<!-- Pramāṇa, a library of Indian primary sources · https://indike.org/pramana/in.sampradaya.general.sakta.kulavrtti.2 -->

[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Later Śākta tantras of eastern India](https://indike.org/pramana/in.sampradaya.general.sakta) › [Kulavritti](https://indike.org/pramana/in.sampradaya.general.sakta.kulavrtti) › 2

# Kulavritti 2

Kulavṛtti 2

- **Language:** Sanskrit

### [2.1](https://indike.org/pramana/in.sampradaya.general.sakta.kulavrtti.2.1)

saptapātrodikalpe valipātraṃ tathā tarpaṇaṃ |  
tat tatpātrā bhāve bhogapātreṇaivetidik ||

### [2.2](https://indike.org/pramana/in.sampradaya.general.sakta.kulavrtti.2.2)

kulārṇave |

### [2.3](https://indike.org/pramana/in.sampradaya.general.sakta.kulavrtti.2.3)

yathāgamokta mārgeṇa tarpayedali viṃdvabhiḥ |  
aṃguṣṭhā nāmikābhyāṃ tu nakhaiḥrniḥśabdamuddhṛtaṃ ||

### [2.4](https://indike.org/pramana/in.sampradaya.general.sakta.kulavrtti.2.4)

apātra spaṃdamasyaṃdaṃ vidhivat kulanāyike |  
sakṛt tarpaṇamutsṛjya japtvā mūlaṃ ca pādukāṃ ||

### [2.5](https://indike.org/pramana/in.sampradaya.general.sakta.kulavrtti.2.5)

aṃtaḥ śaktimanusmṛtyastarpayeddehadevatāṃ |  
aṃguṣṭha bhairavodevi manāmācaṃḍikāmatā ||

### [2.6](https://indike.org/pramana/in.sampradaya.general.sakta.kulavrtti.2.6)

atha kāmya tarpaṇaṃ yathā |

### [2.7](https://indike.org/pramana/in.sampradaya.general.sakta.kulavrtti.2.7)

aṃguṣṭhānāmikābhyāṃ tu vaśya karmaṇi tarpayet |  
tarjanyaṃguṣṭha yogena tarpayedabhicārike ||

### [2.8](https://indike.org/pramana/in.sampradaya.general.sakta.kulavrtti.2.8)

kaniṣṭhāṃguṣṭhayogena staṃbhane tarpayet priye |  
evaṃ saṃtarpya deveśi kuladravyairyathāvidhiḥ ||

### [2.9](https://indike.org/pramana/in.sampradaya.general.sakta.kulavrtti.2.9)

devatāyutā devi gurupaṃktiṃ ca pūjayet |  
paṃkti traya krameṇaiva dhyātvā samyagananyadhīḥ ||

### [2.10](https://indike.org/pramana/in.sampradaya.general.sakta.kulavrtti.2.10)

dhyānaṃ tatraiva |

### [2.11](https://indike.org/pramana/in.sampradaya.general.sakta.kulavrtti.2.11)

karābhyāṃ cinmudrāṃ sa madhunṛkapālaṃ ca dadhatīṃ drutasvarṇa prakhyā  
aruṇa kusumālepanasanā | kṛpāpūrṇāyāṃgī aruṇa nayanā carcakakacā upetā  
siddhaughairjayati gurupaktiḥ kṛtamati |

### [2.12](https://indike.org/pramana/in.sampradaya.general.sakta.kulavrtti.2.12)

evaṃ saṃpūjya dhūpaṃ ca dīpaṃ naivedyameva ca |  
āsavaṃ devitopetaṃ bhakṣāṇi vividhāni ca ||

### [2.13](https://indike.org/pramana/in.sampradaya.general.sakta.kulavrtti.2.13)

kadaṃvādi phalaṃ yaccatāṃvūlaṃ caiva marpayet | iti tarpaṇaṃ |

### [2.14](https://indike.org/pramana/in.sampradaya.general.sakta.kulavrtti.2.14)

atha tatvaśuddhistatvānaṃdo tatvaśuddhiṃ vināneva pūjayet parameśvarīṃ |

### [2.15](https://indike.org/pramana/in.sampradaya.general.sakta.kulavrtti.2.15)

pūjā tu viphalā jñeyā siddhihāniḥ pade pade |

### [2.16](https://indike.org/pramana/in.sampradaya.general.sakta.kulavrtti.2.16)

atra vīrabhāve |

### [2.17](https://indike.org/pramana/in.sampradaya.general.sakta.kulavrtti.2.17)

ānaṃda rūpavān bhūtvā pūjayet parameśvarīṃ |  
vinā hetu kamāsādya na japenna japet kvacit ||

### [2.18](https://indike.org/pramana/in.sampradaya.general.sakta.kulavrtti.2.18)

ānaṃdepi vinā bhraṃśo na ca tṛpyaṃti devatāḥ |  
sādhaka kṣobhamāpanne mayikṣobhaḥ prajāyate ||

### [2.19](https://indike.org/pramana/in.sampradaya.general.sakta.kulavrtti.2.19)

tasmād bhuktvā ca pītvā ca pūjayet parameśvarī |  
yāvanna māṃsa śuddhisyānmakhamāsavagaṃdhikaṃ ||

### [2.20](https://indike.org/pramana/in.sampradaya.general.sakta.kulavrtti.2.20)

tāvanna pūjayeddevīṃnna japenna smaret priye |  
ityādibhirvacanairvāṃdhitasya pūjā pūrvāṃgatvena kartavyatākasya ānaṃdasya  
samayaḥ tatvaśuddheḥ samayaḥ iti sacennityapūjāyāṃ na vṛttastadā  
tatvaśuddhiḥ paścāt kartavyaḥ | divyabhāve tu tatvaśuddhe vā naṃdāvasthātvena  
pratipādanāt tasyā eva ānaṃdaḥ na tu pānāt | yathā kulārṇave | tatva trayaṃ  
syāsāraṃbha iti |

### [2.21](https://indike.org/pramana/in.sampradaya.general.sakta.kulavrtti.2.21)

tatvānaṃde |

### [2.22](https://indike.org/pramana/in.sampradaya.general.sakta.kulavrtti.2.22)

atha svapātra tīrthena pāṇī mūlena śodhayet |  
madhya cakraṃ vṛtta yutaṃ saṃlikhya dakṣiṇe kare ||

### [2.23](https://indike.org/pramana/in.sampradaya.general.sakta.kulavrtti.2.23)

mukhadakṣottare mahye śuddhiṃ māṣa sahodarāṃ |  
tilamudgapramāṇaṃ vā sthāpayed deśikottamaḥ ||

### [2.24](https://indike.org/pramana/in.sampradaya.general.sakta.kulavrtti.2.24)

vāmena pāṇinā menāṃ dhārayen mṛgamudrayā |

### [2.25](https://indike.org/pramana/in.sampradaya.general.sakta.kulavrtti.2.25)

mṛgamudrā yathā yāmale |

### [2.26](https://indike.org/pramana/in.sampradaya.general.sakta.kulavrtti.2.26)

militvā nāmikāṃguṣṭhaṃ madhyamāgre niyojayet |  
śeṣāṃgulyaśriyaṃ kuryān mṛgamudreyamīritā ||

### [2.28](https://indike.org/pramana/in.sampradaya.general.sakta.kulavrtti.2.28)

atha tatvādi śāradāyāṃ |

### [2.29](https://indike.org/pramana/in.sampradaya.general.sakta.kulavrtti.2.29)

prakṛtirbuddhyaihaṃkārau manojñāneṃdriyā tathā |  
karmendriyāṇi tanmātrāḥ paṃcabhūtāni deśikāḥ ||

### [2.30](https://indike.org/pramana/in.sampradaya.general.sakta.kulavrtti.2.30)

etasyāttura śuddhāni caturviṃśati rāgame |  
māyā kālaśca niyatiḥ kalā vidyā punaḥ smṛtāḥ ||

### [2.31](https://indike.org/pramana/in.sampradaya.general.sakta.kulavrtti.2.31)

rāgāḥ puruṣa etāni śuddhā śuddhāni sapta ca |  
tatvāni śaivānyucyaṃte śivaḥ śaktiḥ sadāśivaḥ ||

### [2.32](https://indike.org/pramana/in.sampradaya.general.sakta.kulavrtti.2.32)

īśvaro vidyayā sārddhaṃ paṃcadūrānya mūnihi |

### [2.33](https://indike.org/pramana/in.sampradaya.general.sakta.kulavrtti.2.33)

vyut krameṇa śāradātaṃtrāllikhitaṃ | tatva śuddhena kramatvāt | tatva  
śuddhāvayameva kramaḥ | adha śodhana sāradā kramaḥ | sa tu homa samaye  
vaktavyaḥ | pramāṇaṃ tu kulārṇave | prakṛtyādyaiḥ pṛthivyaṃte  
caturviṃśatibhiḥ priye |

### [2.34](https://indike.org/pramana/in.sampradaya.general.sakta.kulavrtti.2.34)

suraiva śuddha tatvena vāgbhavena kuleśvari |  
saṃyuktenātma tatvena sthūla dehaṃ viśodhayet ||

### [2.35](https://indike.org/pramana/in.sampradaya.general.sakta.kulavrtti.2.35)

māyādiṣuruṣmaṃtaiśca śuddhā śuddhaiśca saptabhiḥ |  
tatvaiḥ sparśādvayairmaṃtraiḥ kāmarājena maṃtravit ||

### [2.36](https://indike.org/pramana/in.sampradaya.general.sakta.kulavrtti.2.36)

yuktena vidhātatvena sūkṣma dehaṃ viciṃ śodhayet |  
śuddhaiḥ śivādi vidyāṃtaiḥ paṃcatatvaiśca vyāpakaiḥ ||

### [2.37](https://indike.org/pramana/in.sampradaya.general.sakta.kulavrtti.2.37)

parayā śivatatvena paradehaṃ viśodhayet |  
ṣaṭtriṃśa tatva sahita mālinyā vālayā priye ||

### [2.38](https://indike.org/pramana/in.sampradaya.general.sakta.kulavrtti.2.38)

tanmudrayāṃ jīvaṃ sarvatatvena śodhayet |

### [2.39](https://indike.org/pramana/in.sampradaya.general.sakta.kulavrtti.2.39)

śodhaya tritayaṃ dadyāt sa tṛtīya maliṃguruḥ |  
culukaṃ guruṇādattaṃ śodhayāmīti coccaran ||

### [2.40](https://indike.org/pramana/in.sampradaya.general.sakta.kulavrtti.2.40)

bhaktyācāranataḥ śiṣyo niḥśabdaścapi vecchanaiḥ |  
pāṇibhyāṃgaṃ spṛśeddehaṃ sarvatatvaṃ samuccaran ||

### [2.41](https://indike.org/pramana/in.sampradaya.general.sakta.kulavrtti.2.41)

śiraḥ prakṛti pādāṃtaṃ śuddhaṃ dehaṃ viciṃtayet |  
sthūlāṃ tamātmatatvaṃ syāt sūkṣmaṃ vidyāṃtagocaraṃ ||

### [2.42](https://indike.org/pramana/in.sampradaya.general.sakta.kulavrtti.2.42)

parāṃtaṃ śivatatvaṃ syāditi tatvatrayayagat |  
evaṃ tatva trayaṃ jñānaṃ gurau jñātvā samāśruyāt ||

### [2.43](https://indike.org/pramana/in.sampradaya.general.sakta.kulavrtti.2.43)

sajīvanneva muktaḥ syāditi bhāṣitaṃ |

### [2.44](https://indike.org/pramana/in.sampradaya.general.sakta.kulavrtti.2.44)

vākyaṃ bhuvaneśo viṣṇu śaktiṃ vastūn maṃviṃdukān smaran |

### [2.45](https://indike.org/pramana/in.sampradaya.general.sakta.kulavrtti.2.45)

tatvāhu yasya parata caturthaṃ tasya cātma'h |  
tatvena sthūladehaṃ tu śodhayāmyagni vallabhā ||

### [2.46](https://indike.org/pramana/in.sampradaya.general.sakta.kulavrtti.2.46)

anena manunā devi sanmukhasthāṃ samāharet | iti somadhujagāvalyāṃ |  
culūkagrahaṇaṃ | anyamate maṃḍalastha śuddhigrahaṇaṃ | prasāda grahaṇa  
samaye śiṣyairapi kartavyaṃ cakra vidhi prastāve vaktavyaṃ | atha śrautaṃ  
prakārāṃtaraṃ | yathā oṃ prāṇāpāna vyānodāna samānomaṃ śuddhyatāṃ  
virajāni pādmā bhūyāsaṃ svāhā || oṃ pṛthivyapa tejo vāhyākāśānime  
śuddhyaṃtāṃ jyotirahamityādi | oṃ prakṛtyahaṃkāra buddhimanuḥ śrotrāṇi  
śuddhyatā | jyotirahamityādi | oṃ tvak cakṣu rasamāghrāṇevacāṃsi me  
śuddhyaṃtāṃ virajetyādi | oṃ pāṇipāda pūpāpūpasya śabdā me śuddhyatāṃ  
virajetyādi | oṃ sparśa \*\* (?) samaṃdhākāśāni  
śuddhyaṃtāṃ virajetyādi | oṃ vāyūtejaḥ śalila bhūmyātmano me  
śuddhyaṃtāṃ virajetyādi | iti saptadhā vimṛṣyaṃ kāraṇaṃ makaratalaṃ  
sammārjya dakṣa haste trikoṇa vilikhya trikoṇa sammukha dakṣottara madhyeṣu kalā  
sadṛśīṃ śuddhiṃ vidhāya vāmāṃguṣṭhānāmā madhyamāyegairekī  
gṛhītvā hrīṃ śrīṃ aiṃ ātmatatvena sthūladehaṃ śodhayāmi svāhā |

### [2.48](https://indike.org/pramana/in.sampradaya.general.sakta.kulavrtti.2.48)

aiṃ hrīṃ śrīṃ hūṃ klīṁ vidyātatvena śūkṣmadehaṃ śodhayāmi svāhā | hrīṃ  
śrīṃ sauḥ | śivatatve paradehaṃ śodhayāmi svāhā | hrīṃ śrīṃ aiṃ klīṃ sauḥ  
tanmudrayāśrayaṃjī śodhayāmi svāhā | tatorastreṇa hastaṃ saṃśodhya  
vyastahastābhyā śira ādi pādaparyaṃtaṃmārjayediti | atrāpi dvaidhe saṃpradāyaḥ  
śaraṇaṃ | atha viṃdu svīkāraḥ | taduktaṃ tatvānaṃde |

### [2.49](https://indike.org/pramana/in.sampradaya.general.sakta.kulavrtti.2.49)

mūlakaṃda sthitāṃ devīṃ suṣumnā madhyagāminī |  
pātra sāgraṃ samānīya sādhakastanmayo bhavet ||

### [2.50](https://indike.org/pramana/in.sampradaya.general.sakta.kulavrtti.2.50)

ārdragityādibhirvidūn svīkuryāt tatvamudrayā |

### [2.51](https://indike.org/pramana/in.sampradaya.general.sakta.kulavrtti.2.51)

kalpasūtre |

### [2.52](https://indike.org/pramana/in.sampradaya.general.sakta.kulavrtti.2.52)

oṃ ārdraṃ jvalati |

### [2.53](https://indike.org/pramana/in.sampradaya.general.sakta.kulavrtti.2.53)

jyotirahamasmi jyotirjvalati brahmāhaṃmasmi sohamasmi ahamaivamāṃ juhomiṃ  
svāhā | iti ātmanaḥ kuṃḍalinyāṃ prāhūyādityarthaḥ | viśodhanaṃmiti śivaṃ |  
etanmate ekayairṛcā | matātareṇa tu astrayeṇaiva arkatrayaṃ yathā | oṃ ca me  
pratyakṣaṃ brahmasiddhāmeva pratyakṣaṃ brahmadiṣyāmi ṛtaṃvadi  
satyaṃvaditanmameva tu taduktāramava tu atumāṃ avatū vaktāvaṃ | yacchadaṃ  
sāmṛṣaṃ vocchaṃdobhya adhyamṛtā bhuvasameṃdro medhayā spṛśo tu  
viśuvaṃ gopāyatu | iti maṃtradvayaṃ || atrāpi saṃpradāyaḥ śaraṇaṃ | atha  
validānaṃ | kulārṇave |

### [2.54](https://indike.org/pramana/in.sampradaya.general.sakta.kulavrtti.2.54)

yāvatra vaṭuke dadhātāvannaiva kuleśvari |  
tṛpyaṃti devatāḥ sarvāsmaraṇā pūjanā ||

### [2.55](https://indike.org/pramana/in.sampradaya.general.sakta.kulavrtti.2.55)

vaṭukādīn yajedbhaktyā gaṃdhapuṣpa sarāmiṣaiḥ |  
tat tanmaṃtravidhānena divyā prītimavāpnuyāt |

### [2.56](https://indike.org/pramana/in.sampradaya.general.sakta.kulavrtti.2.56)

ādiśabdena yoginyādayanucyate |

### [2.57](https://indike.org/pramana/in.sampradaya.general.sakta.kulavrtti.2.57)

yatkiṃcidravya saṃghātaṃ pūjāṃ bhogārtha hetunā |  
ānītaṃ dīyatāṃ bhaktyā kṣatrayebhyaḥ sureśvari ||

### [2.58](https://indike.org/pramana/in.sampradaya.general.sakta.kulavrtti.2.58)

adatvā kṣatranāthebhyaḥ kathaṃ kṣetreṣu pūjayet |  
yācatvā vaṭuke dadyāt kathaṃ pūjāvidhīyate ||

### [2.59](https://indike.org/pramana/in.sampradaya.general.sakta.kulavrtti.2.59)

gaṇeśa yoginībhyāṃ tu nodatvā pūjayet kathaṃ |  
balidānaṃ vināyastu pūjaye tripurāṃ yadi ||

### [2.60](https://indike.org/pramana/in.sampradaya.general.sakta.kulavrtti.2.60)

pūjāṃte viphalā sarvā vighnastasya pade pade |

### [2.61](https://indike.org/pramana/in.sampradaya.general.sakta.kulavrtti.2.61)

kulārṇave |

### [2.62](https://indike.org/pramana/in.sampradaya.general.sakta.kulavrtti.2.62)

īśāne ca tathāgneye nairṛtye ca tathā priye |  
vāyavye kramato devi maṃḍalānāṃ catuṣṭayaṃ ||

### [2.63](https://indike.org/pramana/in.sampradaya.general.sakta.kulavrtti.2.63)

śrīcakramabhito devi trikoṇaṃ vyomamālikhet |  
pūrvamatraiḥ samabhyarcya vaṭukādikamadrije ||

### [2.64](https://indike.org/pramana/in.sampradaya.general.sakta.kulavrtti.2.64)

yāmale |

### [2.65](https://indike.org/pramana/in.sampradaya.general.sakta.kulavrtti.2.65)

īśāne vahnikoṇe ca nairṛtye vāyukoṇake |  
atha vāpi caturdikṣu maṃḍalā racayedvudhaḥ ||

### [2.66](https://indike.org/pramana/in.sampradaya.general.sakta.kulavrtti.2.66)

catuṣṭayā śaktau kulārṇave |

### [2.67](https://indike.org/pramana/in.sampradaya.general.sakta.kulavrtti.2.67)

athavā vāmabhāge tu maṃḍalaṃ caiva mālikhet |  
atraiva validānaṃ tu kuryāt sarvārtha siddhaye ||

### [2.68](https://indike.org/pramana/in.sampradaya.general.sakta.kulavrtti.2.68)

kulāmṛte ca |

### [2.69](https://indike.org/pramana/in.sampradaya.general.sakta.kulavrtti.2.69)

svīkāra vāmabhāge sādhako jānukaḥ |

### [2.70](https://indike.org/pramana/in.sampradaya.general.sakta.kulavrtti.2.70)

trikoṇavṛtta bhūviṃvamaṣṭakaṃ racayet kramāt |  
trikoṇaṃ caiva ṣaṭkoṇaṃ caturasraṃ likhe tu vā ||

### [2.72](https://indike.org/pramana/in.sampradaya.general.sakta.kulavrtti.2.72)

evaṃ prakāre tu catvāro valayaḥ siddhāḥ | matāṃtare paṃcavalayaḥ aśaktau  
paṃcavyāpaka maṃḍala eva kuryāt | tatvānaṃde |

### [2.73](https://indike.org/pramana/in.sampradaya.general.sakta.kulavrtti.2.73)

atha siṃhāsanasyādhaḥ pūrvādidik catuṣṭaye |  
iśāna vahni rakṣaḥ svavāyukoṇetha vā punaḥ ||

### [2.74](https://indike.org/pramana/in.sampradaya.general.sakta.kulavrtti.2.74)

trikoṇavṛtta saṃlikhya maṃḍalānāṃ catuṣṭhayaṃ |  
vāmabhāge punaḥ kuryāt cakraṃ bhūpura sannibhaṃ ||

### [2.75](https://indike.org/pramana/in.sampradaya.general.sakta.kulavrtti.2.75)

athavā vyāpako vāme pradadyā devi paṃcakaṃ |  
aśaktaḥ sarvabhūtebhyo valimekaṃ samāharet ||

### [2.76](https://indike.org/pramana/in.sampradaya.general.sakta.kulavrtti.2.76)

maṃḍala pūjāśakti yāmale |

### [2.77](https://indike.org/pramana/in.sampradaya.general.sakta.kulavrtti.2.77)

vāgbhavaṃ ca mahāmāyāṃ kavacamaṃḍalāya ca |  
hṛdaṃtoyaṃ manu proktaḥ pūjayen maṃḍalān vudhaḥ ||

### [2.78](https://indike.org/pramana/in.sampradaya.general.sakta.kulavrtti.2.78)

vyāpakāṃte maṃḍalāya mukhe vāṇīṃ parikṣipet |  
namoṃ tena yajenmaṃtrī vāme vyāpaka maṃḍalaṃ ||

### [2.79](https://indike.org/pramana/in.sampradaya.general.sakta.kulavrtti.2.79)

atha maṃḍale vaṭukādi pūjanaṃ | śaktiyāmale |

### [2.80](https://indike.org/pramana/in.sampradaya.general.sakta.kulavrtti.2.80)

vaṭukaṃ pūjayedādau dhyātvā pādyādibhiḥ sadā |  
pīyūṣa daṃḍa mada yukta kapālakhaṃḍa caṃḍādi caṃḍa bhujadaṃḍamati  
pracaṃḍaṃ | śrīkuṃḍala dvaya vimaṃḍita gaṃḍamīdryaṃ nīlaṃ vaṭuṃ  
vaṭukanātha mahīṃdrahāraṃ |

### [2.81](https://indike.org/pramana/in.sampradaya.general.sakta.kulavrtti.2.81)

dhyātvaiva pūjayen maṃtrīvoṃkāra vījapūrvakaṃ |  
arddhānna pūrṇasalilaṃ raktapuṣpeṇa saṃyutaṃ ||

### [2.82](https://indike.org/pramana/in.sampradaya.general.sakta.kulavrtti.2.82)

tarjanyaguṣṭha yogena kaniṣṭhāṃ guṣṭhatopi vā |  
vāmānāṃguṣṭhakābhyāṃ dāpayet sādhakotha vā ||

### [2.83](https://indike.org/pramana/in.sampradaya.general.sakta.kulavrtti.2.83)

jñānārṇave |

### [2.84](https://indike.org/pramana/in.sampradaya.general.sakta.kulavrtti.2.84)

ehyehi devī putrāṃte vaṭukāṃte ca nātha ca |  
kapila jaṭābhāra bhāsurāṃ tatrinetra ca ||

### [2.85](https://indike.org/pramana/in.sampradaya.general.sakta.kulavrtti.2.85)

jvālāmukhaṃ ca sarvāṃte vighnāmnā śayanāśaya |

### [2.86](https://indike.org/pramana/in.sampradaya.general.sakta.kulavrtti.2.86)

sarvopacāra sahitaṃ gṛhna dvidhā padaṃ |

### [2.87](https://indike.org/pramana/in.sampradaya.general.sakta.kulavrtti.2.87)

vahnijāyānvito maṃtro vaṭukasya udāhṛtaḥ |

### [2.88](https://indike.org/pramana/in.sampradaya.general.sakta.kulavrtti.2.88)

śaktiyāmale |

### [2.89](https://indike.org/pramana/in.sampradaya.general.sakta.kulavrtti.2.89)

tataśca yoginī dhyātvā pūjayed vāmamaṃḍale |  
yoginyaḥ kāmarūpā sakalaguṇayutastaptacāsīkarāmāmattā  
kaṃkālamālākalitagalataṭhī raktavastrottarīyā śūlaṃ pāśaṃ kapālaṃ  
śṛṇimapi vidhṛtāḥ sammitā suprasannaḥ bhaktānāṃ sādhakānāṃmabhilasita  
phalaṃ dīyamānāḥ sureśāḥ | dhyātvā saṃpūjya dhūpādinā sudhīḥ | yoṃkāraṃ  
vījamuccārya yoginīṃ pūjayet tataḥ | maṃtrastu jñānārṇave | ūrddhve  
brahmāṃḍato vā divi gaganāle bhūtale niṣkale vā pātāle vā nale vā śalila  
yavanayoryatra kutrasthitā vā | kṣetre pīṭhopa pīṭhādi sukṛta padā  
dhūpadīpādikena prītādevyāsanasthaḥ śubhavali vidhināyāṃ tu vīreṃdra  
vaṃdhāna etadaṃte maheśāni yāṃvījaṃ yoginī tataḥ |

### [2.90](https://indike.org/pramana/in.sampradaya.general.sakta.kulavrtti.2.90)

bhyaḥ svāhā sarvamaṃtrāṃte yoginī padamālikhet |  
kavacaṃ cāstramālikhya vahnijāyāṃ punarlikhet ||

### [2.91](https://indike.org/pramana/in.sampradaya.general.sakta.kulavrtti.2.91)

anena manunā devi yoginīnāṃ valirbhavet |  
dakṣāguṣṭhā nāmikābhyāṃ kaniṣṭhāṃguṣṭhataśca vā ||

### [2.92](https://indike.org/pramana/in.sampradaya.general.sakta.kulavrtti.2.92)

kṣāṃkāraṃ vījamuccārya kṣetrapālaṃ prapūjayet |  
vacat kapāla su kṛpāṇa śūladaṃḍamudyat su daṃḍa parimaṃḍitapāṇi  
daṃḍāṃ nilaṃjana pracayapuṃjamiva prasannaṃ śrīkṣetranāyakamahaṃ  
śaraṇaṃ bhajāmi |

### [2.94](https://indike.org/pramana/in.sampradaya.general.sakta.kulavrtti.2.94)

vāmamuṣṭiṃ vidhāyātha tarjanīṃ śaralāṃ kuru |  
aṃguṣṭha tarjanībhyāṃ vā kṣetrapāla manurmataḥ ||

### [2.95](https://indike.org/pramana/in.sampradaya.general.sakta.kulavrtti.2.95)

maṃtrastu jñānārṇave |

### [2.96](https://indike.org/pramana/in.sampradaya.general.sakta.kulavrtti.2.96)

ṣaṭdīrgha svarasaṃbhinnaṃ kṣakāraṃ vilikhet priye |  
sthāna kṣetrapadaṃ pāla dhūpadīpādi vā likhet ||

### [2.97](https://indike.org/pramana/in.sampradaya.general.sakta.kulavrtti.2.97)

sahitaṃ vāli mālikhya gṛhna gṛhna tato likhet |  
vahni jāyānvito maṃtro kṣatrapālasya suṃdari ||

### [2.98](https://indike.org/pramana/in.sampradaya.general.sakta.kulavrtti.2.98)

śaktiyāmale |

### [2.99](https://indike.org/pramana/in.sampradaya.general.sakta.kulavrtti.2.99)

saṃpūjayedganeśānaṃ dhyānamevastha maṃḍale |  
pāśāṃkuśāmṛta kapāla svamūla hastahastyānanaṃ vividha bhūṣaṇa  
nīladehaṃ | nityotsavaṃ sakala vighnavināśa hetuṃ śrīmadgaṇeśvara mahaṃ  
praṇamāmi nityaṃ |

### [2.100](https://indike.org/pramana/in.sampradaya.general.sakta.kulavrtti.2.100)

saṃkuṃcya aṃgulīrdakṣe daṃḍavat kārayedbudhaḥ |  
madhyeṃguṣṭhaṃ vinikṣipya gaṇeśasya valirmataḥ ||

### [2.101](https://indike.org/pramana/in.sampradaya.general.sakta.kulavrtti.2.101)

maṃtrastu jñānārṇave |

### [2.102](https://indike.org/pramana/in.sampradaya.general.sakta.kulavrtti.2.102)

gāṃ gīṃ gūṃ traya muddhṛtya ṅeṃtaṃ gaṇapatiṃ tataḥ |  
varāṃ te varadāṃ te ca sarvāṃ te janamālikhet ||

### [2.103](https://indike.org/pramana/in.sampradaya.general.sakta.kulavrtti.2.103)

meva śaṃcānaya procya valiṃ gṛhna dvidhā padaṃ |  
vahnijāyānvito maṃtro gaṇeśasya valiṃ haret ||

### [2.104](https://indike.org/pramana/in.sampradaya.general.sakta.kulavrtti.2.104)

sarvabhūta valiṃ dadyāt dhyātvā ca sarvabhūtakaṃ |  
surāmaṃḍale maṃtrī sādhāraṃ sthāpayedvaliṃ ||

### [2.105](https://indike.org/pramana/in.sampradaya.general.sakta.kulavrtti.2.105)

maṃtrastatraiva |

### [2.106](https://indike.org/pramana/in.sampradaya.general.sakta.kulavrtti.2.106)

vartulaṃ bhuvaneśānīṃ sarvavighnapadaṃ tataḥ |  
hṛdaṃ tyaśca sarvabhūtebhyo hūṃ phaṭ svāhā padaṃ likhet ||

### [2.107](https://indike.org/pramana/in.sampradaya.general.sakta.kulavrtti.2.107)

anena ṣoḍaśārṇena raviṃ sādhakasattamaḥ |  
pradadyāt sarvabhūtebhyo mudrayā tatvasaṃjñayā ||

### [2.108](https://indike.org/pramana/in.sampradaya.general.sakta.kulavrtti.2.108)

valiṃ paṃcakamākhyātaṃ sarvarakṣākaraṃ sadā |  
kulārṇave vaṭukādi maṃtre validāne ca viśeṣaḥ ||

### [2.109](https://indike.org/pramana/in.sampradaya.general.sakta.kulavrtti.2.109)

yathā vaṭumaṃtraṃ pravakṣyāmi śṛṇuṣva kulanāyike |  
yaiḥ samarcita maṃtreṇa sarvenaśyaṃ tyupadravāḥ ||

### [2.110](https://indike.org/pramana/in.sampradaya.general.sakta.kulavrtti.2.110)

tāratrayaṃ tato devī putrātha vaṭuketi ca |  
nāthasyāt kapila jaṭābhāra bhāsurapiṃgala ||

### [2.111](https://indike.org/pramana/in.sampradaya.general.sakta.kulavrtti.2.111)

trinetreti padaṃ paścā jvālāmukha padaṃ tataḥ |  
imāṃ pūjāṃvaliṃ gṛhnayugaṃ pāvaka vallabhā ||

### [2.112](https://indike.org/pramana/in.sampradaya.general.sakta.kulavrtti.2.112)

ukto vaṭumanuścatuścatvāriṃśadbhirakṣaraiḥ |  
validānena saṃtuṣṭo vaṭukaḥ sarvasiddhidaḥ ||

### [2.113](https://indike.org/pramana/in.sampradaya.general.sakta.kulavrtti.2.113)

śāṃtiṃ kalā tu me nityaṃ bhūtavetāla sevitaḥ |  
tāratrayaṃ tataḥ sarvāyoginībhyaḥ padaṃ likhet ||

### [2.114](https://indike.org/pramana/in.sampradaya.general.sakta.kulavrtti.2.114)

tatpaścāt sarvabhūtebhyaḥ sarvabhūtādivarti ca |  
padaṃ tato ḍākinībhyaḥ śākinībhyo tataḥ paraṃ ||

### [2.115](https://indike.org/pramana/in.sampradaya.general.sakta.kulavrtti.2.115)

trailokyati padaṃ caiva vāsinībhyaḥ imā. vadet |  
pūjāṃ valiṃ gṛnayugaṃ svāhāṃtā yoginī manuḥ ||

### [2.116](https://indike.org/pramana/in.sampradaya.general.sakta.kulavrtti.2.116)

kathitoyaṃ kuleśāni ekapaṃcāśadakṣaraiḥ |  
yākā viyoginī raudrā saumyā ghoratarā parā ||

### [2.117](https://indike.org/pramana/in.sampradaya.general.sakta.kulavrtti.2.117)

khecarī bhūcarī vyomacārī prītāstu me sadā |  
tāratrayaṃ vadet sarvabhūtebhyaḥ sarva eva ca ||

### [2.118](https://indike.org/pramana/in.sampradaya.general.sakta.kulavrtti.2.118)

paścād bhūtapatibhyo hūṃ phaṭ duktaṃ saptadaśākṣaraḥ |  
bhūtāye vividhākārā divyabhaumāṃtarīkṣagāḥ ||

### [2.119](https://indike.org/pramana/in.sampradaya.general.sakta.kulavrtti.2.119)

pātālatala saṃsthāśca śivayogena bhāvitāḥ |  
dhruvādyāḥ saptasaṃkhyātā iṃdrādyāḥ svargasaṃsthitāḥ ||

### [2.121](https://indike.org/pramana/in.sampradaya.general.sakta.kulavrtti.2.121)

tṛpyaṃti prīti manaso hūṃ tato hṛtvimaṃ valiṃ |  
tāratrayaṃ vade hi yugaṃ devī padaṃ tataḥ ||

### [2.122](https://indike.org/pramana/in.sampradaya.general.sakta.kulavrtti.2.122)

putrātha vaṭunāthāya paścāducchiṣṭhahāriṇe |  
hūṃ yugaṃmvadet paścāt kṣatrapāla padaṃ tataḥ ||

### [2.123](https://indike.org/pramana/in.sampradaya.general.sakta.kulavrtti.2.123)

sarvavighnāpadaṃ paścānnāśaya dvitayaṃ punaḥ |  
sarvopacāra sahito māṃsapūjāṃ valiṃ vadet ||

### [2.124](https://indike.org/pramana/in.sampradaya.general.sakta.kulavrtti.2.124)

gṛhnayugma dviṭhāṃtoyaṃ kṣetrapāla manurmataḥ |  
catuḥṣaṣṭhyakṣaro maṃtraḥ sarasiddhi pradāyakaḥ ||

### [2.125](https://indike.org/pramana/in.sampradaya.general.sakta.kulavrtti.2.125)

yo smin kṣetre nivāsī ca kṣetrapālasya kiṃkaraḥ |  
prītoyaṃ validānena sadā rakṣāṃ karotumāṃ ||

### [2.126](https://indike.org/pramana/in.sampradaya.general.sakta.kulavrtti.2.126)

tāratrayaṃ vadeddevi śrīprāsāda parāmanuṃ |  
hrīṃ hrīṃ hūṃ ca yugmaṃtetha bhairavādhiṣṭhitāya ca ||

### [2.127](https://indike.org/pramana/in.sampradaya.general.sakta.kulavrtti.2.127)

akṣobhyānaṃdataḥ paścā \* (?) ddhamaṃbhīṣṭa saṃpunaḥ  
siddhyarthaṃ padamābhāṣya paścādvarada ṭhadvayaṃ |

### [2.128](https://indike.org/pramana/in.sampradaya.general.sakta.kulavrtti.2.128)

kṣetrapāla padaṃ paścān mahāśāstra padaṃ tataḥ |  
mātṛ putrapadaṃ paścāt kulaputrapadaṃ bhavet ||

### [2.129](https://indike.org/pramana/in.sampradaya.general.sakta.kulavrtti.2.129)

siddhi putra padaṃ cāsmin sthānādhipatayet tataḥ |  
asmin sthānādhipatayesmin deśādhipatayet tataḥ ||

### [2.130](https://indike.org/pramana/in.sampradaya.general.sakta.kulavrtti.2.130)

meghanādapadaṃ paścāt pracaṃḍogra padaṃ tataḥ |  
kapālī bhīmataḥ paścādbhīṣaṇeti padaṃ tataḥ ||

### [2.131](https://indike.org/pramana/in.sampradaya.general.sakta.kulavrtti.2.131)

syāt sarvavighnāpate imāṃ pūjāṃ valiṃ vadet |  
gṛhna yugmaṃ kuru yugmaṃ gurucūrṇaya yugmakaṃ ||

### [2.132](https://indike.org/pramana/in.sampradaya.general.sakta.kulavrtti.2.132)

jvalayugmaṃ prajvalayugmaṃ sarvavighnāni tīrayet |  
nāśaya dvitaya kṣāṃ kṣīṃ tatpaścāt kṣūmitīrayet ||

### [2.133](https://indike.org/pramana/in.sampradaya.general.sakta.kulavrtti.2.133)

kṣetrapālāya vauṣaṭ hūṃ phaṭ tyūtta śatākṣaraḥ anayorekatamena kṣetrapālāya  
dadyāt validvayaṃ vā |

### [2.134](https://indike.org/pramana/in.sampradaya.general.sakta.kulavrtti.2.134)

tāradvayaṃ vadet paścādamukaṃ kṣetrapāla ca |  
rājarājeśvaramimāṃ pūjā valimataḥ paraṃ ||

### [2.135](https://indike.org/pramana/in.sampradaya.general.sakta.kulavrtti.2.135)

juhuyugmaṃ dviṭhāṃtāṃtai aṣṭāviṃśatibhiḥ smṛtaṃ |  
anena validānena vaṭuvarga samanvitaḥ ||

### [2.136](https://indike.org/pramana/in.sampradaya.general.sakta.kulavrtti.2.136)

rājarājeśvaro devo me prasīda tu sarvadā |  
paścime vaṭuko devi uttare yoginī valiḥ ||

### [2.137](https://indike.org/pramana/in.sampradaya.general.sakta.kulavrtti.2.137)

pūrve bhūtavaliṃ dadyāt kṣetrapālaṃ ca dakṣiṇe |  
rājarājeśvaraṃ madhye pūjayet kulanāyike ||

### [2.138](https://indike.org/pramana/in.sampradaya.general.sakta.kulavrtti.2.138)

aṃguṣṭhānāmikābhyāṃ tu vaṭukasya valirharet |  
tarjanī madhyamānāmāṃguṣṭhaiḥstāṃdyoginī valiḥ ||

### [2.139](https://indike.org/pramana/in.sampradaya.general.sakta.kulavrtti.2.139)

aṃgulībhiśca sarvābhirabhūta valiḥ priye |  
aṃguṣṭha tarjanībhyāṃ tu kṣetrapāla valiḥ smṛtaḥ ||

### [2.140](https://indike.org/pramana/in.sampradaya.general.sakta.kulavrtti.2.140)

aṃguṣṭha madhyamābhyāṃta rājarājeśvarasya ca |

### [2.141](https://indike.org/pramana/in.sampradaya.general.sakta.kulavrtti.2.141)

etanmate valisthānaṃ pṛthak | madhye rājarājeśvara valividhānāt | pūrvamate  
madhyadeva pūjā caturdikṣu valiriti prakāradvaye saṃpradāyaḥ saraṇaṃ ||

### [2.142](https://indike.org/pramana/in.sampradaya.general.sakta.kulavrtti.2.142)

śrīpūrṇānaṃdanāthenakṛtāyāṃ gurubhāvataḥ kulavṛttau paṭaloyaṃ pātāla  
\* \* \* (?) jñakaḥ || 17 ||

### [2.143](https://indike.org/pramana/in.sampradaya.general.sakta.kulavrtti.2.143)

iti balidānaṃ samāpyantāṃbha \* (?) trasya devatāḥ pūjayet |  
taduktaṃ śāradāyāṃ |

### [2.144](https://indike.org/pramana/in.sampradaya.general.sakta.kulavrtti.2.144)

āvāhya pūjayet tasyāṃ maṃtrī maṃtrasya devatāḥ |  
tasyāmiti devaśuddhyartha kalpita mūrte āvāhyetyarthaḥ ||

### [2.145](https://indike.org/pramana/in.sampradaya.general.sakta.kulavrtti.2.145)

mūlamaṃtraṃ samuccārya suṣumnā vartmanā sudhīḥ |  
ānīya tejaḥ svasthānātrāsikāraṃdhranirgatāṃ ||

### [2.147](https://indike.org/pramana/in.sampradaya.general.sakta.kulavrtti.2.147)

ekastha mātṛkāṃ bhoje caitanyaṃ puṣpasaṃcayet |  
saṃyojya brahmaraṃdhreṇa mūrtyā māvāhayet sudhīḥ ||

### [2.148](https://indike.org/pramana/in.sampradaya.general.sakta.kulavrtti.2.148)

atrā vāhanaṃ dhyānapūrvakameva | dhyānaṃ tu tat tatkalpe | anusaṃdheyaṃ | tatra  
prakāraḥ | kālikāpurāṇe |

### [2.149](https://indike.org/pramana/in.sampradaya.general.sakta.kulavrtti.2.149)

vāmahastasya tarjanyāṃ dakṣiṇasya kaniṣṭhayā |  
tathā dakṣiṇa tarjanyāṃ vāmāṃguṣṭhaṃ niyojayet ||

### [2.150](https://indike.org/pramana/in.sampradaya.general.sakta.kulavrtti.2.150)

unnataṃ dakṣiṇāṃguṣṭhaṃ vāmasya dakṣiṇādikāḥ |  
aṃgulī yojayet pṛṣṭhe dakṣiṇasya karasya ca ||

### [2.151](https://indike.org/pramana/in.sampradaya.general.sakta.kulavrtti.2.151)

vāmasya pitṛtīrthena madhyamānāmikā tathā |  
adhomukhe tataḥ kuryā dakṣiṇasya karasya ca ||

### [2.152](https://indike.org/pramana/in.sampradaya.general.sakta.kulavrtti.2.152)

kūrmapṛṣṭha samaṃ kuryā dakṣiṇasmācca hastataḥ |  
evaṃ vidhaḥ sarvasiddhiṃ dadāti karakacchapaḥ ||

### [2.153](https://indike.org/pramana/in.sampradaya.general.sakta.kulavrtti.2.153)

iti sāmānyaṃ |

### [2.154](https://indike.org/pramana/in.sampradaya.general.sakta.kulavrtti.2.154)

tripurāyāstu trikhaṃḍaivaiva | sā tu tatkalpe likhyate | kālikāpurāṇe |

### [2.155](https://indike.org/pramana/in.sampradaya.general.sakta.kulavrtti.2.155)

kuryāt tu hṛdayāsanne nimīlya nayanadvaye |  
samakāya śiraṃ grīvaṃ kṛtvā śiratamo vudhaiḥ ||

### [2.156](https://indike.org/pramana/in.sampradaya.general.sakta.kulavrtti.2.156)

dhyānaṃ samārabhenmaṃtrī sarvapāpa pranāśanaṃ |

### [2.157](https://indike.org/pramana/in.sampradaya.general.sakta.kulavrtti.2.157)

kālītaṃtre |

### [2.158](https://indike.org/pramana/in.sampradaya.general.sakta.kulavrtti.2.158)

tato hṛdaya padmāṃtaḥ sphuraṃtī paramāṃ kalāṃ |  
yaṃtramadhye samāvāhya nyāsa jālaṃ pravinyaset ||

### [2.159](https://indike.org/pramana/in.sampradaya.general.sakta.kulavrtti.2.159)

kumārītaṃtre ||

### [2.160](https://indike.org/pramana/in.sampradaya.general.sakta.kulavrtti.2.160)

tato hṛdaya padmāṃtaḥ sphuraṃtī vidyudākṛtiṃ |  
suṣumnā vartmanānītvā śivasthāne maheśvari ||

### [2.161](https://indike.org/pramana/in.sampradaya.general.sakta.kulavrtti.2.161)

deveśi bhakti sulabhe parivāra samanvite |  
yāvatvāṃ pūjayiṣyāmi tato vai hṛdayā satve maṃtareṇa samānayet |

### [2.162](https://indike.org/pramana/in.sampradaya.general.sakta.kulavrtti.2.162)

nāsayāyā mayā devi vāyuvījena maṃtravit |  
deveśīti ca maṃtreṇa viṃdvamā vāhayet sudhīḥ ||

### [2.163](https://indike.org/pramana/in.sampradaya.general.sakta.kulavrtti.2.163)

kulārṇave ||

### [2.164](https://indike.org/pramana/in.sampradaya.general.sakta.kulavrtti.2.164)

mayasmaraṇāṃtasthe paramānaṃda nirbharo apārabhavasaṃsāre pāhimāṃ  
parameśvari |

### [2.165](https://indike.org/pramana/in.sampradaya.general.sakta.kulavrtti.2.165)

deveśi bhakti sulabhe parivāra samanvite |  
yāvatvāṃ pūjayiṣyāmitāvatvaṃ susthirābhava ||

### [2.166](https://indike.org/pramana/in.sampradaya.general.sakta.kulavrtti.2.166)

maṃtre cānena nāvāhya yajeddevī mananyadhīḥ |  
dhyānamudrāṃ pradarśyārghya gaṃdhapuṣpākṣatādibhiḥ ||

### [2.167](https://indike.org/pramana/in.sampradaya.general.sakta.kulavrtti.2.167)

cinmayasyā prameyasya nirguṇasya śarīriṇaḥ |  
sādhakānāṃ hitārthāya brahmaṇau rūpakalpanā ||

### [2.168](https://indike.org/pramana/in.sampradaya.general.sakta.kulavrtti.2.168)

liṃgasthaṃḍilaṃ brahmastra hyarcāddādya paṭheṣu ca |  
maṃḍale phalake mūrddhni hṛdi vā daśakīrtitā ||

### [2.169](https://indike.org/pramana/in.sampradaya.general.sakta.kulavrtti.2.169)

gautamīye |

### [2.170](https://indike.org/pramana/in.sampradaya.general.sakta.kulavrtti.2.170)

śālagrāme maṇau yaṃtre pratimā sthaṃḍileṣu vā |  
nityaṃ pūjāhareḥ kāmanā na tu kevalā bhūtale ||

### [2.171](https://indike.org/pramana/in.sampradaya.general.sakta.kulavrtti.2.171)

nāradīye |

### [2.172](https://indike.org/pramana/in.sampradaya.general.sakta.kulavrtti.2.172)

āśā hi hṛdayaṃ cakraṃ viṣṇoḥ kṣetra samudbhavaṃ |  
yaṃtraṃ ca pratimā sthāne marcanaṃ sarvadā hareḥ ||

### [2.173](https://indike.org/pramana/in.sampradaya.general.sakta.kulavrtti.2.173)

atra śālagrāma cakraṃ tu viṣṇu paramiti yasya tasyaiva tatra pūjā anyāni  
saṃvādīni yaṃtrābhiriktāni sarvāni |

### [2.174](https://indike.org/pramana/in.sampradaya.general.sakta.kulavrtti.2.174)

yāmale |

### [2.175](https://indike.org/pramana/in.sampradaya.general.sakta.kulavrtti.2.175)

liṃgasthāṃ pūjayeddevīṃ pustakasthāṃ tathaiva ca |  
sthaṃḍilasthāṃ mahāmāyāṃ pādukā pratimāsu ca ||

### [2.176](https://indike.org/pramana/in.sampradaya.general.sakta.kulavrtti.2.176)

citrite triśikhe vātha jalasthāṃ vāpi pūjayet |  
paṃcāśadaṅgulaṃ khaḍgaṃ triśikhaṃ ca triśūlakaṃ ||

### [2.178](https://indike.org/pramana/in.sampradaya.general.sakta.kulavrtti.2.178)

teṣāṃ madhye yaṃtrasyaiva prādhānyaṃ yathā kulārṇave |  
devasya maṃtrarūpasya yaṃtravyāptamajānatāṃ ||

### [2.179](https://indike.org/pramana/in.sampradaya.general.sakta.kulavrtti.2.179)

kṛtārcanādikaṃ sarvaṃ vyarthaṃ bhavati śāṃbhavi |  
yaṃtra maṃtraṃ mayā proktaṃ devatā maṃtrarūpiṇī ||

### [2.180](https://indike.org/pramana/in.sampradaya.general.sakta.kulavrtti.2.180)

yaṃtre sā pūjitā devī sahasaiva prasīdati |  
kāmakrodhādi doṣottha sarvaduḥkha niyaṃtranāt ||

### [2.181](https://indike.org/pramana/in.sampradaya.general.sakta.kulavrtti.2.181)

yaṃtrabhityāhure tasmin devaḥ prīṇāti tatvataḥ |  
śarīramiva jīvasya dīpasya snehavat priye ||

### [2.182](https://indike.org/pramana/in.sampradaya.general.sakta.kulavrtti.2.182)

sarveṣāmapi devānāṃ tathā yaṃtraṃ prakīrtitaṃ |  
tasmāghyaṃtraṃ likhitvātha dhyātvā vā sāvṛtiṃ śivaṃ ||

### [2.183](https://indike.org/pramana/in.sampradaya.general.sakta.kulavrtti.2.183)

jñātvā gurumukhāt pūrvaṃ pūjayedvidhinā priye |  
ekapīṭhe pṛthak pūjāṃ vinā yaṃtraṃ karotiyaḥ ||

### [2.184](https://indike.org/pramana/in.sampradaya.general.sakta.kulavrtti.2.184)

aṃgāṃgitvamapi tyaktvā devatāśāpamāpnuyāt |  
ekapīṭhe kuleśāni svasvayaṃtraṃ pṛthak pṛthak ||

### [2.185](https://indike.org/pramana/in.sampradaya.general.sakta.kulavrtti.2.185)

yajedāvaraṇopetāṃ devīṃ tatvavidhānataḥ |  
āvāhya devatāyekāmarcayedanya devatāṃ ||

### [2.186](https://indike.org/pramana/in.sampradaya.general.sakta.kulavrtti.2.186)

ubhābhyāṃ labhate śāpaṃ maṃtrī caṃcala mānasaḥ |  
ityādi lakṣaṇaṃ jñātvā gurutaḥ śāstrataḥ priye ||

### [2.187](https://indike.org/pramana/in.sampradaya.general.sakta.kulavrtti.2.187)

vidhānenārcayet samyak devatā suprasīdati |  
ṣoḍaśairupacāraistu sāṃgaṃ sāvaraṇaṃ śivaṃ ||

### [2.188](https://indike.org/pramana/in.sampradaya.general.sakta.kulavrtti.2.188)

pūjayen mūlamaṃtreṇa gaṃdhapuṣpākṣatādibhiḥ |

### [2.189](https://indike.org/pramana/in.sampradaya.general.sakta.kulavrtti.2.189)

kulārṇave |

### [2.190](https://indike.org/pramana/in.sampradaya.general.sakta.kulavrtti.2.190)

eṣu sthāneṣu deveśi yajaṃti paramaṃ śivaṃ |  
arūpaṃ rūpiṇaṃ kṛtvā karmakāṃḍaratānarāḥ ||

### [2.191](https://indike.org/pramana/in.sampradaya.general.sakta.kulavrtti.2.191)

gavāṃ sarvāṃgakaṃ kṣīraṃ kṣaret stanamukhe yathā |  
tathā sarvagato devaḥ pratimādiṣu rājate ||

### [2.192](https://indike.org/pramana/in.sampradaya.general.sakta.kulavrtti.2.192)

abhirupyācca viṃvasya pūjāyāṃ ca viśeṣataḥ |  
sādhakasya ca viśvāsāddevatā sannidhiṃ bhajet ||

### [2.193](https://indike.org/pramana/in.sampradaya.general.sakta.kulavrtti.2.193)

gavāṃ sarpiḥ śarīrasthaḥ na karotmātā poṣaṇaṃ |  
svakarma racitaṃ dattaṃ punastāmeva poṣayet ||

### [2.194](https://indike.org/pramana/in.sampradaya.general.sakta.kulavrtti.2.194)

svapadena sarpirucyate | tasya karma utpādakaṃ | karmamathanādi tena racita  
sarpidātuṃ cet gavāṃ poṣaṇaṃ | karotītyarthaḥ |

### [2.195](https://indike.org/pramana/in.sampradaya.general.sakta.kulavrtti.2.195)

evaṃ sarvaśarīrasthaḥ sarpivat parameśvaraḥ |  
vinā copāsanaṃ devi na dadāti phalaṃ nṛṇāṃ ||

### [2.196](https://indike.org/pramana/in.sampradaya.general.sakta.kulavrtti.2.196)

saphalīkṛtya tatprāṇāṃstadīyā niṃdriyāṇi ca |  
pratiṣṭhāpyarcayeddevamanyathā niṣphalaṃ bhavet ||

### [2.197](https://indike.org/pramana/in.sampradaya.general.sakta.kulavrtti.2.197)

niyama vyatirekena yadyat karmakaroti ca |  
kiṃcidapyasya na phalaṃ sidhyati kramadoṣataḥ ||

### [2.198](https://indike.org/pramana/in.sampradaya.general.sakta.kulavrtti.2.198)

nyūnāti riktakarmāṇi na phalaṃti kadācana |  
yathāvidhi kṛtānī hasatkarmāṇi phalaṃti hi ||

### [2.199](https://indike.org/pramana/in.sampradaya.general.sakta.kulavrtti.2.199)

tadvidhāna kṛtaṃ karma japahomārcanādikaṃ |  
devatā prītidaṃ bhūyādbhuktimukti phalapradaṃ ||

### [2.200](https://indike.org/pramana/in.sampradaya.general.sakta.kulavrtti.2.200)

idaṃ tu prasaṃgataḥ || atha prayogaḥ | mūlādhārāt kuṃḍalinīṃ paramaśive  
saṃgamahyā mṛtaloli evastha mātṛkāṃ bhoje vāmanāsā puṭena vāyuvījena  
niḥsārya kalpita mūrto brahmaraṃdhraṃnāṃtaḥ saṃsthāpyā vāhanādi kuryā |  
yathā śāradāyāṃ |

### [2.201](https://indike.org/pramana/in.sampradaya.general.sakta.kulavrtti.2.201)

saṃsthāpanaṃ sannidhānaṃ sannirodhamanaṃtaraṃ |  
sakalīkaraṇaṃ paścādvidadhyādevaṃ guṃṭhanaṃ ||

### [2.202](https://indike.org/pramana/in.sampradaya.general.sakta.kulavrtti.2.202)

amṛtaṃ karaṇaṃ kṛtvā kurvīta paramīkṛtaṃ sumudvābhiḥ samāhitaḥ |

### [2.204](https://indike.org/pramana/in.sampradaya.general.sakta.kulavrtti.2.204)

kramādetāni kurvīta | eṣāṃ mudrāṃ yathā jñānārṇave | iśvara uvāca |  
saṃsthāpanaṃ sannidhānaṃ āvāhanādi mudrāstu kathayāmita vānaghe |

### [2.205](https://indike.org/pramana/in.sampradaya.general.sakta.kulavrtti.2.205)

ūrddhvāṃjalimadhaḥ kuryādiyamāvāhanī bhavet |  
iyaṃ tu viparītā syāt tadā vai sthānīmatā ||

### [2.206](https://indike.org/pramana/in.sampradaya.general.sakta.kulavrtti.2.206)

militaṃ muṣṭhiyugalaṃ sannidhāpana rūpiṇī |  
aṃtarāṃguṣṭha muṣṭibhyāṃ sannirodhana sapiṇī ||

### [2.207](https://indike.org/pramana/in.sampradaya.general.sakta.kulavrtti.2.207)

etasyā eva mudrāyāstarjanyau śarale yadā |  
avaguṃṭhana mudreyaṃ sarvakāryārthasādhanī ||

### [2.208](https://indike.org/pramana/in.sampradaya.general.sakta.kulavrtti.2.208)

aṃgamaṃtrairnyaseddevi devyāṃge sādhakottamaḥ |  
sakalīkaraṇaṃ vāma mudreyaṃ tu tataḥ paraṃ ||

_First 200 of 1,365 passages. [Read on](https://indike.org/pramana/in.sampradaya.general.sakta.kulavrtti.2)_

## Linked texts (38)

- [Kulamuktīkallolinī](https://indike.org/pramana/in.sampradaya.general.sakta.kulacara.acarabhava.kulamuktikallolini.15.151) — Ādyānanda, Sanskrit
- [Tārābhaktisudhārṇava](https://indike.org/pramana/in.sampradaya.general.sakta.tara.tarabhaktisudharnava.12.830) — Narasiṃha Ṭhakkura 1643, Sanskrit
- [Tattvacintāmaṇi](https://indike.org/pramana/in.sampradaya.general.sakta.tattvacintamani.3.3.337) — Sanskrit
- [Puraścaryārṇava](https://indike.org/pramana/in.sampradaya.general.sakta.paddhati.mantrasamskara.purascaryarnava.1.710) — Pratāpanārasiṃhasāha of Nepal 1750, Sanskrit
- [Puraścaryārṇava](https://indike.org/pramana/in.niti.dharma.prayoga.purascarana.purascaryarnava.1.3.1101) — Sanskrit
- [Tantracintāmaṇi](https://indike.org/pramana/in.sampradaya.saiva.trika.krama.tantracintamani.17.44) — Sanskrit
- [Vārāhītantra](https://indike.org/pramana/in.sampradaya.general.sakta.varahi-pratyangira.varahitantra.8.131) — Sanskrit
- [Āgamakalpalatā](https://indike.org/pramana/in.sampradaya.general.agamakalpalata.56) — Sanskrit
- [Merutantra](https://indike.org/pramana/in.sampradaya.general.sakta.tantra.mula.merutantra.9.285) — Gommaṭa, Sanskrit
- [Kaulāvalīnirṇaya](https://indike.org/pramana/in.sampradaya.saiva.trika.kaula.kaulavalinirnaya.1.1116) — Jñānānanda Paramahaṃsa 1500, Sanskrit
- [Sarvollāsatantra](https://indike.org/pramana/in.sampradaya.general.sakta.nibandha.gaudiyanibandha.sarvollasatantra.15.11) — Sarvānanda, Sanskrit
- [Mantrakaumudī](https://indike.org/pramana/in.niti.dharma.prayoga.purascarana.mantrakaumudi.1119) — Sanskrit
- [Kālikāpurāṇa](https://indike.org/pramana/in.purana.upa.sakta.kalika.53.32) — Sanskrit
- [Bṛhattantrasāra](https://indike.org/pramana/in.sampradaya.vaisnava.tantra.tantra.brhattantrasara.3.936) — Rāmānanda Tīrthasvāmin, Sanskrit
- [Mahānirvāṇatantra](https://indike.org/pramana/in.sampradaya.general.sakta.kali.mahanirvana.216_1278) — Sanskrit
- [Viśvasāratantra](https://indike.org/pramana/in.sampradaya.saiva.agama.trika.rudrayamala.visvasaratantra.2.670) — Sanskrit
- [Durgārcanasṛti](https://indike.org/pramana/in.niti.dharma.vrata.durgotsava.durgarcanasrti.1.885) — Sanskrit
- [Kālīkalpalatā (Yādava Bhaṭṭa)](https://indike.org/pramana/in.sampradaya.general.sakta.kali.tantra.kalikalpalata.443) — Yādava Bhaṭṭa, Sanskrit
- [Gandharvatantra](https://indike.org/pramana/in.sampradaya.saiva.agama.srividya.gandharvatantra.14.4) — Sanskrit
- [Tārāsahasranāmavyākhyā Abhidhārthacintāmaṇi](https://indike.org/pramana/in.sampradaya.general.sakta.tarasahasranamavyakhyabhidharthacintamani.145) — Sanskrit
- [Mātṛkābhedatantra (complete text)](https://indike.org/pramana/in.sampradaya.general.sakta.kali.matrkabheda*complete.1.23) — Sanskrit
- [Tāriṇīpārijāta](https://indike.org/pramana/in.sampradaya.general.sakta.tara.tariniparijata.4.p40) — Śukadeva, Sanskrit
- [Bhuśuṇḍirāmāyaṇa](https://indike.org/pramana/in.lit.ramayana.upajivya.bhusundiramayana.142.159) — Sanskrit
- [Kulārṇava Mahārahasya](https://indike.org/pramana/in.sampradaya.saiva.trika.kaula.kularnava*kularnavamaharahasya.7.18) — Sanskrit
- [Śyāmārahasya (Pūrṇānanda Paramahaṃsa)](https://indike.org/pramana/in.sampradaya.general.sakta.kali.tantra.syamarahasya.3.7.p1.2) — Pūrṇānanda Paramahaṃsa, Sanskrit
- [Merutantra (Śiva)](https://indike.org/pramana/in.sampradaya.general.sakta.tantra.mula.merutantra-siva.11.283) — Śiva, Sanskrit
- [Śāradātilaka](https://indike.org/pramana/in.sampradaya.general.mantrasastra.nibandha.saradatilaka.4.62-2) — Lakṣmaṇadeśika, Sanskrit
- [Ekaliṅgamāhātmya](https://indike.org/pramana/in.purana.sthala.gujarat-malava.ekalingamahatmya.24.36) — Kānhavyāsa, Sanskrit
- [Varṣakriyākaumudī](https://indike.org/pramana/in.niti.dharma.kala.varsakrtya.varsakriyakaumudi.2.p68) — Govindānanda Kavikaṅkaṇa 1510, Sanskrit
- [Varṣakṛtyakaumudī](https://indike.org/pramana/in.niti.dharma.nibandha.gauda.sulapani-srinatha.varsakrtyakaumudi.1.p346) — Govindānandācārya, Sanskrit
- [Kriyākaumudī (Govindānanda)](https://indike.org/pramana/in.niti.dharma.nibandha.krtya.kriyakaumudi.2.p175) — Govindānanda 1500, Sanskrit
- [Kālārcanacandrikā](https://indike.org/pramana/in.sampradaya.general.sakta.kali.paddhati.kalarcanacandrika.5.p138) — Nīlakamala Lāhiḍī, Sanskrit
- [Tripurasundarīpūjā](https://indike.org/pramana/in.sampradaya.saiva.agama.srividya.saparya.pujapaddhati-works.tripurasundaripuja.1.p268) — Sanskrit
- [Āgamakalpalatā (Yadu Miśra)](https://indike.org/pramana/in.sampradaya.general.sakta.nibandha.gaudiyanibandha.agamakalpalata.4.p1012) — Yadu Miśra, Sanskrit
- [Sanatkumārasaṃhitā](https://indike.org/pramana/in.sampradaya.vaisnava.pancaratra.samhita.brahmaratra.sanatkumara.30.49) — Sanskrit
- [Kriyākāṇḍavāridhi](https://indike.org/pramana/in.niti.dharma.prayoga.sarvaprayoga.purvadesa.kriyakandavaridhi.1.p2369) — Upendranātha Mukhopādhyāya, Sanskrit
- [Tantrasāra (Kṛṣṇānanda)](https://indike.org/pramana/in.sampradaya.general.sakta.nibandha.gaudiyanibandha.tantrasara.36.1-26) — Kṛṣṇānanda Āgamavāgīśa 1550, Sanskrit
- [Puṣpacintāmaṇi](https://indike.org/pramana/in.niti.dharma.pratistha.upacara.puspacintamani.3.61) — Sanskrit

---
Source: [https://indike.org/pramana/in.sampradaya.general.sakta.kulavrtti.2](https://indike.org/pramana/in.sampradaya.general.sakta.kulavrtti.2) · Pramāṇa
