Dashamahavidya 11
Daśamahāvidyā 11
- Language
- Sanskrit
11.p1
ekādaśaḥ paṭalaḥ
11.p2
sāmānya sādhana
11.p3
bhairavovāca athocyate kālikāyāḥ sāmānyasādhanaṃ priye| kṛtena yena vidhivat palāyante mahāpadaḥ || śivābaliśca dātavyaḥ sarvasiddhimabhīpsubhiḥ| mahotpāte mahāghore mahāroge mahāgrahe || mahādapi mahāyuddhe mahāvigraha saṃkule| mahādāridrya śamane mahāduḥsvapnadarśane || mahāśāntau mahāvaśye mahāsvastyayane tathā| ghorābhicāraśamane ghoropadravanāśane || kūṭayuddhādiśamane kūṭaśatrunivāraṇe| rājādi bhayaśāntau ca rājakrodhapraśāntaye || na dadāti baliṃ yastu śivāyai śivatāptaye| sapāpiṣṭho nādhikārī kuladevyāḥ samarcane|| kulīnaṃ nāvamanyeta kulajñaṃ paripūjayet| kulajñeṣu prasanneṣu kālikā sannidhirbhavet|| ahodhanyavatāṃ loke jānāti kuladarśanaṃ| teṣāṃ madhye tu yaḥ kaścit kuladevīṃ samarccayet|| kulācāra vihīno yaḥ pūjayet kālikāṃ naraḥ| sa svargamokṣabhāgī ca na syāt satyaṃ na saṃśayaḥ|| āyurārogyamaiśvaryaṃ balaṃ puṣṭiṃ mahat yaśaḥ| kavitvaṃ bhukti muktī ca kālikāpāda pūjanāt|| śukalena dhyāna yogena kavitā vaśavartinī| pītena dhyāna yogena stambhayedakhilaṃ jagat|| kṛṣṇābhā śatrumaraṇe dhūmrābhā vairi nigrahe| anayā vidyayā maṃtrī spṛśet pātakinaṃ yadi
11.p4
sa tu saṃsparśamātreṇa vakti saudhīmanargalāṃ| kumārīpūjanaṃ kuryāt sarvadharma phalāptaye || bhairavovāca athānyat saṃpravakṣyāmi prayogaṃ śatru nigrahaṃ| sarvānte vahvivanitāṃ yojayitvā'yutaṃ japet|| kālikāṃ dvibhujāṃ kartṛkapāle savyadakṣiṇe| evaṃ dhyātvā tu śatrūṇāṃ māraṇaṃ samupācaret || evaṃ kālīmataṃ proktaṃ sarvasiddhi pradāyakaṃ| anayā vidyayā samyak sādhayet svamanīṣitaṃ || anayā vidyayā yadyannasādhayati sādhakaḥ| tattat sarveṣu taṃtreṣu nāsti satyaṃ na saṃśayaḥ || kālaḥ niyaṃtraṇāt kālī jñānatattva pradāyinī| tasmāt sarva prayatnena yajed bhayasiddhaye || kālīmatamidaṃ divyaṃ bhairavena prakāśitaṃ| na kutrāpi pravaktavyaṃ sādhate ca svapauruṣaṃ || etattantraṃ ca maṃtraṃ ca dhyānaṃ cai prapūjanaṃ| prakāśāt siddhi hāniḥ syāt tasmād yatnena gopayet || tasmāt sarvaprayatnena goptavyaṃ devatāgaṇaiḥ| yathā manuṣyo labhyeta tathā kāryaṃ maheśvari || yo bhaktaḥ sādhayed jñānī tasmai nityaṃ prakāśayet
11.p5
iti śrīkālītaṃtre sāmānya sādhanaṃ nāmnaḥ ekādaśaḥ paṭalaḥ
Linked texts (1)
- Kulavṛtti — Sanskrit