilaka](https://indike.org/pramana/in.sampradaya.general.saradatilaka.3.128) — Lakṣmaṇadeśika, Sanskrit --- Source: [https://indike.org/pramana/in.sampradaya.general.sakta.kulavrtti.2.21](https://indike.org/pramana/in.sampradaya.general.sakta.kulavrtti.2.21) · Pramāṇa