Pramāṇa · Search · About · API

Niruttaratantra 3: tṛtīyaḥ paṭalaḥ

Niruttaratantra 3

Language
Sanskrit

tṛtīyaḥ paṭalaḥ

3.1

tṛtīyaḥ paṭalaḥ

3.2

śrīdevyuvāca -

3.3

bhagavan ! sarva-deveśa ! sarva-bhūta-namaskṛta .

3.4

sarva se kathitaṃ deva! kavacaṃ na prakāśitaṃ ..

3.5

kathayasva sura-śreṣṭha ! yadi sneho'sti māṃ prati ..

3.6

śrīśiva uvāca-

3.7

siddha-kālī śiraḥ pātu lalāṭaṃ pātu dakṣiṇā .

3.8

kālī mukhaṃ sadā pātu kapālī pātu cakṣuṣī ..

3.9

kullā gaṇḍau sadā pātu vadanaṃ kuru-kullikā .

3.10

virodhinyadharaṃ pātu cibukaṃ vipra-cittikā ..

3.11

ugrā karaṇoṃ sadā pātu nāsāmugra-prabhā tathā .

3.12

kaṇṭhaṃ dīptā sadā pātu grīvāṃ nīlā prabhāvatu ..

3.13

vakṣaḥ-sthalaṃ pātu ghanā pṛṣṭhaṃ mātrā sadāvatu ..

3.14

mudrā nābhi sadā pātu mitā liṅga sadāvatu .

3.15

rati-priyā liṅga-mūlaṃ guhyaṃ śiva-priyāvatu .

3.16

aruṇā tālu-mūlaṃ hi rasanāṃ taruṇā tathā ..

3.17

mahā-kāla-priyā jānu vikaṭā pātu jaṅghayoḥ .

3.18

śmaśāna-vāsinī bhāryāṃ puttraṃ pātu digambarī ..

3.19

bhavanaṃ matta-hāsā ca mātaraṃ me sureśvarī .

3.20

rāja-sthānaṃ ghora-rāvā satataṃ pātu kālikā ..

3.21

dharma pātu ghora-rūpā śradharma muṇḍa-mālinī .

3.22

kara-kāñcī pātu nityaṃ kālikā sarvadāvatu ..

3.23

kāma-vīja-trayaṃ pātu nābhitaḥ pādameva ca .

3.24

kūrca-bīja-yugaṃ pātu sadā se nābhi-deśataḥ ..

3.25

śakti-vīja-dvayaṃ pātu brahmarandhrānanaṃ punaḥ .

3.26

kāma-bīja-dvayaṃ pātu pūrvasyāṃ diśi sarvadā ..

3.27

kūrca-vīja-yugaṃ pātu dakṣiṇasyāṃ sadāvatu .

3.28

śakti-bīja-yugaṃ pātu pratīcyāṃ sarvadā śubhā ..

3.29

vahni-jāyā cottarasyāṃ diśi pātu ca māṃ sadā .

3.30

vidyā-rājño ca sarvāsāmaniruddha-sarasvatī ..

3.31

kālikā-kavacaṃ divyaṃ yaḥ paṭhed yatnataḥ sudhīḥ .

3.32

bhūta-preta-piśācādyāḥ kūṣmāṇḍā rākṣasā grahāḥ .

3.33

tasya dūrāt palāyante satyaṃ satyaṃ na saṃśayaḥ ..

3.34

śrīdevyuvāca -

3.35

śaṅkaro yāṃ stuti kṛtvā sarva-siddhośvaro'bhavat .

3.36

tāṃ me kathaya deveśi ! yadi sneho'sti māṃ prati ..

3.37

śrīśiva uvāca-

3.38

hum̐ hum̐ kāre śavārūḍhe nīla-nīraja-locane !

3.39

trailokyaka-mukhe divye kālikāyai namo'stu te ..

3.40

pratyālīḍha-pade ghore muṇḍa-mālā-pralambite !

3.41

kharve lambodare bhome kālikāyai namo'stu te ..

3.42

nava-yauvana-sampanne gaja-kumbhāpama-stani !

3.43

vānīśvari śive śānte kālikāyai namo'stu te ..

3.44

lalajjihva harāloke netra-tritaya-bhūṣite !

3.45

ghora-hāsyotkare devi kālikāyai namo'stu te ..

3.46

vyāghra-carmāmbara-dhare khaṅga-karcī-kare dhare !

3.47

kapālendovare vāme kālikāyai namostu te ..

3.48

nīlotpala-jaṭā-bhāre sindūrendu-mukhodvaye !

3.49

sphurad-caktroṣṭha-daśane kālikāyai namo'stu te ..

3.50

pralayānalā-dhūtrābhe candra-sūryāgni-locane !

3.51

śaila-vāse śubhe mātaḥ kālikāyai namostu te ..

3.52

brahma-śambhu-jalaughe ca śava-madhya-prasaṃsthite !

3.53

preta-koṭi-samāyukte kālikāye namo'stu te ..

3.54

kṛpā-mayi hare mātaḥ sarvāśā-paripūrite !

3.55

varade bhogade mokṣe kālikāyai namo'stu te ..

3.56

ityetat kālikā-stotraṃ yaḥ paṭhed bhakti-saṃyutaḥ .

3.57

kṛta-kṛtyo bhavenmantrī nātra kāryā vicāraṇā ..

3.58

.. iti śrīniruttara-tantre śiva-pārvatī-samvāde tṛtīya paṭalaḥ ..