Pramāṇa · Search · About · API

Prapanca 17

Prapañca 17

Language
Sanskrit

Contents

17.1

oṃ || iti śrīprapañcasāre pañcadaśaḥ paṭalaḥ || oṃ
ṣoḍaśaḥ paṭalaḥ
atha candramanuṃ vakṣye sajapārccāhutādikam
hitāya mantriṇāṃ sāryyavidhānañca samāsataḥ

17.2

bhṛguḥ satyaḥ sārddhendurvvinduhīnaḥ punaśca saḥ
viṣānantau māntanatī mantro'yaṃ somadaivataḥ

17.3

(1)
dīrghabhājā svabījena kuryyādaṅgāni vai kramāt
vicintayet punarmantrī yathāvaccandradevatām

17.4

vimalakamalasaṃsthaḥ suprasannānanendurvvaradakumudahastaścāruhārādibhūṣaḥ
sphaṭikarajatavarṇo vāñchitaprāptaye vo
bhavatu bhavadabhīṣṭadyotitāṅgaḥ (2) śaśāṅkaḥ

17.5

dīkṣitaḥ prajapenmantrī rasalakṣaṃ manuṃ vaśī
pañcamī daśamī pañcadaśīṣu tu viśeṣataḥ

17.6

ayutaṃ prajapenmantrī sāyāṅge'bhyarcya madhvipam
payo'nnena hunedbhūyaḥ saghṛtena sahasrakam

17.7

sasarpiṣā pāyasena ṣaṭsahasraṃ hunet punaḥ
pīṭhaklṛptau tu somāntaṃ paripūjyārcayedvidhum

17.8

rākā kumudvatī nandā sudhā sañjīvanī kṣmā
āpyāyanī candrikā cāhlādinī nava śaktayaḥ

17.6-2

kesareṣvaṅgapūjā syācchaktīstadvahirarcayet
rohiṇīṃ kṛttikāñcātha revatīṃ bharaṇīṃ tathā

17.10

rāvimārdrādvayāṃ jyotsnāṃ kalāñca kramato'rcayet
dalāgreṣu grahānaṣṭau diśānāthānanantaram

17.11

susitairgandhakusumaiḥ pātre rūpyamayaistathā
śaktayaḥ phullakundābhāstārahāravibhūṣaṇāḥ

17.12

sitamālyāmbarālepā racitāñjalayo matāḥ
iti siddhamanuṃ (1) mantrī śaśinaṃ mūrdhni cintayan

17.13

trisahasraṃ japedrātrau māsānmṛtyuñjayo bhavet
hṛdayāmbhojasaṃsthaṃ taṃ bhāvayan prajapenmanum

17.14

rājyaiśvaryyaṃ vatsareṇa prāpnuyādapyakiñcanaḥ
āhārācāraniyato japellakṣacatuṣṭayam

17.15

asaṃśayataraṃ tena nidhānādi ca labhyate
ghorajvaragarāḥ śīrṣarogāḥ kṣatyāśca kāmalāḥ

17.16

tanmantrāyutajāpena naśyanti sakalāpadaḥ
nityaśaḥ prajapenmantraṃ pūrṇāṃsu vijitendriyaḥ

17.17

japenmanuṃ yathāśakti lakṣmosaubhāgyasiddhaye
tritayaṃ maṇḍalānāntu kṛtvā pāścātyapaurvvikam

17.18

āsīnaḥ paścime madhyasaṃsthe dravyāṇi vinyaset
pūrvvasmin paṅkajopeti pūrvvavat somamarcayet

17.16-2

rākāyāmudaye rājño nijakāryyaṃ vicintayet
saṃsthāpya rājataṃ tatra caṣakaṃ paripūrayet

17.20

gavyena śuddhapayasā spṛṣṭapātro japenmanum
aṣṭottaraśatāvṛttyā dadyādarghyamathendave

17.21

vidyāmantreṇa mantrajño yathāvattadgatātmanā
vidye vidyāpade proktā mālinīti ca cantriṇi

17.22

candramukhyagnijāyāñca nigadet praṇavādikam
pratimāsañca ṣaṇmāsāt siddhimeṣyati kāṅkṣitām

17.23

iṣṭāya dīyate kanyā kanyāṃ vindennijepsitām
amitāṃ śriyamāpnoti kāntiṃ putrān yaśaḥ paśūn
somārghyadātā labhate dīrghamāyuśca vindati

17.24

iti somamantravidhiḥ praṇigaditaḥ saṃgraheṇa mantravidām
upakṛtaye'mitalakṣmyai medhāyai pretya ceha sampattyai

17.25

athāgnimantrānakhilāthaṃsiddhipradān pravakṣye jagato hitāya
sarvārthadikṛnmaunapi sāṅgabhedān sārttāviśeṣān sajapādikāṃśca

17.26

viyato daśamo'rdhisargayukto bhavasargau bhṛgulāntaṣoḍaśācaḥ
hutabhugdayitā dhruvādiko'yaṃ manuruktaḥ susamṛddhidaḥ kṛśānoḥ

17.27

bhṛgurapi tadṛṣiśchando gāyatrī devatāgniruddiṣṭaḥ
prākproktānyaṅgāni diśaḥ sasṛktaiśca mantravākyairvā

17.28

śaktisvastikapāśān sāṅkuśavaradābhayān dadhattrisukhaḥ
mukuṭādivividhabhūṣo'vatācciraṃ pāvakaḥ prasanno vaḥ

17.26-2

japedimaṃ manumulakṣamādarāddaśāṃśataḥ pratijuhuyāt payondhasā
sasarpiṣāpyasitataraiśca ṣāṣṭikaiḥ samarcayedatha vidhivadvibhāvasum

17.30

pītā śvetā'ruṇā kṛṣṇā dhūmnā tīvrā sphuliṅginī
rucirā jvālinī ceti kṛśānornava śaktayaḥ

17.31

pīṭhe tanūnapātaḥ prāgaṅgairaṣṭamūrttibhistadanu
bhūyaśca śatamakhādyairvighninātha hiraṇyaraitasaṃ prayajet

17.32

ācyairaṣṭorddhaśataṃ pratipadmārabhya mantraviddinaśaḥ
caturo māsān juhuyāt lakṣmīratyāyatā bhavettasya

17.33

śuddhābhiḥ śālībhirdinamanujuhuyādyathābdamātreṇa
śālī śāligṛhaṃ syādgomahiṣyādyaiśca saṃkulaṃ tasya

17.34

śuddhānnarghṛtasiktaiḥ pratidinamagnau samedhite juhuyāt
annasamṛddhirmahatī syādasya niketane'bdamātreṇa

17.35

juhuyāttilaiḥ suśuddhaiḥ ṣaṇmāsājjāyate mahālakṣmīḥ
kumudaiḥ sakalhārairapi jātīkusumaiśca jāyate siddhiḥ

17.36

pālāśaiḥ punaridhmakaiḥ sarasijairvailvaiśca raktotpalairdugdhairvīrūhasambhavaiḥ khadirajairvyāghātavakṣodbhavaiḥ
dūrvāsthyaiśca śamīvikaṅkatabhavairaṣṭorddhayuktaṃ śataṃ
nityaṃ vā juhuyāt pratipratipadaṃ mantrī mahāsiddhaye

17.37

tāravyāhṛtayaścāgne jātaveda ihāvaha
sarvvakarmāṇi cetyuktvā sādhayā'gnivadhūrmanuḥ

17.38

ṛṣyādyāḥ pūrvvoktā mantreṇāṅgāni varṇabhinnena
bhūtarttukaraṇasendriyaguṇayugmairmantravarṇakaistadapi

17.39

athavā śaktisvastikadarbhākṣasraksruvasrugabhayavarān
dadhadamitākalpo vo vasuravatāt kanakamālikālasitaḥ

17.40

vatsarādyeśaturhyaṃśāṃ dinādāveva dīkṣitaḥ
mantraṃ dvādaśasāhasraṃ japet samyagupoṣitaḥ

17.41

arcayedaṅgamūrttīśca lokeśakuliśādibhiḥ
samidājyamamāyāṃ hi pariśodhya yathāvidhi

17.42

brāhmaṇān bhojayitvātha svayaṃ bhuktvā samāhitaḥ
pare'hni pratipadyeterjuhuyādarcite'nale

17.43

mantrī vaṭasamidbhistitilarājīvahavirdhṛtaiḥ
aṣṭottaraśatāvṛttyā hunedekaikaśaḥ kramāt

17.44

daśāhamevaṃ hutvā tu punarekādaśotithau
śaktyā pratarcya viprāṃśca pradadyādgurudakṣiṇām

17.45

suvarṇavāsodhāmyāni śoṇāṃ gāñca satarṇikām
punaraṣṭottaraṃ mantrī sahasraṃ dinaśo japet

17.46

vidhineti vidhāturagnipūjāmacireṇaiva bhavenmahāsamṛddhiḥ
dhanadhānyasuvarṇaratnapūrṇā dharaṇī govṛṣaputramitrakīrṇā

17.47

prajapedathavā sahasrasaṃkhyaṃ dinaśo vatsarato bhavenmahāśrīḥ
juhuyāt prativāsaraṃ śatākhyaṃ haviṣābdena bhavenmahāsamṛddhiḥ

17.48

pālāśaiḥ kusumairhuneddadhighṛtakṣaudrāplutermaṇḍalaṃ
nityaṃ sāṣṭaśataistathaiva karavīrotthaiḥ samṛddhairhunet
ṣaṇmāsaṃ kapilāghṛtena dinaśo'pyaṣṭau sahasrantathā
hotavyaṃ labhate sa rājyasadṛśīṃ lakṣmīṃ yaśo vā mahat

17.49

utpūrvvāttiṣṭhaśabdāt puruṣaharipade piṅgalānte nigadya
proktātho lohitākhyaṃ punarapi ca vadet dehi medāt krameṇa
bhūyo brūyāttathā dāpaya śaśiyugalāṃśāṃścaturviṃśadvarṇaḥ
prokto mantro'khileṣṭapradaraṇasurasadmāṅghripaḥ syāt kṛśānoḥ

17.50

ṛṣyādyāḥ syuḥ pūrvvavaddatabhūtadiśāgnikaraṇayugalākhyaiḥ
mūlamanunā'tha kuryyādaṅgāni kramaśa eva mantritamaḥ

17.51

hemāmbhatyasuradrumodarabhuvo niryāntamambākṛtiṃ
varṣantaṃ dhanadhānyaratnanicayān randhraiḥ svakaiḥ santatam
jvālāpallavitakharomavivaraṃ bhaktārttisambhedanāṃ
vande dharmmasukhārthamokṣaphaladaṃ divyākṛtiṃ pāvakam

17.52

japyācca lakṣamānaṃ mantrī saṃdīkṣito'tha manumenam
juhuyācca tadavasāne ghṛtasiktaiḥ pāyasairdaśāṃśena

17.53

aṅgairrhatavahamūrttibhirāśaiśaiḥ saṃyajettadastvaiśca
pāvakamiti mantritamo gandhādyairanudinaṃ tadupahāraiḥ

17.54

dināvatāre manumenamanvahaṃ japet sahasraṃ niyamena mantravit
adhṛṣyatāyai yaśase śriye rujāṃ vimuktaye yuktamatistathāyuṣe

17.55

śālītaṇḍulakaiḥ sitaiśca payasā hutvā haviḥ pāvakaṃ
gandhādyaiḥ paripūjya tena haviṣā saṃvarcca piṇḍaṃ mahat
ājyāloḍitamekameva juhuyājjaptvā manuṃ mantravit
sāṣṭorddhaṃ pratipadyatho śatamataḥ syādindirā vatsarāt

17.56

aṣṭottaraṃ śatamatho mṛgamudrayaiva mantrī pratipratipadaṃ juhuyātpayo'nnaiḥ
sājyairbhavenna khalu tatra vicāraṇīyaṃ saṃvatsarāt sa ca niketanamindirāyāḥ

17.57

aṣṭorddhaṃ śataṃ haviṣā mantreṇānena nityaśo juhuyāt
ṣaṇmāsādāḍhyatamo bhavati naro nātra sandehaḥ

17.58

śālībhiḥ śuddhābhiḥ pratidinamaṣṭottaraṃ śataṃ juhuyāt
dhanadhānyasamṛddhaḥ syānmantrī saṃvatsarārddhamātreṇa

17.59

ājyairayutaṃ juhuyāt pratimāsaṃ pratipadaṃ samārabhya
atimahatī lakṣmīḥ syāttasya tu ṣaṇmāsato na sandehaḥ

17.60

aruṇaiḥ punarutpalaiḥ śataṃ yo madhurāktaiḥ prajuhoti vatsarāīm
manunāpyamunā śatādhikaṃ (1) sa pralabhetabhraṅgu mahattarāñca lakṣmīm

17.61

jātīpalāśakaravīrajavākhyavilvavyāghātakesarakuraṇṭabhavaiḥ prasūnaiḥ
ekaikaśaḥ śatamatho madhuratrayāktairjuhvan pratipratipadaṃ śriyameti varṣāt

17.62

khaṇḍaiśca saptadinamapyamṛtālatotyairmantrī hutehuṇasahasramatho payo'ktaiḥ
samyak samarcca dahanaṃ tvacireṇa jantuścāturthikādiviṣamajvarato viyuñjyāt

17.63

kṣīradrumatvagabhiṣakvajalairyathāvatsaṃ pūryya kumbhamabhipūjya kṛśānumatra
japtvā manuṃ punaramuṃ trisahasramātraṃ sekakriyā jvaraharī grahavaikṛtaghnī

17.64

payasi hṛdayadaghne bhānumālokya tiṣṭhan
prajapatu ca sahasraṃ nityaśo mantramenam
sa duritamapamṛtyuṃ rogajātañca hitvrā
vrajati niyatasaukhyaṃ vatsarāddīrghamāyuḥ

17.65

manunā'munā'ṣṭaśatajaptamatha prapibejjalaṃ jvalanadīpanakṛt
gurubhuktamapyudaragaṃ tvamunā parijāpitaṃ pacati kukṣyanalaḥ

17.66

hunedaruṇapaṅkajaistrimadhurāplutairnityaśaḥ
sahasramṛtumāsataḥ pṛthutarā ramā jāyate
pratipratipadaṃ hunediti budho'thavā saṃvatsaraṃ
vinaṣṭavasurapyasau bhavati cendirāmandiram

17.66.p1

iti śrīprapañcasāre ṣoḍaśaḥ paṭalaḥ saptadaśaḥ paṭalaḥ

Linked texts (8)