Dashamahavidya 10

Daśamahāvidyā 10

Language: Sanskrit

yathākālī tathā durgā yathā durgā tathonmukhī| yathā tārā tathā kālī yathā nīlā tathonmukhī|| durgāyāḥ kālikāyāstu dhyānaṃ samamihocyate| mahācīna krameṇaiva tārāśīghra phalapradā|| gaṃdharvākhya krameṇaiva pañcamī bhuktimuktidā| mahācīna krameṇaiva kālikā phaladāyinī|| kālikogramukhī śastā dattātreya vibhāvitā| saptasaptati bhedena śrīvidyā viditā bhuvi|| tāsāṃ tu samatā jñeyā gupta sādhanasādhane| catvāriṃśat prakārā ca bhairavī parikīrtitā|| tāsāṃ tu samatā jñeyā gupta sādhana sādhane| yā yā vidyā mahācaṇḍā tāsāmeṣa vidhirmataḥ|| mahācīna krameṇaiva chinnamastā ca siddhidā| yasmina maṃtreya ācārastasmin dharmastu tādṛśaḥ|| kṛtārthastena jāyeta svargo vā mokṣa eva vā| bhrāntiratra na kartavyā siddhi hānistu jāyate|| viśuddhacitto'tra bhavet siddhissyādapavargadā| evaṃ tu tat kṣaṇāt siddhirvismayo nāsti cāparaḥ|| vismitā vilapaṃ yānti paśavaḥ śāstramohitāḥ

10.p3

bhairavovāca

10.p4

kālikā hṛdayaṃ vidyāṃ siddhividyāṃ mahodayāṃ| purā yena yathā japtvā siddhimākhurdivaukasaḥ|| kāmākṣaraṃ vahnisaṃsthamindirā nāda vindubhiḥ| maṃtrarājamidaṃ khyātaṃ durlabhaṃ pāpacetasāṃ

10.p5

sulabhaṃ śubhadaṃ bhaktyā sādhakānāṃ mahātmanāṃ| triguṇā tu viśeṣaṇa sarvaśāstra prabodhikā|| anayā sahaśī vidyā nāsti sārasvatapradā| ākarṣaṇa vaśīkāra māraṇoccāṭanaṃ tathā|| śānti puṣṭyādi karmāṇi sādhayedanayā'cirāt| kiṃ vaktavyamanenāpi varṇituṃ naiva śakyate|| jihvākoṭi sahasraistu vaktrakoṭi śatairapi| anayā sadṛśī vidyā anayā sadṛśo japaḥ|| anayā sadṛśaṃ jñāna na bhūtaṃ na bhaviṣyati| dhyāna pūjādikaṃ sarvaṃ sādhanaṃ ca puraskriyā|| aniruddha sarasvatyāḥ samānaṃ sarvamīritam| raktarākarṣaṇe puṣpaiḥ pītaiḥ stambhana karmaṇi|| māraṇe kṛṣṇapuṣpaistu pūjayed ghoradakṣiṇāṃ| ādyaika bījaṃ bījānāṃ tathaivānte'pi caikakaṃ|| dakṣiṇe kālike ceti madhye saṃyojya maṃtravit| svāhāntaṃ maṃtramuccārya bhavedākarṣaṇaṃ mahat|| lohitāṃkuśahastāṃ ca ekaśūladharāṃ tathā| mahākāla samāsīnāṃ dhyātvā cākarṣaṇaṃ mahat|| sthāvaraṃ jaṅgamaṃ caiva pātālatalagaṃ tathā| ākarṣayati maṃtrajñaḥ kimanyad bhuvi yoṣitaḥ|| ayutaika japaḥ proktaḥ sadā karṣaṇa karmaṇi| athānyat sampravakṣyāmi vaśīkaraṇamuttamaṃ|| kūrcalajjādvayaṃ bījadvayaṃ ṭhāntaṃ tathaiva ca| yojayitvā japed vidyāmayutaṃ vaśayed dhruvaṃ|| dhyānamasyāḥ pravakṣyāmi yena vaśyaṃ jagat trayaṃ| nāgayajñopavītāṃ ca candrārddha kṛtaśekharāṃ|| jaṭājūṭa samāsīnāṃ mahākāla samīpagāṃ| evaṃ kāmaśarābiddhā vihvalā kāmamohitāḥ|| svaṃ svaṃ santyajya bharttāraṃ yānti loka trayāṅganāḥ| atha vakṣye mahāvidyāṃ siddhividyāṃ mahodayāṃ|| bhairaveṇa purā proktā kālī hṛdaya saṃjñitā| asyā jñāna prabhāveṇa pālayāmi jagattrayaṃ|| praṇavaṃ pūrvamuddhṛtya hallekhābīja muddharet| ratibījaṃ samuddhṛtya papañcama bhagānvitaṃ

10.p6

ṭha dvayena samāyuktā vidyārājñī mayoditā| anayā sadṛśī vidyā kālikā yāstu durlabhā|| bhairavo'sya ṛṣiḥ prokto virāṭ chanda udīritaṃ| siddhakālī brahmarūpā devatā bhuvaneśvarī|| ratibījaṃ bījamasyā hṛllekhā śakti rucyate| hṛllekhayā ṣaḍdīrghena praṇavādyena kalpayet|| aṅgaṣaṭkaṃ tatonyasya dhyātvā devīṃ śivobhavet, khaḍgoddhinneṃdu bimbasravadamṛta rasāplāvitāṅgī trinetrā| savyepāṇau kapālādgaladamṛtamatho muktakeśī pibantī|| digvastrā baddhakāñcī maṇimaya mukuṭādyairyutā dīptajihvā| pāyānnīlotpalābhā ravi śaśi vilasatkuṇḍalālīḍha pādā|| japed viṃśati sāhastraṃ sahastraikeṇa saṃyutaṃ| homayetta daśāṃśena mṛdupuṣpeṇa maṃtravit|| trikoṇaṃ kuṇḍamālikhya siddhavidyā śivobhavet| pūjanaṃ ca prayogaṃ ca dakṣiṇāvaduyācaret|| ekākṣaryā mahākalpa samānaṃ sarvameva vā| raktapadmasya homena sākṣād vaiśravaṇo bhavet|| bilvapatrasya homena rājyaṃ bhavati niścitam| raktaprasūna homena vaśayedakhilaṃ jagat|| pītapuṣpasya homena stambhayed vāyumapyatha| mālatīpuṣpa homena sākṣād vākpati sannibhaḥ|| kṛṣṇapuṣpasya homena śatrūn mārayate'cirāt| atra sarvasya homasya saṃkhyā syādayutāvadhi|| asyāḥ smaraṇamātreṇa mahāpātaka koṭayaḥ| sadyaḥ pralayamāyānti sādhakaḥ khecaro bhavet

10.p7

iti śrīkālītaṃtre siddhi vidyā vidhiḥ nāmnaḥ daśamaḥ paṭalaḥ

Linked texts (3)

Puraścaryārṇava — Sanskrit
Śrīvidyārṇavatantra — Sanskrit
Bṛhattantrasāra — Rāmānanda, Sanskrit