Navarnapuja 6

Navārṇapūjā 6

Language: Sanskrit

6.1 — 6 parts

6.1.1

6.1.2

6.1.3

6.1.4

pradhānadarvyājyena nidhānakramāt| paridhyañcanaṃ kṛtvā lepakāryaṃ kuryāt
ājyasthālyā dakṣiṇataḥ pradhānadarvīṃ nidhāya, itaradarvīṃ madhye nidhāya,
pātrasādanārthadarbhānādāya, pradhānadarvyamagram, itarasyāṃ madhyam, ājyasthālyāṃ
mūlamityudagapavargaṃ krameṇa triraktvā, aktasya barhiṣastṛṇamapādāya, prajñātaṃ
nidhāya, dakṣiṇotparābhyāṃ pāṇibhyāṃ pradhānadarvyā barhiḥ pratiṣṭhāpya, dakṣiṇena
kareṇāgnau praharati| trirudyamya, apāttattṛṇamagnau praharati| tattiraṅgulyā,
agnimabhimantrayate| atha bhūmimupaspṛśya, paridhīnpraharati| madhyamaṃ paridhimagnau
prahatya, anyau paridhī hastābhyāmādāya yugapadagnau praharannuttarārdhyasyāgramaṅgāreṣūpohati| darvīdvayena saṃsrāvaṃ paridhīnabhijuhoti (svāhā) vasubhyo rudrebhya ādityebhyaḥ saṃsrāvabhāgebhya idam| oṃ bhūrbhuvassuvaḥ svāhā| prajāpataya idam
asmin lalitāhomakarmaṇi avijñātaprāyaścittādīni hoṣyāmi
anājñātaṃ yadājñātaṃ yajñasya kriyate mithu| agne tadasya kalpaya tvam̐ hi vettha
yathātatham̐ svāhā| agnaya idam| puruṣasaṃmito yajño yajña॰ puruṣasaṃmitaḥ| agne
tadasya kalpaya tvam̐ hi vettha yathātatham̐ svāhā| agnaya idam| yatpākatrā manasā
dīnadakṣā na yajñasya manvate martāsaḥ| agniṣṭaddhotā kratuvidvijānanyajiṣṭho devām̐
ṛtuśo yajāti svāhā| agnaya idam| bhūḥ svāhā| agnaya idam| bhuvaḥ svāhā
vāyava idam| suvaḥ svāhā| sūryāyedam| oṃ bhūrbhuvassuvaḥ svāhā| prajāpataya
idam

6.1.5

asmin lalitāhomakarmaṇi madhye saṃbhāvitasamastamantralopatantralopadravyalopakriyālopājyalopanyūnātirekavismṛtiviparyāsaprāyaścittārthaṃ sarvaprāyaścittaṃ hoṣyāmi| oṃ bhūrbhuvassuvaḥ svāhā| prajāpataya idam
śrīviṣṇave svāhā| viṣṇave paramātmana idam| namo rudrāya paśupataye svāhā
rudrāya paśupataya idam| apa upaspṛśya| sapta te agne samidhaḥ sapta jihvāḥ sapta
ṛṣayaḥ sapta dhāmapriyāṇi| sapta hotrāḥ saptadhā tvā yajanti sapta yonīrāpṛṇasvā
ghṛtena svāhā| agnaye saptavata idam
ājyapātrādīnuttarato nidhāya, prāṇāyāmaṃ kṛtvā, agniṃ pariṣiñcati
adite'nvamam̐sthāḥ| anumate'nvamam̐sthāḥ| sarasvate'nvamam̐sthāḥ| deva
savitaḥprāsāvīḥ
tataḥ praṇītāpātraṃ svasya purataḥ ādāya, pūrṇamasi pūrṇaṃ me bhūyāḥ
sadasi sanme bhūyāḥ| sarvamasi sarvaṃ me bhūyāḥ|| iti nyajalaṃ ninīya tajjalaṃ
prāgādipradakṣiṇaṃ – prācyāṃ diśi devā ṛtvijo mārjayantām| dakṣiṇasyāṃ
diśi māsāḥ pitaro mārjayantām| pratīcyāṃ diśi gṛhāḥ paśavo mārjayantām
udīcyāṃ diśyāpa oṣadhayo vanaspatayo mārjayantām| ūrdhvāyāṃ diśi yajñaḥ
saṃvatsaro yajñapatirmārjayantām – iti pratidiśamutsṛjya purastādakṣatopari
nisrāvaya, tena – brāhmaṇeṣvamṛtaṃ hitaṃ yena devāḥ pavitreṇātmānaṃ punate sadā tena
sahasradhāreṇa pāvamānyaḥ punantu mā – ityātmānaṃ prokṣya dakṣiṇato niṣāditaṃ
brahmāṇaṃ satkṛpūjya tasya varaṃ dattvā prāgādiparistaraṇamuttare visṛjet| agniṃ
prajvalitaṃ vande jātavedaṃ hutāśanam| suvarṇavarṇamamalaṃ samiddhaṃ viśvatomukham
ityupasthāya cidagniṃ, upāvaroha, jātavedaḥ punastvaṃ devebhyo havyaṃ vaha naḥ

6.1.6

prajānan| āyuḥ prajām̐ rayimasmāsu dhehi ajasro dīdihi no duroṇe
lalitāgnimātmanyudvāsayāmi namaḥ ityudvāsya hṛdaye añjaliṃ dadyāt
tadbhūtitilakaṃ - tryāyuṣaṃ jamadagneḥ kaśyapasya tryāyuṣam agastyasya
tryāyuṣaṃ yaddevānāṃ tryāyuṣaṃ tanme'stu tryāyuṣam| śivo nāmāsi svadhitiste
pitā namaste astu mā mā him̐sīḥ
iti tryāyuṣeṇa mantreṇa dhārayet| iti śivam
brahmarandhrasarasīruhodare nityalagnamavadātamadbhutam
kunḍalīvivaradakāṇḍamaṇḍitaṃ dvādaśārṇasarasīruhaṃ bhaje

Linked texts (4)

Prāṇatoṣiṇī — Rāmatoṣaṇa Śarman 1796, Sanskrit
Himavatkhaṇḍa — Sanskrit
Śrīcakrapūjāpaddhati — Sanskrit
Paramānandatantra — Sanskrit