Pramāṇa · Search · About · API

Prapanca 12

Prapañca 12

Language
Sanskrit

Contents

12.1

dvādaśaḥ paṭalaḥ
atha śriyo mantravidhiḥ samāsato jagaddhitāya pratibadhyate'dhunā
sahāṅgabhedaiḥ sajapārccanāhutakramaiḥ samabhyuddharaṇāya durgateḥ

12.2

viyatturīyastu vilomato'nalapradīpito vāmavilocanānvitaḥ
sacandrakhaṇḍaḥ kathito ramāmanurmanorathāvāptimahāsuradrumaḥ

12.3

ṛṣirbhṛguśchandasi coditā nivṛt samīritā śrīrapi devatā punaḥ
dṛgagnikarṇena manusvarānvitena cāsyā vihitaṃ ṣaḍaṅgakam

12.4

bhūyādbhūyo dvipadmābhayavaradakarā taptakāñcettarābhā
śubhrāmbhobhebhayugmadvayakaradhṛtakumbhādbhirāsicyamānā
ratnaughābaddhamaulirvimalataradukūlottaṃvā lepanāḍhyā
padmākṣī padmanābhorasi kṛtavasatiḥ padmagā śrīḥ śriye vaḥ

12.5

saṃdokṣito'tha guruṇā manuvaryamenaṃ
samyagjapenniśitadhīrdinanāthalakṣam
abhyarcyayannaharahaḥ śriyamādareṇa
manvī suśuddhacarito rahito vadhūbhiḥ

12.6

japāvasāne dinakṛtsaṅkhyasaṃkhyaiḥ sarojairmadhuratrayāktaiḥ
hunettilairvā vidhināya bilvaiḥ samidvarairmantrivarastribhirvā

12.7

rucirāṣṭapatramatha vāriruhaṃ guṇavṛttarāśvicaturasrayutam
pravidhāya pīṭhamapi tatra saṃyajennavaśaktibhiḥ saha ramānca tataḥ

12.8

vibhūtirunnatiḥ kāntirhṛṣṭiḥ kīrttiśca saṃnatiḥ
vyuṣṭirutkṛṣṭirṛddhiśca ramāyā nava śaktayaḥ

12.6-2

āvāhya samyakkalaśe yathāvat samarccanīyā vidhinā ramā sā
japtvā yathāśakti punargurustu taṃ secayet saṃyatamātmaśiṣyam

12.10

aṅgaiḥ prathamāvṛttirapi mūrtībhavatuṣkanidhiyugairaparā
śaktyaṣṭakena cānyā caramā kakubīśvaraiḥ samabhyarcya

12.11

vāsudevaḥ saṅkarṣaṇaḥ pradyumnaścāniruddhakaḥ
dāmakaḥ salilaścaiva gugguluśca kuraṇṭakaḥ

12.12

varākī (1) vimalā caiva kamalā vanamālikā
vibhīṣikā mānikā ca śāṅkarī vasumālikā

12.13

anayaiva ca pūrvvasevayā parituṣṭā kamalā prasīdati
dhanadhānyasamṛddhisaṃkulāmacirādeva ca mantriṇe śriyam

12.14

abhyasyurojadvayase'bhitiṣṭhaṃstilaccamenaṃ prajapecca mantrī
śriyaṃ vicintyārkagatāṃ yathāvat daridratāyā bhavanti pramuktāḥ

12.15

vasatāvupaviśya kaiṭabhāreḥ kamalāvṛkṣatale tathā trilakṣam
japato'pi bhavecca kāṅkṣitāyadhiko vatsarato vasuprapañcaḥ

12.16

juhuyādaśokadahane saghṛtairapi taṇḍulaiḥ sakalavaśyatamam
khadirānale trimadhurairapi tairdhanadañca rājakulavaśyamapi

12.17

samadhuranalinānāṃ lakṣahomādalakṣmīparigatamapi jantuṃ prāpnuyācchrīḥ samagrā
dhanavibhavasamṛddhayā nityamāhlādayantī
tyajati na karuṇādrrā tasya sā santatiñca

12.18

vilvaṃ śrīsūktajāpī nijabhuvi sukhajo varddhayitvāsya pūrvvaṃ
patraistrikhāduyuktaiḥ kusumaphalasamidbhirutataḥ skandhabhedaiḥ
tanmūlairmaṇḍalāt prāk suniyatacarito'sau hutānnirmalātmā
rūpaṃ paśyedramāyāḥ kathamiva ca punastat kule syādalakṣmīḥ

12.18-2

hṛdayakamalavarṇaiḥ parastādamṛtamanantayutaṃ tataśca siddhaiḥ
hutavahadayitetyasau ramāyāḥ pravaradhanārthibhirarthito hi mantraḥ

12.20

datto'sya syādṛṣiśchandasi ca sumatibhiruktā virāḍdevatā
śrīrdevī padminobhyāṃ hṛdayakaśiraso viṣṇupatnā śikhā ca
medorephāhnadāṇairapi ca kamalarūpākṣarairvarma cāstraṃ
tārādyābhirnamo'ntābhirapi nigaditaṃ jātiyuktābhiraṅgam

12.21

padmasthā padmanetrā kamalayugavarābhītiyugdoḥsarojā
dehotyābhiḥ prabhābhistribhuvanavivaraṃ bhāsvarā bhāsayantī
muktāhārābhirāmonnatakucakalaśā ratnamañjīrakāñcīgraiveyoṣṇīṣadāmyā dhṛtamaṇisukuṭā śreyase śrīrbhavennaḥ

12.22

dhyātvaivaṃ śriyamapi pūrvvaklṛptapīṭhe
paścādau prathamamathārccayettadaṅgaiḥ
aṣṭābhirdalamanuśaktibhistadante
lokeśairiti vidhinā samarccayet samṛddhaiḥ

12.23

dīkṣāto japatu ramārameśabhakto
lakṣāṇāṃ daśakamamuṃ manuṃ niyatyā
sa śrīmān bahudhanadhānyasaṅkulaḥ manmedhāvī bhavati ca vatsareṇa mantrī

12.24

iti mantrajapāhatadhīrmadhuratritayairayutaṃ juhuyāt kamalaiḥ
pariśuddhamanā na cirāt sa punarlabhate nijavāñchitamarthacayam

12.25

samudragāyāmavatīryya nadyāṃ khakaṇṭhamātre payasi sthitaḥ san
trilakṣajāpyāhyatamo'bdamātrānmantrī bhavennātra vicāraṇīyam

12.26

nandyāvarttairjuhuta bhagame'bhyarcya lakṣmīṃ sahasraṃ
tāvaddailvaistrimadhurayutairvvā phalaiḥ paurṇamāsyām
pañcamyāṃ vā sitasarasijaiḥ śukravāre'cchapuṣpairanyairmāsaṃ pratihutavidhervvatsarāt syāddhanāḍhyaḥ

12.27

tāraramāmāyāḥ śrīkamale kamalālaye prasīdayugam
bījāni tāni punarapi samahālakṣmyai hṛdindirāmantraḥ

12.28

tribhistu varṇairhṛdayaṃ śiro'pi syāt pañcabhiścātha śikhā trivarṇaiḥ
tribhistathā varma caturbhirastraṃ pṛthak trivījāpuṭitaistadaṅgam

12.26-2

hastodyadvasupātrapaṅkajayugādarśā sphurannūpurā
graiveyāṅgadahārakaṅkaṇamahāmaulijvalatkuṇḍalā
padmasthā paricārikāparivṛtā śuklāṅgarāgāṃśukā
devī divyagaṇārcitā bhavadaghapradhvaṃsinī syādramā

12.30

lakṣaṃ japenmanumimaṃ madhuratrayāktairbilvaiḥ phalaiḥ pratihunedayutaṃ tadante
ārādhayet pratidinaṃ prativakṣyamāṇamārgeṇa durgatibhayādrahito bhavet saḥ

12.31

śrīdharaśca hṛṣīkeśo vaikuṇṭho viśvarūpakaḥ
vāsudevādayaścāṅgāvaraṇāt samanantaram

12.32

bhāratīpārvatīcāndrīśacībhirapi saṃyutā
damakādibhistṛtīyā'nurāgādyaiścaturthyapi

12.33

anurāgo'visamvādo vijayo vallabho madaḥ
harṣo balaśca tejaścetyaṣṭau vāṇā mahāśriyaḥ

12.34

anantabrahmaparyantaiḥ pañcamīndrādibhirmatā
cakrapadmāntikaiḥ ṣaṣṭhī vajrādyairāhatiḥ śivaḥ

12.35

sampūjyaivaṃ śriyamanudinaṃ yo japenmantramenaṃ
proktāṃ saṃkhyāṃ sahutavidhimapyucchritāṃ prāpya lakṣmīm
ditvādvīśvagavanipaśuputrādibhogaiḥ samṛddho
varṣāddehāpadi ca padamapyeti nityaṃ sa viṣṇoḥ

12.36

śrīmantreṣviti gaditeṣu bhaktiyuktaḥ śrīsūktānyapi ca japedyajehunecca
śrīsūkte prathamatare svayaṃ muniḥ syādanyeṣāṃ munaya ime bhavanti bhūyaḥ

12.37

ānandaḥ kaīmaścaiva ciklītaścendirāsutaḥ
ṛcāmatho tadanyāsāṃṛṣayaḥ samudīritāḥ

12.38

ādye sūktatraye chando'nuṣṭup kāṃsye bṛhatyapi
tadantyayostriṣṭubākhyaṃ parastādaṣṭake punaḥ

12.39

anuṣṭuvantye prastārapaṅktiśchandāṃsi vai kramāt
agnī syātāṃ devate ca nyāsāṅgavidhirucyate

12.40

mūrddhākṣikarṇanāsāmukhagaladorhṛdayanābhiguhyeṣu
pāyūrujānujaṅghācaraṇeṣu nyasatu sūktakaiḥ kramaśaḥ

12.41

sahiraṇmayī ca candrā rajatahiraṇyasraje hiraṇyākhyā
aṅgāni jātiyuñji tvatha ca hiraṇyavarṇādvayā tathāstraṃ syāt

12.42

aruṇakamalasaṃsthā tadrajaḥpuñjavarṇākarakamaladhṛteṣṭābhīti yugmāmbujā ca
maṇisukuṭavicitrālaṅkṛtā kalpajātairbhavatu bhuvanamātā santataṃ śrīḥ śriye vaḥ

12.43

ārabhyācchāṃ pratipadamatha prāptadīkṣo viyuktastanvaṅgībhistanuvimalavāsāḥ sudhautadvijākhyaḥ
ekādaśyāmatha parisamāpyārkasāhasrikāntaṃ
jāpaṃ mantrī yajatu ramāṃ prāktanaproktapīṭhe

12.44

padmā sapadmavarṇā padmasthā''rdrā ca tarpayantyabhidhā
kṣmā jvalantyabhikhyā svarṇaprākārasaṃjñakā ceti

12.45

madhye diśādhipāṅgādyucyoretāstataśca vajrādīn
prayajeccaturāvaraṇaṃ nigaditamiti sūktakalpitaṃ vidhānam

12.46

annaghṛtābhyāṃ juhuyādanudinamaṣṭottaraṃ śataṃ mantrī
āvāhanāsanārghyakapādyācamanamadhuparkasekāni

12.47

vāsobhūṣaṇagandhān sumanoyutadhūpadīpabhojyāni
sodvāsanāni kuryyādbhaktiyuktaḥ pañcadaśabhiratha manubhiḥ

12.48

vyastairapi ca samastaiḥ pūjāyāṃ saṃyatātmakaḥ siddhyai
padmairbilvasamivbhiḥ payo'ndhasā sarpiṣā kramājjuhuyāt

12.48-2

ekaikaṃ tritriśataṃ dvādaśyāṃ bhojayeta viprāyaṃ
mandārakundakumudakananyāvarttākhyamālatījātyaḥ
kahlārapadmaraktotpalaketakacampakādayo grāhyāḥ

12.50

pariṣiñcenniśo nityaṃ sūktaistaiḥ srānakarmaṇi
ādityābhimukho japyadyāvattāvacca tarpayet

12.51

arcayedvidhinā'nena dinaśo juhuyānniśaḥ
evaṃ karoti ṣaṇmāsaṃ yo'sau syādindirāpatiḥ

12.52

udbuddhamātre naline navanītaṃ viniikṣpet
sakarṇike sakiñjalkodare patrāntarālake

12.53

punastat padmamuddhṛtya susamiddhe vibhāvasau
juhuyādanyayātharcā śatamaṣṭottaraṃ japan

12.54

catvāriṃśacchukravārairmahāśrīstasya jāyate
kāṃmyo'smau(1) tyanayo samyagekādaśa ghṛtāhutīḥ
ṣaṇmāsaṃ juhvato nityaṃ bhūyāt prāyo mahendirā

12.55

sūktairetairjapatu juhuyādarccayītāvagāhetsiñcedbhakto dinamanu tathā saṃyatastarpayota
saṃśuddhātmā vividhadhanadhānyākulābhyantaro'sau
mantrī sarvairbhuvi bahumataḥ śrīmatāṃ syāt purogaḥ

12.56

śrīrlakṣmīrvaradā viṣṇupatnī ca suvasupradā
hiraṇyarūpī suvarṇamālinī rajatasrajā

12.57

sasuvarṇagṛhā svarṇaprākārā padmavāsinī
padmahastā padmapūrvāpriyā muktāpadādikā

12.58

alaṅkārā tathā sūryā candrā vilvapriyeśvarī
bhuktiḥ prapūrvā muktiśca vibhūtyṛddhisamṛddhayaḥ

12.59

tuṣṭiḥ puṣṭiś‍ca dhanadā tathānyā tu dhaneśvarī (1)
śuddhā sambhoginī bhogadā saṃdhātṛvidhātṛke

12.60

dvātriṃśadetāḥ śrīdevyā ye mantrāḥ samudīritāḥ
tārādikā namo'ntāś‍ca tairarcāsu baliṃ haret
tarpayecca mahādevīṃ dinādau (2) mantravittamaḥ

12.61

nābhyakto'dyānna nagnaḥ salilamavatarenna svapennā'śuciḥ sannābhyaṅgānnaiva cādyāttilaruhalavaṇe kevalainaiva doṣām
vaktre limpeddevānnṛtamapi malinaḥ syānna vittvāmbujanmadroṇānnro dhārayet ke bhuvamapi na vṛthaivālikhedindirārthī

12.62

suvimalacaritaḥ syācchuddhamālyānulepābharaṇavasanadeho mukhyagandhottamārṅgaḥ
suviśadanakhadantaḥ śuddhadhīrviṣṇubhakto
vimalaruciraśayyaḥ syāccirāyendirārthī

12.63

duṣṭāṃ kaṣṭānvavāyāṃ kalahakaluṣitāṃ mārgaduṣṭāmaniṣṭāmanyāsaktāmasaktāmativipulakṛśāṅgīmatihrasvadīrghām
rogārttābhogalolāṃ pratipuruṣacalāṃ rājakāntāmakāntāṃ
kākākṣīmekacārāṃ gṛhakusumayutāṃ na spṛśedandirārthī

12.64

śāntaḥ śaśvatsmitamadhurapūrvvābhibhāṣī dayārdro
devācāryātithidahanapūjārataḥ puṇyaśīlaḥ
nityasnāyī niyamanirataḥ pratyagāśāmukhāśī
mantro varṇāśramadṛr̤haratiḥ syāccirāyendirārthī

12.65

śrīmantrabhaktaḥ śritaviṣṇudīkṣaḥ śrīsūktajāpī sitadhoḥ suśīlaḥ
svadāratuṣṭo mitabhāṣaṇārthī lokapriyaḥ syācciramindirārthī

12.65.p1

iti śrīprapañcasāre dvādaśaḥ paṭalaḥ

Linked texts (4)