<!-- Pramāṇa, a library of Indian primary sources · https://indike.org/pramana/in.sampradaya.general.sakta.kulavrtti.3 -->

[Pramāṇa](https://indike.org/pramana/) › [Indian literature](https://indike.org/pramana/in) › [Religious Traditions](https://indike.org/pramana/in.sampradaya) › [Other cults, manuals and hymns](https://indike.org/pramana/in.sampradaya.general) › [Later Śākta tantras of eastern India](https://indike.org/pramana/in.sampradaya.general.sakta) › [Kulavritti](https://indike.org/pramana/in.sampradaya.general.sakta.kulavrtti) › 3

# Kulavritti 3

Kulavṛtti 3

- **Language:** Sanskrit

## Contents (2,647)

- [1–104](https://indike.org/pramana/in.sampradaya.general.sakta.kulavrtti.3.1-104) — 100 passages
- [105–208](https://indike.org/pramana/in.sampradaya.general.sakta.kulavrtti.3.105-208) — 100 passages
- [209–313](https://indike.org/pramana/in.sampradaya.general.sakta.kulavrtti.3.209-313) — 100 passages
- [314–421](https://indike.org/pramana/in.sampradaya.general.sakta.kulavrtti.3.314-421) — 100 passages
- [422–525](https://indike.org/pramana/in.sampradaya.general.sakta.kulavrtti.3.422-525) — 100 passages
- [526–629](https://indike.org/pramana/in.sampradaya.general.sakta.kulavrtti.3.526-629) — 100 passages
- [630–733](https://indike.org/pramana/in.sampradaya.general.sakta.kulavrtti.3.630-733) — 100 passages
- [734–837](https://indike.org/pramana/in.sampradaya.general.sakta.kulavrtti.3.734-837) — 100 passages
- [838–941](https://indike.org/pramana/in.sampradaya.general.sakta.kulavrtti.3.838-941) — 100 passages
- [942–1044](https://indike.org/pramana/in.sampradaya.general.sakta.kulavrtti.3.942-1044) — 100 passages
- [1045–1148](https://indike.org/pramana/in.sampradaya.general.sakta.kulavrtti.3.1045-1148) — 100 passages
- [1149–1252](https://indike.org/pramana/in.sampradaya.general.sakta.kulavrtti.3.1149-1252) — 100 passages
- [1253–1354](https://indike.org/pramana/in.sampradaya.general.sakta.kulavrtti.3.1253-1354) — 100 passages
- [1355–1458](https://indike.org/pramana/in.sampradaya.general.sakta.kulavrtti.3.1355-1458) — 100 passages
- [1459–1562](https://indike.org/pramana/in.sampradaya.general.sakta.kulavrtti.3.1459-1562) — 100 passages
- [1563–1665](https://indike.org/pramana/in.sampradaya.general.sakta.kulavrtti.3.1563-1665) — 100 passages
- [1666–1769](https://indike.org/pramana/in.sampradaya.general.sakta.kulavrtti.3.1666-1769) — 100 passages
- [1770–1872](https://indike.org/pramana/in.sampradaya.general.sakta.kulavrtti.3.1770-1872) — 100 passages
- [1873–1976](https://indike.org/pramana/in.sampradaya.general.sakta.kulavrtti.3.1873-1976) — 100 passages
- [1977–2080](https://indike.org/pramana/in.sampradaya.general.sakta.kulavrtti.3.1977-2080) — 100 passages
- [2081–2185](https://indike.org/pramana/in.sampradaya.general.sakta.kulavrtti.3.2081-2185) — 100 passages
- [2186–2289](https://indike.org/pramana/in.sampradaya.general.sakta.kulavrtti.3.2186-2289) — 100 passages
- [2290–2392](https://indike.org/pramana/in.sampradaya.general.sakta.kulavrtti.3.2290-2392) — 100 passages
- [2393–2496](https://indike.org/pramana/in.sampradaya.general.sakta.kulavrtti.3.2393-2496) — 100 passages
- [2497–2601](https://indike.org/pramana/in.sampradaya.general.sakta.kulavrtti.3.2497-2601) — 100 passages
- [2603–2706](https://indike.org/pramana/in.sampradaya.general.sakta.kulavrtti.3.2603-2706) — 100 passages
- [2707–2756](https://indike.org/pramana/in.sampradaya.general.sakta.kulavrtti.3.2707-2756) — 47 passages

### [3.1](https://indike.org/pramana/in.sampradaya.general.sakta.kulavrtti.3.1)

yatrāparājitā puṣpaṃ japāpuṣpā ca bhairava |  
karavīre raktaśukletrā patrā yatra tiṣṭhati ||

### [3.2](https://indike.org/pramana/in.sampradaya.general.sakta.kulavrtti.3.2)

tatra devī vasennityaṃta yaṃtre pūjanaṃ mama |  
datte caika javā puṣpe patrai vastraphalaṃ bhavet ||

### [3.3](https://indike.org/pramana/in.sampradaya.general.sakta.kulavrtti.3.3)

brahmahatyādikaṃ pāpaṃ kṣaṇānnaśyati niścitaṃ |

### [3.4](https://indike.org/pramana/in.sampradaya.general.sakta.kulavrtti.3.4)

ityaparādīnāṃ phalaṃ |

### [3.5](https://indike.org/pramana/in.sampradaya.general.sakta.kulavrtti.3.5)

aparāyāstu māhātmyaṃ raktaṃ nāhaṃ maheśvara |  
iti puṣpamāhātmyaṃ prasaṃgāduktaṃ vastutaḥ sāmānyaṃ |

### [3.6](https://indike.org/pramana/in.sampradaya.general.sakta.kulavrtti.3.6)

vīrasādhana kāryaṃ hi kartavyaṃ vīrapuruṣaiḥ |  
divyairapi ca kartavyaṃ paśubhirnna ca pāmaraiḥ ||

### [3.7](https://indike.org/pramana/in.sampradaya.general.sakta.kulavrtti.3.7)

varaṃ pāmarakāryaṃ tanna paśoriti niścitaṃ |  
yadyanmayā purā proktaṃ saṃketaṃ maṃtrasādhanaṃ ||

### [3.8](https://indike.org/pramana/in.sampradaya.general.sakta.kulavrtti.3.8)

aṃjanaṃ guṭikādīṃśca kuryād vīro mahāvalaḥ |  
iti vīra \* \* \* \* (?) divye vīreṇa bhedostiyo bhedaḥ sa  
ca kathyate |

### [3.9](https://indike.org/pramana/in.sampradaya.general.sakta.kulavrtti.3.9)

śāṃto vinīto madhuraṃ na nalāvatya saṃyutaḥ |  
divyastu devavatprāyo vīraśconnatamānasaḥ ||

### [3.10](https://indike.org/pramana/in.sampradaya.general.sakta.kulavrtti.3.10)

iti divyavīrayobhedaḥ |

### [3.11](https://indike.org/pramana/in.sampradaya.general.sakta.kulavrtti.3.11)

vakṣamānaṃ yadubhaya sādhāraṇaṃ |

### [3.12](https://indike.org/pramana/in.sampradaya.general.sakta.kulavrtti.3.12)

vibhūti bhūṣaṇai vāpi caṃdanairvā vilepitaḥ |  
ākāra gopino vāpi vyaktopi kulabhairava ||

### [3.13](https://indike.org/pramana/in.sampradaya.general.sakta.kulavrtti.3.13)

raktacaṃdana digdhāṃgoraktakopīna bhūṣaṇaḥ |  
raktavastra parīdhāno vaiṣṇavo vāpya vaiṣṇavaḥ ||

### [3.14](https://indike.org/pramana/in.sampradaya.general.sakta.kulavrtti.3.14)

asaṃskṛtaḥ keśajālaḥ saṃskṛto vā kuleśvaraḥ |  
apamāne ca pūjāyāṃ hṛṣṭapuṣṭaḥ sadā bhavet ||

### [3.15](https://indike.org/pramana/in.sampradaya.general.sakta.kulavrtti.3.15)

devaniṃdā paro vāpi tatpūjāpi paropi vā |

### [3.16](https://indike.org/pramana/in.sampradaya.general.sakta.kulavrtti.3.16)

ityanya deva paraṃ |

### [3.17](https://indike.org/pramana/in.sampradaya.general.sakta.kulavrtti.3.17)

pūjāvetastadrahitaḥ kulākulamate sthitaḥ |  
nijabhāva samāyukto devavat viharet kṣitau ||

### [3.18](https://indike.org/pramana/in.sampradaya.general.sakta.kulavrtti.3.18)

svakulāṃte puraścaryā kāryā rātrau na cānyathā siddhinetyarthaḥ | etayorapi  
pūrvasevāsti pramāṇaṃ puraścaraṇa karaṇe vaktavyaṃ |

### [3.19](https://indike.org/pramana/in.sampradaya.general.sakta.kulavrtti.3.19)

vedahīne dvije deva athā na śruti saṃskṛyā |  
viṣṇubhakti vinā naiva bhaktirna prabhavairyathā ||

### [3.20](https://indike.org/pramana/in.sampradaya.general.sakta.kulavrtti.3.20)

viṣṇorbhaktistu navadhā bhaktirlakṣaṇaṃ kuryāditi bhāgavatoktaṃ pūjādinyopi  
uktāśīrghopi na labhyate |

### [3.21](https://indike.org/pramana/in.sampradaya.general.sakta.kulavrtti.3.21)

ataḥ sarvadevatā bhaktibhyo viṣṇubhakti śreṣṭhā |  
yatra yasya vedena romāṃcādi dṛśyate ityarthaḥ ||

### [3.22](https://indike.org/pramana/in.sampradaya.general.sakta.kulavrtti.3.22)

śāktaṃ jñānaṃ vinā muktiryathā hāsyāya kalpate |  
guruṃ vinā yathā taṃtrenādhikāraḥ kathaṃcana ||

### [3.23](https://indike.org/pramana/in.sampradaya.general.sakta.kulavrtti.3.23)

patihīno yathā nārī sarvakarma vivarjitā |  
kulaṃ vimā tathā divyo na vīro mamasādhakaḥ ||

### [3.24](https://indike.org/pramana/in.sampradaya.general.sakta.kulavrtti.3.24)

nādhikārīti kauleya tasmādbhāva paro bhava |  
avinītaṃ kulaṃ yasya sa kathaṃ mama pūjakaḥ ||

### [3.25](https://indike.org/pramana/in.sampradaya.general.sakta.kulavrtti.3.25)

tasmādyatnāt tathā kāryaṃ yathā syādvinayānvitaṃ |  
bhāvā bhāvāt kuleśāstrenādhikāraḥ kathaṃcana ||

### [3.26](https://indike.org/pramana/in.sampradaya.general.sakta.kulavrtti.3.26)

tena bhāvaṃ viśuddhistu sādhakaḥ kauliko bhavet |

### [3.27](https://indike.org/pramana/in.sampradaya.general.sakta.kulavrtti.3.27)

devyuvāca ||

### [3.28](https://indike.org/pramana/in.sampradaya.general.sakta.kulavrtti.3.28)

paśubhāvaṃ pravakṣyāmi śṛṇu vatsa samāhitaḥ |  
yathāvidhi paśorvidyāṃ gṛhītvā bhāvatatparaḥ ||

### [3.30](https://indike.org/pramana/in.sampradaya.general.sakta.kulavrtti.3.30)

prathamaṃ pūrvasevārthaṃ yatātraḥ siddhimāpnuyāt |  
na matsya bhojanaṃ kuryānastriyaṃ manasā smaret ||

### [3.31](https://indike.org/pramana/in.sampradaya.general.sakta.kulavrtti.3.31)

na paraḥ dravyalobhaḥ syāt na bhoge mānasaṃ bhavet |  
siṃdhutīre parvate vā kānane vā surālaye ||

### [3.32](https://indike.org/pramana/in.sampradaya.general.sakta.kulavrtti.3.32)

vilvamūle vivikte ca puṇyakṣetre ca śobhane |  
na śūdradarśanaṃ kuryā kauṭilyaṃ yatnatastyajet ||

### [3.33](https://indike.org/pramana/in.sampradaya.general.sakta.kulavrtti.3.33)

devatā śuklavarṇā tṛdhyātavyā su samāhitai |  
trisaṃdhyaṃ devapūjā syāt trisaṃdhyaṃ japamācaret ||

### [3.34](https://indike.org/pramana/in.sampradaya.general.sakta.kulavrtti.3.34)

rātrau yaṃtraṃ ca mālāṃ ca spṛśennaiva kadācana |  
na maṃtramuccaredbhaktyā maunī syāt sarvakarmasu ||

### [3.35](https://indike.org/pramana/in.sampradaya.general.sakta.kulavrtti.3.35)

parvakāle striyaṃ naiva gaccheddhai sādhakottamaḥ |  
puṣpaṃ gaṃdhaṃ jalaṃ caiva svayamānīya pūjayet ||

### [3.36](https://indike.org/pramana/in.sampradaya.general.sakta.kulavrtti.3.36)

maithunaṃ tatkalālāpaṃ tadgoṣṭhī parivarjayet |  
ṛtukālaṃ vinā gacchena ca svastriyamādarāt ||

### [3.37](https://indike.org/pramana/in.sampradaya.general.sakta.kulavrtti.3.37)

purāṇa śravaṇe śraddhā vedavedārtha tatparaḥ |  
na rātrau bhojayedvidvān stāṃvūlaṃ parameśvaraḥ ||

### [3.38](https://indike.org/pramana/in.sampradaya.general.sakta.kulavrtti.3.38)

guṇā yadyadāṣṭhaṃ tatsarvaṃ yatnataścaret | atastvakulaṃ caiva hetu dravyaṃ ca  
bhairava |

### [3.39](https://indike.org/pramana/in.sampradaya.general.sakta.kulavrtti.3.39)

spṛṣṭvā smṛtvā trivāraṃ tu paṃcagavyena śuddhyati |  
raktavastraṃ na gṛhnīyā devībhakti parāyaṇaḥ ||

### [3.40](https://indike.org/pramana/in.sampradaya.general.sakta.kulavrtti.3.40)

viṣṇu kalpokta kalpāni tadanuṣṭhānamācaret |  
asyādhikāraḥ pūjāyāṃ na gurutve kadācana ||

### [3.41](https://indike.org/pramana/in.sampradaya.general.sakta.kulavrtti.3.41)

pūjāyāṃ kaulapūjāyāṃ ubhayatranaṃ ca saṃvaṃdhaḥ |  
pūrvasyanādhikārosti pūjādeśa gatāgate ||

### [3.42](https://indike.org/pramana/in.sampradaya.general.sakta.kulavrtti.3.42)

pūrvaṃ tu sarvakauleyai vahi kāryaḥ svadeśataḥ |  
pūrvadeśaṃ na mātreṇa kuladarśanamācaret ||

### [3.43](https://indike.org/pramana/in.sampradaya.general.sakta.kulavrtti.3.43)

brahmahatyādikaṃ pāpaṃ varasahyaṃ na tatprabho |  
pūrvadarśana mātraṃ tu satyaṃ satyaṃ vadāmyahaṃ ||

### [3.44](https://indike.org/pramana/in.sampradaya.general.sakta.kulavrtti.3.44)

pūrvaḥ paśubhāvaḥ svabhāvaḥ paśuḥ |

### [3.45](https://indike.org/pramana/in.sampradaya.general.sakta.kulavrtti.3.45)

na mātmā sarvadeveśa vibhutvā sadyapi prabho |  
tathāpi tatra me śaṃkā jāyate ca pade pade ||

### [3.46](https://indike.org/pramana/in.sampradaya.general.sakta.kulavrtti.3.46)

varaṃ kulaṃ parityājyaṃ varaṃ svakulahiṃsanaṃ |  
varaṃ svakula niṃdāstu varaṃ svakulakuṭṭanaṃ ||

### [3.47](https://indike.org/pramana/in.sampradaya.general.sakta.kulavrtti.3.47)

kāye namana sā vācā varaṃ svakulapātanaṃ |  
na kuryāt pūrvasaṃgastuṃ tu mamā kulaśāstradvayaṃ pāpagariṣṭo kulanāyakaḥ |  
svakule mahatī niṃdā \*\* (?) yogo na saṃśayaḥ | paro bhinna  
ityarthaḥ |

### [3.48](https://indike.org/pramana/in.sampradaya.general.sakta.kulavrtti.3.48)

tasmādapi mahatpāpaṃ paśusaṃgāt prajāyate |  
sarvathā tatra bhāvau na na prakāśyo kadācana ||

### [3.49](https://indike.org/pramana/in.sampradaya.general.sakta.kulavrtti.3.49)

sa bhāvaśca vibhāvaśca paśu dvedhā vyavasthitaḥ |  
sa bhāvaḥ paśubhāvena jagatraya vibhāvanāt ||

### [3.50](https://indike.org/pramana/in.sampradaya.general.sakta.kulavrtti.3.50)

vīrabhāvo bhaveddeva tato devaḥ prajāyate |  
devācca jāyate vīrovīro devaḥ prajāyate ||

### [3.51](https://indike.org/pramana/in.sampradaya.general.sakta.kulavrtti.3.51)

divyavīreṇa bhedosti sāmyamityabhijāyate |  
bhāvastu manasodharmaḥ sahiśābdaḥ kathaṃ bhavet ||

### [3.52](https://indike.org/pramana/in.sampradaya.general.sakta.kulavrtti.3.52)

tasmād bhāvo na vaktavyo diṅmātraṃ saṃmudāhṛtaṃ |  
diṅmātraṃ mātraṃ nirdeśakamātraṃ tatprakāreṇa dīkṣābhiṣeka mukto  
brahmatvena bhāvayan tat tadācaramuktaśce divyavīrā  
divyapadeśatāgravatītyarthaḥ | brahmaṇaḥ śānūvodha bhāvatvāna vaktavya  
ityarthaḥ |

### [3.54](https://indike.org/pramana/in.sampradaya.general.sakta.kulavrtti.3.54)

yathā guḍaṃ mādhuryaṃ rasa jñāyate prabho | tathā bhāva vibhāvaścamanā  
paribhāvyate |

### [3.55](https://indike.org/pramana/in.sampradaya.general.sakta.kulavrtti.3.55)

eka eva mahān bhāvo manasā paribhāvyate |  
eka eva mahān bhāvo nānātvaṃ bhajate yataḥ ||

### [3.56](https://indike.org/pramana/in.sampradaya.general.sakta.kulavrtti.3.56)

upādhi bhāvabhedena nānātvaṃ bhajate prabhuḥ |

### [3.57](https://indike.org/pramana/in.sampradaya.general.sakta.kulavrtti.3.57)

upādhi śaktibhedenetyarthaḥ |

### [3.58](https://indike.org/pramana/in.sampradaya.general.sakta.kulavrtti.3.58)

ānaṃdaghana saṃdoha prabhuḥ prakṛti rūpadhṛk |

### [3.59](https://indike.org/pramana/in.sampradaya.general.sakta.kulavrtti.3.59)

nijeṣṭa devatā brahmaṇo bheda ityarthaḥ |

### [3.60](https://indike.org/pramana/in.sampradaya.general.sakta.kulavrtti.3.60)

rasarūpa sa evātmā sa prabhuḥ parameśvaraḥ |  
śrotavyaḥ sa ca martavyo nidi dhyātavya eva ca ||

### [3.61](https://indike.org/pramana/in.sampradaya.general.sakta.kulavrtti.3.61)

sākṣāt kāryaśca deveśa āgame vividhaiḥ prabhoḥ |  
śrotavya śrutivākyesyomaṃtavo mananādibhiḥ ||

### [3.62](https://indike.org/pramana/in.sampradaya.general.sakta.kulavrtti.3.62)

sopapattibhirenāyaṃ dhyātavyaṃ gurudeśitaiḥ |  
tadā sa eva sarvātmā pratyakṣo bhavati kṣaṇāt ||

### [3.63](https://indike.org/pramana/in.sampradaya.general.sakta.kulavrtti.3.63)

tasmin deve tu deveśa pratyakṣe parame"vara |  
bhāvairvahuvidhairdevabhāvastatrāpi līyate ||

### [3.64](https://indike.org/pramana/in.sampradaya.general.sakta.kulavrtti.3.64)

bhāvairbhāvācāraiḥ |

### [3.65](https://indike.org/pramana/in.sampradaya.general.sakta.kulavrtti.3.65)

bhāvastat tadācara bhedena bhinnobhāvaḥ |

### [3.66](https://indike.org/pramana/in.sampradaya.general.sakta.kulavrtti.3.66)

ātmasvarūpaḥ |

### [3.67](https://indike.org/pramana/in.sampradaya.general.sakta.kulavrtti.3.67)

divyavīrānupādhiṃ lopayitvā upādhi rahite pūrṇe brahmaṇilīno bhavatītyarthaḥ |  
dṛṣṭāṃtamāha |

### [3.68](https://indike.org/pramana/in.sampradaya.general.sakta.kulavrtti.3.68)

bhuktvā nānāvidhaṃ grāsaṃ gavicaiko yathā rasaḥ |  
dugdhādya dhyāsa yogena nānātvaṃ bhajate kṣaṇāt ||

### [3.69](https://indike.org/pramana/in.sampradaya.general.sakta.kulavrtti.3.69)

tṛṇena jāyate devarasastasmāt paro rasaḥ |  
tasmādadhi tato harati tasmādapi rasodayaḥ ||

### [3.70](https://indike.org/pramana/in.sampradaya.general.sakta.kulavrtti.3.70)

tṛṇa nirjā sa parauravaḥ dugdhaṃ havyādapi rasādayalaḍukādibhedena  
madhurajātīyaḥ | madhuratamādayaḥ sa eva kāraṇaṃ tatra tatkāryaṃ na ca labhyate |  
tāstorasaḥ kāraṇaṃ | tadeva sa eva tacchasta avyayaḥ | kāryatvena kāraṇetvena  
tṛṇa raso na jñāyate | ityarthaḥ | dṛśyate ca mahādevanā kāryaṃ nāpi  
kāraṇaṃ manasānopa labhyate | ityuktaṃ cakṣuṣāpi dugdhādaya tṛṇarāsatvena  
nopalabhyate | ityarthaḥ |

### [3.71](https://indike.org/pramana/in.sampradaya.general.sakta.kulavrtti.3.71)

tathaivāyaṃ sa evātmā nānāvigraha yoniṣu |  
jāyeja niṣyate jātaḥ kāla bhedādvibhāvyate ||

### [3.72](https://indike.org/pramana/in.sampradaya.general.sakta.kulavrtti.3.72)

sa jātaḥ sa mṛtovaddhaḥ samuktaḥ sammukhī pumān | sa strī sa napuṃsakaḥ so hi  
sa vidvān sa mukha eva saḥ | atra taccheda prayoga dvayaṃ vīpsārthaṃ | nānā svāsa  
samā sadā yogānānātvaṃ bhajate prabhuḥ | adhyāsa upādhiḥ | eka eva sa evātmā  
rasarūpī sanātanaḥ | raso nityānaṃdaḥ |

### [3.73](https://indike.org/pramana/in.sampradaya.general.sakta.kulavrtti.3.73)

avyaktaḥ sa ca vyaktaśca prakṛtyā jñāyate dhruvaṃ |  
tasmāt prakṛti yogena jñāyate nānyathā kvacit ||

### [3.74](https://indike.org/pramana/in.sampradaya.general.sakta.kulavrtti.3.74)

prakṛti bhajanena nānyathā anya bhajane na labhyate | tata eva bhajanaṃ ca  
yamakāraṇamityarthaḥ | tatra dṛṣṭāṃtamāha |

### [3.75](https://indike.org/pramana/in.sampradaya.general.sakta.kulavrtti.3.75)

vinā ghaṭatva yogena na pratyakṣau yathā ghaṭaḥ |  
itarādvidyamānopi na bhedamupagacchati ||

### [3.76](https://indike.org/pramana/in.sampradaya.general.sakta.kulavrtti.3.76)

itarasmāt paṭāderbhidyamānopi bhinnopi draṣṭu ghaṭatvātmānaṃ yathā bheda  
jñānaviṣaye bhavati tadvadityarthaḥ | idaṃ tu ghaṭa paṭadvayoḥ |  
parasparātyaṃtābhāva vahṛttinejñātaṃ | ta eva ghaṭatva  
paṭatvayorekādhikarasyavṛttitva bhedajñānaṃ na jāyate iti |

### [3.78](https://indike.org/pramana/in.sampradaya.general.sakta.kulavrtti.3.78)

māṃ vinā puruṣopetaṃ na ca yāti kathaṃcana |  
na puṃyogena ca jñānairna śrutyā na guruṃ kramāt ||

### [3.79](https://indike.org/pramana/in.sampradaya.general.sakta.kulavrtti.3.79)

prakṛtyā jñāyate hyeṣa prakṛtyā lupyate pumān |  
prakṛtya prakṛtya dhiṣṭhitaṃ sarvaṃ prakṛtyā raṃjitaṃ jagat ||

### [3.80](https://indike.org/pramana/in.sampradaya.general.sakta.kulavrtti.3.80)

prakṛtyā bhedamāpnoti prakṛtyā bhedamāpnuyāt |

### [3.81](https://indike.org/pramana/in.sampradaya.general.sakta.kulavrtti.3.81)

arthaḥ abhinnasya brahmaṇo bhedaḥ |

### [3.82](https://indike.org/pramana/in.sampradaya.general.sakta.kulavrtti.3.82)

māyaiva prakṛtyā jñāyate |

### [3.83](https://indike.org/pramana/in.sampradaya.general.sakta.kulavrtti.3.83)

uttamā vidyayā adhamā vidhānāse sati brahmajñāyate | mayādhiṣṭhite manasi  
lupyate | akṛṣyai bhavati raṃjitaṃ bhedasthāpitaṃ | tai kāliko bhedaḥ prakṛti  
vaṃdhana iti | navastu prakṛtirnaiva vastutatvaṃ maheśvara | naña dvayaṃ  
vīpsārthaṃ | bhayoḥ samara saṃjñātvā vastu tatvaṃ maheśvara | prakṛti  
puruṣayornaryāvasthā jñātvā brahmajanīyādityarthaḥ | jñāte tasmin svayaṃ  
prājñatat svarūpaḥ pumānasau |

### [3.84](https://indike.org/pramana/in.sampradaya.general.sakta.kulavrtti.3.84)

nirvikāraḥ sarvadeva ekaiva bhuvaneṣu saḥ |  
vyakto bhavati deveśa svayamātmā svayaṃbhuvaḥ ||

### [3.85](https://indike.org/pramana/in.sampradaya.general.sakta.kulavrtti.3.85)

abhede ṣaṣṭhī |

### [3.86](https://indike.org/pramana/in.sampradaya.general.sakta.kulavrtti.3.86)

upayāḥ sati vahudhā jñātaṃ brahma sanātanaṃ |  
tathāpi prakṛtiryogāt kṣipraṃ pratyakṣatāṃ vrajet ||

### [3.87](https://indike.org/pramana/in.sampradaya.general.sakta.kulavrtti.3.87)

sāṃpātrikāḥ kule tai tu yathā nāvaṃ prayujya ca |  
nānādeśaṃ samuttīrya samudraṃ visate cirāt ||

### [3.88](https://indike.org/pramana/in.sampradaya.general.sakta.kulavrtti.3.88)

tat taṭe nāvamāsthāya kṣaṇādyāti yathā prabho |  
viṣṇubhaktyā labhedbrahma taddabhāvādapi prabho ||

### [3.89](https://indike.org/pramana/in.sampradaya.general.sakta.kulavrtti.3.89)

vaijātyaṃ nāsti ced brahmakathaṃ tadviddhikāraṇaṃ |  
tasmāt parasuvāyātāste hi kāraṇatāṃgatāḥ ||

### [3.90](https://indike.org/pramana/in.sampradaya.general.sakta.kulavrtti.3.90)

na kāraṇāni te vastu sākṣāt pratikāraṇaṃ | arthaḥ anvaya vyatirekābhyāṃ  
kāraṇatā gṛhyate | viṣṇubhaktyā brahmalabhyato śaktibhaktyāpi labhyate | tatra  
kāraṇa vyatirekena kārya vyatirekaścennāsti tadākathaṃ kāraṇaṃ tatraḥ puṣpaṃ  
vā kāraṇaṃ na tu sākṣādyathā naukāpāraprāptau kāraṇaṃ svadeśagamanenaṃ  
kāraṇaṃ tadviṣṇu bhaktyādi puṃsākṣātkāraṇaṃ na tu brahmaprāptau sākṣāt  
kārastu vijātīya iti strībhāvaḥ prakṛti jñeyaḥ puṃbhāvaḥ puruṣomataḥ | jñapti  
jñeya vibhāgena jñāyatāṃ bhairaveśvaraḥ jñaptijñānaṃ prakṛti jñeyaḥ  
pumān evaṃ vibhāgena prakṛtiḥ puruṣaśca jñāyatā mityarthaḥ | ghaṭa  
pratyakṣatāyāṃ tu āloko vyaṃjako yathā | cakṣurādi na tat kiṃcidadhikaṃ  
nirvikalpakaṃ | ālokādīnā viṣaya saṃvaṃdhe kāraṇatvaṃ cakṣurādi viṣayamātra  
jñāne upakṣīṇaṃ | tena jñāne ghaṭatvādi jñānaṃ kāraṇaṃ anyeṣāṃ  
paraṃparā kāraṇatvaṃ |

### [3.91](https://indike.org/pramana/in.sampradaya.general.sakta.kulavrtti.3.91)

ghaṭatvaṃ punarevāsya bhedakāraṇameva hi |  
na tathā vyakti vibhāvapyanye vyaṃjanatāṃ gatāḥ ||

### [3.92](https://indike.org/pramana/in.sampradaya.general.sakta.kulavrtti.3.92)

nirvikalpa viṣaya jñāne cakṣurādīnāṃ kāraṇatvaṃ na tathā ghaṭatvasya  
kāraṇatvaṃ viśiṣṭajñāne viśeṣaṇa jñānasya kāraṇatvaṃ na tu nirvikalpa tathā  
anye viṣṇu bhaktādayaḥ vyaṃjanatāṃ paraṃparā kāraṇatvaṃ sākṣātkāraṇa me  
tattu prakṛtiścaiva bhairavā prakṛtirevetyarthaḥ |

### [3.94](https://indike.org/pramana/in.sampradaya.general.sakta.kulavrtti.3.94)

divyabhāvo vīrabhāvo yasya citte vyavasthitaḥ |  
jīvanmuktaḥ sa evātmā bhogārthe maṭate mahīṃ ||

### [3.95](https://indike.org/pramana/in.sampradaya.general.sakta.kulavrtti.3.95)

devīrūpaḥ sa evātmā bhairavaḥ parikalpate |  
bhāvatrayāṇāṃ madhye tu dvau bhāvauyau pratiṣṭhitau ||

### [3.96](https://indike.org/pramana/in.sampradaya.general.sakta.kulavrtti.3.96)

na vaktavyau mahādeva kulasārau kulottamaiḥ ||

### [3.97](https://indike.org/pramana/in.sampradaya.general.sakta.kulavrtti.3.97)

śrīpūrṇānaṃdanāthena kṛtāyāṃ gurubhāvataḥ kulavṛttau svataṃtrāyāṃ  
paṭalaścaikaviṃśatiḥ ||

### [3.98](https://indike.org/pramana/in.sampradaya.general.sakta.kulavrtti.3.98)

atha sadguro vā hita dīkṣaḥ naimittikakāmya siddhyarthaṃ puraścaraṇa māvadet |  
tadarthaḥ puraścaraṇa vivaraṇaṃ | śrīmadgurupadadvaṃdvaṃ natvā  
praṇatavatsalaṃ |

### [3.99](https://indike.org/pramana/in.sampradaya.general.sakta.kulavrtti.3.99)

pūrṇānaṃdo nivadhnāti puraścaraṇa nirṇayaṃ |  
tatvavidyāṃtyamakaraṇa pratyavāya śravaṇāt ||

### [3.100](https://indike.org/pramana/in.sampradaya.general.sakta.kulavrtti.3.100)

yathā vaiśaṃpāyana saṃhitāyāṃ |

### [3.101](https://indike.org/pramana/in.sampradaya.general.sakta.kulavrtti.3.101)

puraścaraṇaṃ saṃpanno marṇo hi phaladāyakaḥ |  
nityahomaiḥ kiṃ japaiścaiva kiṃmaṃtranyāsavistaraiḥ ||

### [3.102](https://indike.org/pramana/in.sampradaya.general.sakta.kulavrtti.3.102)

rahasyānāṃ ca maṃtrāṇāṃ yadi prakṛti punaskriyā hi maṃtrāṇāṃ pradhānaṃ  
jīva ucyate |

### [3.103](https://indike.org/pramana/in.sampradaya.general.sakta.kulavrtti.3.103)

jīvahīno yathā dehī sarvakarma su na kṣamaḥ |  
puraścaraṇa hīnopi tathā maṃtraḥ prakīrtitāḥ ||

### [3.104](https://indike.org/pramana/in.sampradaya.general.sakta.kulavrtti.3.104)

yāmale ca |

### [3.105](https://indike.org/pramana/in.sampradaya.general.sakta.kulavrtti.3.105)

vīryahīno yathā dehī sarvakarma su na kṣamaḥ |  
puraścaraṇa hīnopi tathā maṃtraḥ prakīrtitāḥ ||

### [3.106](https://indike.org/pramana/in.sampradaya.general.sakta.kulavrtti.3.106)

tasmādādau ca tatkuryādguruṃ vā kārayedvudhaḥ |

### [3.107](https://indike.org/pramana/in.sampradaya.general.sakta.kulavrtti.3.107)

yoginītaṃtreṣu |

### [3.108](https://indike.org/pramana/in.sampradaya.general.sakta.kulavrtti.3.108)

puraścaraṇamadhikṛtya gurorabhāve vipraṃ vā sarvaprāṇa hiterataṃ |

### [3.109](https://indike.org/pramana/in.sampradaya.general.sakta.kulavrtti.3.109)

snigdhaṃ śāstraridaṃ mitraṃ nānāguṇa samanvitaṃ |  
striyaṃ ca sadguṇopetāṃ sa putrāṃ viniyojayet ||

### [3.110](https://indike.org/pramana/in.sampradaya.general.sakta.kulavrtti.3.110)

svāśaktau guruṃ tadabhāve brāhmaṇaṃ tadabhāve striyaṃ vā tadakārayet |  
lakṣaṇaṃ tu tat tadvidhi pūrvaka tat tatsaṃkhyayāmaṃ tu japapuraścaraṇaṃ |  
homādayastu tadaṃgatayā upa \* \* \* \* (?) lakṣa  
mātraṃ japedvidyā haviṣyāśī divā śuciriti vacanā japa viśeṣa eva puraścaraṇa  
padasya śaktiḥ | yattu pṛthakāṃgopāśanaṃ sauke | puraścaraṇamate iti tat  
karmamātraṃ satpataṃ na tu śaktigrāhakaṃ | siddhisyāt kevalajjapātditi vacanāt |  
yatra tu saṃkhyā na śruyate | tatra maṃtravarṇa saṃkhyāya japet | taduktaṃ yāmale  
| varṇalakṣaṃ japedvāpi puraścaraṇa siddhaye | saṃkhyā śravaṇepi yugabhedāt  
saṃkhyāvṛddhiḥ | vaiśaṃpāyana saṃhitāyāṃ |

### [3.111](https://indike.org/pramana/in.sampradaya.general.sakta.kulavrtti.3.111)

yeṣāṃ tu nigare naiva taṃtre saṃkhyā vidhīyate |  
tatra sarvatra maṃtrāṇāṃ saṃkhyāvṛddhiyugai kramāt ||

### [3.112](https://indike.org/pramana/in.sampradaya.general.sakta.kulavrtti.3.112)

kalpoktaiva kṛte saṃkhyā tretāyāṃ dviguṇo bhavet |  
dvāpare triguṇā proktā kalau saṃkhyā caturguṇā ||

### [3.113](https://indike.org/pramana/in.sampradaya.general.sakta.kulavrtti.3.113)

kālikāṃtā siddhi vidyopāsanānāṃ punaryugasevā pariśramonāsti |  taduktaṃ  
taṃtracūḍāmaṇau | siddhividyā tayā nātra yuga sevā pariśramaḥ | ekavīrā kalpepi  
| bhāva vā rahitā \* (?) ca kṣudrāṇāṃ kṣudracetasāṃ caturguṇa  
japaproktaḥ siddhaye nānyathā bhavet | kaliyuga ityarthaḥ siddhi vidyāstu agrena  
dāhniyaṃte | atha sthāna nivaraṇe taduktaṃ yāmale puṇyakṣetraṃ nadītīraṃ guhā  
parvata mastakaṃ |

### [3.115](https://indike.org/pramana/in.sampradaya.general.sakta.kulavrtti.3.115)

tīrthapradeśāḥ sinūnāṃ saṃgamaḥ pāvanaṃvalaṃ |  
udyānāni viviktāni vilvamūlaṃtaṭaṃgire ||

### [3.116](https://indike.org/pramana/in.sampradaya.general.sakta.kulavrtti.3.116)

tulasī kānanaṃ goṣṭhaṃ vṛṣaśūnyaḥ śivālayaḥ |  
aśvatthāmalakī mūlaṃ athavā jalamadhyataḥ ||

### [3.117](https://indike.org/pramana/in.sampradaya.general.sakta.kulavrtti.3.117)

devatā yatanaṃ kūlaṃ samudrasya nijaṃ gṛhaṃ |  
guruṇāṃ sannidhānaṃ tu cittaikāgryasthalaṃ tathā ||

### [3.118](https://indike.org/pramana/in.sampradaya.general.sakta.kulavrtti.3.118)

pretabhūsyādikaṃ caiva tat tatkalpa prakāśitaṃ |  
ekaliṃge pitṛbhūmau vijane ca catuspathe ||

### [3.119](https://indike.org/pramana/in.sampradaya.general.sakta.kulavrtti.3.119)

ujjaṭe bhūdhara taṭeṣu nirjana devāgāra nirjana \* \* (?)  
vilvamūle nadītīre caitye avaṭāvavyaśvattha mūlena | ato vaiṣā pūjyeti |  
phetkāriṇītaṃtre | ekaliṃge śmaśāne ca śūnyāgāre catuṣpathe | tatrasthaḥ  
sādhayedyogī vidyāṃ tribhuvaneśvarī | ekaliṃgaṃ yathā matsya sūkte |  
paṃcakraśābhyaṃtare yatra na liṃgāṃtakamīkṣyate | tadekaliṃgamākhyātaṃ  
taṃtra siddhiranuttamā | devāgāre devaśūnye nirjane kāṃtaveśmani | vīrataṃtre ca  
| śūnyāgāre śmaśāne yadi japati jaḍastve kaliṃge taḍāge gaṃgāpārśve girau  
vā śuci vimalamatiḥ sarvadā bhaktiyuktaḥ viśva śrīnīlavānyā bhuvana janapatiḥ  
sarvaśāstrārthavettādehāṃte yogi mukhyā paramasukhapadaṃ  
brahmanirvāṇamaṃte | muṃḍamālāyāṃ ca |

### [3.120](https://indike.org/pramana/in.sampradaya.general.sakta.kulavrtti.3.120)

śavasyoparimuṃḍe vā jale vā kaṃṭhapūrite |  
saṃgrāmabhūmau yonau vā sthale vā vijane vane ||

### [3.121](https://indike.org/pramana/in.sampradaya.general.sakta.kulavrtti.3.121)

yatra kutra sthale vāpi yatra vāsyānmanolayaḥ |

### [3.122](https://indike.org/pramana/in.sampradaya.general.sakta.kulavrtti.3.122)

vāmakeśvarataṃtre ca |

### [3.123](https://indike.org/pramana/in.sampradaya.general.sakta.kulavrtti.3.123)

vārāṇasyāṃ kṛtā pūjā saṃpūrṇa phaladāyinī |  
tataścaturguṇā proktā puruṣottama sannidhau ||

### [3.124](https://indike.org/pramana/in.sampradaya.general.sakta.kulavrtti.3.124)

tatopi dvigun.ā proktā dvāravatyāṃ viśeṣataḥ |  
tataḥ śataguṇā proktā gaṃgāyāmapi tatsamā ||

### [3.125](https://indike.org/pramana/in.sampradaya.general.sakta.kulavrtti.3.125)

āryāvarte madhādeśe brahmāvarte tathaiva ca |  
viṃdhye ca phaladā proktā prayāge gahvare tathā ||

### [3.126](https://indike.org/pramana/in.sampradaya.general.sakta.kulavrtti.3.126)

tataścaturguṇā proktā lauhiya nada kuṃḍake |  
tatsamā kāmarūpe ca sarvatraiva jale sthale ||

### [3.127](https://indike.org/pramana/in.sampradaya.general.sakta.kulavrtti.3.127)

sarvaśreṣṭho yathā viṣṇu lakṣmīḥ sarvottamāpyathā |  
devī pūjā tathā śastā kāmarūpe purālaye ||

### [3.128](https://indike.org/pramana/in.sampradaya.general.sakta.kulavrtti.3.128)

devīkṣetraṃ kāmarūpaṃ vidyatenya manutsamaṃ |  
anyatra viralā devī kāmarūpe gṛhe gṛhe ||

### [3.129](https://indike.org/pramana/in.sampradaya.general.sakta.kulavrtti.3.129)

tataḥ śataguṇā proktā nīlakaṃṭhasya mastake |  
tatopi dviguṇā proktā herukeśvara liṃgake ||

### [3.130](https://indike.org/pramana/in.sampradaya.general.sakta.kulavrtti.3.130)

tataḥ śataguṇā proktā kāmākhyā yonimaṃḍale |  
kāmākhyāyāṃ mahāmāyā pūjāṃ yaḥ kṛtavānayat ||

### [3.131](https://indike.org/pramana/in.sampradaya.general.sakta.kulavrtti.3.131)

sacettu labhate kāmān paratra śivarūpatāṃ |  
na tasya sadṛśopyasti kṛtyaṃ tasya na vidyate ||

### [3.132](https://indike.org/pramana/in.sampradaya.general.sakta.kulavrtti.3.132)

gṛhe japaṃ samaḥ prokto goṣṭhe śataguṇaṃ bhavet |  
puṇyāraṇye tathā rāme sahasraguṇa ucyate ||

### [3.133](https://indike.org/pramana/in.sampradaya.general.sakta.kulavrtti.3.133)

ayutaṃ parvateranye nadyālamudāhṛtaṃ |  
koṭi devālaye śatturanaṃtagurusannidhau ||

### [3.134](https://indike.org/pramana/in.sampradaya.general.sakta.kulavrtti.3.134)

atra vedavirodhi sthānāni divyapurāṇāni anyāni bhāvatraya prāni evaṃ  
śivādīnāṃ pūjāyāṃ ca jñeyāni | atha kālaniyamaḥ | vārāhītaṃtre |

### [3.136](https://indike.org/pramana/in.sampradaya.general.sakta.kulavrtti.3.136)

cakra dravānukūle ca śuklapakṣe śubhehani |  
ārabheta puraścaryāṃ harau suptena cāgamat ||

### [3.137](https://indike.org/pramana/in.sampradaya.general.sakta.kulavrtti.3.137)

dīkṣākāla eva puraścaraṇakālaḥ | viśeṣaśca hariśayana varjanamiti | atha bhakṣa  
niyamaḥ | taduktaṃ vaiśaṃpāyana saṃhitāyāṃ | vedānādi yuktānāṃ śucīnāṃ  
śrīmatāṃ satāṃ |

### [3.138](https://indike.org/pramana/in.sampradaya.general.sakta.kulavrtti.3.138)

satkulasthāna jātānāṃ bhikṣā śaṃsogra janmanāṃ |  
bhuṃjāno vā haviṣyānnaṃ śākaṃ yāvakameva vā ||

### [3.139](https://indike.org/pramana/in.sampradaya.general.sakta.kulavrtti.3.139)

payo mūlaṃ phalaṃ vāpi yadvā yatropa labhyate |

### [3.140](https://indike.org/pramana/in.sampradaya.general.sakta.kulavrtti.3.140)

nirdiṣṭānāṃ madhya ityarthaḥ |

### [3.141](https://indike.org/pramana/in.sampradaya.general.sakta.kulavrtti.3.141)

sitaṃ vividha hemaṃtaṃ śālpannaṃ svīyasaṃvitaṃ |  
aśūdropahitaṃ patryāṃ samuttālpa samuddhṛtaṃ ||

### [3.142](https://indike.org/pramana/in.sampradaya.general.sakta.kulavrtti.3.142)

paścāsamuccayaṃ kṛtvā sthānāṃtare samuddhṛtaṃmityarthaḥ |

### [3.143](https://indike.org/pramana/in.sampradaya.general.sakta.kulavrtti.3.143)

dadhikṣīraṃ ghṛaṃ gavyaṃ maikṣavaṃ guḍavarjitaṃ |  
nārikelaṃ ca kadalī lānī pātakī tathā ||

### [3.144](https://indike.org/pramana/in.sampradaya.general.sakta.kulavrtti.3.144)

āmramānalakaṃ caiva panasāṃtaṃ harītakī |

### [3.145](https://indike.org/pramana/in.sampradaya.general.sakta.kulavrtti.3.145)

etena viśiṣyo pādānāt | phalānāṃ madhye etāni bhoktavyāni | ārtaṃ  
svasvartūtpannaṃ phalānāṃ viśeṣaṇaṃ tena akālotpannaṃ varjayedityarthaḥ  
athavā kṣīramātraṃ syāt puraścaryaṃ ca vṛttaye | atha vāhyāni | taduktaṃ  
tenaiva kṣāraṃ calavanaṃ māṃsaṃ graṃjanaṃ kāṃśya bhājanaṃ | māṣādikaṃ  
paśūraṃ cakre dravyan vanakānapi |

### [3.146](https://indike.org/pramana/in.sampradaya.general.sakta.kulavrtti.3.146)

tāṃvūlaṃ ca dvibhuktaṃ caduḥ saṃbhāṣaṇamattatāṃ |  
duḥsaṃbhāṣaṇa maślīnaṃ |

### [3.147](https://indike.org/pramana/in.sampradaya.general.sakta.kulavrtti.3.147)

nyāyopāttena vittena japahomādikaṃ caret |  
anyathā naiva siddhiḥsyāt sarvaṃ bhavati niṣphalaṃ ||

### [3.148](https://indike.org/pramana/in.sampradaya.general.sakta.kulavrtti.3.148)

anyāyopārjitaṃ vittaṃ varjyamityarthaḥ |

### [3.149](https://indike.org/pramana/in.sampradaya.general.sakta.kulavrtti.3.149)

yasyāṣṭhayāna puṣṭāṃgaḥ kurute dharmasaṃcayaṃ |  
anudāttaḥ phalasyārddhe kartusyārddhaṃ na saṃśayaḥ ||

### [3.150](https://indike.org/pramana/in.sampradaya.general.sakta.kulavrtti.3.150)

tasmāt sarvaprayatnena parātraṃ varjayet sudhīḥ |  
jihvā dagdhā parānnena karau naṣṭau pratipratigrahāt ||

### [3.151](https://indike.org/pramana/in.sampradaya.general.sakta.kulavrtti.3.151)

manodagdhaṃ parastrīṇāṃ kathaṃ siddhirvarānane |  
strī śatrupatitavrātyanāśivaiḥ sahabhāṣaṇaṃ ||

### [3.152](https://indike.org/pramana/in.sampradaya.general.sakta.kulavrtti.3.152)

asatyabhāṣaṇaṃ vācaṃ kuṭilīṃ parivarjayet |  
satyenāpi na bhāṣeta japahomārcanādiṣu ||

### [3.153](https://indike.org/pramana/in.sampradaya.general.sakta.kulavrtti.3.153)

varjayedgīta vādyādi darśanaṃ nityadarśanaṃ |  
abhyaṃga manulepaṃ ca puṣpadhāraṇameva ca ||

### [3.154](https://indike.org/pramana/in.sampradaya.general.sakta.kulavrtti.3.154)

maithunaṃ tatkathālāpaṃ tadgoṣṭhīḥ parivarjayet |  
asrātāṃ vaddhijān śūdrān striyo naiva spṛśe dvijaṃ ||

### [3.155](https://indike.org/pramana/in.sampradaya.general.sakta.kulavrtti.3.155)

tyajeddhaṣṭodakaṃ snānaṃ manivedita bhojanaṃ |  
prāṇi hiṃsāṃ na kuryāta puraścaraṇa kṛdvijaḥ ||

### [3.156](https://indike.org/pramana/in.sampradaya.general.sakta.kulavrtti.3.156)

vihāya vahniṃ na hi vastu kiṃcidrājyaṃ parebhyaḥ sati saṃbhave ca |  
asaṃbhave tīrthahirviśuddhāt parvātirikte gṛhyajapyāt tatrā samarthonudinaṃ  
viśuddhāyā cetayāvaṃgi na mātrabhaikṣaṃ | gṛhnāti rāgāradhikaṃ  
nāviddhirjāyeta kalpasya śataivamupya | yāmale ca |

### [3.157](https://indike.org/pramana/in.sampradaya.general.sakta.kulavrtti.3.157)

kauṭilyaṃ kṣauramabhyaṃgamaniveditabhojanaṃ |  
asaṃkalpita kṛtyaṃ ca varjayen mardanādikaṃ ||

### [3.158](https://indike.org/pramana/in.sampradaya.general.sakta.kulavrtti.3.158)

tāṃvūlaṃ kāṃśyapātraṃ ca divā bhojanameva ca |  
evamādīni cānyāni varjayet sādhakottamaḥ ||

### [3.160](https://indike.org/pramana/in.sampradaya.general.sakta.kulavrtti.3.160)

anyāni bhakṣādau puraścaraṇe avihitāni |

### [3.161](https://indike.org/pramana/in.sampradaya.general.sakta.kulavrtti.3.161)

atha kṛtyākṛtyavidhiḥ |

### [3.162](https://indike.org/pramana/in.sampradaya.general.sakta.kulavrtti.3.162)

maṃtrasādhanamātrastu trisaṃdhyaṃ devamarcayet |  
siddhyarthameka vahyaṃ vālamaṃtraṃ kevalaṃ japet ||

### [3.163](https://indike.org/pramana/in.sampradaya.general.sakta.kulavrtti.3.163)

tadva japānu pānādyaiḥ snānā ca mana bhojanaṃ |  
snāyācca paṃcagavyena kevalena jalena vā ||

### [3.164](https://indike.org/pramana/in.sampradaya.general.sakta.kulavrtti.3.164)

śaktau vimalaka snānamaśaktau dviśaṃka vā |  
asnātasya phalaṃ nāsti na vā tarpayataḥ pitṛn ||

### [3.165](https://indike.org/pramana/in.sampradaya.general.sakta.kulavrtti.3.165)

devatāṃ kṛtvā kṛtvā ca hṛdaya sthiraṃ |

### [3.166](https://indike.org/pramana/in.sampradaya.general.sakta.kulavrtti.3.166)

parāṃdīśca gurunnatvā japenmaṃtraṃ samāhitaḥ |  
śanaiḥ śanaiśca vispaṣṭhaṃ na dūtaṃ na vilaṃvitaṃ ||

### [3.167](https://indike.org/pramana/in.sampradaya.general.sakta.kulavrtti.3.167)

na nyūnaṃ nādhikaṃ vāpi japaṃ kuryād dine dine |  
naunaṃtarya vidhi prokto na dinaṃ vyati laṃghayet ||

### [3.168](https://indike.org/pramana/in.sampradaya.general.sakta.kulavrtti.3.168)

divasāti kramāddhutsāṃ siddhi vodhaḥ prajāyate |  
ananyamān susvāṃtaḥ kalā madhyaṃ dināvadhi ||

### [3.169](https://indike.org/pramana/in.sampradaya.general.sakta.kulavrtti.3.169)

uṣṇīśī kaṃcukī nagno muktakeśagalāvṛtaḥ |  
apavitrakaro śuddhaḥ pralapanna japet kvacit ||

### [3.170](https://indike.org/pramana/in.sampradaya.general.sakta.kulavrtti.3.170)

atrā vṛtakaro vāpi śirasā prāvṛtopi vā |

### [3.171](https://indike.org/pramana/in.sampradaya.general.sakta.kulavrtti.3.171)

astrātasya phalaṃ nāsti cittā vyākula citto vā kruddho bhrāṃta dharānvitaḥ |

### [3.172](https://indike.org/pramana/in.sampradaya.general.sakta.kulavrtti.3.172)

nivāsanaṃ śayānaśca gacchaṃtaḥ ata eva vā |  
rathyāyāmapivasthāna na japaṃti nirālaye ||

### [3.173](https://indike.org/pramana/in.sampradaya.general.sakta.kulavrtti.3.173)

upānaṃ gūḍhapādo vā yā nāsanagatopi vā |  
prasāpralapet pādāvutkaṭāsana saṃstitāḥ ||

### [3.174](https://indike.org/pramana/in.sampradaya.general.sakta.kulavrtti.3.174)

nakṣuskuṣṭana hīnāṃgaṃ vikṛtīkṛta mānasaḥ |  
maṃtrasiddhimavāpnoti tasmādyatna paro bhavet ||

### [3.175](https://indike.org/pramana/in.sampradaya.general.sakta.kulavrtti.3.175)

naika vā sā japenmaṃtraṃ huvā sā kulopi vā |  
patitā nāmaṃtyajānāṃ darśane bhīṣaṇe drute ||

### [3.176](https://indike.org/pramana/in.sampradaya.general.sakta.kulavrtti.3.176)

kṣuddhodha vāyugamane jṛṃbhane japamutsṛjet |  
utthāyācamya tatprāptau prāṇāyāma ṣaḍaṃgakaṃ ||

### [3.177](https://indike.org/pramana/in.sampradaya.general.sakta.kulavrtti.3.177)

yadvā sūryādi darśanaṃ |

### [3.178](https://indike.org/pramana/in.sampradaya.general.sakta.kulavrtti.3.178)

hiṇmūtrāraṃgaśaṃkādimuktaḥ karma karoti hi |  
japārcanādikaṃ sarvapavitro bhavet sadā ||

### [3.179](https://indike.org/pramana/in.sampradaya.general.sakta.kulavrtti.3.179)

mārjāraṃ kurkuṭaṃ krauṃca śvānaṃ śūdraṃ kapiṃ kharaṃ |  
dṛṣṭvā ca sanaṃ japet spṛṣṭvā snānaṃ vidhīyate ||

### [3.180](https://indike.org/pramana/in.sampradaya.general.sakta.kulavrtti.3.180)

idaṃ tu sāmānya japa paraṃ | na tu puraścaraṇa mātra paraṃ |

### [3.181](https://indike.org/pramana/in.sampradaya.general.sakta.kulavrtti.3.181)

ekagrāma sthito nityaṃ gatvā vaṃdeta vai guru |  
gurureva paraṃbrahma tasmādādau tamarcayet ||

### [3.182](https://indike.org/pramana/in.sampradaya.general.sakta.kulavrtti.3.182)

nityaṃ naimittikaṃ kuryāt saṃgamaṃ sādhubhiḥ saha |  
sadhīta śuddhaśayyāyāṃ śuci vastradharaḥ sadā ||

### [3.183](https://indike.org/pramana/in.sampradaya.general.sakta.kulavrtti.3.183)

pratyahaṃ kṣālayecchapyāmekāṃkī nirbhayaḥ śuciḥ |

### [3.184](https://indike.org/pramana/in.sampradaya.general.sakta.kulavrtti.3.184)

atha bhūmi parigrahaḥ |

### [3.185](https://indike.org/pramana/in.sampradaya.general.sakta.kulavrtti.3.185)

taduktaṃ yāmale |

### [3.186](https://indike.org/pramana/in.sampradaya.general.sakta.kulavrtti.3.186)

ukta kṣetraṃ tato gatvā kuryādbhūmi parigrahaṃ |  
tathādyāmukamaṃtrasya puraścaraṇa siddhaye ||

### [3.187](https://indike.org/pramana/in.sampradaya.general.sakta.kulavrtti.3.187)

mayeyaṃ gṛhyatī bhūmi maṃtroyaṃ siddhyatāmiti |  
bhūmeḥ parigrahaṃ kṛtvā parimāṇaṃ ca sarvataḥ ||

### [3.188](https://indike.org/pramana/in.sampradaya.general.sakta.kulavrtti.3.188)

caturdaśātyarthaḥ |

### [3.189](https://indike.org/pramana/in.sampradaya.general.sakta.kulavrtti.3.189)

nadī parvata vṛkṣādau parimāṇena varjitaṃ |  
puraścaryātturomānaṃ kvacinmāna vidyate ||

### [3.191](https://indike.org/pramana/in.sampradaya.general.sakta.kulavrtti.3.191)

me krośamita sthānaṃ na ghāṭau svecchayāmataṃ |  
nagarīṃdārathakrośaṃ krośadvaya mathānu vā ||

### [3.192](https://indike.org/pramana/in.sampradaya.general.sakta.kulavrtti.3.192)

ahorātraṃ vihārārthaṃ tāvatīṃ bhūmimāṃ kramet |  
kṣīravṛkṣodbhavān kīlān nastra maṃtrābhi maṃtritān ||

### [3.193](https://indike.org/pramana/in.sampradaya.general.sakta.kulavrtti.3.193)

nikhane daśadigbhāge tatro paripūjayet |  
kṣetre ca kīlite maṃtrī nirvidhnaiḥ paribhūyate ||

### [3.194](https://indike.org/pramana/in.sampradaya.general.sakta.kulavrtti.3.194)

kṣetrapālādikaṃ tatra pūjayedvidhivat tataḥ |  
dikpatibhyo valiṃ datvā tataḥ kṣetraṃ samāśrayet ||

### [3.195](https://indike.org/pramana/in.sampradaya.general.sakta.kulavrtti.3.195)

kāleṣvevali |

### [3.196](https://indike.org/pramana/in.sampradaya.general.sakta.kulavrtti.3.196)

kūrma cakraṃ mukhaṃ vīkṣyaṃ śītā tapasahāṃkuṭīṃ |  
caturddhastāṃ caturasrāṃ tathā suṃdaravedikāṃ ||

### [3.197](https://indike.org/pramana/in.sampradaya.general.sakta.kulavrtti.3.197)

ekaikasyāṃdik caturhasta pramāṇāmityarthaḥ |  
caṃdrā tapa viśobhādyāṃ toraṇai rathalaṃkṛtāṃ ||

### [3.198](https://indike.org/pramana/in.sampradaya.general.sakta.kulavrtti.3.198)

viviktāmabhiliptāṃ ca prākāreṇāpiveṣṭitāṃ |  
nirmāya ca tataḥ kuryādaikabhaktaṃ śubhe dine ||

### [3.199](https://indike.org/pramana/in.sampradaya.general.sakta.kulavrtti.3.199)

prātaḥ snātvā tu gāyatryā ayutaṃ niyato japet |  
jñātā jñātasya pāpasya kṣapārthaṃ sādhakottamaḥ ||

### [3.200](https://indike.org/pramana/in.sampradaya.general.sakta.kulavrtti.3.200)

iti gāyatrī japasya śaṃkalpasūcanaṃ |

### [3.201](https://indike.org/pramana/in.sampradaya.general.sakta.kulavrtti.3.201)

vighnāna tarpayed bhaktyā bhojanācchādanādibhiḥ |  
vahubhirvastra bhūyābhiḥ saṃpūjya gurumātmanaḥ ||

### [3.202](https://indike.org/pramana/in.sampradaya.general.sakta.kulavrtti.3.202)

abhāvo uktamataḥ paścāt padājñā ca puraḥsaraṃ | ityādhi vā sakṛtaṃ  
dīkṣādhi vā sa dinoktā valayopi devāḥ saṃkalpānaṃtaraṃ pūjanete japaḥ yanmate  
pūjānāṃgaṃ tanmate saṃkalpānaṃtaraṃ japaḥ | ācamyadikyatīnatvā tataḥ  
saṃkalpamācaret | aparadine kṛta nitya kiyo natvā saṃkalpayedityarthaḥ |  
siddhikāmo'sya maṃtra iyat saṃkhyā japaṃ tataḥ | puraścaraṇamevaṃ kariṣye  
prāgudaṅmukhaḥ | atha prayogaḥ | oṃ kuśatraya tila jalānyādāya oṃ tat sat  
aghāmukemāsi śukle pakṣe mukatithau amukamaṃtrasiddhikāmaḥ  
puraścaraṇamahaṃ kariṣye |

### [3.203](https://indike.org/pramana/in.sampradaya.general.sakta.kulavrtti.3.203)

pūjātraikālikīnityaṃ japastarpaṇameva ca |  
homodyāga bhuktiśca puraścaraṇamucyate ||

### [3.204](https://indike.org/pramana/in.sampradaya.general.sakta.kulavrtti.3.204)

iti paṃcādinopāsanāyāṃ puraścaraṇa padaśaktiriti jñānārṇavamataṃ  
tanmatepya yameva saṃkalpaḥ | kecittu homādī nāmullekhanaṃ kecittu pṛthaktaṃ  
kalpamicchati | tannaḥ ekamaṃgaṃ vihāyet maṃtrīneṣṭhamavāpnuyāt | iti  
jñānārṇava vacanādadhika phalāśrute | ajñātvā nirūpite ullekhasya  
pṛthakalpasya prayuktatvāt |

### [3.205](https://indike.org/pramana/in.sampradaya.general.sakta.kulavrtti.3.205)

tato japedaśāṃśena homaṃ kuryā dine dine |  
athavā khalu saṃkhyāyāṃ pūrṇāyāṃ homamācaret ||

### [3.206](https://indike.org/pramana/in.sampradaya.general.sakta.kulavrtti.3.206)

homadaśāṃśataḥ kuryāt tarpaṇaṃ devatāmukhe |  
tarpaṇasya daśāṃśena mārjanaṃ svātmamūrddhani ||

### [3.207](https://indike.org/pramana/in.sampradaya.general.sakta.kulavrtti.3.207)

mārjanasya daśāṃśena kāryaṃ brāhmagatojanaṃ |  
etanmate pūjanamekamaṃgaṃ | saṃkalpānaṃtaraṃ pūjā tato japaḥ | yanmate  
pūjānāṃgaṃ tanmate saṃkalpānaṃtaraṃ japaḥ |

### [3.208](https://indike.org/pramana/in.sampradaya.general.sakta.kulavrtti.3.208)

kuśākṣata jalenaiva saṃkalpa preyatastataḥ |  
tīkṣṇadaṃṣṭra mahākāya kalpāṃta dahanopamaḥ ||

_First 200 of 2,648 passages. [Read on](https://indike.org/pramana/in.sampradaya.general.sakta.kulavrtti.3)_

## Linked texts (25)

- [Kaulāvalīnirṇaya](https://indike.org/pramana/in.sampradaya.saiva.trika.kaula.kaulavalinirnaya.1.2221) — Jñānānanda Paramahaṃsa 1500, Sanskrit
- [Nigamasāranirṇaya](https://indike.org/pramana/in.sampradaya.general.sakta.nigamasaranirnaya.744) — Sanskrit
- [Nigamasāranirṇaya](https://indike.org/pramana/in.niti.dharma.nibandha.nirnaya.nirnayanibandha.nigamasaranirnaya.p714) — Rāmaramaṇa Devaśarman, Sanskrit
- [Tārārahasyavṛttikā](https://indike.org/pramana/in.darsana.advaita.stotra.devi.kalikula.tararahasyavrttika.12.135) — Śaṅkara, Sanskrit
- [Kaularahasya (Taruṇi)](https://indike.org/pramana/in.sampradaya.saiva.trika.kaula.nibandha.kaularahasya.5.25) — Taruṇi, Sanskrit
- [Haribhaktivilāsa](https://indike.org/pramana/in.sampradaya.vaisnava.gaudiya.acara.smrti.haribhaktivilasa.17.2.34) — Gopāla Bhaṭṭa Gosvāmin & Sanātana Gosvāmin 1535, Sanskrit
- [Gāndharvatantra](https://indike.org/pramana/in.sampradaya.general.sakta.tantra.mula.gandharvatantra.157_2199) — Sanskrit
- [Prāṇatoṣiṇī](https://indike.org/pramana/in.sampradaya.general.sakta.nibandha.gaudiyanibandha.pranatosini.6.3.142) — Rāmatoṣaṇa Śarman 1796, Sanskrit
- [Tattvacintāmaṇi](https://indike.org/pramana/in.sampradaya.general.sakta.tattvacintamani.3.3.2284) — Sanskrit
- [Yoginītantra](https://indike.org/pramana/in.sampradaya.general.sakta.pitha.yoginitantra.26.162) — Sanskrit
- [Skandamahāpurāṇa (vulgate)](https://indike.org/pramana/in.purana.skanda*vulgate.6.50.5) — Sanskrit
- [Dāśarathīyatantra](https://indike.org/pramana/in.sampradaya.vaisnava.tantra.rama.tantra.dasarathiyatantra.2.1687) — Sanskrit
- [Puraścaryārṇava](https://indike.org/pramana/in.sampradaya.general.sakta.paddhati.mantrasamskara.purascaryarnava.2.1265_1437) — Pratāpanārasiṃhasāha of Nepal 1750, Sanskrit
- [Mantrakaumudī](https://indike.org/pramana/in.niti.dharma.prayoga.purascarana.mantrakaumudi.1548) — Sanskrit
- [Kulapradīpa](https://indike.org/pramana/in.sampradaya.saiva.trika.kaula.kulapradipa.6.84) — Sanskrit
- [Dīkṣāprakāśa](https://indike.org/pramana/in.niti.dharma.samskara.diksaprakasa.2.417) — Sanskrit
- [Dīkṣāprakāśa](https://indike.org/pramana/in.sampradaya.saiva.siddhanta.paddhati.diksa.diksaprakasa.32_372) — Jīvanātha, Sanskrit
- [Bhāvacūḍāmaṇi](https://indike.org/pramana/in.sampradaya.general.sakta.bhavacudamani.317) — Sanskrit
- [Ajñānadhvāntadīpikā](https://indike.org/pramana/in.sampradaya.general.sakta.ajnanadhvantadipika.17) — Sanskrit
- [Śāradātilaka](https://indike.org/pramana/in.sampradaya.general.mantrasastra.nibandha.saradatilaka.7.1) — Lakṣmaṇadeśika, Sanskrit
- [Ekaliṅgamāhātmya](https://indike.org/pramana/in.purana.sthala.gujarat-malava.ekalingamahatmya.25.85) — Kānhavyāsa, Sanskrit
- [Devīrahasyatantra](https://indike.org/pramana/in.sampradaya.general.sakta.tantra.mula.devirahasya*devirahasyatantra.53.18) — Sanskrit
- [Nityācārapradīpa](https://indike.org/pramana/in.niti.dharma.acara.ahnika.nibandha.purvadesa.nityacarapradipa.1.p482) — Narasiṃha Vājapeyin, Sanskrit
- [Śarabhamantrakalpa](https://indike.org/pramana/in.sampradaya.saiva.agama.sarabha.tantra.akasabhairavakalpa.sarabhamantrakalpa.25.2.p2.8) — Sanskrit
- [Smṛtikaustubha](https://indike.org/pramana/in.niti.dharma.nibandha.mahanibandha.smrtikaustubha.4.1.7) — Anantadeva 1638, Sanskrit

---
Source: [https://indike.org/pramana/in.sampradaya.general.sakta.kulavrtti.3](https://indike.org/pramana/in.sampradaya.general.sakta.kulavrtti.3) · Pramāṇa
