Navarnapuja 7

Navārṇapūjā 7

Language: Sanskrit

7.1

iti gurupādukāpañcakam
gaṇapatyatharvaśīrṣopaniṣat
oṃ bhadraṃ karṇebhiḥ śṛṇuyāma devā bhadraṃ paśyemākṣabhiryajatrāḥ
sthirairaṅgaistuṣṭuvāṃsastanūbhirvyaśema devahitaṃ yadāyuḥ | svasti
na indro vṛddhaśravāḥ | svasti naḥ pūṣā viśvavedāḥ | svasti
nastākryo'ariṣṭanemiḥ | svasti no bṛhaspatirdadhātu || oṃ śāntiḥ
śāntiḥ śāntiḥ
atha gaṇeśātharvaśīrṣaṃ vyākhyāsyāmaḥ || oṃ namaste gaṇapataye
tvameva pratyakṣaṃ tattvamasi | tvameva kevalaṃ kartāsi | tvameva
dhartāsi | tvameva kevalaṃ hartāsi | tvameva sarvaṃ khalvidaṃ brahmāsi
tvaṃ sākṣādātmāsi nityam

7.2

ṛtaṃ vacmi satyaṃ vacmi

7.3

7.4

tvaṃ vāṅmayastvaṃ cinmayaḥ | tvamānandamayastvaṃ brahmamayaḥ | tvaṃ
saccidānandādvitīyo'si | tvaṃ pratyakṣaṃ brahmāsi | tvaṃ jñānamayo
vijñānamayo'siḥ

7.5

7.6

7.7

7.8

ekadantāya vidmahe vakratuṇḍāya
dhīmahi| tanno dantī pracodayāt

7.9

ekadantaṃ caturhastaṃ
pāśamaṅkuśadhāriṇam| radaṃ ca varadaṃ hastairbibhrāṇaṃ mūṣakadhvajam
raktaṃ lambodaraṃ sūrpakarṇakaṃ raktavāsasam| raktagandhānuliptāṅgaṃ
raktapuṣpaiḥ supūjitam|| bhaktānukampinaṃ devaṃ jagatkāraṇamacyutam
āvirbhūtaṃ ca sṛṣṭyādau prakṛtyeḥ puruṣātparam|| evaṃ dhyāyati yo
nityaṃ sa yogī yogināṃ varaḥ

7.10

namo vrātapataye namo gaṇapataye
namaḥ pramathapataye namaste astu lambodarāyaikadantāya vighnanāśine
śivasutāya śrīvaradamūrtaye namaḥ

7.11

etadatharvaśīrṣaṃ yo'dhīte| sa brahmabhūyāya kalpate| sa sarvataḥ
sukhamedhate| sa sarvavighnairna bādhyate| sa pañcamahāpāpāt pramucyate
sāyamadhīyāno divasakṛtaṃ pāpaṃ nāśayati| prātaradhīyāno
rātrikṛtaṃ pāpaṃ nāśayati| sāyaṃprātaḥ prayuñjāno apāpobhavati
sarvatrādhiyāno'vighno bhavati| dharmārthakāmamokṣaṃ ca vindati
idamatharvaśīrṣamaśiṣyāya na deyam|| yo yadi mohāddāsyati| sa
pāpīyān bhavati| sahasrāvartanāt| yaṃ yaṃ kāmamadhīte| taṃ tamanena
sādhayet

7.12

anena gaṇapatimabhiṣiñcati| sa vāgmī bhavati
caturthyāmanaśnan japati| sa vidyāvānbhavati| ityatharvaṇavākyam
brahmādyācaraṇaṃ vidyāt| na vibheti kadācaneti

7.13

yo
dūrvāṅkurairyajati| sa vaiśravaṇopamo bhavati| yo lājairyajati sa
yaśovānbhavati sa medhāvānbhavati yo modakasahasreṇa yajati
sa vāñchitaphalamavāpnoti| yaḥ sājyasamidbhiryajāti sa sarvaṃ
labhate sa sarvaṃ labhate| aṣṭau brāhmaṇān samyaggrāhayitvā
sūryavarcasvī bhavati| sūryagrahe mahānadyāṃ pratimāsaṃnidhau vā japtvā
siddhamantro bhavati| mahāvighnātpramucyate| mahādoṣātpramucyate
mahāpāpātpramucyate| sa sarvavidbhavati sa sarvavidbhavati| ya evaṃ
veda|| ityupaniṣat

Linked texts (7)

Gaṇapatyupaniṣad — Sanskrit
Śāktapramoda — Sanskrit
Āhnikacandrikā (Divākarabhaṭṭa) — Divākarabhaṭṭa 1658, Sanskrit
Mantrapuṣpa — Sanskrit
Atharvaśīrṣa — Sanskrit
Pañcātharvaśīrṣa — Sanskrit
Svarṇākarṣaṇa — Sanskrit